Morgunblaðið - 17.12.1983, Page 45

MORGUNBLAÐIÐ, LAUGARDAGUR 17. DESEMBER 1983
93
w 1
VELVAKANDI
SVARAR í SÍMA
10100 KL. 11—12
FRÁ MÁNUDEGI

S »‘ I * 15 >
i f 1 i H
8
Sally Field og William Hunt í hlutverkum sínum í „Alla leið heim“. „Orð var
á haft, hve góð tilbreyting það hefði verið að horfa í bandaríska leikritið
„Alla leið heim“ eftir Faulkner, en það var tekið upp beint af sviði til
sjónvarpsflutnings."
Sjónvarpið:
Væri ekki nær
aö vanda meira
til kvikmynd-
anna en eyða í
áramótaskaup?
Sighvatur Finnsson skrifar:
„Velvakandi.
Væri ekki hægt að fækka þess-
um tónlistarþáttum í sjónvarpinu.
Það er alveg nóg að hafa þá í út-
varpinu,. á tveimur rásum. Sjón-
varp er fyrst og fremst miðill fyrir
augað, til að sýna eitthvað.
Og svo eru það kvikmyndirnar.
Valið á þeim er ekki að mínu
skapi. Hver ræður þar ferðinni?
Væri ekki nær að vanda meira til
þeirra heldur en að eyða hundruð-
um þúsunda króna í áramóta-
skaup, sem aðeins er sýnt einu
sinni eða í mesta lagi tvisvar, og
er þar að auki oft misheppnað?"
Vinsældir hins engilsaxn-
eska sjónvarpsefnis ekki ein
skorðaðar við einstaka þætti
Lesandi skrifar:
„Velvakandi.
Það fer varla á milli mála hvers
konar sjónvarpsefni fellur okkur Is-
lendingum best í geð. Það má t.d. taka
mið af aðsókn fólks á myndbandaleig-
ur hér á höfuðborgarsvæðinu. — Þeg-
ar dagskrá sjónvarpsins er með
bandarískt efni að meirihluta er sýni-
lega minni aðsókn i myndbönd en
þegar efni sjónvarpsins eða uppistaða
þess er annars staðar frá.
Upp á síðkastið hefur brugðið fyrir
meiru af bandarísku sjónvarpsefni í
dagskrá íslenska sjónvarpsins en áð-
ur var, enda var dagskráin orðin væg-
ast sagt lítils virði og hafði ekki mikið
aðdráttarafl. Það er aftur vatn á
myllu myndbandaleiganna.
í síðustu viku mátti merkja við-
brögð fólks, sem maður hitti á förn-
um vegi og þar sem efni sjónvarps ber
á góma. Orð var á haft hve góð til-
breyting það hefði verið að horfa á
bandaríska leikritið „Alla leið heim“
eftir Faulkner, en það var tekið upp
beint af sviði til sjónvarpsflutnings.
Þetta var gott og hugljúft efni, sem
féll vel að smekk hins almenna sjón-
varpsáhorfanda, eins og flest hinna
bandarísku leikrita.
Eins var kvikmyndin sl. laugar-
dagskvöld, High Society, einkar vel
fallin til sýningar í sjónvarpi. Margir
af yngri kynslóðinni höfðu orð á því,
að í þættinum Skonrokki hefðu tvö
lög borið af, nefnilega lagið með Billy
Joel og lagið með Dolly Parton og
Kenny Rogers, bæði bandarísk upp-
færsla.
En þetta leiðir hugann að því,
hverju það sæti, að við íslendingar
löðumst svo mjög að hinu bandaríska
efni, bæði I sjónvarpi og í kvikmynda-
húsum. Að því er sjónvarp varðar má
auðvitað ekki gleyma því, að breskar
myndir og þættir, einkum framhalds-
þættir, þar sem fjölskyldumál eru að-
aluppistaðan, en líka þættir byggðir á
sögulegum heimildum úr heimsstyrj-
öldinni síðari, falla vel að smekk Is-
lendinga.
Vinsældir hins engilsaxneska sjón-
varps/kvikmyndaefnis eru áreiðan-
lega ekki einskorðaðar við einhverja
ákveðna þætti, svo sem Dallas, Húsið
á sléttunni, Hulduherinn og Já, ráð-
herra, þótt allt séu þetta sjónvarps-
þættir, sem auðvitað eru slíkt af-
bragðs sjónvarpsefni, að vart verður
öðru til jafnað, hvað varðar vinsældir
hinna almennu sjónvarpsnotenda.
Það er hins vegar blærinn á efninu
sjálfu, umhverfið, sem þættirnir eru
gerðir í og meðferð efnis, svo og leik-
ararnir sjálfir, sem gera það að verk-
um, að allt efni og meðferð stendur
okkur íslendingum einhvern veginn
nær hjarta og hugmyndaflugi en það
sjónvarps- og kvikmyndaefni, sem
kemur annars staðar frá. Það er eins
og önnur Evrópulönd en Bretland t.d.
hafi ekki þau tök á efnismeðferð, að
við íslendingar kappkostum að sækja
kvikmyndir þessara þjóða.
Ef svo væri, hlytu kvikmyndahúsin
t.d. að leggja áherslu á að bjóða fleiri
slíkar myndir. Og það kemur áreið-
anlega fleira til. Samskipti okkar við
hinn enskumælandi heim eru mikil.
Bretland er okkar næsta nágranna-
land í austri og þaðan nást útvarps-
sendingar mjög vel hingað til lands.
Margir nota bresku útvarpsstöðina
BBC og BBC 2 sem aðalútvarpsstöð á
eftir útsendingu hins íslenska út-
varps. I báðum þessum stöðvum er
frábært útvarpsefni, sem er vel þess
virði að hlusta á.
Ennfremur er þess að minnast að
samskipti okkar við Breta og Banda-
ríkjamenn i heimsstyrjöldinni síðari
eru síður en svo gleymd og öll voru
þau samskipti góð og skutu rótum
undir velmegun okkar á síðari ára-
tugum. Það er ekki þessum þjóðum að
kenna, hvernig við spilum úr þeim
gróða og ávinningi, sem okkur hlotn-
aðist fyrir tilstilli þeirra.
Staðreyndin er allt að einu sú, að
Islendingum standa mjög nálægt þau
menningaráhrif, sem hinn enski
heimur veitir, og það kemur greini-
lega fram í óskum landsmanna og
viðtökum á skemmti- og afþreyingar-
efni, sem kemst svo auðveldlega til
skila gegnum sjónvarp.
Ef fram færi skoðanakönnun á því,
hvaða erlent sjónvarpsefni það væri
sem landsmenn hefðu mestar mætur
á, væri varla vafi hver niðurstaðan
yrði. Hið bandaríska efni yrði án efa
efst á lista.
Það sem bænd-
um lá mest á?
H + A hringdi og höfðu eftirfar-
andi að segja: — Enn einu sinni
fara bændur fram á og fá skuld-
breytingu lána sinna og eru eina
stétt þjóðarinnar sem fær slíka
fyrirgreiðslu með vissu millibili.
Sennilega skulda þeir aðallega
kaupfélögunum og Sambandinu.
Nú eru uppi vangaveltur um það,
hvort þessi skuldbreyting geti ver-
ið ein af orsökum þess mikla auðs,
sem SÍS virðist hafa rakað saman,
sbr. ef satt er að fyrirtækið hafi
lagt fram 2—300 milljónir í stór-
markaðinn Miklagarð. En spurn-
ingin er: Var þessi stórmarkaður,
sem opnaður var með miklum
fjáraustri, það sem bændum lá
mest á?
Kostar ekkert að
láta símann
hringja
Ólafur Þorsteinsson hringdi og
hafði eftirfarandi að segja: —i
Viltu koma því á framfæri, að það
kosti ekki neitt að lofa símanum
að hringja fjórum til fimm sinn-
um, áður en lagt er á. Það eru
fleiri en ég sem kvarta undan því,
að þeir nái vart að komast til að
ansa, fyrr en lagt hefur verið á.
Það er eins og fólk haldi að það sé
að spara með því að láta ekki
hringja oftar. Þetta er misskiln-
ingur. Það kostar ekki neitt.
J01ASVEINARNIR
frá ísf ugl
Þetta er engin smá poki sem Stúfur dragnast meö.
Hann er líka fullur af jólamat -
Rúllettum og kjúklingum, ert þú búinn aö kaupa
jólamatinn?
ísfugl
Fuglasláturhúsið að Varmá
Reykiavegi 36 Mostellssveit
Simar: 91-66103 og 66766
SfiC
Jbeá€0'
Bjódum eftirprentanir í miklu úrvali og í
sérstökum gæðaflokki eftir verkum VAN
GOGH, SALVADOR DALI, CEZANNE,
MUNCH, MONET, REMBRANDT,
RENOIR, O.M.FL. Myndirnar eru fagrar
og verðugar gjafir á sanngjörnu verði.
Verið velkomin í verslun okkar og sýningar-
sal að LAUGAVEGI 53.

Laugavegi 53, sími 19080