Morgunblaðið - 26.01.1969, Blaðsíða 15
MORGUNBLAÐIÐ, SUNNUDAGUR 26. JANÚAR 1969.
15
Sexfugur á morgun:
Haraldur Bjarnason
Á suðurströnd fslands, þar
sem brimið svarrar og tröllaukn
ar úthafsöldur Atlantshafsins
teygja hvítfextan fald sinn á
hrollköldum haustdögum, standa
sjávarþorpin Eyrarbakki og
Stokkseyri eins og líti'l og hljóð
systkin hlið við hlið og voru
enda langt fram á síðustu öíd
eitt sveitarfélag.
Guðni Jónsson prófessor hef-
ur skráð sögu byggðanna á
ströndinni á skilmerkilegan hátt,
svo að í þeim efnum hefur ekki
öðrum byggðarlögum í landi
voru verið gerð betri skil. Guðni
dregur í frásögnum sínum upp
skýrar myndir af lífsháttum,
dugnaði, þrautseigju og mann-
dómi þess fólks, er þarna átti
aðsetur um ár og aldir.
Oft hefur þar, sem víða ann-
arsstaðar í landi voru baráttan
fyrir lífinu verið hörð og óvæg-
in, erfiðleikarnir margvísleg-
ir og káldsöm aðbúðin í litlum
og þröngum híbýlum við lífs-
kjör fátæktarinnar, sem tækni-
vöntun á öllum sviðum skóp
fólkinu á þeim tímum, ungum
jafnt sem öldnum.
Frá hafnilausri strönd þessara
þorpa voru allt fram á fyrsta
áratug þessarar aldar gerðir út
tugir opinna báta, er í gegnum
þröng brimasundin sóttu lífs-
björg fólksins. Var þar oft teflt
á tæpasta vaðið, sótt af harð-
fylgi og kappi, því í þá daga
gilti í bókstaflegri merkingu orð
takið: ,,að duga eða drepast“.
Það lætur að líkum að við
álíkar aðstæður hlaut að alast
upp kjarnmikið fólk, þar hent-
aði ekki annað en að sýna karl-
mennsku og þor, bjóða erfið-
leikunum byrginn, hætta miklu,
vinna eða tapa í áhættusöm tafli
við mislyndan Æigj.
Einn þeirra manna, er þarna
á ströndinni við úthafið brima-
sama átti sín bernsku og ung-
lingsár er Haraldur Bjarnason,
byggingarmeistari í Reykjavík,
nú til heimilis að Reynimel 28.
Hann er fæddur á Stokkseyri,
27. janúar 1909 og fyllir því á
morgun sjötta áratug ævi sinnar.
Haraldur er sonur hjónanna
Bjarna Grímssonar og Jóhönnu
Hróbjartsdóttur, er lengi bjuggu
á Stokkseyri. Bjarni var um ára-
bil formaður opinna báta sam-
hliða verzlunarstörfum og
gegndi auk þess margháttuðum
verkefnum í þágu sveitarfélags-
ins. Jóhanna var stofnandi Kvén
félags Stokkseyrar árið 1904 og
fyrsti gjaldkeri þess og um langt
árabil virkur starfskraftur fé-
lagsins. Við hlið eiginmanns síns
skóp hún eitt af mestu myndar
heimilum á Stokkseyri í þá tíð,
í senn stjórnsöm og virðu-
leg húsmóðir og sterkur félags-
legur aflgjafi í málum starfs-
systra sinna. Jóhanna er enn á
lífi og ber aldurinn vel þrátt
fyrir annasaman starfsdag.
Á heimili foreldra sinna ólst
Haráldur upp, barn byrjunar-
skeiðs breytinga og byltinga í
þjóðfélagi okkar. Þegar framfar
ir og tækni var að hefja inn-
reið sína í atvinnulíf þjóðar-
innar. Hann kynntist á barns-
aldri þeim aldarlífsháttum, sem
þjóðin var að kveðja og fékk í
veganesti út á lífsbrautina hug-
sjónaljóma þann, sem æskuna á
fyrsta og öðrum áratug þessarar
aldar einkenndi svo mjög. Vor-
hug og mannræktarhugsjón ung-
mennafélaganna í íþrótta og fé-
lagsmálum og í blóðinu kynbor-
inn arfur til stórræða og fang-
bragða við rismikil verkefni
vaknandi voraldar í íslenzku at
hafnalífi.
Haraldur fluttist með foreldr-
um sínum og systkinum til
Reykjavíkur árið 1926. Þar var
athafnaþrá hans og starfsorku
skapað vaxtarrými til vaxandi
gengis. Hann nam múraraiðn og
var fljótt eftirsóttur vegna
dugnaðar og trúmennsku í
hverju starfi.
Brátt gerðist Haraldur at-
hafnamikill byggingameistari á
tímum mikilla framfara og vaxt-
ar í byggingarmálum lands-
manna. Og hefur þar verið aðal-
starfssvið hans um áratugi.
En þó Haraldur Bjarnason
hafi þannig verið traustur at-
hafnamaður, umsvifamikill dugn
aðarforkur á umbrotasömu bylt
ingaskeiði örra þjóðfélagsbreyt-
inga, er mest um vert manninn
sjálfan, hjartalag hans og dreng
skap.
Eg tel á engan hinna gömlu
góðu Stokkseyringa hallað, sem
í burtu hafa farið frá Stokks-
eyri á ýmsum tímum og setzt
hafa að í ýmsum landshlutum,
þó ég fullyrði að Haraldur er í
fremstu röð um drengskap og
Peningar — víxlar — íbúðarkaup
Viljum kaupa talsverða fjárhæð í gúðum vöruvíxlum
strax. Einmig aills konar verðtryggða víxila og verðferéf.
Einnig alls konar verðtryggða víxla og verðbréf.
Höfum einnig kaupanda að 2ja—4ra herbengja íbúð gegn
staðgreiðs-lu.
Til'boð með ná'kvæmar upplýsingar S'emdáist í póstlhóiltf 293
merkt: „Strax“.
FJÖLBREYTT NÁMSKEIÐ
• 6 VIKNA NÁMSKEIÐ
• SNYRTINÁMSKEID
• NÁMSKEIÐ FYRIR
SÝNINGARSTÚLKUR
OG FYRIRSÆTUR
MEGRUN
KENNSLA HEFST feb.
hollustu í garð sinna æsku-
stöðva.
Haraldur var í 13 ár formað-
ur Stokkseyringafélagsins í
Reykjavík og er enn einn af lið
tækustu starfskröftum félagsíns.
Stokkseyri hefur Haraldur sýnt
frábæra ræktarsemi, verið sann
kallaður útvörður þorpsins okk-
ar, reiðubúinn að leggja fram
starfskrafta og stuðning málefn
um Stokkseyrar hvenær og hvar,
sem á hefur þurft að ha'lda.
í formannsstarfi sínu í Stokks
eyringafélaginu í Reykjavík
setti Haraldur markið hátt fyrir
félagsins hönd og kom þar fram
sem annarsstaðar stórhugur
han3 og dugnaður. Hann beitti
sér' fyrir því að hinum mæta
Stokkseyringi, Páli ísólfssyni
yrði færður að gjöf í tilefni
sextíu ára afmælis hans, sumar-
bústaður á æskustöðvunum.
Mér er og verður, minnisstæð
stund, er Haraldur Bjarnason á
sólfögrum sumardegi, hinn 20.
júní 1954, afhenti þeim Páli og
frú Sigrúnu sumarbústaðinn með
ræðu af svölum bústaðarins,
ræðu, sem túlkaði á látlausan en
áhrifaríkan hátt hlýhug og varm
ar tilfinningar þeirra, seni æsku-
stöðvunum á Stokkseyri unna.
Ég veit að Haraldi var eink-
ar kært að vinna að þessu verk-
efni og geta með því í senn
sýnt þessum heiðurshjónum verð
uga viðurkenningu al'lra Stokks-
eyringa og um leið með stolti og
þakklæti í huga til allra þeirra,
sem með honum unnu að þessari
framkvæmd, fundið sigurlaunin
í ánægju og gleðiljóma á and-
litum þess fjölda, sem þennan
dag kom saman á sannkölluðum
hátíðisdegi Stokkseyringa.
Þegar á ævina líður og
sól tekur að síga að ægi, verma
sólskinssíundir liðinna ára í hug
skoti minninganna. Haráldur á
margra slíkra stunda að minn-
ast, en hann hefur einnig kynnzt
skuggum erfiðleika og ibiturrar
lífsreynslu. Og Haraldur hefur
jafnt í blíðu og stríðu verið eig-
inleikum karlmennskunnar gædd
ur og átt hugprýði og mann-
kosti drengskaparmannsins í rík
um mæli, sem í hverju tilviki
hafa sagt til sín og manninn
reynt á stærstu stundum lífs hans.
Það er ósk mín til Haraldar
á þessum tímamótum ævi hans,
að árin sem framundan eru megi
verða honum hamingjurík og
færa honum ótaldar gleðistund-
ir í önnum starfs og stórbrot-
inna viðfangsefna.
Enn er hann í óskertu starfs-
fjöri og mun ódeigur horfa fram
á við að hætti forfeðra sinna,
sem á brimsorfinni strönd
Stokkseyrar stóðu forðum daga
reiðubúnir til atlögu við brim-
sundin varasömu.
Björgvin Sigurðsson.
argus auglýsingastofa
Skiðavikan
á Isafirði
Fjölskyldur - einstaklingar!
Notið páskana til að ferðast með
G ULLFOSSI á skiðavikuna.
Allar nanari upplýsingar veitir:
H.F. EIMSKIPAFÉLAG ÍSLANDS
Farþegadeildin. Pósthússtræti 2, sími 21460
og umboðsmenn félagsins.
Farið frá Reykjavík 2. apríl, komið til Reykjavíkur 8. aprfl.
Búið um borð í skipinu allan tímann.
Verð frá kr. 5000.00, fæði og þjónustugjald innifalið.
Kvöldvökur, dans og fleira
til skemmtunar fyrir farþega
um borð í skipinu — sérstakur
hátíðarmatur á borðum.
Skíðakennari með í ferðinni
til leiðbeiningar farþegum.
NJÓTIÐ HVÍLDAR, SKEMMTUNAR
OG HRESSINGAR Á EIGIN
HEIMILI UM PÁSKANA.
Dragið ekki að
panta farmiða.