Þjóðviljinn - 11.06.1983, Blaðsíða 19
Helgin 11. - 12. júní 1983. ÞJÓÐVILJINN - SÍÐA 19
Járniönaðarmenn
vana smíöi úr ryðfríu stáli og áli vantar strax til
smíði fiskvinnsluvéla.
Nýsmíði, bjartur og vistlegur vinnustaður.
Upplýsingar hjá verkstjóra í síma 83503.
TRAUST hí
skák________________________________
Einvígi Kasparovs og Kortsnoj hefst í Texas
í júlímánuði:
Kasparoov alls ekki
öruggur um sigur
Viö keyptum stórt partí
og fengum verðið stórlega
niður,
eða um kr. 4.658.-
Sláðu til og skelltu þér
á settið. Salan er í fullum
gangi og tækin endast ekki
lengi.
Hagstæð kjör. Staðgreiðslu-
afsláttur.
Fréttir frá höfuðstöðvum FIDE
sem nýfluttar eru frá Amsterdam
til Luzern í Sviss herma að einvígi
þeirra Kortsnojs og Kasparovs sem
skákáhugamenn víða um heim bíða
í óþreyju hefjist uppúr miðjum júl-
ímánuði í Texas í Bandaríkjunum.
Þá hefur verið ákveðið að einvígi
Riblis og Smyslovs fari fram í Sam-
einuðu furstadæmunum við Pers-
aflóa. Þeir eru misjafniega hátt
verðlagðir skákmennirnir þessa
dagana. Þannig greiðir bandaríski
mótshaldarinn fjórfalt hærra verð-
launafé heldur en þeir sem standa
fyrir einvígi Smyslovs og Riblis.
Þar eru heildarverðlaunin 25 þús-
und svissneskir frankar en í Texas
eru þau 100 þúsund svissneskir fra-
nkar sem svarar til rúmlega 1.4
miljóna íslenskra reiknað á ferða-
mannagengi.
Gamli og
nýi skólinn
Þetta einvígi er í raun stórvið-
burður í skákinni fyrst og fremst
fyrir þá sök að Kasparov sem verið
hefur nær ósigrandi á skákmótum
undanfarið mætir þeim skákmanni
í hópi áskorendanna sem hvað
hættulegastur er á braut hans til
einvígis við Karpovs heimsmeist-
ara. Þar mætast stálin stinn; Kasp-
arov fulltrúi æskunnar hömluleysis
og sóknarhörkunnar, en Kortsnoj
fulltrúi eldri kynslóðarinnar, hinn
eiturslungni bardagamaður sem
virðist seint ætla að gefa uppá bát-
inn drauminn um að einn góðan
veðurdag beri hann titilinn
heimsmeistari. Að sönnu var Vikt-
or Kortsnoj í mikilli lægð á síðasta
ári einkum þó seinni part árs þegar
allt gekk á afturfótunum. Hinn
glæsilegi sigur hans yfir Ungverjan-
um Lajos Portisch bendir þó ein-
dregið til þess að erfiðleikakaflinn,
sem margir vilja meina að hægt sé
að rekja til komu fjölskyldu hans til
Sviss á síðastliðnu sumri sé að baki.
Kortsnoj fann í þessu einvígi þann
kraft sem einkenndi taflmennsku
hans fyrstu árin eftir „flóttann" yfir
í vestrið fyrir sjö árum. Ekki nóg
með að taflmennskan væri fersk og
skemmtileg, einnig hafði hann
heppnina með sér. Eins og kunn-
ugt er þá hafa Kortsnoj og Kaspar-
ov aðeins einu sinni mæst áður yfir
skákborðinu, í frægri skák á Olym-
píumótinu í Luzern. Ein skák til
eða frá skiptir engu þegar sigurm-
öguleikarnir eru vegnir og metnir.
í því sambandi má minna á að Port-
isch hafði fram að einvíginu við
Kortsnoj ávallt gengið vel í viður-
eignum sínum við Kortsnoj en þeg-
ar í einvígi er komið, þar sem sömu
skákmennirnir sitja yfir hvor öðr-
um dag eftir dag, viku eftir viku
eða jafnvel mánuð eftir mánuð, þá
taka nýjar viðmiðanir við; spurt er
um taugar, líkamlegt atgervi,
EINAR FARESTVEIT & CO. HF.
Bergstaðastræti 10 A - Sími 16995
undirbúning, fræðilegan sem sál-
fræðilegan. Víst er að þegar Kort-
snoj mætir Kasparov í Bandaríkj-
unun í næsta mánuði á hann að hafa
alla möguleika til að notfæra sér þá
feikilegu reynslu, samfara keppnis-
hörku og einbeitni, sem hann hefur
viðað að sér á áratuga löngum kep-
pnisferli. Því mun þetta 12 skáka
einvígi verða æsispennandi og
langtífrá víst, eins og nær allir virð-
ast halda, að Kasparov vinni sigur.
Hitt er víst að þeir eru til muna
fleiri sem óska Kasparov sigri af
þeirri einföldu ástæðu að fjögur
einvígi Kortsnoj og Karpovs í röð
þykir einum of mikið af því góða.
Kasparov tók þá skynsamlegu
ákvörðun að tefla ekki á Sovét-
meistaramótinu sem fram fór í
Moskvu í apríl síðastliðnum. Þess í
stað kaus hann að leggjast undir
feld og búa sig undir einvígið við
Kortsnoj. Til fylgilags hefur Kasp-
arov tvo lítt þekkta sovéska skák-
menn Nikitin og Sakharov. Sak-
harov er hinn fasti þjálfari hans,
Nikitin aðstoðar hann jafnan þegar
stutt er í mikilvæga keppni. '
Gífurleg orkuútlát
Það er hald margra að ef
eitthvað muni hindra Kasparov í að
hrifsa skákkrúnuna af höfði Karp-
ovs, þá verði það fyrst og fremst
skortur á andlegu jafnvægi. Karp-
ov hefur tamið sér jöfn orkuútlát
þegar hann situr að tafli, yfir öllum
aðgerðum hans hvílir staðfesta og
ró hugans. Hann er hreinn meistari
í því að láta tímann vinna með sér,
situr lengi á litlum stöðuyfir-
burðum, kann manna best þá list
að gera sér mat úr litlu. Kasparov
er hrein andstæða hans. Allt að því
fólskulegum og „vitfirrtum“ árá-
sum hans á skákborðinu fylgir
ómæld áhætta og áhættunni fylgir
gífurleg taugaspenna. Því er það
svo að þegar Kasparov teflir þá
bókstaflega skelfur salurinn. Hann
á það til að æða um skáksalinn eins
og mannýgt naut í flagi, en þegar
andstæðingurinn hefur leikið þá
sest hann snarlega niður og hugar-
orka hans fær útrás. Þessi hegðan
hefur lítt uppörvandi áhrif á
skeflda andstæðingana sem oft
missa áttanna og leika af sér. í ein-
vígjunum eru hringferðir þær sem
Kasparov hefur tamið sér, harð-
lega bannaðar. Bobby Fischer kom
þeirri skipan mála á, en í
heimsmeistaraeinvígjum fyrri ára,
s.s. eins og einvígi Tals og Botvinn-
ik í Moskvu 1960, voru „gönguf-
erðir“ ótakmarkaðar og gátu, þá
sem nú, sett menn úr jafnvægi.
Ætla má að einvígið í Texas
verði skáklistinni mikil lyftistöng í
Bandaríkjunum. Þátttaka Korts-
nojs hlýtur að teljast viðburður
hinni bandarísku pressu fyrir þá
sök að þar fer einn frægasti sovéski
útlaginn, og mótstöðumaðurinn
ætti einnig að veka athygli fyrir
æsku sakir, frábærrar frammistöðu
á undanförnum árum. Þemað út-
laginn gegn fulltrúa sovéska
heimsveldisins hlýtur að geta af sér
góðar sögur. Texas-búar státa ekki
af skákhefð né heldur sterkum
skákmönnum. Þeir eignuðust þó
stórmeistara eigi alls fyrir löngu;
skákmaður að nafni Ron Henley
vann sterkt mót í Indónesíu öllum á
óvart og tryggði sér með því nafn-
bótina. Ekki þyrfti Kortsnoj að
kvarta yfir mótstaðnum, Bandarík-
in geta vart talist heppilegur vett-
vangur fyrir Kasparov í svo mikil-
vægri keppni. Vinsældir hans fyrir
sakir dirfsku og hugmyndaauðgi
þekkja þó fá landamæri og eitthvað
ætti hann að þola hitann betur en
Kortsnoj sem er 33 árum eldri
maður.
Allt settið á kr. 15.714..
Toshiba 3 way hátalarar.
Umsjón
Helgi
Viðureignin sögufræga í Luzern í haust. Reynslan hefur sýnt að úrslit fyrri
viðureigna skipta engu máli þegar út í einvigi er komið.
Verðlaun afhent á Olympíumótinu í Luzern síðastliðið haust. Kasparov
þiggur verðlaunapening sinn úr höndum svissnesku Olympíunefndarinn-
ar. Aðrir á myndinn eru Friðrik Ólafsson sem þarna vann sín síðustu
embættisverk sem forseti FIDE, Karpov heimsmeistari og Krogius
liðsstjóri sovésku sveitarinnar.