Þjóðviljinn - 11.06.1983, Blaðsíða 13
Helgin 11. - 12. júní 1983. ÞJÓÐVILJINN - SÍÐA 13
■
■
|||
< "N
Á sóldekki. Róbert ágústsson, ljósmyndari Tímans leikur listir sínar fyrir blaðamenn og
ferðaskrifstofufólk. Sitjandi f.v. eru Hildur Kjartansdóttir, Ingibjörg Jónsdóttir, Jóhannes
Þorsteinsson, Sigríður Magnúsdóttir, Helga Þorsteinsdóttir, Jón Baldvin Hannibalsson,-
Margrét Matthíasdóttir, Bryndís Schram, Guðrún Jónsdóttir, Valgerður Einarsdóttir,
Elías Snæland Jónsson og Bjarnleifur Bjarnleifsson. Standandi eru Jón Ásgeir Sigurðsson,
Þórir Haraldsson og Ásbjörn Magnússon.
EDDU
sýndar þar ýmsar kvikmyndir. Svo er hægt
að fara í hárgreiðslu, verslanir, banka og
fríhöfn. í skipinu er líka sérstök kaffitería.
Tónlistarmennirnir Björgvin Halldórs-
son og Magnús Kjartansson voru boðsgest-
ir í þessari fyrstu ferð og skemmtu á kvöldin
og stundum á daginn ásamt pólsku hljóm-
sveitinni. Gestirnir reyndu líka að skemmta
stundum á kvöldin með heimatilbúnum
dagskrám og þá var mikið fjör. Bryndís
Schram stóð t.d. fyrir spurningakeppni þar
sem hjón voru leidd saman hvort í sínu lagi
og gengið úr skugga um hversu sammála
þau yrðu. Þá keppni unnu heiðursgestirnir í
förinni, Vala og Gunnar Thoroddsen.
Sjálfskipuð skemmtinefnd blaðamanna
gekkst líka fyrir tískusýningu með gríni eitt
kvöldið og var það vel þegið af farþegum. í
rauninni ríður töluvert á að fólk leggi sig
sjálft fram um að skemmta sér svolítið því
að svona skip er eins og stórt hótel þar sem
engum er hleypt út og verða því hótelgestir
að vera samvistum hver við annan hvort
sem þeim er það ljúft eða leitt.
Annars er skip þetta svo stórt að þó
eitthvert fyllerí sé um borð geta menn al-
gerlega leitt það hjá sér og ekkert orðið
varir við það frekar en þeir þurfa.
Þetta skip léttir nokkuð átthagafjötrum
af t.o. fátækum námsmönnum eða þeim
sem hafa úr litlu fé að spila en langar samt
til útlenda. Þeir geta keypt sér dekkpláss
fyrir 2-3000 krónur og farið þá með svefn-
poka og nesti með sér. Skipið er ferja og
það þýöir að svefnpokafólk getur lagst fyrir
í svefnpokum sínum hvar sem það finnur
pláss. Það er ekki hægt að banna því. Einnig
eru seld stólpláss og er sérstakur salur aftur
á með flugvélastólum fyrir það. Þar
hreiðruðu sig flestir fyrir sem ekki voru í
klefum. Þó að klefar séu misjafnir og seld
séu dekk- og stólpláss er ekki farrýmisskipt-
ing áskipinu. Allir geta notfært sér þá þjón-
ustu sem fáanleg er um borð. Þó er ókeypis
í sundlaug og sauna fyrir klefafarþega en
dekkfarþegar verða að borga hvorki meira
né minna en 110 krónur til þess að komast
þar inn.
Kjör starfsfólks
Eins og áður sagði var allt þjónustufólkið
mjög lipurt og elskulegt. íslendingarnir í
þessum þjónustustörfum eru flestir
skólanemendur sem hafa ráðið sig með sér-
stökum samningi til alls sumarsins en þegar
í þessari fyrstu ferð voru farnar að renna
tvær grímur á þá marga. Vinrtuálagið er
mjög mikið, 11-16 tíma vinna alla daga vik-
unnar og aðeins tveggj a vikna frí allt sumar-
ið. Aðra hverja viku fær fólk að fara tvo
tíma í land í Reykjavík en aldrei í út-
löndum. Þetta unga fólk fær ekki heldur að
notfæra sér neina þjónustu um borð sem
ætluð er farþegum, ekki einu sinni að setj-
ast í reyksalinn. Pólverjarnir um borð eru
flestir í uppvaski og þrifum en þeir vinna
fjórar vikur í einu og fá svo fjórar vikur frí.
Ekki komst ég að því hver laun þeirra eru
en þau munu lág. Kjaramál þessa fólks hafa
nokkuð verið til umræðu í íslenskum
blöðum að undanförnu og verður ekki fjöl-
yrt frekar um það nú.
Þeir sem nutu þessarar ferðar kannski
hvað best voru litlu krakkarnir. Þetta skip
er hejlt ævintýri fyrir þau og auðséð á þeim
að þau nutu ferðarinnar í ríkum mæli. Á
C-dekki ersérstakur gæsluvöllur fyrir börn-
in með ýmsum leiktækjum.
Að lokum skal þess getið að ég tel ferju-
siglingar frá Reykjavík til útlanda mjög til
bóta og góður valkostur fyrir okkur öll. Ég
vona því að þessi tilraun í sumar megi vel
takast.
- GFr
Pólski skipstjórinn sýnir gervitunglaveðurkort sem berst á fjögurra tíma fresti. Konurnar
eru f.v. Guðrún Jónsdóttir, Bryndís Schram og Hildur Kjartansdóttir.
Heiðursgestir í förinni voru Gunnar og Vala Thoroddsen.
Haraldur Björnsson fyrrverandi skipherra
á íslensku varðskipunum fór í jómfrúarferð
m.s. Eddu í tilefni af áttræðisafmæli sínu.
Hann er bundinn við hjólastól en naut lífsins
í ríkum mæli.
Þjónustufólk í veitingasal. Pólsk og íslensk
samvinna.
Gunnar Atlason barþjónn að störfum.