Morgunblaðið - 05.01.1997, Blaðsíða 4

4 SUNNUDAGUR 5. JANÚAR 1997
MORGUNBLAÐIÐ
Vikan 29/12 - 4/1
Fannst látinn
► RANNSÓKNARNEFND
flugslysa segir í skýrslu um
„alvarlegt flugumferðarat-
vik“ sem varð vegna
tvveggja flugvéla í brott-
og aðflugi um 15 sjómílur
suðaustur af Keflavík 15
september sl., að flugum-
ferðarstjóri í aðflugsstjórn
Keflavíkurflugvallar hafi
gripið of seint til aðgerða
og að talviðskipti við flug-
mann þriðju vélar, erlendr-
ar, sem var suðvestur af
landinu á leið til Kefla-
víkurflugvallar hafi tafið
fyrir.
► 9,9% ÞJÓÐARINNAR
eða um 27 þúsund manns
töldust á liðnu ári undir
þeim fátæktarmörkum sem
Félagsvísindastofnun mið-
ar við í rannsóknum á.Iífs-
kjörum þjóðarinnar. Á
liðnu ári fækkaði í þessum
hópi um um það bil 6 þús-
und manns frá árinu á und-
an.
► BANDARÍSKA tölvufyr-
irtækið Computer Sciences
Corporation (CSC) hefur
sýnt áhuga á að kaupa 51%
hlutafjár í Skýrr hf. sem
ríki og Reykjavíkurborg
áforma að selja á næsta
ári. CSC er eitt af stærstu
fyrirtælyum heims á sviði
upplýsingatækni og veltir
árlega 4,2 milljörðum
Bandaríkjadala.
► FRAMLEIÐSLA Járn-
blendifélagsins á Grundar-
tanga hefur aldrei verið
jafn mikil og á nýliðnu ári
eða rúm 72 þús. tonn.
Framkvæmdastjóri félags-
ins segir hagnaðinn eftir
árið rúmar 600 mil(jónir kr.
með skotsár
FIMMTÍU og fimm ára gamall Hafn-
firðingur, Hlöðver S. Aðalsteinsson,
fannst látinn rétt utan Krýsuvíkurveg-
ar að morgni 29. desember og bar
maðurinn skotsár eftir haglabyssu og
aðra áverka. Einn maður var handtek-
inn og yfírheyrður vegna rannsóknar
málsins en honum var sleppt úr haldi
að kvöldi 30. desember. Að sögn tals-
manna Rannsóknarlögreglu hafa all-
nokkrar vísbendingar borist í tengsl-
um við málið og miðar rannsókn sæmi-
lega.
Stunginn til bana
með hnífi
ÞRJÁTÍU og tveggja ára gamall mað-
ur, Siguijón Júníusson, í Sandgerði,
lést af völdum hnífstungu á nýárs-
nótt. Nítján ára piltur, Sigurgeir
Bergsson, hefur játað að hafa að hafa
orðið manninum að bana með hnífi.
Hefur hann verið úrskurðaður í gæslu-
varðhald til 2. aprfl og gert að sæta
geðrannsókn. Hinn látni var sambýlis-
maður móður piltsins til nokkurra ára
og höfðu báðir haft áfengi um hönd
um kvöldið og nóttina. Tvö önnur
hnífstungumál komu til kasta lögreglu
um áramótin og hlutu tveir menn á
Raufarhöfn og Keflavík alvariega
áverka af þeim sökum.
Samið um vinnutíma-
tilskipun ESB
VINNUVEITENDASAMBAND ís-
lands og fimm landssambönd innan
ASÍ hafa náð samkomulagi um fram-
kvæmd vinnutímatilskipunar Evrópu-
sambandsins. Samningurinn gerir ráð
fyrir þeirri meginreglu að meðalvinnu-
tími á sex mánaða tímabili megi ekki
vera umfram 48 klst. Þá lengist dag-
legur hvfldartími úr 10 í 11 klst.
Serbíustjórn viður-
kennir ósigur
STJÓRNARANDSTAÐAN í Serbíu
hét áframhaldandi mótmælum þrátt
fyrir að stjómvöld viðurkenndu á
föstudag, að stjómarandstöðuflokk-
arnir hefðu sigrað I kosningum til
níu bæjarstjóma í Belgrad. Það kom
fram í bréfí sem serbneski utanríkis-
ráðherrann, Milan Milutinovic, sendi
Öiyggis- og samvinnustofnun Evr-
ópu (ÓSE). Hins vegar treysta serb-
nesk stjórnvöld sér ekki til að segja
til um úrslitin í öðrum borgum að
svo stöddu, þar á meðal næststærstu
borg landsins, Nis. ÖSE hvatti Serb-
íustjóm í gær að fara að fullu að
tilmælum stofnunarinnar um að
virða úrslitin og Bandaríkjastjóm
sendi stjóminni harðorðt bréf þar
sem að henni var lagt að taka lýð-
ræðislegri niðurstöðu þjóðarinnar
ella sæta alvarlegum afleiðingum.
Mestu vetrarhörkur
í Evrópu í 30 ár
ALLT að 200 manns hafa týnt lífi
í Evrópu vegna kuldakastsins
undanfama 12 daga sem er hið
skæðasta í þijá áratugi. Mest hefur
manntjónið orðið í Póllandi og
Rúmeníu þar sem útigangsfólk hefur
víða frosið í hel. Fljót hefur lagt og
er engin skipaumferð á Dóná frá
Þýskalandi um Austurríki til Slóvak-
íu, og skurðir í Frakklandi em marg-
ir ófærir vegna íss. Enn er þó hægt
að sigla upp Rín allt til Basel í Sviss.
Spáð var 15 stiga frosti í Bretlandi
um helgina. Tempsá fraus í fyrsta
sinn frá stríðslokum við Marlow,
vestan við London. Ákaft er nú veðj-
að um það hvort áin muni fijósa í
sjálfri miðborginni.
► JAPANSKIR síjórnar-
erindrekar sögðu f gær, að
líkur á því að gísladeilan í
bústað japanska sendiherr-
ans í Lima í Perú leystist
friðsamlega færu minnk-
andi.
►NÍU manns létust og 44
slösuðust þegar sprengja
sprakk á strætisvagnastöð í
Damaskus í Sýrlandi á
gamlársdag. Skelltu Sýr-
lendingar skuldinni á „út-
sendara ísraelsku leyniþjón-
ustunnar Mossad", en því
vísuðu ísraelar á bug.
►ÖRYGGISMÁLUM er
ábótavant á fjölda flugvalla
víða um heim. Eru 8.000
„munaðarlausir" pinklar
settir um borð í flugvélar á
degi hveijum, samkvæmt
niðurstöðum breskrar at-
hugunar.
►KOFI Annan hóf á
fimmtudag starf sem fram-
kvæmdastjóri Sameinuðu
þjóðanna. Hann sagði að
strax yrði hafinn undirbún-
ingur að breytingum á
starfsemi SÞ.
►92.000 fíkniefnaneytend-
ur og áfengissjúklingar
voru sviptir velferðarbótum
í Bandaríkjunum á nýárs-
dag, á þeirri forsendu að
atvinnuleysi þeirra stafaði
af fíkn í þessa vfmugjafa.
►OLÍUVERÐ hækkaði í
vikunni vegna óvenju mik-
illa kulda í mestum hluta
Evrópu og sums staðar í
Bandarfkjunum.
FRÉTTIR
Morgunblaðið/Golli
HÚS Landssmiðjunnar og Pósts og síma við Sölvhólsgötu gæti orðið framtíðarathvarf Listaháskóla.
Öll starfsemi Listaháskóla
hugsanlega á Sölvhólsgötuna
VERIÐ er að kanna hvort hagkvæmt
er að flytja Myndlista- og handíða-
skóla íslands í húsnæði Landssmiðj-
unnar og Pósts og síma við Sölvhóls-
götu í Reykjavík en skólinn er nú í
húsnæði tilvonandi Listaháskóla á
Laugamesi sem Sláturfélag Suður-
lands reisti yfir starfsemi sína.
Ætlunin er að Listaháskólinn allur
verði til húsa á Sölvhólsgötunni ef
það reynist hagkvæmara að breyta
húsum Landssmiðjunnar og Pósts og
síma fyrir starfsemi hans en núver-
andi húsnæði skólans.
Að sögn Gunnsteins Gíslasonar,
skólastjóra Myndlista- og handíða-
skóla Islands, lítur út fyrir að hús-
næðið á Söivhólsgötunni myndi henta
afar vel undir starfsemi skólans. „Ég
tel að húsin, sem voru teiknuð af
Guðjóni Samúelssyni, myndu nýtast
okkur strax þótt þau þarfnist lagfær-
ingar. Þau eru ekki nema um það
bil helmingurinn af því rými sem
Listaháskólinn allur þyrfti en húsun-
um fylgir lóð sem hægt væri að
byggja á. Þetta húsnæði hefur það
hins vegar ótvírætt fram yfír núver-
andi húsnæði að vera staðsett í mið-
bænum. í nágrannalöndunum hafa
menn verið að gera einmitt þetta,
að endumýja gömul hús í miðbæjum
fyrir listaskóla. Umhverfí listaskóla
skiptir þá miklu máli eins og gefur
að skilja en auk þess geta þeir sett
skemmtilegan svip á nágrenni sitt.“
Reynslan af Laugarnesinu
ekki góð
Gunnsteinn segir að reynslan af
núverandi húsnæði skólans í Laug-
arnesi sé ekki góð. „Kostnaðurinn
við að breyta sláturhúsi í listaskóla
hlýtur h'ka að vera óheyrilega mikill.
Við fengum leyfi frá vinnueftirlitinu
til að starfa í þessu húsi í tvö ár en
þá átti að vera búið að skipuleggja
húsið. Þessi tími er liðinn en áætlan-
ir um endurskipulagningu hússins
hafa ekki staðist.
Heilbrigðiseftirlitið hefur einnig
dæmt húsnæði þetta óhæft til að
hýsa starfsemi skólans í þeirri mynd
sem það er nú.“
LISTAHÁSKÓLANUM var ætlað að vera í þessu húsi sem Sláturfélag Suðurlands reisti upphaflega.
Ráðherra segir þörf á eflingn utanríkisþjónustunnar
Flestar EES-reglur
varða almannahag
HALLDÓR Ásgrímsson utanríkis-
ráðherra segir að álag á utanríkis-
þjónustuna hafí aukizt mjög á síðast-
liðnum ámm vegna margs konar
alþjóðlegs samstarfs, ekki eingöngu
vegna aðildar íslands að Evrópska
efnahagssvæðinu. Þörf sé fyrir efl-
ingu utanríkisþjónustunnar og fleiri
sendiráð. EES-reglur, sem hér taki
gildi, séu sumar hveijar ekki sniðnar
að íslenzkum aðstæðum, en flestar
varði þær almannahag.
Davíð Oddsson forsætisráðherra
sagði í áramótagrein sinni í Morgun-
blaðinu að þátttaka í alþjóðlegum
stofnunum reyndi æ meir á hið fá-
menna íslenzka embættismannakerfi.
EES-samningurinn hefði t.d. kallað
á fleiri starfskrafta en búizt var við
og væri það starfslið þó enn undir-
mannað. Forsætisráðherra ræddi
einnig um „tilskipunar- og reglugerð-
afargan, sem útungunarstofnanir í
Brussel spýta frá sér með ógnar-
hraða“ og sagði að flestar þessar til-
skipanir væru viðteknar hér án þess
að nægileg innlend athugun hefði átt
sér stað, til þess skorti mannskap.
Mikil aukning samstarfs
á skömmum tíma
„Það hefur alltaf verið erfítt fyrir
fámenna þjóð að reka öfluga utan-
ríkisþjónustu. Við verðum mjög var-
ir við það í utanríkisráðuneytinu með
vaxandi alþjóðlegu samstarfí, ekki
bara að því er varðar Evrópusam-
starfið," segir Halldór. Hann bendir
á að á stuttum tíma hafi ísland ekki
aðeins gerzt aðili að EES, heldur
einnig að Eystrasaltsráðinu, Bar-
entsráðinu, Vestur-Evrópusamband-
inu og Norðurheimskautsráðinu. Þá
hafí starf innan Evrópuráðsins, Ör-
yggis- og samvinnustofnunar Evr-
ópu, OECD og fleiri stofnana aukizt
mjög. ísland hafí tekið sæti í efna-
hags- og félagsmálanefnd Samein-
uðu þjóðanna og málefni Alþjóða-
bankans hafi nýlega flutzt til utan-
ríkisráðuneytisins.
„Það er engin launung að við eig-
um erfitt með að sinna öllu þessu
starfi með þeim hætti sem við vildum
gera. Það er rétt hjá forsætisráð-
herra að það krefst auðvitað mikils
mannafla að fylgjast með því, sem
gerist á vettvangi Evrópusambands-
ins. Þar verðum við að forgangsraða
og byggja að hluta til á samstarfsað-
ilum okkar, ekki sízt á þeirri vinnu,
sem fer fram á vegum EFTA,“ seg-
ir Halldór. „Ég tel hins vegar þrátt
fyrir allt að okkar fólki takist mjög
vel að halda utan um þessi mál þótt
auðvitað komi upp vandræði eins og
gengur.
Því er heldur ekki að neita að
útgáfa á ýmsum reglum krefst mik-
illar vinnu. Þar með er ekki sagt að
megnið af reglunum, sem verið er
að gefa út, sé óþarft. Þær snerta
almannahag, bæði hjá okkur og í
öðrum löndum. Þetta eru oft og tíð-
um reglur, sem varða t.d. neytenda-
vemd og réttarstöðu almennings á
ýmsum öðrum sviðum. Því er heldur
ekki að neita að aðstæður hér á landi
eru stundum ekki þær sömu og ann-
ars staðar í Evrópu, meðal annars
vegna fámennis. I stómm dráttum
búum við þó við svipuð skilyrði,"
segir Halldór.
Ráðherrann segir að það sé höfuð-
atriði innri markaðar Evrópusam-
bandsins að þar ríki sambærilegar
samkeppnisreglur. „Við töldum okk-
ur nauðsynlegt að vera aðilar að
þessum innri markaði og því fylgja
bæði kostir og gallar. Það hefur aldr-
ei verið hægt að taka þátt í sam-
starfí og tína eingöngu upp kostina."
Sendiráð í Japan mikilvægt
Halldór segist telja mikilvægt að
opna sendiráð í Japan og undirbún-
ingur að því sé hafínn. Jafnframt
sé æskilegt að hafa sendiráð t.d. í
Kanada og Finnlandi, mikilvægum
viðskiptaríkjum á borð við Ítalíu,
Spán og Portúgal og á vaxandi
mörkuðum í Suður-Ameríku og
Austur-Evrópu. „Sem fámenn þjóð
verðum við þó að forgangsraða verk-
efnum,“ segir hann.