Morgunblaðið - 28.06.1988, Blaðsíða 27

MORGUNBLAÐIÐ, ÞRIÐJUDAGUR 28. JÚNÍ 1988
27
Forseti Islands heim-
sækir Þýskaland
FORSETI íslands, Vigdís Finn-
bogadóttir, hefur þegið boð dr.
Richard von Weizacker, forseta
Sambandslýðveldisins Þýska-
lands, um að koma í opinbera
heimsókn dagana 3.— 9. júlí n.k.
í fylgd með forseta íslands verða
Steingrímur Hermannsson, ut-
anrikisráðherra og Edda Guð-
mundsdóttir, Hannes Hafstein,
ráðuneytisstjóri og Ragnheiður
Hafstein, Kornelíus Sigmunds-
son, forsetaritari og Inga Her-
steinsdóttir.
Tekið verður á móti forseta og
fylgdarliði á Köln/Bonn flugvelli og
þaðan flogið með þyrlum til gesta-
bústaðar þýsku ríkisstjórnarinnar.
Daginn eftir verður viðhafnarmót-
taka við embættisbústað Þýska-
landsforseta í Bonn og að því loknu
leggur forseti íslands blómsveig á
minnisvarða um fómarlömb styij-
alda. Að lokinni móttöku hjá borg-
arstjóranum í Bonn skoðar forset-
inn hús það sem Beethoven fæddist
í. Þá mun foreti heimsækja þýska
sambandsþingið og hitta þar að
máli dr. Philipp Jenninger, þingfor-
seta.
Þriðjudaginn 5. júlí hittir forseti
Islands dr. Helmut Kohl, kanslara,
og snæðir hádegisverð í boði hans.
Að því loknu heimsækir forseti iðn-
aðar— og verslunarráð Þýskalands,
en þar mun Steingrímur Hermanns-
son utanríkisráðherra, halda fyrir-
Iestur um viðskipti landanna.
Síðdegis verður haldið til Kölnar
þar sem skoðuð verður glerlistasýn-
ing og farið að gröf Jons Sveinssn-
ar, Nonna. Um kvöldið tekur for-
seti á móti íslendingum búsettum
í Vestur—Þýskalandi.
Að morgni 6.maí verður flogið
til Berlínar en þar tekur borgar-
stjóri á móti forseta. Skoðuð verða
söfn og forseti mun sitja hádegis-
verðarboð borgarstjóra í Charlott-
enborgarhöll. Um kvöldið verður
síðan farið í leikhús.
Daginn eftir liggur leiðin til
Frankfurt þar sem varaforseti
Hessen—ríkis tekur á móti forseta.
I hádeginu tekur forsetinn síðan
þátt í móttöku Útflutningsráðs ís-
lands og íslenskra fyrirtækja fyrir
þýska viðskiptavini. Þar verður
íslenskur matur á bostólum og
kynning á íslenskum vörum og ís-
landi sem ferðamannalandi.
Til Hamborgar verður haldið að
morgni föstudagsins 8.júlí þar sem
borgarstjórinn tekur á móti forset-
anum og þar verður aftur efnt til.
móttöku á vegum Útflutningsráðs
og íslenskra fyrirtækja. Síðdegis
verður forsetinn síðan viðstaddur
landsleik íslands og Vestur—
Þýskalands í handknattleik.
Að morgni laugardagsins 9. júlí
mun forseti taka þátt í umræðu-
fundi um bókmenntir, kvikmyndir
og leiklist í Kaþólsku Akademíunni
í Hamborg, en auk forseta munu
taka þátt þekktir íslenskir og þý-
skir leikstjórar. Forseti mun síðan
fara í skoðunarferð um borgina og
að síðustu hitta íslendinga búsetta
í Norður—Þýskalandi í boði íslend-
ingafélagsins í Hamborg.
Með í ferðinni verður íslenskur
blásarakvintett og mun hann leika
í ráðhúsinu í Bonn, móttöku forseta
fyrir íslendjnga í Bad Godesberg,
móttökum Útflutningsráðs f Frank-
furt og Hamborg, auk þess sem
hann mun halda tónleika í Berlín
og Hamborg.
(Úr fréttatilkynningTi.)
Frá sumartónleikunum í fyrra: Michael Shelton og Helga Ingólfsdóttir leika i Skálholtskirkju.
Fjórtándu sumartón-
leikarnír í Skálholti
Nýtt kórverk eftir Þorkel Sigurbjörnsson frumflutt
ÁRLEGIR sumartónleikar í Skálholtskirkju verða haldnir fjórar
helgar í júlí og ágúst. Þetta eru fjórtándu sumartónleikarnir og
hefjast þeir laugardaginn 2. júlí en lýkur um verslunarmannahelg-
ina. Aðgangur að tónleikunum er ókeypis og öilum heimiU.
Að sögn forsvarsmanna sumar-
tónleikanna verða alls haldnir
þrettán tónleikar með átta mismun-
andi dagskrám. Á laugardögum eru
haldnir tvennir tónleikar kl. 15 og
17 en á sunnudögum eru seinni
tónleikar laugardagsins endurtekn-
ir kl. 15. Tónlist af efnisskrá helgar-
innar er einnig flutt við messu á
sunnudögum kl. 17.
Sú hefð hefur skapast að tónlist-
armenn æfa saman f Skálholti f
viku fyrir hveija tónleika. Lögð er
sérstök rækt við samleik og sam-
vinnu við tónskáld þegar því er að
skipta. Tónlistin ómar því í Skál-
holtskirkju allan þann mánuð sem
hátíðin stendur og hefur undanfarin
ár vakið athygli þess fjölda ferða-
manna sem á sumardegi heimsækir
Skálholt.
Flutningur barokktónlistar hefur
Sameining allra hreppa
í eitt sveitarfélag felld
SAMEINING allra hreppa Dala-
sýslu f eitt sveitarfélag náði ekki
fram að ganga f almennum kosn-
ingum, sem fram fóru samhliða
forsetakosningunum um helgina.
Þrfr hreppar, Laxárdalshreppur,
Hvammssveit og Fellsstranda-
hreppur samþykktu sameining-
una, en fimm hreppar, Hörðu-
dals-, Miðdala-, Haukadals-,
Skarðs-, og Saurbæjarhreppur
voru á móti. Samtals voru 707 á
kjörskrá og 586 greiddu atkvæði
eða 82,9%. 320 sögðu já eða 54,14%
þeirra sem atkvæði greiddu, en á
móti voru 256 eða 43,7%. Tólf
seðlar voru auðir og ógildir.
í hveijum hreppi fyrir sig féllu
atkvæði þannig að í Hörðudalshrepp
voru 21 á móti sameiningu en 10
með. Á kjörskrá voru 35 og 31
greiddi atkvæði. í Miðdalahrepp voru
46 á móti sameiningu en 26 með og
3 atkvæði voru ógild. Á kjörskrá
voru 99 og 75 greiddu atkvæði. í
Haukadalshrepp voru 42 á kjörskrá
og 37 greiddu atkvæði. 20 voru á
móti sameiningu en 17 meðmæltir
henni. í Laxárdalshrepp voru 278 á
kjörskrá og greiddu 230 atkvæði.
193 voru með sameiningu, 31 á
móti og sex seðlar ógildir. I Hvamms-
sveit voru 69 á kjörskrá og greiddu
58 atkvæði. 31 voru með sameiningu
og 27 á móti. f Fellsstrandahrepp
voru 66 á kjörskrá og greiddu 57
atkvæði. Sameiningin var naumlega
samþykkt með 29 atkvæðum gegn
28.1 Skarðshrepp voru 37 á kjörskrá
og 33 sem greiddu atkvæði. 6 voru
með sameiningu og 26 á móti og
einn seðill ógildur. 81 voru á kjör-
skrá í Saurbæjarhrepp og 65 greiddu
atkvæði. Átta voru með sameiningu,
57 á móti og 2 seðlar ógildir.
DALASYSLA:
Hreppar og fjöldi íbúa,
l.des. 1987
Morgunblaðið/ GÓI
Skynsamleg rök
hafa orðið að víkja
„Á vissan hátt harmar maður
þessa niðurstöðu. Ég hef stutt sam-
einingu af því að ég tel að hún sé
eitt af okkar stærstu framfaramál-
um, ef litið er til íbúaþróunar undan-
farinna ára og ástandsins í atvinnu-
málum. Það verður að viðurkennast
að í þessu máli hafi tilfinningar ver-
ið Iátnar ráða ferðinni og skynsamleg
rök orðið að víkja," sagði Sigurður
Rúnar Friðjónsson, oddviti í Laxár-
dalshrepp, þar sem Búðardalur er, í
samtali við Morgunblaðið um þessa
niðurstöðu.
Hann sagði að sfðustu tvo til þijá
dagana fyrir kosningamar hefði tek-
ist að búa til grýlu úr þéttbýlinu.
Það væri sérstök ástæða til þess að
harma það, þar sem það væri út í
hött að skilja þannig á milli ibúa á
þessu svæði. Hann sagðist vonast til
að viðræður hæfust á næstunni milli
þeirra þriggja sveitarfélaga sem
samþykktu sameininguna, en of
snemmt væri að fullyrða hvort af
sameingu þeirra yrði.
„Við erum tilbúnir til þess að bíða
eftir þeim sem börðust á móti sam-
einingunni og íbúar Laxárdalshrepps
eru tilbúnir til þess að gera hvað sem
er til þess að styrkja byggð í Dala-
sýslu. Rökin fyrir sameiningu eru
áfram fyrir hendi. Til dæmis stendur
smæð sveitarfélagana í vegi fyrir
verkefnatilfærslu frá rikinu og
spumingin stendur um það hvenær
menn eru tilbúnir til þess að laga sig
að nýjum og breyttum tímum," sagði
Sigurður ennfremur.
Fólk ekki tilbúið
í svo miklar breytingar
„Ég hef ekki verið talsmaður sam-
einingar hreppanna að sinni, þar sem
ég tel hana ekki tímabæra og hefði
verið ánægðastur með ef atkvæða-
greiðslunni hefði verið frestað," sagði
Kristján Sæmundsson, hrepsstjóri að
Neðri-Brunná í Saurbæjarhreppi f
samtali við Morgunblaðið. „Að mínu
áliti var fólk ekki tilbúið til að gera
svona miklar breytingar af því það
lágu ekki fyrir neinir ótvíræðir kost-
ir sameiningar, sem hægt var að
benda á,“ sagði hann ennfremur.
Varðandi það atriði að sveitarfé-
lögin væru of smá til þess að geta
tekið við verkefnum frá ríkinu, sagði
Krisfján að það atriði hefði verið í
umræðunni nokkuð lengi. Ýtt hefði
verið undir það að flytja verkefni,
en ekki hefði verið eins öruggt með
tekjumar sem ættu að koma á móti
til sveitarfélaganna. „Ég á alveg eins
von á því að það geti komið til sam-
einingar hreppanna í framtíðinni, en
það er háð því hvort byggðaþróun
verður með sama hætti og verið hef-
ur. En þá er æskilegast að fara sér
hægar og ná góðri samstöðu um
breytingar áður en efnt er til at-
kvæðagreiðslu," sagði Kristján að
lokum.
frá upphafi verið í öndvegi og hefur
á sfðustu árum myndast vísir að
kammersveit þar sem allir meðlimir
leika á barokkhljóðfæri. Þau em
nokkuð frábmgðin nútímahljóð-
fæmm bæði hvað varðar leikmáta
og túlkunarmöguleika.
Ásamt barokktónlist skipar
fslensk samtímatónlist stóran sess
í_ efnisskrá sumartónleikanna.
Árlega er íslenskt tónskáld kynnt
sérstaklega.
Tónleikamir helgina 9,—10. júlí
verða tileinkaðir Þorkatli Sigur-
bjömssyni í tilefni af fímmtugs-
afmæli hans. Um þessar mundir er
tónskáldið að leggja síðustu hönd á
nýtt kórverk sem frumflutt verður
af sönghópnum Hljómeyki.
Nokkrir hljóðfæraleikarar koma
gagngert að utan til þess að leika
í Skálholti. Það em þau: Josef Ka-
Cheung-Fung gítarleikari og tón-
skáld, Manuela Wiesler flautuleik-
ari, Éinar Grétar Sveinbjömsson
fíðluleikari og Ann Wallström en
hún hefur sérhæft sig í leik á
barokkfíðlu. Auk þeirra tekur fjöldi
íslenskra söngvara og hljóðfæra-
leikara þátt í hátíðinni.
Jafnframt tónleikahaldi verður
haldið námskeið í túlkun barokktón-
listar vikuna 18.—23. júlf. Leið-
beinendur yerða Ann Wallström
barokkfíðluleikari og Helga Ingólfs-
dóttir semballeikari.
Sumartónleikamir í Skálholti em
styrktir af Menntamálaráðuneyt-
inu, Menningarsjóði Sambandsins
og þjóðkirkjunni. Auk þess hafa
mörg fyrirtæki veitt hátíðinni
stuðning. Mynduð hafa verið sam-
tök til styrktar sumartónleikunum
og nefnast þau Collegium Musicum.
(Úr fréttatilkynningu.)
Félagsvísinda deild HÍ:
Skipaður
lektor í að-
ferðafræði
Menntamálaráðherra hefur
skipað dr. Þorlák Karlsson lektor
í aðferðafræði við Félagsvísinda-
deild Háskóla íslands. Þorlákur
hafði áður fengið bestu með-
mæli dómnefndar um hæfni um-
sækjenda um stöðuna og meiri-
hlutastuðning á deildarfundi i
Félagsvísindadeild.
Fimm sóttu um lektorsstöðuna,
og var dr. Þorlákur dæmdur þeirra
hæfastur til að gegna henni. Á fundi
í Félagsvísindadeild fékk Þorlákur
14 atkvæði af sextán.