Morgunblaðið - 21.10.1983, Blaðsíða 32

HOLLyWðODi Bítlaæðið^Vj
dpOADwSS^
FÖSTUDAGUR 21. OKTÓBER 1983
Halldór Ásgrimsson um vanda sjávarútvegs:
Víða jaðrar við
stöðvun í útvegi
„ÞAÐ eru mörg fyrirtæki sem standa illa. Það er svo illa komið
að það tekur langan tíma fyrir þessi fyrirtæki að ná sér á strik
aftur og það er ekkert auðvelt við að eiga, þegar afli dregst
svona saman og framleiðsla minnkar eins og nú er að gerast.
Sjávarútvegurinn er svo illa staddur, að þetta eru hlutir sem
maður getur átt von á hvenær sem er á allmörgum stöðum á
landinu,“ sagði Halldór Ásgrímsson sjávarútvegsráðherra, er
blm. Mbl. spurði hann álits á vanda fyrirtækja í sjávarútvegi og
hvort svipað væri ástatt á fleiri stöðum á landinu eins og
varðandi fiskvinnslu á Patreksfirði og útgerð í Þorlákshöfn,
Stokkseyri og Eyrarbakka, en eins og Mbl. skýrði frá í gær er
þar verið að leggja togaranum Bjarna Herjólfssyni vegna
rekstraröröugleika.
Ekki vildi sjávarútvegsráðherra
nefna einstök dæmi, en sagði að
fjöldi fyrirtækja stæði frammi
fyrir þessu sama vandamáli. „Það
gengur mjög illa í útgerðinni, afli
er mjög lélegur og afkoman því
erfið." Aðspurður um hvað væri til
ráða sagði hann: „Einu bjargráðin
sem til eru eru annars vegar að
draga úr kostnaði við að afla tekn-
anna, hins vegar meiri afli og
meiri tekjur." Hann var í fram-
haldi af því spurður, hvort fiski-
fræðingar gæfu vonir um meiri
afla. „Hafrannsóknaskipin eru úti,
Árni Friðriksson og Bjarni Sæm-
undsson. Það kemur ekkert frá
þeim fyrr en þau koma í land.“
Sjávarútvegsráðherra var þá
spurður hver birgðastaðan í landi
væri. Hann sagði hana mjög erf-
iða, ógreiddar afurðir væru mjög
miklar. „Þetta á við um freðfisk,
saltfisk og skreið, og það eru veru-
leg vandamál að fjármagna allar
þessar birgðir," sagði hann. Varð-
andi birgðir í Bandaríkjunum
sagðist ráðherrann ekki hafa
handbærar upplýsingar, en það
væru ætíð sveiflur í sölum.
Halldór var að lokum spurður,
hvort stjórnvöld myndu grípa til
einhverra aðgerða til aðstoðar
þessum fyrirtækjum, t. d. við að
koma Bjarna Herjólfssyni á sjó á
ný. „Þeir hafa ekki haft neitt sam-
band við mig út af því, enda hef ég
enga sjóði. Það eru engir sjóðir
hjá mér til að ráðstafa í eitt eða
neitt," svaraði sjávarútvegsráð-
herra, Halldór Ásgrímsson.
"W
Mor^unblaöið/Júlíus.
Ungur maður var klemmdur inn í bifreið ( 2'Æ klukkustund í gærkveldi,
eftir að hafa ekið bifreið af Mustang-gerð á Ijósastaur við Breiðholtsbraut-
ina. Tilkynnt var um slysið kl. 20.26, en ekki hafði tekist að losa manninn
fyrr en kl. 22.55. Neyðarbfllinn kom á staðinn og auk þess var annar
sjúkrabfll til taks. Atgeir, til þess gerður að ná fólki úr bflflökum, var sóttur
til Hafnarfjarðar, en slíkt tæki mun ekki í eigu lögreglunnar í Reykjavík,
og tveir dráttarbflar reyndu að toga bflinn í sundur. Slökkvibfll var einnig
til taks og mikill fjöldi lögreglumanna vann að því að bjarga manninum, en
á tímabili ollu áhorfendur truflunum á starfi lögreglunnar og þurfti að kalla
út aukalið þeirra vegna. Maðurinn var með meðvitund allan þann tíma sem
björgunarstarfið stóð yfir.
Ný tegund sullaveiki í
sauðfé á Norðurlandi
Líkur á að sullurinn hafi borizt með refum — hann skaðar ekki fólk
Metsala
hjá Barða
NK í gær
BAKHI NK fckk meðalverð 38,30
krónur fyrir kflóið af fiski, sem er
hæsta verð í krónum talið, sem
bátur hefur fengið á erlendum
fiskmörkuðum, en hann seldi í
Grimsby í gær.
Alls voru það 125 tonn, mest-
megnis þorskur, sem hann seldi,
heildarupphæðin var 4.787.239
krónur. Þess má geta að hæsta
meðalverð sem fengist hefur,
fékk Ránin í janúar 1979, 59
ensk pund fyrir kíttið, sem er
mælieining í Bretlandi, en til
samanburðar fékk Barði 57,55
pund. Ef einungis er tekinn
þorskurinn í afla Barða, er með-
alverðið hans 41 króna.
NÝ tegund af sulli áður óþekkt hér á
landi hefur fundist í lömbum úr báð-
um Húnavatnssýslum og af Eyja-
fjarðarsvæðinu. Sullurinn fannst
þegar innyfli slátraðra lamba voru
rannsökuð af viðkomandi dýralækn-
um í sláturhúsunum á Svalbarðseyri,
Blönduósi og Hvammstanga. Ekki er
Ijóst um hve marga bæi er að ræða,
en samkvæmt upplýsingum Morgun-
blaðsins voru fáar skepnur sýktar (
hvoru tveggja sláturhúsanna á
Svalbarðseyri og Blönduósi, en til-
tölulega flestar í sláturhúsinu á
Hvammstanga.
Ekki er vitað hvernig sullurinn
hefur borist hingað til lands, en
aðeins virðist um tvo möguleika að
ræða; annað hvort með innfluttum
hundum, en slíkur innflutningur
er ólöglegur, eða þá með refum,
sem hingað hafa verið fluttir inn á
refabú.
Sullur vex upp af eggi band-
ormsins og nær lirfustigi í kind-
inni, en bandormurinn tekur sér
bólfestu í innyflum refa og hunda.
Egg hans ganga niður af viðkom-
andi hýsli með saurnum og þaðan
Sneiðar úr hjartavöðva kindar, sýkt-
ar af hinni nýju tegund sullar.
Myndin er tekin af tilraunaglasi á
Keldum í gær.
Eindreginn vilji að fara
af stað með viðræður
* f
— segir Asmundur Stefánsson, forseti ASI
MIÐSTJÓRN Alþýðusambands ís-
lands samþykkti á fundi sínum í
fyrradag, að ganga til viðræðna við
vinnuveitendur um uppbyggingu ís-
lenzks atvinnulífs, að sögn Asmund-
ar Stefánssonar, forseta ASÍ.
„Málin hafa verið rædd óform-
lega milli manna að undanförnu
og það er eindreginn vilji okkar að
fara af stað með viðræður. Næsta
skrefið í málinu yrði væntanlega,
að aðilar settust saman og mörk-
uðu stefnu um á hvern hátt við-
ræðunum yrði háttað á næstunni,"
sagði Ásmundur.
Ásmundur sagði að væntanlega
yrðu settir á fót vinnuhópar til að
fjalla um einstaka málaflokka,
eftir nánara samkomulagi aðila.
komast þau í kindurnar, sem eru
svokallaður millihýsill, því eggin
ná þar ákveðnu þroskastigi, en
verða ekki að fullþroska bandormi
fyrr en þau komast í hund eða ref
á nýjan leik, sem verður þegar
hundur eða refur étur sullarsýkt
kindakjöt.
Hér á landi voru þekktar áður
þrjár tegundir sulls og var ein
þeirra hættuleg mönnum, sulla-
veikissullurinn. Síðast fundust
merki um hann árið 1978 og því er
ekki hægt að fullyrða um hvort
honum hafi alveg verið útrýmt
hérlendis. Hinar tvær tegundirnar
eru höfuðsóttarsullur, sem hér
hefur ekki fundist í áraraðir og
netjusullur, sem finnst hér alltaf
öðru hverju.
Sú tegund sulls sem nú hefur
fundist hér á landi, er ekki hættu-
leg mönnum og er ekki heldur talin
mjög hættuleg skepnunni. Sullur-
inn sækir einkum í innvöðva og
aðra vöðva skepnunnar og gerir
kjötið óhæft til neyslu. Af þvl hef-
ur hann verið nefndur vöðvasullur
eða kjötsullur, en á latínu ber
bandormur þessarar tegundar ein-
kennisheitið taenia ovis. Bandorm-
urinn sjálfur hefur ekki fundist
ennþá, en talið er fullvíst að hann
sé af þessari tegund. Tilrauna-
stöðin að Keldum hefur með rann-
sókn málsins að gera. Fyrst mun
hafa orðið vart við sullinn á
Blönduósi fyrir um viku.
Sjá nánar á miðsíðu.
Albert Guðmundsson um Seðlabankann:
Getur ekki ákveð-
ið sína eigin vexti
„Það þarf að endurskoða lögin
um Seðlabanka íslands,“ sagði Al-
bert Guðmundsson fjármálaráð-
herra í Sameinuöu þingi í gær, er
tillaga Bandalags jafnaðarmanna
um sölu á ríkisbönkum (viðskipta-
bönkum) var til fyrstu umræðu.
„Það hefi ég margoft sagt, enda
brjóta þeir að mínu mati lög þegar
þeir ákveða sína eigin vexti. Þeim
ber skylda tii að ákveða vexti fyrir
viðskiptabankana, en það er hvergi í
lögum um Seðlabanka íslands heim-
ild til þeirra að ákveða sín eigin lög,
það hlýtur að vera í verkahring ríkis-
stjórnar eða alþingis. Ég hefi marg-
oft deilt á þann vaxtamun sem er á
bindifé í Seðlabankanum og yfir-
dráttarvexti af yfirdrætti viðskipta-
bankanna. — Ég tek undir það sem
fram kom hjá tíunda landskjörnum
þingmanni (Guðrúnu Helgadóttur)
að það er ekkert óeðlilegt að Seðla-
bankinn skili sínum hagnaði til rík-
issjóðs. Það er víðast hvar gert þar
sem ég þekki til, því að Seðlabanki
er að hluta ríkissjóðsdæmi...“
Fjármálaráðherra sagði og efn-
islega, að hann hefði bætt þessum
stofnunum, viðskiptabönkum í
ríkiseign, inn á þann lista um
ríkisfyrirtæki, sem hugsanlega
yrðu seld, en þau mál væru öll
óafgreidd í ríkisstjórn.