Morgunblaðið - 27.05.1982, Blaðsíða 3
MORGUNBLAÐIÐ, FIMMTUDAGUR 27. MAÍ1982
3
Hvltasunnuhelgin:
Þórsmörkin lokuð vegna
slæmrar umgengni í fyrra
Þórsmörkin verður lokuð allri umferð nú um hvítasunnuhelgina, að því er
lögreglan á Hvolsvelli sagði í samtali við blaðamann Morgunblaðsins í gær.
Verður veginum upp í Þórsmörk lokað við Markarfljótsbrú, og þeir einu sem
fá að fara þar um eru eigendur húsa í Mörkinni, og þeirra fólk, sem fær að
fara á langferðabílum um svæðið.
Það er Skógrækt ríkisins og
sýslumaðurinn í Rangárþingi, sem
ákvörðunina taka. Ástæðan er sú,
að gróður er nú mjög seint á ferð-
inni í Þórsmörk, og því illa undir
það búinn að taka við miklum
ágangi, en hitt vegur ekki minna í
þessari ákvörðun að sögn lögregl-
unnar á Hvolsvelli, að landið og
gróðurinn í Þórsmörk hafa enn
ekki náð sér eftir „heimsóknina"
um hvítasunnuna í fyrra. Þá lagði
fjöldi fólks leið sína í Mörkina, og
setti mikil óregla og slæm um-
gengni svip sinn á hið óskipulagða
„samkomuhald" í fyrravor.
Þá verður um helgina einnig
bannað að tjalda og fara um land-
ið á Þingvöllum, á Laugarvatni og
við Árnes í Gnúpverjahreppi, og
umferð mun verða takmörkuð um
Þjórsárdal.
Ekki er vitað um neina útisam-
komu um helgina, en unglingar
hafa oft hópast saman á einhverj-
um stöðum, án sérstakrar skipu-
lagningar, líkt og gerðist i Þórs-
mörk í fyrra.
Flóttamenn frá Póllandi:
23ja manna hópur
kemur á föstudaginn
Hópur 23ja flóttamanna frá Póllandi kemur hingað til lands á föstudaginn, að
því er Jón Asgeirsson framkvæmdastjóri Rauöa kross íslands sagöi í samtali við
blaðamann Morgunblaðsins í gærkvöldi. Fyrir eru þrír pólskir flóttamenn eins
og Mbl. hefur áður skýrt frá, svo samtals verða það 26 flóttamenn sem hingað
koma aö þessu sinni. Flóttamennirnir, sem flúið hafa stjórnmálaástandið í
Póllandi, hafa allir dvalið um lengri eöa skemmri tíma í Austurríki, en koma
hingað með flugi um Kaupmannahöfn. Með þeim er í för formaður Rauöa
krossins, Ólafur Mixa læknir.
Að sögn Jóns Ásgeirssonar er
fólkið allt ungt eða á miðjum aldri,
auk nokkurra barna, sem öll eru
undir fjögurra ára aldri. Fólkið er
allt menntað á einhverju sviði,
læknir, tannlæknir, sagnfræðingur,
erfðafræðingur, bifvélavirki, bif-
vélaraffræðingur, hjúkrunarfræð-
ingur, sjúkraþjálfari, hjón sem
þekkingu hafa á landbúnaðarstörf-
um eru til dæmis í hópnum.
Reynt verður að afla fólkinu at-
vinnu og húsnæðis sem fyrst, en til
bráðabirgða er öll aðstaða til reiðu
fyrir fólkið, að sögn Jóns Ásgeirs-
sonar.
ARKITEKTINN-UMHVERFQ]
OG KORRUGAL AL
Arkitektúr er starfsgrein sem gerðar eru miklar kröfur til. Af
almenningi, umhverfinu og arkitektunum sjálfum. Enda skiptir
miklu að þeir vinni störf sín af smekkvísi og vandvirkni.
Hér segir frá einum slíkum. Hann hafði það verkefni að hanna
nýtt hús í gömlu hverfi. Það getur verið erfitt svo vel fari. Að rata
hinn gullna meðalveg milli gamla og nýja tímans.
En það tókst.
Fallega formað hús,— fallegt, traust þak og fallegar vegg-
klæðningar. Allt í fallegu litasamræmi. Þakið var úr Korrugal áli og
veggklæðningar líka.
Hér náðist frábær árangur.
Enda er Korrugal-ál frábært efni og varanleg lausn á þök sem
veggi, jafnt við nýbyggingu sem við endurnýjun.
Einföld uppsetning og fjölbreytt úrval aukahluta til nota við
mismunandi aðstæður.
Það er sama hvort þú hugsar um uppsetningu útlit eða
endingu.
Allt mælir með Korrugal álklæðningunni.
TÖGCURHR
BYGGIIMGAVÖRUPEILD
Bíldshöfða 16 Sími 81530