Morgunblaðið - 02.02.1974, Blaðsíða 19
MORGUNBLAÐIÐ, LAUGARDAGUR 2. FEBRUAR 1974
19
Hallsteinn Hinriksson
íþróttakennari sjötugur
„Hlutverk íþrótta á að vera
það, að gera drengi að góðum
mönnum og menn að góðum
drengjum.“
Ben. G. Waage.
Með skjótum hætti hafa íslend-
ingar vaxið upp úr fátækt og um-
komuleysi til bjargálna og úr því
að vera aðeins bjargálna til
velmegunar. — Líklega er það
einsdæmi meðal þjóða heims, að
jafnfámenn þjóð sem islendingar,
hafi á svo skömmum tfma, eins og
raun ber vitni um risið úr ösku-
stónni og gert sig gildandi og á
ýmsum sviðum fullgilda í sam-
félagi menningarþjóða, sem
standa á gömlum merg. Margt ber
til þessa og margt afsþví liggur í
augum uppi og því óþarfi að rekja
það hér eða fara um það mörgum
orðum. Við allra augum blasa hin-
ar öru og stórstígu framfarir, sem
átt hafa sér stað hér á landi á
þeim tæpum þremur áratugum
frá því að siðari heimsstyrjöld-
inni lauk. Ungmenni þessa lands
líta ekki þetta sömu augum og
eldri kynslóðin, sem man tímana
tvenna og jafnvel þrenna á þró-
unarskeiði þessarar aldar. Unga
kynslóðin kemst ekki i uppnám,
þótt henni séu sagðar sögur af
erfiðleikum og fátækt alls þorra
almennings á fyrstu áratugum
aldarinnar. Þess erekki heldur að
vænta, að ungt fólk, sem borið er í
velmegun og alið upp í velsæld,
geri sér nokkra grein fyrir þvi,
hvar skórinn kreppti að og hversu
kjör almennings voru kröpp á
dögum afa og ömmu eða langafa
og langömmu. Og þó voru upp-
hafsár aldarinnar og allt fram að
siðari heimsstyrjöldinni, þar með
talin kreppuárin, sannkölluð
blóma og uppgangstimi samanbor
ið við fyrri tiðar volæði, umkomu-
leysi og næstum allsleysi þjóðar-
innar. — öldin riður vel i garð.
Nýir menn koma fram haldnir
nýjum vonum og nýjum hugsjón-
um, sem þeirberafram tilsigurs.
Þjóðin tekur nú sem örast að
rétta úr kútnum. Fjörkippur fær-
ist I allt menningar- og athafnalif.
Þjóðin verður opin fyrir nýjung-
um og framförum og ýmsir menn-
ingarstraumar ná tökum á henni.
Á þessum árum er ungmenna-
félagshreyfingin að vaxa úr grasi
og íþróttahreyfingin kemur í kjöl-
far hennar. Ungmennafélögin
höfðu margvísleg mál, sem til
heilla horfðu i þjóðlifinu, á
stefnuskrá sinni. Og þar voru og
eru enn íþróttir og líkamsrækt
ofarlega á blaði, en svo fóru að
myndast, einkum í kauptúnum og
bæjum, sérstök félög, sem fyrst
og fremst voru stofnuð með það
fyrir augum að efla íþróttalíf og
vinna að framgangi iþróttamála.
Þessi félög mynda með sér
heildarsamtök og íþróttasamband
Islands er sett á stofn 28. jan.
1912.
Þegar hér er komið sögu, er
afmælisbarnið sjötuga í dag,
HALLSTEINN HINRIKSSON, 8
ára að aldri. Ekki er víst að hann
hafi órað fyrir því þá, að starfs-
vettvangur hans á lífsleiðinni yrði
aðallega og svo til eingöngu á
sviði íþrótta og íþróttamála. En
snemma beygist krókurinn að því,
sem verða vill. Strax á barnsaldri
hneigðist hugur hans mjög til
hvers konar leikja og fþrótta.
Ekki dró úr þessari áráttu, þegar
hann var af barnsaldri og fram á
unglingsárin kom. Stundaði hann
þá ýmsar iþróttagreinir af mikl-
um áhuga, svo sem hlaup, köst,
stökk, sund o.fl. Að loknu námi í
unglingaskólanum i Vik í Mýrdal
liggur leið hans i Samvinnuskól-
ann og stundar hann þar nám
1924 — 1929. Að því námi loknu
er hugur hans enn óráðinn og
leitandi og áhuginn beinist ekki
að því að leggja fyrir sig verzlun-
ar- og viðskiptastörf. Ahugamál
hans liggja á öðru sviði. Hann ræð
ur sig sem skólastjóra við ung-
lingaskólann i Vík í Mýrdal og
gegnir þvi starfi I eitt ár. Þetta
starf likaði honum vel. Þd festir
hann ekki yndi i því. íþróttirnar
eiga enn sem fyrr hug hans allan.
Á þeirra vettvangi vill hann
vinna og skapa sér aðstöðu til
starfa, þótt ekki sé það vænlegt til
fjár eða öruggrar lífsafkomu. Og
þvi gerist það, þegar hér er komið
sögu, að hann hleypir heimdrag-
anum og siglir til Kaupmanna-
hafnar og innritast f Statens
Hallsteinn Hinriksson. — Mynd-
in er frá 1929, árinu, sem hann
kom til Hafnarfjarðar
Gymnastik-Institut. Þaðan lýkur
hann íþróttakennaraprófi 1929.
Meðan hann var í Kaupmanna-
höfn sótti hann einnig sumarnám-
skeið i sundi, frjálsum íþróttum
og róðri.
Hann kemur heim haustið 1929.
Er hann þá strax ráðinn fimleika-
og iþróttakennari við Barnaskóla
Hafnarfjarðar og Flensborgar-
skóla. Hefir hann starfað við
þessa skóla fram á siðustu ár, en
fyrir tveimur árum lét hann af
starfi sem fastur kennari, en hef-
ir þó enn með höndum nokkra
stundakennslu. Á löngum starfs-
ferli við skóla þessa eru þær ekki
margar stundirnar, sem hann
ekki hefur getað mætt til starfa
sökum lasleika eða veikinda.
Þessi síðustu ár hefir þó brugðið
svo við, að hann hefir ekki alls
kostar gengið heill til skógar, en
látið það litið á sig fá og haldið
þeim vana sínum að koma reifur
og glaður til starfs, þótt stundum
kenndi hann lasleika. Hann hefir
getið sér órð fyrir mikla sam-
vizkusemi i starfi og reynzt af-
burða kennari og vinsæll meðal
nemenda sinna og samkennara.
Með heimkomu Hallsteins frá
íþróttanáminu i Höfn verða þátta-
skil í íþróttamálum Hafnfirðinga
og nýr og merkur kafli hefst i
íþróttasögu þeirra. Hann gerist
strax handgenginn íþróttahreyf-
ingunni í Firðinum og tekur um-
svifaiaust við að æfa ungmenni i
fimleikum, handknattleik og
nokkru siðar í frjálsum íþrótt-
um. Áhugi er mikill hjá ungling-
unum og ekki síður hjá kennaran-
um. Þessi áhugi leiðir til þess,
að ungmennin stofna, félag 15.
október 1929 og hlýtur það
nafnið Fimleikafélag Hafnar-
fjarðar". Atti Hallsteinn frum-
kvæðið að þessari féiagsstofun. —
Fyrsti formaður Fimleikafélags
Hafnarfjarðar varð Kristján
Gamalíasson og með honum i
stjórn Sigurður Gíslason og
Böðvar Eggertsson.
Fimleikafélag Hafnarfjarðar,
sem í daglegu tali gengur undir
nafninu F.H. var óskabarn Hall-
steins Hinrikssonar. Við þetta
félag batt hann miklar vonir, sem
ekki hafa brugðizt honum. Fyrstu
árin hafði hann ekki áhuga á að
sitja í stjórn þess,en gerðist strax
þjálfari þess og ráðgjafi. Og undir
hans handleiðslu náði F.H. að
festa rætur og því óx brátt fiskur
um hrygg. >að er ekki fyrr en
1939, 10 árum eftir stofnun
félagsins, að hann tekur sæti i
stjórn þess og það sæti hefir hann
skipað svo óslitið síðan. Allar göt-
ur frá upphafi hefir hann ekki
einungis verið aðalþjálfari F.H.
en einnig og engu síður verið
aðaldriffjöðrin i þvi að vinna að
vexti þess og velgengni á sem
flestum sviðum. Að öllum ólöstuð-
um á F.H. engum meira að þakka
frama sinn og sigursæld en Hall-
steini Hinrikssyni. Það er eins-
dæmi hér á landi, að iþróttafélagi
skuli hafa haldizt svo lengi á ein-
um og sama þjálfara sinum og
leiðbeinanda svo sem F.H. hefir
gért. Ef til vill má fyrst og fremst
þakka þetta þvi, að F.H. hefir
aldrei brugðizt leiðbeinanda sín-
um, — Hallsteini, — og á sama
hátt hefir hann aldrei brugðizt
F.H., en lagt alla sína orku i það
að vinna félaginu allt það gagn
sem hann mátti.
Hann er orðinn æði stór sá hóp-
ur ungmenna, sem æft hefir
iþróttir undir handleiðslu Hall-
steins. Margt efnilegt ungmennið
í íþróttum hefir hann stutt með
ráðum og dáð og komið til þroska
og síðan til frama á íþróttasviði.
— Um skeið átti F.H. mörgum
góðum frjálsíþróttamönnum á að
skipa og átti íslandsmeistara i
ýmsum greinum frjálsíþrótta. Nú
hin siðari ár hafa F.H.-ingar eink-
um getið sér orð bæði hér heima
og erlendis í handknattleik.
Sigurganga þeirra í handknatt-
leik hófst 1956, þegar þeir fóru í
Danmerkurreisu og kepptu þar
við 7 kunn handknattleikslið.
Þeir unnu i sex leikjum og gerðu
eitt jafntefli. Sama ár urðu þeir
íslandsmeistarar í handknattleik
innanhús. Frá þessum tíma til
þessa dags hefir sigurganga
þeirra i handknattleikskeppni
verið næstum óslitin. Og enn eru
þeir i seilingu þess að verða ís-
landsmeistarar i greininni á
þessu ári.
Hallsteinn Hinriksson hefir
verið gæfumaður. Hann hefir lif-
að það að sjá drauma sína og
vonir rætast, en stærst hefir gæfa
hans verið sú, að hann hefir átt
miklu heimilisláni að fagna. Arið
1934, 10. nóv., kvænist hann Ingi-
björgu Árnadóttur, mikilli vildis-
konu, sem staðið hefur dyggilega
við hlið hans, tekið ríkulega þátt i
öllum hans áhugamálum og búið
honum gott heimili. Þau eiga fjög-
ur mannvænleg börn, sem öll eru
uppkomin og farin að heiman.
Þau eru Ingvar, prentverkfræð-
ingur, búsettur í Kaliforníu í
Bandarikjunum, Örn, prentari,
búsettur í Hafnarfirði, Sylvia,
húsfreyja, búsett i Reykjavík og
Geir, íþróttakennari, búsettur i
Þýzkalandi og er hann þar liðs-
maður í hinu kunna handknatt-
leiksliði Göppingen. Börnin eru
öll miklir unnendur íþrótta og
kippir þar á kynið. Þau hafa öll
getið sér orð á íþróttasviði. Geir
mun þó þeirra kunnastur. Af öll-
um, sem til þekkja, er hann nú
talinn framarlega i hópi kunn-
ustu handknattleiksmanna heims.
Þeir eru ötal margir.bæði nem-
endur, samkennararog samstarfs-
fólk Hallsteins og félagar úr
íþróttahreyfingunni, sem hugsa
hlýtt til hans í dag, þegar hann á
merkisafmæli. Öll óskum við hon-
um og fjölskyldu hans alls hins
bezta á ókomnum árum.
Þorgeir lbsen.
Penlngamenn athugið
Óskum eftir peningaláni til skamms tíma til bygginga-
framkvæmda gegn tryggingu. Tilboð um upphæð og kjör
sendist afgr. Mbl. fyrir fimmtudag, merkt. „Öruggir aðilar
Hef opnað
Lækningastofu
að Glæsibæ vlð Suðurlandsbraut
Sérgrein: Lyflækningar og
meltingarsjúkdómar.
Viðtalsbeiðnum veitt móttaka í síma 8631 1.
Birgir Guðjónsson.
fHtfirgimMaðið
óskar eftir starfsfólki í eftirtalin störf:
BLAOBURÐARFÓLK ÓSKAST
Upplýsingar í síma 35408
AUSTURBÆR:
Bergstaðastræti, Sjafnargata, Freyjugata 28 — 49,
Ingólfstræti, MiStún
VESTURBÆR:
Seltjarnarnes: (Skólabraut), (Miðbraut), Garðastræti
Lynghagi, Lambastaðahverfi,
ÚTHVERFI:
Álfheimar frá 43, Barðavogur, Karfavogur,
Smálönd.
KÓPAVOGUR
Blaðburðarfólk óskast:
Nýbýlavegur, Auðbrekka.
Upplýsingar í síma 40748.
AUSTURBÆJARBÍÓ
RÁNSFERÐ SKÍBAKAPFANNA
Hörkuspennandi ný, bandarísk kvikmynd í litum og
Panavision.
Ht s A THi£> ON SK.S WITH SUB -ZEtVO NEPVIS HÍINtiNG :240.000 IN CaO.COtP CASH
JEóN
CIAUDE
KILLY
in his first feature
motion picture.
"7KL
RAIDER/
Aðalhlutverkið er leikið af einum fræknasta skfðakappa,
sem uppi hefurverið:
JEAN-CLAUDE KILLY
en hann hlaut þrenn gullverðlaun á Olympiuleikunum
Sýnd kl. 5, 7 og 9