Morgunblaðið - 13.10.1973, Blaðsíða 3
MORGUNBLAÐIÐ, LAUGARDAGUR 13. OKTÓBER 1973
3
r
Hefur selt Alafoss-
vörur fyrir 60 millj.
króna á árinu
Rætt við Vilborgu Hansen um
sölustarf hennar á Norðurlöndum
„Ég gerði fyrst samning við
Alafoss um áramótin
1971—1972 um að sjá um að
selja Alafossvörur f Danmörku,
Noregi og vfðar á Norður-
löndunum fyrir hálfa milljón
danskra króna)7 millj. fsl. kr.)
á árinu 1972. Þótti sú upphæð
há og ég bjartsýn.
Það ár náði ég að selja fyrir
8—900 þús. d.kr. (11—12 millj.
fsl. kr.). Fyrri hluta þessa árs
seldi ég föt og lopa fyrir rúmar
12 milljónir fsl. kr., f júlf, ágúst
og september fyrir 15 milljónir
kr., það sem af er október fyrir
6 milljónir kr. og óafgreiddar
pantanir þessa árs nema 1,8
milljónum danskra króna, eða
um 25 millj. fsl. króna. Og
verðið, sem Alafoss fær inn f
gjaldeyri, er 12—30% hærra en
það, sem fæst f gegnum aðra
söluliði Alafoss.“
Vilborg Hansen hefur verið
búsett í Danmörku meira eða
minna i rúm 20 ár. Hún giftist
dönskum manni og vann að
hótelstörfum og hjá skipakaup-
mönnum um margra ára skeið,
áður en hún tók að sér að verða
umboðsmaður Alafoss. Hún á
lögheimili á fslandi, á Kambi i
Holtum, og er alltaf á ferðinni
milli landanna.
„Ég lærði það í fyrri störfum,
að þjónusta er frumskilyrði fyr
ir að vel gangi,“ segir Vilborg,
er við spyrjum hana um ástaéð-
una fyrir velgengninni. „Þeir,
sem selja vörurnar okkar, eru
ánægðir, vegna þess, að við
leggjum áherzlu á að veita þeim
góða þjónustu og góð tengsl við
okkur og Álafoss. Þeir vita, að
ef eitthvað er að, þá lögum við
það, þeim að kostnaðarlausu.
Ef einhver vara selst ekki vel
hjá þeim, tökum við hana aftur
og seljum hana annars staðar.
Þetta öryggi eru þeir mjög
ánægðir með, enda hefur það
sýnt sig, að þegar við erum
komin í samband við verzlanir,
rofnar það ekki aftur.“
En hvers vegna nýtur
íslenzka varan svo ört vaxandi
vinsælda?
„Það er sérstætt útlit, sem
fólkið tekur fyrst eftir f sam-
bandi við fötin. Síðan fer það
inn i verzlanirnar, og þótt þetta
sé dýr vara, vegur það upp á
móti, að sölumennirnir ýta
þessari vöru fremur að fólkinu
en einhverju öðru; þeir eru það
ánægðir með vöruna. En sam-
keppnin er hörð á sumum svið-
um, sérstaklega hvað peys-
urnar snertir. Þar er gífurlegt
framboð og íslenzku peysurnar
eru dýrar. En þær hafa gæðin
fram yfir hinar. Þó eru alltaf
einhverjir sem lfta fyrst og
fremst á verðið."
Islenzki lopinn hefur í Dan-
mörku verið mikið seldur i
verzlunum samtakanna Hand-
arbejdens fremme, sem eru
ekki ólík Islenzkum heimilis-
iðnaði. „Það er mjög strangt
eftirlit með hvað kemst inn í
verzlanirnar sem söluvara, og
sérstök nefnd hefur yfirumsjón
með slíku. Samtökin eru mjög
virt og hafa mikil áhrif. Þau
dreifa uppskriftum, gefa út
bækur, halda námskeið og
kenna fólki að ná sem mest út
úr efnunum. Þannig er lögð
mikil rækt við að nota lopann á
sem f jölbreyttastan hátt. Þar er
meiri fjölbreytni í prjóna-
skapnum en hér,“ segir Vil-
borg.
Sölustarfsemi Vilborgar fer
einkum þannig fram, að hún
fær lögfræðing til að skrifa
verziunum bréf og kanna, hvort
áhugi sé á því að fá íslenzkar
vörur til sölu. Síðan starfa hjón
að sölumennskunni, fara á milli
verzlananna með sýnishorn og
taka pantanir. „Mér var gefið
það ráð að reyna fyrst og fremst
að fá traust'fyrirt. til að selja
vöruna, ekki ný og óþekkt
fyrirtæki. Ég ætti einungis að
láta þær verzlanir selja vöruna,
þar sem gæðakröfurnar eru
miklar, því að ízlenzka varan
væri þannig, að hana mætti ek-
ki selja hvar sem væri. Ég hef
farið rólega f sakirnar — ég vil
ekki vera að taka neina
áhættu."
Framan af einbeitti Vilborg
sér að danska og norska mark-
aðnum, en í sumar var hafin
skipileg sölustarfsemi i Svi-
þjóð. Ætlunin er að skipta Sví-
þjóð í fjögur svæði og verða
miðstöðvar þriggja svæða í
tenglsum við verzlanir í Málm-
ey, Gautaborg og Stokkh. 18.
sept. sl. var opnuð verzlana-
miðstöðin Caroli City I Málmey,
og þar var verzlunin Islandia
með 130 fermetra verzlunar-
rými auk birgðageymslna. Þar
eru eingöngu á boðstólum
Álafossvörur, og stjórnar verzl-
uninni frú Sara Sigurðsson,
sem er frá Reykjavfk. Salan í
verzluninni hefur verið mjög
mikil, nánast helmingi meiri en
búiztvarvið. í verzlanamiðstöð-
inni eru 55 verzlanir og
veitingastaðir á 26 þús. fer-
metra gólfrými. Mörg hundruð
íbúðir eru í húsinu og þvi fylgja
1625 bílastæði. Samskonar mið
stöðvar verða opnaðar á næsta
ári í Gautaborg og Stokkhólmi
og verða verzlanir með Alafoss-
vörur einnig í þeim. i Svíþjóð
verður, eins og í Danmörku,
lögð mikil áherzla á sölu á
ferðamannstöðum á sumrin.
Vilborg hefur einnig reynt
fyrir sér á finnskum markaði,
en árangurinn hefur ekki verið
mikill hingað til, enda segir
hún, að það taki alltaf nokkurn
tíma að vinna markaðinn upp.
Salan hefur á þessu ári
numið samtals nálægt 60 millj-
ónum ísl. króna, og Vilborg
leggur á það áherzlu, að þótt
hún hafi í upphafi verið um-
boðsmaður fyrir Alafoss, hafi
þessi gífurlega söluaukning orð
ið til þess, að nú sé miklu nær
að tala um samstarf hennar og
Álafoss. „Við ráðfærum okkur
alltaf hvort við annað og tölum
saman um málin og höfum líka
mikið samstarf við Úlf Sigur-
mundsson hjá Utflutningsmið-
stöð iðnaðarins." Vilborg segir,
að eins og er geti Álafoss vart
ennað meiri eftirspurn frá
Norðurlandamarkaðnum.
Og að lokum er Vilborg
spurð, hvernig henni lítist á
framtíðina í þessum efnum:
„Mér finnst mjög gaman og
spennandi að starfa að þessum
málum og ég vona, að ég eigi
eftir að standa í stykkinu. Það
eina, sem ég óttast, er að
staðna. Það er ekkert svið eins
erfitt og tizkufatasviðið. Við
verðum að koma með nýjungar,
en megum þó ekki skemma þau
sérstöku einkenni og stll, sem
vörunni hefur verið skapaður."
Yfirlitssýning á verkum
r
Asmundar Sveinssonar
1 DAG kl. 17.00 verður opnuð
fyrir almenning 1 Listasafni
lslands yfirlitssýning á verkum
Asmundar Sveinssonar, mynd-
höggvara. Spannar sýningin list-
feril Asmundar frá upphafi, —
elzta verkið er frá 1922 (Haf mey)
og það nýjasta er frá árinu 1971
(Járn og eir). „Þótt undarlegt
megi virðast er þetta fyrsta og
eina yfirlitssýning á vcrkum
Asmundar, eins merkasta lista-
manns þjóðarinnar, sem sett
hefur verið upp,“ sagði Selma
Jónsdóttir, forstöðukona Lista-
safns islands 1 samtali við
Morgunblaðið.
Sagði Selma að Listasafnið
hefði- gengizt fyrir yfirlits-
sýningum á verkum nokkurra af
okkar mestu listamönnum, og
hefði það alltaf haft áhuga á
sýningu á verkum Asmundar. Nú
væri sá draumur orðinn veruleiki,
og hefði undirbúningur staðið i
meir en mánuð. A þessari sýningu
eru 63 verk alls, og eru þau lang-
flest í eigu listamannsins sjálfs,
en 5 í eigu Lástasafnsins. „Ég held
að þetta gefi mjög gott yfirlit yfir
starfsferil Asmundar, en auðvitað
vantar stækkuðu myndirnar, en
hér eru þó frumgerðir margra
þeirra," sagði Selma. Og sjálfur
sagðist Ásmundur sakna
„tröllanna" sinna.
Yfirlitssýningin í Listasafninu
verður opin 13.30—22.00 um
óákveðinn tíma. Gefin eru út veg
leg sýningarskrá og veggspjöld
sem seld eru á sýningunni.
I sýningarnefnd eru list-
málararnir Jóhannes Jóhannes-
son og Steinþór Sigurðsson, og
s\’o Selma Jónsdóttir fyrir hönd
Listasafns Islands.
Asmundur Sveinsson við verk sitt „Rafmagn" á yfirlitssýningunni.
Minni myndin er af verki hans „Fuglinn Fönix“.
Alfreð Flóki sýnir
,lítil magísk ritúöl’
„ÞETTA er að sjálfsögðu mfn
bezta sýning til þessa,“' sagði
Alfreð Flóki er Morgunblaðs-
menn litu inn á sýninguna, sem
opnuð verður f Bogasal
Þjóðminjasafnsins f dag. „Þaðmá
segja, að þetta séu allt lftil
magísk ritúöl," sagði Flóki. Og
glöggt mátti sjá áhrif æðstaprests
svarta galdursins, Aleisters
Crowley, í þessum dulúðugu
myrkramyndum, — þess manns,
sem Flóki telur sinn mesta læri-
meistara, og brezka hástéttar-
fólkið kaflaði „versta mann f
heimi“ á fyrstu tugum þessarar
aldar.
- Flóki segir að skáldið og galdra-
meistarinn Crowley hafi haft
hvað sterkust áhrif á sig af öllum
mönnum. „Ég hef reyndar verið
að íhuga að fara í pílagrímsferð
til Sikileyjar, en þar hafði
Crowley klaustur sitt á sínum
tíma. Og það mun ekki hafa verið
staður fyrir óspjallaðar meyjar."
Á meðan við skoðuðum
myndirnar yfir púrtvínsglasi,
spjallaði Flóki um Crowley og
Framhald á bls. 18
Alfreð Flóki við verk sitt „Astvinir Orlandinu" ásamt Ine Bekke, hinni
dönsku „músu“ sinni.
Ljóðmæli Steingríms
Thorsteinssonar
BLAÐINU hefur borizt ný Helga-
fellsbók, Ljóðmæli eftir
Steingrfm Thorsteinsson, frum-
kveðin og þýdd. Hannes Péturs-
son skáld sér um útgáfuna og
ritar formála. Um bókina segir á
bókarkápu:
Hannes Pétursson hefur gert
yfirgripsmikið úrval úr ljóðum og
ljóðaþýðingum Steingríms Thor-
steinssonar og ritað inngangsorð.
Er vissulega hvergi áður til í
stuttu máli jafn-hugstæð lýsing
Steingríms né viðlika nærfærið
og öfgalaust mat á verkum hans
í ljósi breyttra tíma: í leiðsögn
Hannesar sameinast djúpstæður
sögulegur skilningur og rannsókn
skáldlegri kunnáttu og innsýn.
Aður hefur Hannes Pétursson
ritað bók um Steingrim, frábært
verk, sem kom út 1964.
Steingrímur var um langan
aldur eitthvert ástsælasta skáld
þjóðarinnar. Á eftir slfkum vin-
sældum fylgir venjulega aftur-
kast. „Á hinum síðari ævidögum
Steingrims,“ segir Hannes „varð
um hann sem skáld fremur
hljótt. “ Mörg kvæði hans lifðu að
vísu góðu lífi sem ættjarðaróður
og söngljóð, en hitt er sanni næst,
að hugmyndir manna um listrænt
gildi þeirra óskýrðust, þegar leið
fram á þessa öld, og með breytt-
um smekk varð mönnum mjög
starsýnt á galla hans. Hannes
Pétursson varð til þess að gera
endurmat á ljöðagerð hins gamla
þjóðskálds. Margþættar sögulegar
og listrænar athugasemdir hans
verða ekki dregnar saman i
nokkur orð á kápu, en fáir
munu bera brigður á þessa niður-
stöðu úr formála hans um
Steingrim, og hún hefur mikil-
vægt almennt gildi: „Meginstyrk-
ur hans fólst í því að geta kveikt
saman djúplæga kennd og hug-
myndalegt viðhorf í ljóði sem á
sér hófstilltan klið (gott dæmi
þess er Svanasöngur á heiði).
Þegar honum tekst bezt, hvílir
yfir ljóðum hans eins konar
perlumóðurgljái, þá er hugur og
hjarta og tunga í jafnvægi og
samræmi....“ Á slíkum stundum
er Steingrímur eitthvert full-
komnasta skáld tungunnar.