Morgunblaðið - 07.05.2002, Blaðsíða 10

FRÉTTIR
10 ÞRIÐJUDAGUR 7. MAÍ 2002 MORGUNBLAÐIÐ
ÓLAFUR Ragnar Grímsson, forseti
Íslands, heimsótti Háskólann í
Reykjavík í gærmorgun. Forsetinn
kynnti sér það starf sem unnið er í
skólanum, en um þessar mundir eru
nemendur að leggja síðustu hönd á
viðamikil verkefni sem þeir hafa
unnið að undanfarið. Forsetinn tók
einnig þátt í Hádegisháskóla starfs-
manna og hafði þar framsögu um
háskóla og hlutverk þeirra í fram-
tíðinni, alþjóðlega þróun og hlut ís-
lenskra háskóla.
Morgunblaðið/Kristinn
Forsetaheim-
sókn í Háskól-
ann í Reykjavík
VIÐ umræður um þróun miðborgar
Reykjavíkur á síðasta borgarstjórn-
arfundi upplýsti Guðlaugur Þór
Þórðarson, borgarfulltrúi Sjálfstæð-
isflokksins, að mikið væri af lausu
húsnæði til leigu og sölu á svæðinu
milli Snorrabrautar og Aðalstrætis.
Kvaðst hann hafa upplýsingar um að
á þessu svæði væru rúmlega 42 þús-
und fermetrar til sölu og leigu á 119
stöðum. Árni Þór Sigurðsson, for-
maður skipulags- og bygginganefnd-
ar, gerði grein fyrir skýrslu starfs-
hóps um deiliskipulag við Banka-
stræti og Laugaveg þar sem settar
eru meðal annars fram tillögur um
nýtingu lóða og friðun húsa. Árni
Þór sagði mikið hafa verið unnið í
tengslum við miðborgina til að skapa
henni góða umgjörð og vaxtar- og
þróunarmöguleika.
Sjálfstæðismenn gagnrýndu þró-
un miðborgarinnar og töldu henni
hafa hnignað í valdatíð Reykjavík-
urlistans. Inga Jóna Þórðardóttir,
oddviti sjálfstæðismanna, sagði
brýnt að menn gerðu sér grein fyrir
því að Reykjavíkurlistinn hefði verið
við völd í nærri 8 ár og allan þann
tíma hefði hann haft tíma til að bæta
ástand miðborgarinnar og vinna nýtt
deiliskipulag fyrir svæðið. Nú væri,
rétt fyrir kosningar, hugað að því að
skapa eðlilegt svigrúm fyrir þróun
við Laugaveg. Hún gagnrýndi meiri-
hlutann fyrir það sem hún nefndi of-
verndunarstefnu og kvað slíkt ekki
ganga við Laugaveginn. Vilhjálmur
Þ. Vilhjálmssson, borgarfulltrúi
sjálfstæðismanna, sagði aðallega
liggja fyrir skýrslur, greinargerðir
og úttektir um skipulag í miðborg-
inni eftir átta ára valdaferil R-lista.
Árni Þór vitnaði til skýrslu Land-
mats um greiningu á starfsemi mið-
borgarinnar sem hann sagði sýna að
verslunar- og atvinnustarf í borginni
hefði dafnað á síðustu árum.
Steinunn Valdís Óskarsdóttir,
borgarfulltrúi Reykjavíkurlistans,
sagði málflutning minnihlutans um
málefni miðborgarinnar einkennast
af bölmóði og svartsýni. Hún sagðist
ekki vera þeirrar skoðunar að allt
væri þar í himnalagi en það væri
langt því frá að allt væri þar á nið-
urleið. Sagði hún það hafa vakið at-
hygli sína að enginn borgarfulltrúa
sjálfstæðismanna hefði minnst á
Vatnsmýrina, þar sem sóknarfærin
lægju. Kvaðst hún draga þá ályktun
af þögn þeirra um það svæði að þeir
hefðu ekki raunverulegan áhuga á
þróun miðborgarinnar.
Guðlaugur Þór nefndi nokkur
dæmi um húsnæði á lausu í miðborg-
inni, svo sem við Skólavörðustíg,
Klapparstíg og Laugaveg, svo sem
húsnæði Stjörnubíós, Laugaveg 90–
92, Laugaveg 7, einnig Bankastræti
5 þar sem Íslandsbanki hefði verið til
húsa, Hafnarstræti 20, Lækjargötu
2 og skrifstofuhúsnæði á horni Póst-
hússtrætis og Austurstrætis. Sagði
hann þetta vera rúmlega 42 þúsund
fermetra í húsnæði, fyrir utan þetta
sagði Guðlaugur Þór að um 24 þús-
und fermetrar væru af lausu hús-
næði við Mýrargötu, á Grandagarði
og við Skúlagötu. Guðlaugur kvaðst
lesa annað út úr skýrslu Landmats
en Árni Þór, m.a. það að fyrirtækjum
og starfsmönnum færi fækkandi.
Óveruleg breyting
Kristín Einarsdóttir, fram-
kvæmdastjóri Miðborgar, tjáði
Morgunblaðinu að samanburður á
fjölda fyrirtækja, fjölda starfs-
manna, fjölda starfsígilda og heild-
arflatarmáls fyrirtækja í miðborg
Reykjavíkur leiddi í ljós óverulegar
breytingar á heildartölum milli ára.
Það væri meginniðurstaða skýrslu
Landmats. Hún sagði slíka saman-
tekt hafa verið gerða í ágúst síðustu
tvö árin og svo yrði einnig nú.
Í skýrslunni kemur fram að fyr-
irtækjum í miðborg fækkaði frá
árinu 2000 til 2001 um 5 og starfs-
mönnum um 46. Heildarflatarmál
hefði minnkað um rúma þúsund fer-
metra. Aukning varð í gistirými um
6%, um 2% minnkun í smásöluversl-
un, fækkun varð meðal starfsmanna
veitingastaða og minnkun á flatar-
máli þeirra þótt stöðunum hefði ekki
fækkað.
Sjálfstæðismenn gagnrýndu þróun miðborgarinnar
Telja 42 þúsund fermetra
á lausu í miðborginni
SÓLVEIG Pétursdóttir dóms-
málaráðherra sótti í gær og í
dag fund ráðherra Eystrasalts-
ríkjanna sem fara með lög-
reglusamvinnu. Til fundarins
eru boðaðir, af hálfu þýska inn-
anríkisráðherrans Otto Schily,
dóms- og innanríkisráðherrar
Norðurlandanna fimm auk Pól-
lands, Eistlands, Lettlands og
Rússlands, en ríkin eru öll að-
ilar að Eystrasaltsráðinu.
„Meginefni fundarins er um-
ræður um samstarfsverkefni
Eystrasaltsríkjanna gegn
skipulagðri glæpastarfsemi, en
á vettvangi Eystrasaltsráðsins,
sem Ísland á aðild að, hefur
starfað sérstakur starfshópur
sem skipuleggur baráttuna
gegn alþjóðlegri glæpastarf-
semi.
Samvinna ríkjanna á þessum
vettvangi hefur verið mjög víð-
tæk og náð til margra þátta.
Fjölmörgum verkefnum hefur
verið hrint í framkvæmd frá því
að samstarfið hófst á leiðtoga-
fundi Eystrasaltsríkja árið
1996. Hefur sjónum verið með-
al annars verið beint að smygli
á fíkniefnum, mansali, barátt-
unni gegn skipulögðum glæpa-
samtökum og fleira. Nánari
upplýsingar má finna á heima-
síðu starfshópsins, www.baltic-
seataskforce.dk.
Á fundinum verða ræddar
hugmyndir um útvíkkun á sam-
starfi ríkjanna og framtíðar-
skipulag á því. Verður meðal
annars fjallað um tengsl skipu-
lagðar glæpastarfsemi og
hryðjuverka, aukna þjálfun lög-
reglumanna og hvernig unnt er
að efla upplýsingaskipti lög-
regluliðanna í ríkjunum.
Í för með ráðherra eru Ingvi
Hrafn Óskarsson aðstoðarmað-
ur ráðherra og Stefán Eiríks-
son skrifstofustjóri.
Fundað
um lög-
reglu-
samvinnu
NEMANDI á þriðja ári í lagadeild
Háskóla Íslands, sem skildi eftir
glósur á kvennasalerni í Odda áður
en próf um réttarfar fór fram á
föstudag, hefur gefið sig fram við
stjórnendur lagadeildar. Kolbrún
Linda Ísleifsdóttir kennslustjóri
sagði við Morgunblaðið að málinu
væri lokið af hálfu deildarinnar,
prófúrlausnir nemandans yrðu
væntanlega teknar gildar þar sem
ekki væri talið að glósurnar hefðu
verið notaðar eftir að prófið hófst.
Bréf var sent til allra þeirra 40
nemenda sem þreyttu prófið með
áskorun um að eigandi glósanna sem
fundust á salerninu gæfi sig fram.
Umræddur nemandi gaf sig fram við
Kolbrúnu Lindu og skýrði sitt mál.
Glósurnar í lagadeild
Nemandi
gaf sig fram
ÁRNI M. Mathiesen sjávarútvegsráðherra segist
binda vonir við að sú breyting á lögum um stjórn
fiskveiða sem samþykkt var á Alþingi á föstudaginn
var og felur í sér álagningu veiðigjalds verði til þess
að setja niður deilur um fiskveiðistjórnunarkerfið.
Árni sagði að þetta væri endapunktur á löngu ferli
og lagt hefði verið upp með það að hægt yrði að
finna niðurstöðu sem gæti bundið enda á deilur um
fiskveiðistjórnunarkerfið.
Árni benti á að þegar fyrsta áfanganum í þessum
efnum hefði lokið með skýrslu auðlindanefndar
hefðu verið uppi miklar yfirlýsingar um að þar væri
grundvöllur til sátta og þar hefðu verið nefndar
tvær meginleiðir til sögunnar. Annarri þeirra leiða
hefði síðan verið fylgt til loka.
„Hins vegar er það auðvitað þekkt að menn
hlaupi frá sínum fyrri yfirlýsingum. Auðvitað er það
líka þannig að í stjórnkerfinu hafa menn mismun-
andi hlutverk. Stjórnarandstaðan á auðvitað að
gagnrýna og leita að öðrum möguleikum til að leysa
hlutina og viðra þá. Hagsmunasamtökin eiga að
gæta hagsmuna sinna umbjóðenda, þannig að það
er alveg skiljanlegt að í umræðunni hafi þessir að-
ilar lagt áherslu á önnur sjónarmið heldur en koma
fram í frumvarpi ríkisstjórnarinnar,“ sagði Árni.
Hann sagði að eftir sem áður væri búið að lög-
festa grundvallaratriði um veiðigjaldið og að fylgt
hefði verið annarri af þessum tveimur leiðum auð-
lindanefndarinnar og sú leið raunverulega útfærð.
„Ég held að það eigi að leiða til þess að það náist
víðtækari sátt um kerfið heldur en hefur verið áður.
Síðan má auðvitað alltaf deila um einstakar aðferðir
og upphæðir,“ sagði Árni ennfremur.
Hann bætti því við að ef það hefði einhver hugur
fylgt máli í yfirlýsingum bæði stjórnarandstöðu og
hagsmunaaðila um að þeir væru tilbúnir að taka
upp auðlindagjald og að skýrsla auðlindanefndar
væri grundvöllur til að byggja á þá ætti þetta að
geta skapað meiri vissu um framtíð kerfisins heldur
en verið hefði hingað til.
Hann sagði að málið hefði farið í gegnum ítarlega
umræðu og hann skynjaði það þannig að úti í þjóð-
félaginu væri mjög víðtækur stuðningur við þessa
niðurstöðu. Öllum almenningi fyndist að þessum
þætti málsins væri lokið að þessu leyti og að kafla-
skil hefðu átt sér stað.
Hann benti jafnframt á að í umræðunni upp á síð-
kastið og í nefndaráliti meirihluta sjávarútvegs-
nefndar væri umfjöllunin á þann veg að með þessari
niðurstöðu væri lagður grundvöllur að kvótakerfinu
og gjaldtökunni til frambúðar. Í nefndarálitinu væri
rætt um hvernig menn gætu í framtíðinni bætt afla-
markskerfið.
„Menn eru komnir að niðurstöðu um að við ætl-
um að vera með aflamarkskerfi, þar sem þeir sem
fá veiðiheimildirnar greiða fyrir þær með afkomu-
tengdu veiðigjaldi,“ sagði Árni.
Sjávarútvegsráðherra um breytingar á lögum um stjórn fiskveiða
Bindur vonir við að álagning
veiðigjalds setji niður deilur
FLOSI Eiríksson, oddviti Samfylk-
ingarinnar í Kópavogi, segir það
ekki rétt sem fram hafi komið í ræðu
Gunnars I. Birgissonar, oddvita
sjálfstæðismanna í Kópavogi, um
helgina að búið væri að ákveða að
taka í notkun nýtt vatnsból í Vatns-
endalandi Kópavogsbúa. „Það hefur
hvergi verið ákveðið; hvorki í bæj-
arráði né bæjarstjórn,“ segir Flosi
og bætir því við að fyrrgreind yfir-
lýsing Gunnars hafi komið öðrum
bæjarráðsfulltrúum mjög á óvart.
„Bæjarráð hefur á hinn bóginn verið
að skoða þennan möguleika en það á
eftir að semja við viðkomandi land-
eigendur um ýmis réttindi þannig að
yfirlýsingar um þetta eru algjörlega
ótímabærar. Það er góð regla í
samningaviðræðum að semja fyrst
áður en maður fer að monta sig af því
hvað maður ætlar að gera. Við náum
örugglega ekki betri samningum út
af þessum yfirlýsingum.“ Flosi segir
að Kópavogur kaupi vatn af Reykja-
víkurborg og að hann telji það einnig
koma til greina að Kópavogur láti á
það reyna hvort borgin vilji bjóða
betri samning þannig að Kópavogur
borgi minna fyrir vatnið.
Óábyrgar
prósentutölur
Í Morgunblaðinu á sunnudag er
greint frá því að Gunnar I. Birgisson
hafi skýrt frá því í ræðu sinni, þegar
stefnuskrá Sjáflstæðisflokksins í
Kópavogi hafi verið kynnt, að þegar
hefði verið ákveðið að taka í notkun
nýtt vatnsból í Vatnsendalandi
Kópavogsbúa. Jafnframt er haft eft-
ir Gunnari að um væri að ræða 40–
50% lækkun á vatnsskatti fyrir
Kópavogsbúa með því að þeir eign-
uðust eigin vatnsveitu í stað þess að
kaupa vatn af Reykjavíkurborg.
Flosi fullyrðir að þessar prósentu-
tölur sem Gunnar nefnir séu algjör-
lega óábyrgar; að baki þeim liggi
ekki fullfrágengnar kostnaðar- og
rekstraráætlanir fyrir nýja vatnsöfl-
un fyrir Kópavog. Flosi fagnar hins
vegar áhuga Gunnars á vatnsskatt-
inum. „Lækkun vatnsskattsins er
eitt af stefnumálum Samfylkingar-
innar í Kópavogi. Oddviti Sjálfstæð-
isflokksins hefur hingað til ekki tekið
það í mál en virðist nú skyndilega
hafa skipt um skoðun og auðvitað
fagna ég því.“
Flosi Eiríksson, oddviti
Samfylkingarinnar
í Kópavogi
Engin
ákvörðun
um nýtt
vatnsból
♦ ♦ ♦