Þjóðviljinn - 13.11.1982, Blaðsíða 22

22SÍDA — ÞJÓÐVILJINN Helgin 13.-14. nóvembcr 1982
Rætt við
Þorgils Ottar
Mathiesen
landsliðsmann
í handknattleik
„Þetta
er
Meðfylgjandi myndir tók -gel- af Þorgils Óttari í leik íslendinga og Dana í Norðurlandamóti pilta í handknattleik um síðustu helgi.
Þorgils Óttar Mathiesen. Þetta
nafn hefur á skömmum tíma
oröið feitletrað á íþróttasíðum
dagblaðanna og tungutamt í
munni íslenskra
handknattleiksunnenda. Þó
Þorgils Óttar sé ungur að árum,
nýlega orðinn tvítugur, hefur
hann skipað sér sess sem einn
okkar besti línumaður í
handknattleiknum. Hann hefur
þegar leikið 17 landsleiki fyrir
Islands hönd auk f jölda pilta- og
unglingalandsleikja og er
fyrirliði landsliðs pilta 20 ára og
yngri sem varð í þriðja sæti á
Norðurlandamótinu um síðustu
helgi. Þorgils Óttar er sonur
Matthíasar Á. Mathiesen,
fyrrverandi ráðherra og eins
dyggasta stuðningsmanns 1.
deildarliðs FH í handknattleik og
hann er því fæddur FH-ingur
eins og hann segir sjálfur.
Þorgils Óttar stundar nám í
viðskiptafræði við Háskóla
íslands eftir að hafa lokið
stúdentsprófi frá
verslunarskólanum s.l. vor. í
síðustu viku litum við inn hjá
honum á Hringbrautinni í
Hafnarfirðinum og ræddum við
hann vítt og breitt um hann
sjálfan, FH og íslenskan
handknattleik.
- Þorgils Ottar, er alltaf sami ríg-
urinn á milli FH og Hauka hérna í
Hafnarfirðinum?
”„Hann hefur óneitanlega minnk-
að síðustu árin og hjá þeim sem
eru á mínum aldri er fianh nánást
enginn. Ástæðan er sjálfsagt að
miklu leyti sú að Haukarnir hafa
dalað, leika nú í 2. deild og liðin
mætast ekki tvisvar á vetri nú í
hörkuleik í 1. deildinni eins og
áður. Annars reyna þeir sem eldri
eru að viðhalda þessum ríg, sumir
hverjir".
- Nú er FH-liðið ungt að árum en
samt við toppinn. Er nýtt stórveldi
á leiðinni?
„Það vona ég svo sannarlega! í
liðinu nú eru flestir fæddir á árun-
um 1960-62 og hafa leikið saman
frá því í 5. flokki. Menn þekkja því
hver annan út og inn og að auki
erum við miklir félagar utan vallar
svo „mórallinn" er mjög góður.
- Samvinna ykkar Kristjáns Ara-
sonar er mjög rómuð og þú hefur
skorað fjölda marka eftir línusend-
ingar hans. Hefur hann verið að
gefa svona á þig síðan í 5. flokki?
„Ekki get ég sagt það; við erum jú
búnir að spila saman Iengi en þessi
skilningur okkar á milli hefur að
mestu komið fram núna síðustu
árin.“
- Hvcrjir hafa haft mest áhrif á
þinn handknattleiksferil?
„Það hafa margir komið við sögu.
Geir Hallsteinsson þjálfar okkur
núna.og áður hafa það verið menn
eins og Birgir Björnsson, Janus
Guðlaugsson, Þórir Jónsson, Jó-
hannes Magnússon og fyrirliðinn
okkar núna, Guðmundur Magnús-
son, en hann þjálfaði okkur í 2.
flokki. Allir þjálfarar hafa verið
FH-ingar. Hvatningin hefur líka
verið mikil frá fjölskyldu, svo og
hinum fjölmörgu stuðnings-
mönnum FH. Við eigum örugglega
sterkasta heimavöllinn í 1.
deildinni vegna hinnar miklu og
góðu stemmningar og trygga áhorf-
endur sem fylgja okkur þegar við
leikum í Laugardalshöllinni."
Víkinga vantar
leikgleði
„Fólk hérna í Firðinum er orðið
leitt á þessari einokun Víkinganna í
1. deildinni. Meistaratitillinn hefur
ekki unnist síðan 1976, FH hefur
að vísu náð nokkrum sinnum í
silfrið, en það er ekki nóg, menn
vilja fara að endurheimta meist-
aratignina."
- Ertu bjartsýnn á að það takist?
„Já það er ég. Ætli við förum ekki
í úrslitakeppnina með KR og Vík-
ingi. Það er erfitt að spá um fjórða
liðið en ég giska á Þrótt. Framar-
arnir fara niður í 2. deild með ÍR.
Víkingarnir eru ekki eins sterkir og
þeir hafa verið, það vantar hjá
þeim alla leikgleði, þeir hafa ekki
gaman af því sem þeir eru að gera
og þá er tilgangurinn hreinlega
ekki fyrir hendi meðan menn fá
ekki borgað fyrir þetta, Á þeirra
æfingum veit ég að það er lítið sem
ekkert spilað, þær byggjast upp á
bolta- og keyrsluæfingum.
Ég er virkilega bjartsýnn á að við
náum að vinna deildina, okkar
aðalsmerki er leikgleðin og við höf-
um oft unnið leiki hreinlega á því
hve gaman við höfum haft af
þessu.“
- Hvernig er staðið að unglinga-
málum hjá FH?
„Það hefur verið lögð mikil rækt
við yngri flokkana og góð stjórn á
málum. Við höfum haft toppþjálf-
ara í gegnum árin, yfirleitt leik-
menn úr FH, en það er gífurleg
hvatning fyrir þá yngri að njóta
leiðsagnar þeirra. Áf þessu er að
skapast vandamál, vegna þess
mikla álags sem fylgir því nú orðið
að æfa og leika með meistaraflokki
hafa menn hreinlega ekki tíma til
að taka að sér þjálfun að auki.
Þetta bitnar óneitanlega á þeim
yngri.“
- Hvað viltu segja um þetta nýja
fyrirkomulag í 1. deildinni að fjölga
leikjum svona mikið. Er þetta til
bóta?
„Það er virkilega erfitt að vera 1.
deildar leikmaður í vetur en þetta
. ber örugglega árangur seinna þeg-
ar í alþjóðlega keppni er komið.
Þar er spilað á hverjum degi, eins
og á Norðurlandamótinu hjá okkur
á dögunum, og þetta skólar menn
til.“
- Er álagið ekki gífurlegt?
„Hjá þeim sem eru í landsliði er
það mikið. A-liðið æfir tvisvar á
dag núna, ég hef að vísu fengið frí
frá þeim æfingum vegna NM pilta,
en á meðan það æfir svona stíft
verða menn að sleppa æfingum hjá
sínu félagsliðiÁ
- Hvað eru þá félagsliðin að gera
núna?
„Þar held ég að sé aðallega verið
að keyra upp þrek. Vegna leikja-
fjöldans undanfarið í 1. deildinni
hafa æfingar verið þeim mun færri
og þeir sem hafa setið mikið á var-
amannabekknum hafa hreinlega
dottið úr æfingu. Síðan verður
slakað á rétt áður en mótið byrjar á
fullu á ný en hjá þeim félögum sem
eiga leikmenn í A-landsIiðinu nýt-
ist þessi tími illa fyrir spilaæfingar
og leikkerfi."
Þetta er miít líf
- Hve lengi heldurðu að þú endist
til að stunda handknattleik af sama
krafti og nú?
„Ég er bara rétt að byrja! Þetta er
mitt líf, allt gengur út á handbolt-
ann og er skipulagt í samræmi við
hann. í slíku tilfelli er nauðsynlegt
að fólk eigi eitthvert annað áhuga-
mál sem það getur leitað til þegar
það er orðið þreytt og vill gleyma
hinu um tíma, en þetta hefur mér
ekki tekist. Ég hef áhuga á að snúa
mér að þjálfun, ég hef aldrei feng-
ist við hana en nú er mig farið að
kitla í hendurnar eftir að prófa.“
- Margar stórstjörnur í íslenskum
handknattleik hafa farið utan og
leikið með þekktum liðum. Er
eitthvað slíkt á döfinni hjá þér?
„Á meðan ég er í viðskipta-
fræðinni fer ég ekkert. Það er þó
kannski erfitt að fullyrða nokkuð,
það er ómögulegt að segja hvernig
maður myndi bregðast við ef
eitthvað stæði til boða sem freistaði
verulega. Það er alltaf slæmt fyrir
íslensku félögin að missa þannig
sína bestu menn, nú er Kristján Ar-
ason t.d. volgur og við reynum að
halda í hann eftir mætti.“
Þjálfarar með
ráðherralaun
- Að lokurn, Þorgils Óttar, er
eitthvert sérstakt málefni í hand-
knattleiksheiminum sem þú vilt
vekja athygli á?
„Þjálfaramálin, ’handknatt-
leiksþjálfarar eru alltof hátt
launaðir hér á landi. Á meðan leik-
menn puða á hverjum degi án þess
að fá nokkuð fyrir það eru þessir
menn með ráðherralaun. Menn
eins og Anders Dahl hjá KR og
Bogdan hjá Víkingi hafa geysiháar
tekjur og það væri nær að hafa
launin nær einhverju meðallagi og
gera eitthvað fyrir leikmenn í stað-
inn; veita þeim t.d. umbun fyrir
unninn titil vegna þess mikla álags
sem þeir leggja á sig.“
Þar með var kominn tími til að
ljúka við kaffið og meðlætið, halda
til Reykjavíkur á ný og setjast við
ritvélina og símann. Það er alltaf
nóg að gerast í íþróttaheiminum.
-VS