Eimreiðin - 01.05.1905, Page 37

svo að gagni verði, er vert að gefa þessu máli gaum. Allir
munu og vera sammála um, að veruleg þörf sé á, að fá samgöng-
urnar í landinu bættar; nú eru vegirnir einnig farnir að komast í
gott lag á mörgum stöðum heima. Peir vegir, er ég þekki til,
vegirnir frá Reykjavík austur yfir tjall, til Pingvalla og til Hafnar-
fjarðar, eru í sjálfu sér svo góðir, að með litlum umbótum má
hæglega aka bifreiðum á þeim. Vegirnir verða yfirleitt að vera
harðir og nokkurnveginn sléttir; í Ölfusinu t. d. munu þeir eink-
ar hentir bifreiðum.
Pað er nú eðlilegt, að menn fýsi að vita nokkur skil á hinum
helztu bifreiðategundum, sem nú eru uppi, og hvernig kostnaðin-
um við að nota þær til flutninga og ferðlags er varið.
Taldir skulu hér 4 flokkar bifreiða, sem greinast eftir því,
hvaða afl hreyfir vélarnar:
Bifreiðar með sprengilofts-hreyfivél.
-----— rafmagns-hreyfivél.
-----— eim-hreyfivél.
----- — þrýstilofts-hreyfivél.
Sprengiloftsbifreiðarnar eru algengastar og sprengi-
loftshreyfiaflið myndast úr steinolíu, sérstaklega hreinsaðri, svo
sem bensín — og gasolíu.
Prýstiloftsbifreiðarnar eru yngstar, enda skemst á veg
veg komnar. f*ær eru dálítið notaðar í Ameríku, en í rautiinni
hafa þær eigi hepnast vel, sökum þess, að oflítill árangur verður
af því mikla erfiði, sem til hreyfingarinnar fer, þar eð aflgeymir-
inn er og verður að vera svo geysiþungur og mikill. Mun hæg-
ara yrði að nota rennandi loft í þessum vélum, og eru líkindi til,
að því fylgdi meiri hagnaður. Aðalörðugleikarnir við það liggja
í því, að það verður að vera langt fyrir neðan 100 kuldastig, ef
það á að haldast rennandi; ella tekur það að sjóða og breytist í
gasborið loft, en þá fær það þann feikna kraft, er sprengir af sér
öll bönd, svo að auðskilið er, að lífsháski er við það að fást. En
engu að síður hefur hinum ótrauða mannsanda tekist að sigrast á
þessum örðugleikum, temja þennan kraft og nota hann i þjónustu
sinni. Hinn nafnkunni prófessor Tripler, sem fyrir löngu er orð-
inn heimsfrægur fyrir tilraunir sínar með rennandi loft, er talinn
höfundur að katli, sem hafður var í nýja bifreið, er sýnd var fyrir
nokkrum árum í Nýju-Jórvík. Hún var lengi umtalsefni verkfræð-
inga og allir voru ásáttir um, að hér væri um mikla framför að