Morgunblaðið - 06.06.1998, Blaðsíða 57
MORGUNBLAÐIÐ
LAUGARDAGUR 6. JÚNÍ 1998 5 7
staka andrúmslofts sem ríkti svo
oft í eldhúskróknum á Suðurgöt-
unni í hádeginu og einkenndi kyn-
slóð Elínar og Valtýs þar sem fisk-
ur og flot voru á borðum og lyktin
hafði eins konar tímasetningu. Nú
fyrir síðustu jól áttum við góða
stund saman og íhuguðum væntan-
legar sveitarstjórnarkosningar og
ræddum heimsmálin með kæst
bragð í munni en ferskan blæ í and-
anum því Valtýr var maður sem
skynjaði nútímann og sá inn í fram-
tíðina, glöggur á menn og málefni
þótt kominn væri með annan fótinn
við þröskuld eilífðarinnar.
Af eilífðar ljósi bjama ber,
sem brautina þungu greiðir.
Vort líf, sem svo stutt og stopult er,
það stefnir á æðri leiðir
Og upphiminn fegri en augað sér
mót öllum oss faðminn breiðir.
(Einar Ben.)
Helga Margrét Guðmundsdóttir
og Jóhanna Brynjólfsdóttir.
Kær félagi og samherji andaðist
á Sjúkrahúsi Suðurnesja 25. maí
síðastliðinn, 88 ára. Ég vil minnast
þessa góða drengs með örfáum orð-
um.
Valtý kynntist ég fyrst árið 1955,
er ég opnaði lögfræðistofu í Kefla-
vík. Hann gegndi bæjarstjórastarfi
þar frá 1954 til 1958 og vann ég ým-
is lögfræðistörf fyrir bæjarfélagið.
A þessum árum flutti margt fólk
hvaðanæva af landinu til Keflavík-
ur. Pað var því í mörg horn að líta
fyrir bæjarstjórann í þessari hrað-
vaxandi byggð. En Valtýr skilaði
því verki með mikilli prýði enda
forkur duglegur sem taldi ekki eftir
sér að vinna myrkranna á milli ef
svo bar undir. Keflvíkingar voru
langminnugir á frammistöðu hans
sem bæjarstjóra. í bæjarstjórnar-
kosningunum 1966 vantaði aðeins
örfá atkvæði til þess, að Keflvískir
samherjar ynnu einir hreinan
meirihluta í bæjarstjórn undir for-
ystu Valtýs.
A bæjarstjóraárunum kynntist
ég manninum Valtý Guðjónssyni
vel. Auk dugnaðarins var hjálpsemi
það sem einkenndi hann mest. Við
ræddum oft um mannlífið á Suður-
nesjum sem þá var í mikilli gerjun.
Oft bar stjórnmálin líka á góma
enda báðir áhugasamir um þau mál.
Þegar það barst í tal fyrir október-
kosningarnar 1959 að ég leiddi lista
Framsóknarmanna í nýju Reykja-
neskjördæmi, þá óskaði ég þess
eindregið við Valtý og fleiri sam-
herja að hann skipaði 2. sætið, sem
varð raunin. Er ekki að orðlengja
það, að allar kosningarnar sem við
háðum saman voru óslitin sigur-
ganga. í þeim síðustu, árið 1967,
varð fylgi flokksins tæp 24 prósent
og hefur aldrei verið meira.
Við Valtýr áttum því láni að
fagna að eiga stóran hóp samherja
um allt Reykjaneskjördæmi. Þeir
höfðu mikið keppnisskap og voru
einhuga og baráttuglaðir. An slíks
stuðnings hefði þessi árangur ekki
náðst, því við sátum ekki við kjöt-
katla kerfisins og útdeildum gjöf-
um.
Valtýr Guðjónsson fæddist og
ólst upp í Hraunhreppi í Mýrar-
sýslu og kynntist því kjörum
þeirra, er sveitir landsins byggðu.
Eftir að hann fluttist til Suðurnesja
vann hann meðal annars við
kennslu, í sveitarstjórn, sem fram-
kvæmdastjóri atvinnufyrirtækja og
útibússtjóri í banka. Auk þess
starfaði hann í fjölda nefnda. Hann
fylgdist því vel með þróun þjóðfé-
lags okkar, var vel lesinn og hafði
sérstakan áhuga á hvers kyns þjóð-
legum fróðleik. Hann var skemmti-
legur og með gott skopskyn.
Valtýi- kvæntist 1934 samsveit-
unga_ sínum, Eiínu Þorkelsdóttur
frá Álftaá. Hún lést fyrir rúmum
fjórum árum. Það var mikið áfall
fyrir Valtý og fjölskylduna. Elín
var myndarkona til orðs og æðis og
minnist ég hennar með hlýhug og
virðingu.
Við Hólmfríður sendum afkom-
endum þessara góðu hjóna hlýjar
samúðarkveðjur og biðjum þeim
blessunar um alla framtíð.
Jón Skaftason.
MINNINGAR
FRÉTTIR
FANNAR
ÓSKARSSON
+ Fannar Óskars-
son, verkamað-
ur, fæddist í Reykja-
vík 21. júní 1939.
Hann lést á Sjúkra-
húsi Vestmannaeyja
28. maí síðastliðinn.
Hann var sonur
hjónanna Óskars
Jósúasonar, smiðs,
og Jakobínu Gríms-
dóttur, húsmóður.
Flutti í frumbernsku
til Vestmannaeyja.
Fannar var elstur í
hópi sex systkina.
Systkini hans eru:
Ester, fædd 1941, Hallgrímur,
fæddur 1943, Róbert, fæddur
1946, Steinunn Ósk, fædd 1950,
og Steinar Jósúa, fæddur 1952.
Fannar kvæntist Helgu Sig-
tryggsdóttur 12. febrúar 1966.
Hún er fædd á Siglufírði 5. júlí
1946, dóttir hjónanna Sigtryggs
Sl; föstudag barst sú harmafregn
um ísfélagið að Fannar Óskarsson
hefði orðið bráðkvaddur kvöldið áð-
ur.
Fannar hafði starfað hjá ísfélag-
inu meira og minna í tæp 20 ár og
var sá starfsmaður, sem hafði einna
lengsta starfsreynslu í fyrirtækinu.
Hann hafði sinnt ýmsum störfum á
vegum fyrirtækisins í gegnum árin
en aðallega var hann í móttöku á
fiski, starfaði sem lyftaramaður og
var sérstaklega lipur sem slíkur,
hugsaði vel um lyftarana og sinnti
hverjum þeim störfum sem þurfti á
hverjum tíma af samviskusemi.
Fannar var góður starfsmaður,
vildi að hagur fyrirtækisins, sem
hann vann hjá, væri sem bestur á
hverjum tíma.
Fannar stundaði sjóinn í mörg ár
og þótti mjög góður sjómaður og
var eftirsóttur í skipsrúm.
Jónatanssonar, sjó-
manns, og Snæ-
borgar Þorsteins-
dóttur, húsmóður.
Saman eignuðust
Fannar og Helga
fjórar dætur, þær
eru Jósebína Ösk,
fædd 1966, Elísabet
Fanney, fædd 1968,
Halldóra Steinunn,
fædd 1973, og Jó-
hanna, fædd 1974.
Fyrir átti Helga
dótturina Söndru
Snæborgu sem
Fannar gekk í föð-
urstað. Tengdasynir Fannars
eru Svavar Valtýr Stefánsson
og Stefnir Davíðsson. Barna-
börnin eru fimm.
Utför Fannars verður gerð
frá Landakirkju f Vestmanna-
eyjum í dag og hefst athöfnin
klukkan 11.
Störf manna eins og Fannars,
sem hafa starfað við sjávarútveg,
hafa aukið og bætt hag þjóðarinnar,
oft með mikilli vinnu og fórnfýsi.
Fannar var geysilega áhugasam-
ur um íþróttir, sérstaklega var hon-
um annt um velgengni IBV í fót-
boltanum og fylgdist hann með öll-
um heimaleikjum liðsins og gladdist
innilega með þeim þegar vel gekk.
Fannar var góður félagi sam-
starfsmanna sinna. Hann var kátur
og glaðsinna, þægilegur í umgengni
og kom sér mjög vel á vinnustað
bæði við yfirmenn sína og félaga og
er mikill söknuður í hópi samstarfs-
manna við skyndilegt brottfall hans.
Ég vil að leiðarlokum senda inni-
legar samúðarkveðjur til aðstand-
enda Fannars og bið þeim Guðs
blessunar í framtíðinni.
Sigurður Einarsson.
SNORRIDANÍEL
HALLDÓRSSON
+ Snorri Daníel Halldórsson
var fæddur í Reykjavík 30.
maí 1910. Hann andaðist á
Hrafnistu, Laugarási, 24. niaí
síðastliðinn og fór útför hans
fram frá Langholtskirkju 4. júní.
Það var alltaf mikil gleðistund þegar
ég var lítill, að fara í heimsókn til afa
og ömmu í Karfavogi. Þá fékk ég að
koma í bíltúra með afa í leigubílnum,
fékk að skoða háaloftið þar sem hann
málaði myndirnar sínar. Og fyrir
svefninn sagði afi mér ævintýrasög-
ur sem ég man enn. I Karfavogi var
ég alltaf velkominn, þar var alltaf að
finna ást og hlýju.
Ég man eftir ferðunum á Laugar-
vatn í sumarbústaðinn, man meira að
segja eftir því þegar við byggðum
hann. Við fórum í gufuna og afi stakk
sér til sunds í ísköldu Laugarvatni
og svamlaði þar um. Ég hélt að hann
væri hálfgert ofurmenni að geta
þetta. Við fórum saman að veiða í
Brúará, uppáhalds ána hans, en ég
man þó ekki eftir einu einasta skipti
sem við veiddum eitthvað. Það skipti
afa engu máli; bara að fara út í nátt-
úruna og horfa á flotholtið fljóta
hreyfingarlaust í ánni. Hann afí var
skemmtilegur maður, með góða
kímnigáfu, tónelskur og alltaf flaut-
andi sama lagstúfinn.
Nú er hann afi allur. Ég sakna
hans en veit að hann er kominn á
betri stað, þar sem hann og amma
eru aftur saman. Ég þakka honum
fyrh- þá ást og umhyggju sem hann,
og amma, sýndu mér í æsku. Sú ást
lifir áfram í hjarta mínu.
Róberí Snorrason.
Birting afmælis- og
minningargreina
MORGUNBLAÐIÐ tekur afmælis- og minningai-greinar til birtingar
endurgjaldslaust. Greinunum er veitt viðtaka á ritstjórn blaðsins í Kr-
inglunni 1, Reykjavík, og á skrifstofu blaðsins í Kaupvangsstræti 1,
Akureyri. Þá er enn fremur unnt að senda greinarnar í símbréfi (569
1115) og í tölvupósti (minning@mbl.is) — vinsamlegast sendið greinina
inni í bréfinu, ekki sem viðhengi.
Um hvern látinn einstakling birtist ein uppistöðugrein af hæfilegri
lengd, en aðrar greinar um sama einstakling takmarkast við eina örk, A-
4, miðað við meðallínubil og hæfilega línulengd, - eða 2.200 slög (um 25
dálksentimetra í blaðinu). Tilvitnanir í sálma eða ljóð takmarkast við eitt
til þrjú erindi. Greinarhöfundar eru beðnir að hafa skírnarnöfn sín en
ekki stuttnefni undir gi-einunum.
Við birtingu afmælisgreina gildir sú regla, að aðeins eru birtai' gi’einar
um fólk sem er 70 ára og eldra. Hins vegar eru birtar afmælisfréttir
ásamt mynd í Dagbók um fólk sem er 50 ára eða eldra.
Mikil áhersla er lögð á, að handrit séu vel frá gengin, vélrituð eða tölvu-
sett. Sé handrit tölvusett er æskilegt, að disklingur fylgi útprentuninni.
Það eykur öryggi í textameðferð og kemur í veg fyrir tvíverknað. Auð-
veldust er móttaka svokallaðra ASCII-skráa sem í daglegu tali eru
nefndar DOS-textaskrár. Þá eru ritvinnslukerfin Word og Wordperfect
einnig auðveld í úrvinnslu.
HAUKUR Jóhannesson, forseti Ferðafélags íslands, og Guðmundur
Hauksson, sparisjóðsstjóri SPRON, innisigla samkomulagið. Ásamt
þeim eru Kristján Jónsson, stjórnarmaður í ferðafélaginu, og Sigurjón
Hjartarson, markaðsstjóri SPRON.
Samstarf SPRON og
ferðafélagsins
FERÐAFÉLAG fslands og
Sparisjóður Reykjavíkur og ná-
grennis standa fyrir Esjugöngu
fyrir alla fjölskylduna sunnu-
daginn 7. júní. Þijár leiðir
verða í boði í fylgd reyndra Ieið-
sögumanna frá ferðafélaginu.
Er þetta fyrsti liður í samkomu-
lagi sem SPRON og Ferðafélag
íslands hafa gerð með sér til
fimm ára, segir í fréttatilkynn-
ingu.
Auk þess að koma upp leiðar-
vísum við Esjuna felst í sam-
komulaginu að gera umbætur á
göngustígum Esjunnar í sam-
starfi við Reykjavikurborg.
Ferðafélagið tekur að sér að
skipuleggja ferðir fyrir starfs-
menn og viðskiptavini SPRON
og ýmislegt fleira verður á dag-
skrá sem tengist þessari sam-
vinnu en alls er samstarfssamn-
ingurinn í 14 liðum.
Sjómanna-
dagsblað
Austurlands
SJÓMANNADAGSBLAÐ Austur-
lands er komið út. Blaðið er um 100
síður og inniheldur á þriðja hundrað
ljósmyndir. Efnið
er fjölbreytt að
vanda. Meðal
annars __ segja
Halldór Ásgi-íms-
son, utanríkisráð-
herra, og Páll
Benediktsson,
fréttamaður, frá
kynnum sínum af
sjómennsku,
Magni Kristjánsson, skipstjóri,
skrifar um þorskastríðin þrjú og
Helgi Hallvarðsson, skipherra, segir
sögur úr þorskastríðinu 1958, sagt
er frá strandi Egils rauða árið 1955,
Þorsteinn Vilhelmsson segir frá því
þegar hann var á Barða NK, fyrsta
íslenska skuttogaranum, og Sylvía
Dögg Halldórsdóttir, 18 ára aust-
firsk yngismær, segir frá því þegar
hún fór á frystitogara.
Einnig er í blaðinu að finna gaml-
ar og nýjar sögur, auk fjölbreytts
fróðleiks og skemmtiefnis. Ritstjóri
Sjómannadagsblaðs Austurlands er
Kristján J. Kristjánsson. í Reykja-
vík má nálgast blaðið í bókaverslun-
um Eymundsson.
Andadagur á
Tjörninni
SJÓVÁ-Almennar efna til andadags
við Tjörnina í dag, laugardaginn 6.
júní, milli kl. 13 og 15 hjá Iðnó.
Boðið verður upp á Emmessís
handa börnunum og brauð handa
öndunum meðan birgðir endast.
Fuglafræðingur heldur fyiirlestur
um endurnar á Tjörninni, veltibíll-
inn verður á staðnum, börnin fá and-
listmálum og „endur-merkt“ barm-
merki og félagar úr Landsbjörg sjá
um sýningu á tækjum og búnaði.
Safna fyrir ferð
til Fatíma
UNGLINGAFÉLAG kaþólsku
kirkjunnar á íslandi, Pfló, stendur
um þessar mundir að fjáröflun fyrir
pflagrímsferð félagsins í haust. Gerí
er ráð fyrir að um 18 unglingar verði
með í för og er fórinni að þessu sinni
heitið til Fatíma í Portúgal þar sem
María mey á að hafa birst 3 börnum
í upphafi aldarinnar. Mörg hundruð
þúsund pflagrímar koma til Fatíma
árlega og er staðurinn einn helgasti
pflagrimsstaður í vestrænni kristni,
segir í fréttatilkynningu.
Skemmst frá að segja hafa viðtök-
ur manna við söfnun félagsins verið
mjög góðar, jafnt meðal kaþólskra
sem annarra. í dag, laugardaginn 6.
júní, mun félagið standa fyrir bíla-
þvotti og bóni á bflastæðaplaninu við
Kristkirkju í Landakoti. Ungling-
arnir munu taka að sér að þrífa og
bóna bfla frá kl. 10-16 og er framlag
hvers ökumanns frjálst.
Dansað á
Ingólfstorgi
BOÐIÐ upp í dans er yfírskrift
dansleikja sem samtök áhugafólks
um almenna dansþátttöku, Komið
og dansið, standa fyrir á Ingólfs-
torgi sunnudagana 7. og 14. júní nk.
kl. 14-16.
Tónlist sem leikin verðm- af
geisladiskum mótast fyrst og fremst
af léttri sveiflu og línudönsum en
jafnframt af almennri danstónlist.
Tilgangurinn er að glæða miðborg-
arlífið tónlist og dansi stutta stund
og jafnframt að vekja athygli á
dansi sem heilbrigðum gleðigjafa,
segir í fréttatilkynningu.
Opið hús á
Hrafnistu
Á SJÓMANNADAGINN verður op-
ið hús á Hrafnistuheimilinu. Til sýn-
is verða handunnir munir heimilis-
fólksins, Lestardrengirnir syngja og
harmonikan ómar um allt hús.
Að venju verður í boði glæsilegt
kaffihlaðborð í borðsölunum og
rennur ágóðinn af kaffisölunni til
velferðai-mála heimilisfólksins.
Sjómannadagurinn hefur verið
haldinn hátíðlegur ár hvert í byrjun
júní í 60 ár. Eitt af baráttumálum
sjómannasamtakanna varð fljótlega
að byggja dvalarheimili fyrir aldr-
aða sjómenn sem væru komnir í
land. Hrafnista í Reykjavík var opn-
uð á sjómannadaginn 1957 og
Hrafnista í Hafnarfirði 1977.