Morgunblaðið - 06.06.1998, Blaðsíða 20
20 LAUGARDAGUR 6. JÚNÍ 1998
LANDIÐ
MORGUNBLAÐIÐ
Glæsilegur árangur í
samræmdu prófunum
Morgunblaðið/Jenný Jensdóttir
NEMENDUR 10. bekkjar Drangsneskóla náðu frábærum
árangri í samræmdu prófunum.
Drangsnesi - Skólaslit voru í
Drangsnesskóla fimmtudaginn
28. maí siðastliðinn. Voru um
miðjan daginn gróðursett tré,
grillaðar pylsur og farið í leiki
en skólaslit og afhending ein-
kunna um kvöldið.
Nemendur skólans í vetur
voru 20 og þar af tóku 6 nem-
endur samræmd próf úr 10.
bekk. Var árangur þeirra í þess-
um lokaprófum upp úr grunn-
skóla stórglæsilegur. Meðalein-
kunn í öllum fögum langt yfir
svokölluðu landsmeðaltali. Má
þar nefna að meðaleinkunn í
stærðfræði var 7,75. Og aðrar
cinkunnir eftir því. Og það
tfðkast alls ekki á Drangsnesi að
fá undanþágu frá samræmdu
prófunum fyrir lélegustu nem-
cndurna eins og gert er í a.m.k
sumum skólum í Reykjavík til að
halda uppi góðu meðaltali.
Fengu nemendur og kennarar
blóm frá hreppsnefnd Kaldrana-
neshrepps við skólaslitin sem
viðurkenningu fyrir gott skóla-
starf í vetur.
Þetta er í fjórða sinn sem
Drangsnesskóli útskrifar nem-
endur úr 10. bekk og var það
ekki auðsótt mái á sfnum tíma að
fá að hafa þennan bekk við skól-
ann. Töldu allir sem vit þóttust
hafa á skólamálum, bæði leik-
menn og lærðir, þetta hið mesta
óráð og börnunum mikill óleikur
gerður með þessari ráðstöfun.
En reyndin er allt önnur. Árang-
ur 10. bekkjar nemenda við skól-
ann hefur verið mjög góður und-
anfarin ár og þau fara öll til
framhaldsnáms og standa sig
þar með prýði.
H llHtk
Morgunblaðið/Gunnlaugur Árnason
NEMENDUR 5. bekkjar Grunnskólans í Stykkishólmi heimsóttu Amtbókasafnið og lásu ritdóma um barna-
bækur sem þeir höfðu lesið. Á myndinni er hluti 5. bekkjar ásamt kennara sínum, Unni Breiðfjörð, og for-
stöðumanni Amtbókasafnsins, Sigurlínu Sigurbjörnsdóttur.
Utlán aukast á 150% starfs-
ári Amtbókasafnsins
Stykkishólmi - Á síðasta ári voru
150 ár liðin frá því að Amtbókasafn-
ið í Stykkishólmi hóf starfsemi sína.
í ársskýrslu forstöðumanns, Sigur-
línar Sigurbjörnsdóttur, kemur
fram að aukning hefur orðið á út-
lánum í safninu á síðasta ári. Alls
voru lánaðar út 11.484 bækur og
tímarit, sem þýðir að útlánin voru
rúmlega 9 bækur á íbúa yfir árið.
Aðfóng á árinu voru 312 bækur,
keyptar eða gefnar. 299 fjölskyldu-
og einstaklingsskírteini voru gefin
út á árinu. Forstöðumaður Amt-
bókasafnsins er Sigurlína Svein-
bjömsdóttir og með henni á safninu
vinnur Birna Pétursdóttir. Safn-
gögn hafa ekki enn verið talin að
fullu. Útlánaefni er þó nær allt
tölvuskráð. Ótaldar eru bækur í
geymslu, sem skipta þúsundum.
Geymsluskrá er smá saman að
verða til og styttist því í að hægt
verði að telja geymsluefnið.
Á síðust skóladögum heimsóttu
nemendur 5. bekkjar grunnskólans
Amtbókasafnið. Þeir höfðu valið sér
bók til lestrar, samið útdrátt úr
henni og sögðu frá boðskap hennar
og hvernig þeim fannst bókin. For-
eldrum barnanna og öðrum bæjar-
búum var boðið að koma og hlusta á
flutninginn.
Morgunblaðið/Karl Á. Sigurgeirason
Börnum
gefnir reið-
hjólahjálmar
Hvammstanga - Kvenfélagið
Björk á Hvammstanga gefur
árlega sex ára börnum reið-
hjólahjálma í suinarbyrjun.
Þetta árið þáðu ellefu börn
þessa sumargjöf. Morgunblaðið
myndaði þennan hóp ásamt
stjórn Kvenfélagsins, Sigríði
Ragnarsdóttur, Arndísi Jóns-
dóttur og Eddu Hrönn Gunn-
arsdóttur.
ÚR VERINU
Morgunblaðið/Armann Agnarsson
BEITIR með fulla nót af sfld, en skipveijar á Þórshamri búa sig undir
að meðtaka gjöfina.
Síldin fær frí fram
yfir helgi
SÍLDVEIÐIFLOTINN er nú ann-
aðhvort lagstur að bryggju eða á
leið til lands í tilefni sjómanna-
dagsins á sunnudaginn. Að sögn
sjómanna var sfldin komin fast
að landhelgismörkunum þegar
veiðum lauk og torfurnar á ör-
uggri ferð í suðvestur. Töldu
menn að ef fram héldi sem horfði
yrði sfldin komin inn í íslenska
landhelgi upp úr helginni er
skipin verða komin aftur á miðin.
Svo miklar hafa sfldartorfum-
ar verið að undanförnu, að það
hefur komið hvað eftir annað
fyrir að skip hafa sprengt sfldar-
næturnar og þannig bæði glatað
afla og skemmt veiðarfæri. Það
kom t.d. fyrir hjá Þórshamri, en
kom ekki að sök í það skiptið,
því nærstaddur var Beitir í
mokveiði. Fékk Beitir 1.100 tonn
í fjórum köstum, þar af 6-700
tonn í einu og vom Þórshamri
þá gefin rösk 600 tonn. Þetta er
ekki einsdæmi og að sögn sjó-
manna svífur vinskapurinn yfir
vötnunum úti á núðunum þó
menn keppi e.t.v. eilítið inn-
byrðis.
Fiskistofa sviptir
fjögur skip veiðileyfí
FISKISTOFA hefur að undanfömu
svipt fjögur skip veiðileyfi vegna
brota á lögum um umgengni um
nytjastofna sjávar. Annars vegar
voru skip svipt veiðileyfi vegna afla
umfram heimildir og hins vegar
vegna þess að hluti af þorskafla var
vigtaður sem steinbítur og þannig
skotið undan vigt. Þá hefur Fiski-
stofa afturkallað leyfi Hraðfrysti-
húss Eskifjarðar til heimavigtunar.
Þann 20. maí síðastliðinn svipti
Fiskistofa Jón Pétur RE leyfi til
veiða í atvinnuskyni vegna afla um-
fram aflaheimildir og gildir leyfis-
sviptingin þar til aflaheimildastaða
skipsins verður lagfærð. Þá var Ósk
KE svipt veiðileyfi þann 27. maí
vegna afla umfam veiðiheimildir, en
skipið fékk leyfið á nýjan leik þann
28. maí eftir að aflaheimildastaða
þess hafði verið lagfærð.
I byrjun maímánaðar voru skipin
Hrefna IS og Sigurvík GK svipt
leyfi til veiða í atvinnuskyni í tvær
vikur, þar sem hluti af þorskafla
skipanna var vigtaður sem steinbít-
ur og þannig skotið undan vigt.
Leyfí til heimavigtunar
afturkallað
Fiskistofa afturkallaði leyfi Hrað-
frystihúss Eskifjarðar hf. til heima-
vigtunar þann 20. maí síðastliðinn.
Er ástæðan sú að vigtarmaður fyr-
irtækisins hafði gerst brotlegur
Mál Sigurðar VE
tekið fyrir eftir
helgina
MÁL Sigurðar VE verður tekið fyr-
ir í áfrýjunarrétti í Bodö í Noregi
næstkomandi mánudag og þriðju-
dag.
Sigurður VE var færður til hafn-
ar af norsku strandgæslunni í byrj-
un júní 1997 þar sem henni höfðu
ekki borist tilkynningar um veiðar
skipsins og afla innan lögsögu Jan
Mayen, en samkvæmt gildandi
samningi var skipið þar að sfldveið-
um. Undirréttur dæmdi Norðmönn-
um í einu og öllu í vil í máli þessu í
september síðastliðnum.
gegn ákvæðum laga um umgengni
um nytjastofna sjávar og ákvæðum
reglugerðar um vigtun sjávarafla
við vigtun á rækjuafla Hólmaness
SU þann 20. aprfl síðastliðinn.
------------------
Farmanna- og fiski-
mannasambandið
Flotinn
flauti
samtímis
FARMANNA- og fiskimannasam-
band íslands hefur beint þeim til-
mælum til íslenskra skipstjórnar-
manna að þeir þeyti flauturnar á
skipum sínum samtímis kl. 14 á
morgun, sjómannadaginn, í tilefni
þess að sjómannadagurinn er nú 60
ára og einnig í tilefni þess að nú er
ár hafsins á vegum Sameinuðu þjóð-
anna.
Hugmyndin að þessu er komin
frá Friðriki Ó. Friðrikssyni náms-
manni í Ósló, sem telur að með því
að láta flotann flauta samtímis verði
landsmönnum kynntur sá kraftur
sem flotinn búi yfir og þjóðin minnt
á grundvallarstoðir sínar, sambúð-
ina við hafið og auðlindir þess.
Guðjón A. Kristjánsson, forseti
Farmanna- og fiskimannasam-
bandsins, sagði í samtali við Morg-
unblaðið að tillaga Friðriks hefði
verið tekin íýrir á stjórnarfundi hjá
FFS og reyndar einnig hjá Sjó-
mannasambandinu.
„Við ákváðum að taka jákvætt
undir hugmyndina og höfum beint
því til skipstjórnarmanna að þeir
stæðu að þessu flauti kl. 14 á sjó-
mannadaginn. Við getum svo sem
ekkert skipað mönnum að gera
þetta, heldur eru þetta einungis vin-
samleg tilmæli um að menn geri
þetta í tilefni þess að sjómannadag-
urinn er 60 ára og í tilefni af ári
hafsins. Síðan verður það bara að
ráðast hve þátttakan í þessu verður
almenn,“ sagði Guðjón.