Morgunblaðið - 10.02.1993, Blaðsíða 29

MORGUNBLAÐIÐ MIÐVIKUDAGUR 10. FEBRÚAR 1993
29.
Ólafur kaus að lifa fábrotnu líf
og oft sagði hann mér að það væri
hans lífsfylling að geta verið sjálf-
um sér nógur varðandi umsýslu
þeirra mála sem hann hafði með
höndum. Hann var útlærður smiður
hjá föður sínum og hafði yndi af
að sinna ýmsum verkefnum af því
tagi, ekki síst ef hann gat með því
móti aðstoðað systur sínar og aðra
ættingja og vini. Ekki verður komið
tölu á þá einstaklinga sem Ólafur
veitti ráð í frítíma sínurn varðandi
frágang skattframtala. Ég tel að
ekki sé fjarri að áætla að hann
hafí unnið samanlagt nokkur starfs-
ár launalaust á ferli sínum við slíka
aðstoð, því aldrei vildi Ólafur þiggja
greiðslu eða þóknun af neinu tagi
af nokkrum manni. Þannig ljómar
hans lífshlaup allt af kærleika,
bræðralagi og fómfýsi.
Ólafur var vanafastur og lifði
einföldu lífi. Hann lagði ekkert upp
úr því sem lífsgæðakapphlaup nú-
tímans snýst mikið um, svo sem
ferðalögum, nýtísku bílum o.s.frv.,
jafnvel þó hann hefði vel ráð á.
Ólafur fór t.d. aldrei með flugvél
til útlanda, en fór einu sinni í stutta
sjóferð til Danmerkur með skipi
mágs síns. Heimur Ólafs var ann-
ar, fjölskyldan og vinirnir, að geta
séð um sitt og hjálpað sínum að
geta ætíð haldið reisn sinni. Ólafur
hélt reisn sinni til hinstu stundar.
Og dauðann óttaðist hann ekki.
Hann hafði bjargfasta trú á fram-
haldslíf og var sannfærður um að
ná langþráðum endurfundum með
foreldrum sínum og öðrum nánum
ástvinum þegar hans stund rynni
upp.
Ég þakka Ólafi frænda mínum
fyrir alla hans órofa tryggð, hjálp-
semi og vinskap. Lífshlaup hans
allt ljómar af kristilegu bræðralagi
og náungakærleika. Eg veit að ljómi
af því tagi þótti honum eftirsóknar-
verðasta vegtyllan í lífinu. Blessuð
sé minning hans sem aldrei mun
dofna.
Hermann Sveinbjörnsson.
Þegar við nú kveðjum góðan vin
Ólaf Sigvaldason viðskiptafræðing,
er okkur efst í huga trygglyndi
hans, hjálpsemi og vilji til að gera
öðrum gott, því jafnan var hann
fyrstur manna til að bjóða fram
aðstoð sína ef á þurfti að halda.
Kynni okkar við Óla og skyldfólk
hans hófust fýrir rúmum þijátíu
árum. Við hjónin bjuggum um ára-
bil í sama húsi og systir hans og
fjölskylda hennar þar sem hann var
daglegur gestur og tókst þar kunn-
ingsskapur sem varð að þeirri vin-
áttu sem aldrei bar skugga á.
Óli vann á Skattstofu Reykjavík-
ur alla sína starfsævi þar sem þekk-
ing hans og frábærir hæfileikar
nutu sín fullkomlega og vart get
ég hugsað mér nákvæmari og sam-
viskusamari mann en hann var.
Sem dæmi um það skal hér sögð
ein lítil saga.
Eitt sinn komum við hjónin til
hans og báðum hann að líta á skatt-
skýrsluna okkar. Óli leit á klukk-
una, bað okkur að bíða smástund
og hélt áfram vinnu sinni. Eftir
dágóðan tíma leit hann aftur á
klukkuna og sagði: „Jæja, þá er
vinnutíminn búinn, nú stimpla ég
mig út og svo getum við litið á
skýrsluna".
Óli aðstoðaði fjölda manns við
skattframtöl í frítímum sínum og
aldrei vissi ég til þess að hann tæki
greiðslu fyrir. Þá hjálpaði hann
einnig nemendum sem áttu í erfið-
leikum með stærðfræðina og enn-
fremur liðsinnti hann mörgum með
verkkunnáttu sinni, en húsasmíði
hafði hann numið af föður sínum.
Óli var mikill stærðfræðingur og
með ólíkindum minnugur á tölur.
Væri hægt að segja af því margar
sögur og sumar næsta ótrúlegar.
Það var gaman að ræða við hann
um lífíð og tilveruna, því að hanri
var fróður mjög, víðlesinn og rök-
vís, en fastur gat hann verið fyrir
og stífur á meiningunni.
Óli var ókvæntur og bamlaus en
var tengdur systmm sínum og fjöl-
skyldum þeirra sterkum böndum
og kom oft fram hve þar ríkti mik-
il eining og samstaða.
Hann var mjög dulrænn þó að
hann léti ekki mikið á því bera og
oft kom hann manni á óvart í þeim
efnum.
Nú þegar Óli er horfinn á vit
eilífðarinnar minnumst við hans og
hinna góðu stunda sem við áttum
saman og þökkum fyrir alla hans
vinsemd og hlýju sem hann sýndi
okkur við skyndilegt fráfall manns-
ins míns og föður okkar.
Með Óla er genginn góður maður
sem margir munu sakna. Við send-
um systrum hans og íjölskyldum
þeirra innilegar samúðarkveðjur.
Kristjana H. Guðinundsdóttir,
Gylfi og Asgeir Valur
Snorrasynir.
Nú hringir síminn ekki lengur
um miðnæturskeið. Það var ekki
nema einn maður sem hringdi á
þeim tíma, Ólafur Sigvaldason. í
dag kveðjum við hann. Það er
reyndar alltof fljótt, en svo hafa
máttarvöldin ákveðið.
Ég kynntist Ólafi fyrst er ég tók
að venja komur mínar á heimilið á
Snorrabraut 69 í kjölfar þess að ég
kynntist Sigrúnu, næst yngstu syst-
ur hans, sem síðar varð eiginkona
mín. Alinn upp sem einbimi var
mér það nýmæli að kynnast þessum
samheldna hóp er systkinin á Snor-
rabrautinni vom. Milli Bimu, sem
gift er Ragnari Karlssyni, geð-
lækni, og býr nú í Bandaríkjunum,
Ingu, sem gift er Ásgeiri Sigurðs-
sjmi, skipstjóra, Hrefnu, skóla-
stjóra, Ólafs, Sigrúnar, konu
minnar, og Aðalheiðar, sem gift er
Gunnari H. Guðjónssyni, flugstjóra,
ríkti einstök samheldni. Ólafur tók
mér mjög vel og varð mér það fljót-
lega ljóst að það var samkvæmt
eðli hans, og er árin liðu og ég
kynntist honum nánar fann ég æ
betur hve einstakur mannkosta-
maður hann var.
Ólafur vann alla sína starfsævi
á Skattstofu Reylqavíkur og var
lengst af hægri hönd Halldórs heit-
ins Sigfússonar skattstjóra er Ólaf-
ur mat mikils vegna hæfileika hans
og þekkingar, en það mun hafa
verið gagnkvæmt. Kynni þeirra
munu hafa tekist er skattstofan
hafði fengið endursent bréf, með
þeirri athugasemd að leiðrétta
þyrfti stafsetningu og greinar-
merkjasetningu. Halldór fór þá á
stúfana til að fínna einhvem er
væri fær um að koma í veg fyrir
að skattstofan fengi fleiri slík til-
skrif og fann Ólaf, sem þá hafði
nýlega hafið þar störf. Eftir það
vildi hann ekki að neinir meiriháttar
úrskurðir eða mikilvægar greinar-
Sjrðir fæm frá stofnuninni nema
lafur væri búinn að yfírfara þ9s
skrif.
Öll þau ár er ég þekkti Ólaf var
þessi tími árs annatími 'vegna þess
að framtalsfrestur var að líða. Ég
hef þessa daga verið að líta á ýmis
skjöl og sé þar á meðal lista yfír
einstaklinga sem hann hefur hjálp-
að við frágang skattframtala. Þar
vora ráðherrar jafnt sem ræstingar-
konur. Allir fengu sama viðmót og
hann lagði metnað sinn I að gera
öll framtöl jafn samviskusamlega
úr garði. Engum datt í hug að fram-
tal sem Ólafur hafði lagt hönd
væri ekki fullkomlega rétt. Aldrei
var hann fáanlegur til þess að
þiggja neina greiðslu fyrir aðstoð
sína. Það raglar bara framtalið
mitt sagði hann, því aldrei hefði
það hvarflað að honum að þiggja
greiðslu sem ekki yrði talin að fullu
fram til skatts. í fjölda ára starfaði
Ólafur við söluskatt og síðar virðis-
aukaskatt. Jafnframt var það í hans
verkahring að annast álagningu
landsútsvars en það verkefni varð
ekki unnið í tölvu og kom þar ein-
stök stærðfræðiþekking hans að
góðum notum. Én engu að síður
lagði hann metnað sinn í að fylgj-
ast með öllum breytingum á skatt-
kerfinu þannig að hann væri reiðö-'
búinn til þess að geta leyst sér-
hvert það verkefni er honum væri
SJÁ NÆSTU SÍÐU
RAÐAUGí ÝSINGAR
A TVINNUAUGl ÝSINGAR
Tannsmiður
Tannsmiður óskast í postulínsvinnu. Verður
að vera vel þjálfaður og geta unnið sjálfstætt.
Umsóknir sendist Morgunblaðinu, merktar:
„T - 10192“.
Hjúkrunarfræðingar
Sjúkrahús Hvammstanga óskar eftir hjúkrun-
arfræðingum til starfa við sumarafleysingar,
kvöld- og morgunvaktir, frá 1. júní
til 31. ágúst.
Einnig vantar hjúkrunarfræðinga áfram í
fastar stöður. Gott húsnæði í í boði.
Nánari upplýsingar hjá hjúkrunarforstjóra
í síma 95-12329.
Stöður fangavarða
við fangelsin á höfuðborgarsvæðinu
og við fangelsið Litla-Hrauni.
Fjórar stöður fangavarða eru lausar
til umsóknar.
Aðallega er um að ræða starf við fangaflutn-
inga, en jafnframt við fangavörslu.
Tvær stöður verða við fangelsin á höfuðborg-
arsvæðinu og tvær við fangelsið Litla-Hrauni.
Umsækjendur þurfa að vera á aldrinum
20-40 ára.
Umsóknir, ásamt upplýsingum um menntun
og fyrri störf, sendist Fangelsismálastofnun
ríkisins, Borgartúni 7, 150 Reykjavík,
fyrir 1. mars nk.
Fangelsismálastofnun ríkisins,
4. febrúar 1993.
Konur-
símasala á kvöldin!
Einungis vant fólk kemur til greina.
Góðir tekjumöguleikar.
Upplýsingar í síma 626751 frá kl. 13-16
alla virka daga.
Atvinnuhúsnæði til leigu
Mjög gott ca 220 fm atvinnuhúsnæði til leigu
á Ártúnshöfða. Sanngjörn leiga.
Upplýsingar í símum 679840 eða 679841,
á kvöldin í síma 616844.
Verkalýðshreyfingin
- hvað nú?
Fundur um stöðuna í
kjaramálum verður hald-
inn í Risinu, Hverfisgötu
105, Reykjavík, í dag,
miðvikudaginn 10. febrú-
úar, kl. 20.30.
Ræðumenn:
Benedikt Davíðsson,
forseti ASÍ,
Svanhildur Kaaber, formaður KÍ,
Ögmundur Jónasson, formaður BSRB.
Fundarstjóri:
Guðrún Helgadóttir, alþingismaður.
Fundurinn er öllum opinn.
Stjórn Alþýðubandalagsins í Reykjavík.
FÉLAGSSTARF
Málfundafélagið
Óðinn
heldur almennan félagsfund fimmtudaginn
11. febrúar kl. 20.30 í Valhöll, Háaleitis-
braut 1. Gestur fundarins, Magnús L.
Sveinsson, forseti borgarstjórnar og for-
maður VR, mun ræða um atvinnumál og
stöðu launafólks í dag.
Trúnaðarmannaráð Óðins er hvatt til að
mæta á fundinn.
Kaffi á könnunni.
Stjórnin.
HFIMOAI.1UK
F U S
Ríkir félagafrelsi
á íslandi?
Fundur um skylduaðild að
verkalýðsfélögum
Heimdallur efnir til fundar um félagafrelsi og skylduaðild að verkalýðs-
félögum á Hótel Sögu laugardaginn 13. febrúar kl. 12.00-15.30.
Á fundinum verður m.a. rætt um hvort skylduaðild sé að verkalýðsfé-
lögum og hvort slík aðild brjóti í bága við stjórnarskrána eða alþjóð-
lega mannréttindasáttmála. Þá munu vinnuveitendur og forsvars-
menn verkalýðshreyfingar kynna sjónarmið sín i þessum málum.
Framsögumenn verða Jóhanna Siguröardóttir, félagsmálaráðherra,
Gunnar Jóhann Birgisson hdl., Jón Steinar Gunnlaugsson hrl.,
Lára V. Júlíusdóttir, frkvstj. ASÍ, og Þórarinn V. Þórarinsson,
frkvstj. VSÍ. Auk þeirra taka Ögmundur Jónasson, formaður BSRB,
og Jónas Fr. Jónsson, lögfræðingur Verzlunarráðs, þátt i pallborðs-
umræðum að framsögurerindum loknum.
Múrverk
Tilboð óskast í múrverk á 1600 fm verslun-
ar- og skrifstofuhúsnæði í Kópavogi.
Upplýsingar í símum 642363 og 46234 eftir
kl. 20.00 á kvöldin.
Smá auglýsmgar
□ GLITNIR 5993021019 II 5
I.O.O.F. 9 = 1742107'/2 = Þ.b.
□ HELGAFELL 5993021019
IVA/ 2 Frl.
ÉSAMBAND ISLENZKRA
' KRISTNIBOÐSFÉLAGA
Háaleitisbraut 58-60.
Almenn kristniboðssamkoma í
kvöld kl. 20.30 í Kristniboðssaln-
um. Páll Friðriksson talar.
Allir velkomnir.
ISLENSKI
ALPAKLÚBBURINN
Vetrarferðir
I kvöld kl. 20.30 verður haldinn
kynningarfundur fyrir áhuga-
menn um vetrarferðir og lengri
skiðagöngur. Starfsemi (SALP á
þessu sviði verður kynnt og
sýndar myndir úr nokkrum
áhugaverðum ferðum.
íslenski alpaklúbburinn,
Mörkinni 6, ris,
(hús Feröafélags íslands).
Hörgshlíð 12
Boðun fagnaðarerindisins.
Almenn samkoma í kvöld
kl. 20.00.
Miðilsfundir
Breski miöillinn Lesley James
heldur einkafundi næstu daga.
Pantið tímanlega í síma 668570
milli kl. 13-18.
Hvítasunnukirkjan
Fíladelfía
Skrefið (10-12 ára krakkar)
kl. 18.00.
Biblíulestur kl. 20.30.
Ræðumaður Hafliði Kristinsson.
Allir hjartanlega velkomnir.
Frá Sálarrannsóknafélagi
íslands
June Hughes, breskur miðill,
heldur skyggnilýsingafund á
Sogavegi 69 fimmtudaginn 11.
febrúar kl. 20.30.
Stjórnin.