Morgunblaðið - 30.08.1981, Blaðsíða 4

52
MORGUNBLAÐIÐ, SUNNUDAGUR 30. ÁGÚST 1981
Stúdentar um
Berlínarmúrinn:
Guðrún Inga Haraldsdóttir tækniteiknari hjá Landsvirkjun
Iaunagreiðslurog lán að auki
Hún Guðrún Inga hjá Landsvirkjun fær laun
sín greidd reglulega inn á reikning í Sam-
vinnubankanum. Guðrún Inga getur því
gengiðað hagstæðu Launaveltuláni hvenær
sem hún þarf á að halda að uppfylltum á-
kveðnum skilyrðum.
Hvereru skilyrðin?
Ef launaviðskipti Guðrúnar Ingu hafa staðið
lengur en 6 mánuði, hún er skuldlaus við
Samvinnubankann og hefur ekki lent í van-
skilum, getur hún komið við í Samvinnu-
bankanum, fyllt út umsóknareyðublað og
fengið lánið lagt inná reikninginn sinn eftir
tvo daga.
Ekkert vinnutap, engir snúningar, engar á-
hyggjur, enginn fyrirvari,- heldur sjálfkrafa
lán fyrir fasta viðskiptavini Samvinnubank-
ans.
Náðu þér í upplýsingabækling í næstu af-
greiðslu, eða hringdu og spurðu um Launa-
veltuna.
Samvinnubankínn
Iaunavelta
Harma örlög
þess fólks
sem býr í
harðstjórn
A-Evrópu
Morgunblaðinu hefur
borist eftirfarandi frétta-
tilkynning frá, Stúd-
entaráði Háskóla Islands:
Á fundi Stúdentaráðs Há-
skóla íslands þann 19. ágúst
síðastliðinn, var samþykkt eftir-
farandi tillaga:
„SHÍ minnir nú á stórafmæli
stærsta fangelsismúrs heims,
Berlínarmúrsins. Við, stúdentar
í lýðræðisríki, hljótum að
harma ólán þess fólks sem býr í
löndum austur-evrópsku harð-
stjórnarinnar."

AlICI.VSINIíASIMINN ER:
22480
Jtivreunblab'b
Minnismerki um
Ara fróða afhjúpað
Á SUNNUDAG afhjúpaði forseti íslands, Vigdís Finnboga-
dóttir, minnismerki um Ara fróða Þorgilsson, en það stendur
sunnan við kirkjuna i Staðarstað í Snæfellssveit. Um hundrað
gestir voru samankomnir af þessu tilefni og hlýddu á messu
séra Rögnvalds Finnbogasonar i kirkjunni á Staðarstað.
Forsetinn flutti stutta ræðu i félagsheimilinu að Lýsuhóli, þar
sem hreppsnefndin bauð upp á kaffiveitingar. Þennan sama
dag var vígð ný sundlaug við félagsheimilið, en þarna hefur
verið ölkeldulaug öldum saman.
Minnismerkið er stór kross úr
þremur grágrýtisblokkum og er
Ragnar Kjartansson, mynd-
höggvari, höfundur þess. í kross-
inn hefur verið grafið nafn Ara
Þorgilssonar. Fyrir neðan nafnið
eru skráð orð hans úr Islend-
ingabók: „Hafa skal það sem
sannara reynist" og á bakhlið
krossins er tilvitnun í Snorra
Sturluson, þar sem segir að Ari
fróði sé fyrsti sagnaritari á
Norðurlöndum. Steinsmiðjan S.
Helgason í Kópavogi sá um
smíði minnismerkisins.
Á eftir messu rakti Þórður
Gíslason aðdraganda þess að
minnismerkið var sett upp. Þar
kom fram að Þórður Gíslason á
Ölkeldu og séra Þorgrímur Sig-
urðsson áttu hugmyndina að því
að reisa minnismerki um Ára
fróða á þessum stað fyrir fjórtán
árum. Hugmyndin var síðan
endurvakin fyrir fjórum árum
og tókst þá að safna nægilegu fé,
meðal annars með styrk frá
Alþingi, Kaupfélagi Borgfirð-
inga og sýslusjóði og var Ragn-
ari Kjartanssyni falið að hanna
minnismerkið.
Um 150 fermetra sundlaug
hefur verið gerð við félagsheim-
ilið að Lýsuhóli og var hún vígð
að afhjúpun minnismerkisins
lokinni. 1 henni er ölkelduvatn
og hefur verið þarna laug öldum
saman, meðal annars er þess
getið í Sturlungu að Þorgils
skarði hafi laugað sig í henni.
Guðmundur Sigurmonsson,
skólastjóri, flutti ræðu við
opnunina og Vilborg Guðbjarts-
dóttir vígði laugina.
Að þessu loknu nutu menn
kaffiveitinga í félagsheimilinu
að Lýsuhóli. Kristín Thorlacius,
oddviti, bauð gesti velkomna. Dr.
Björn Þorsteinsson flutti erindi
um Ara fróða. Hanna Bjarna-
dóttir, óperusöngkona, söng
nokkur lög við undirleik Ásdísar
Ríkharðsdóttur. Þórður Kárason
lögregluvarðstjóri flutti erindi
um Staðarstaðaklerka og Ragn-
ar Kjartansson lýsti vinnslu
höggmyndarinnar. Loks flutti
forseti íslands, Vigdís Finnboga-
dóttir, ávarp.