Iðjuþjálfinn - 01.06.1997, Side 21
19
Nýr möguleiki til framhaldsnáms
fyrir iðjuþjáifa
Við Dalhousie University í Halifax,
Nova Scotia í Kanada er ráðgert að
bjóða upp á framhaldsnám, fyrir iðju-
þjálfa sem lokið hafa BS prófi. Barbara
O'Shea er námsbrautarstjóri í Dalhousie
háskólanum og hefur hún veg og vanda
að uppbyggingu framhaldsnámsins.
Undirbúningur er nú á lokastigi og ef
allt gengur að óskum verður unnt að
taka inn nemendur haustið 1998. Um er
að ræða hefðbundið mastersnám, en þó
óvenjulegt að því leyti að það er byggt
upp sem fjamám. Þessi möguleiki á því
erindi til Islenskra iðjuþjálfa.
Heimsækir ísiand
Barbara O'Shea mun að líkindum koma til
íslands í haust, par sem hún meðal annars veitir
ráðgjöfvið lokaskipulag iðjuþjálfunarbrautar við
Háskólann á Akureyri.
Hún er brautryðjandi Í Kanada hvað
varðar nám í iðjuþjálfun og hefur margra
ára reynslu af skipulagningu fjarnáms, þar
sem nemendur eru iðjuþjálfar úr ólíku
umhverfi, jafnt dreifbýli sem þéttbýli. í
bígerð er formlegt samstarf milli Dalhousie
University og Háskólans á Akureyri, sem
felst til að mynda í því að íslenskum
iðjuþjálfum gefst tækifæri til að stunda
fjarnám til mastersgráðu. Iðjuþjálfar sem
ekki hafa lokið BS prófi, en útskrifast með
„diploma" (skírteini) til dæmis frá Norður-
löndum, gefst kostur á undirbúningsári sem
veitir þeim greiðan aðgang að Masters
náminu, svo fremi að tilskilinn árangur hafi
náðst. Þar sem námið er byggt upp sem
fjarnám, geta nemendur sótt hluta þess í
háskóla á heimaslóðum, til dæmis námskeið
í aðferðafræði. Það má einnig geta þess að
hluti námsins hefur það markmið að skapa
Hope Knútsson ásamt Barböru O'Shea, er hún var í
kynnisferð í Dalhousie University á síðasta ári.
nýjan vettvang fyrir íhlutun iðjuþjálfa. Þetta
felst í því að tengja námið tilraunaverkefn-
um, sem sett væru á laggirnar á vinnustað
viðkomandi iðjuþjálfa eða þar sem ekki er
hefð fyrir þjónustu iðjuþjálfa.
Barbara hvetur þá íslendinga sem hyggj-
ast sækja um, að stunda umrætt fjarnám til
þess að mynda hóp, hafa þannig stuðning
hvor af öðrum og miðla upplýsingum. í
náminu er gert ráð fyrir að nemendur taki
tæknina í sínar hendur og nýti sér auk
skriflegs efnis, símafundi, tölvupóst og
veraldarvefinn. í tenglsum við heimsókn
Barböru í haust er áætlað að halda námskeið
þar sem fjallað yrði um iðjuþjálfunarnám í
Dalhousie háskólanum og fyrirkomulag
starfsnáms. Einnig yrði rætt um helstu
strauma og stefnur innan iðjuþjálfunar í
Kanada í dag og þá fræðasýn sem fagið
byggir á. Stjórn IÞÍ mun fylgjast grannt með
framþróun þessara mála og miðla upplýs-
ingum til félagsmanna eftir föngum.
Þóra Leósdóttir, ritnefnd