Fréttablaðið - 15.10.2008, Blaðsíða 8

8 15. október 2008 MIÐVIKUDAGUR
bugaboo
Stubbasmiðjan, Holtagörðum
Sími: 579 9800
www.stubbasmidjan.is
bugaboo.com
bugaboo bee
Fullkomin og ein fyrirferðaminnsta barnakerran frá
Bugaboo hingað til. Hönnuð fyrir fólk á ferð og flugi.
Létt og lipur kerra sem fellur saman í einu handtaki, getur
vísað í hvora átt sem er og hentar börnum frá fæðingu.
Hollenski Bugaboo hönnuðurinn Max Barenbrug
verður í Stubbasmiðjunni Holtagöðrum milli kl. 11.15-11.45,
miðvikudaginn 15.október.
Ein mest selda barnakerran í heiminum í dag.
bugaboo ungbarnastóll, hannaður af TAKATA
allt sem þú þarft - hvar sem þú ert
Búinn öllum öryggisbúnaði, bólstraður úr hágæða efni sem
andar og hefur einstaka hönnun á hæðastillingum fyrir
öryggisbelti. Bílstóllinn er öruggur, þægilegur og flottur,
ætlaður börnum frá fæðingu upp í 13 kg.
Passar á Bugaboo Cameleon og Bugaboo Bee
bugaboo cameleon
Fjölhæfasta barnakerran frá Bugaboo.
Kerran sem hentar öllu landslagi, er
þægileg, aðlögunarhæf og sérsniðin að
þínum þörfum.
1 Hvað heitir formaður Sam-
taka starfsmanna fjármálafyr-
irtækja?
2 Hvaða hárgreiðslumeist-
ari hefur breytt Bubbalagi í
ballöðu?
3 Hvaða tónlistarhátíð hefst í
Reykjavík í kvöld?
SVÖRIN ERU Á SÍÐU 30
UTANRÍKISMÁL Í þeim „fellibyl“ sem
nú dynur yfir fjármálakerfi heims-
byggðarinnar hafa Íslendingar,
sem og aðrar þjóðir, verið „minnt-
ar á að þegar fellibyljir fara yfir
úthafið í átt að máttugum megin-
löndum fara þeir vanalega fyrst
yfir eylönd þar sem þeir valda
mestum skaða“. En reynslan sýni
að lítil ríki geti í krafti sveigjan-
leika og nándar samfélagsins náð
sér aftur á strik á furðu stuttum
tíma.
Þetta sagði Ólafur Ragnar
Grímsson, forseti Íslands, í ávarpi
sem flutt var með hjálp skjávarpa í
móttöku fyrir fastafulltrúa og aðra
háttsetta erindreka annarra aðild-
arríkja Sameinuðu þjóðanna sem
íslensk stjórnvöld stóðu fyrir í höf-
uðstöðvum samtakanna í New York
á mánudag. Ingibjörg Sólrún Gísla-
dóttir utanríkisráðherra var einnig
viðstödd þrátt fyrir að vera í veik-
indaleyfi. Í nafni öryggisráðsfram-
boðs Íslands var svo haldið málþing
í gær, sem margir fasta fulltrúarnir
sátu, um hvaða möguleika smáríki
hefðu til að hafa áhrif.
Aðeins þrír dagar eru nú þar til
greidd verða um það atkvæði á alls-
herjarþingi SÞ hvort Ísland fái sæti
í öryggisráðinu kjörtímabilið 2009-
2010. Ísland etur eins og kunnugt er
kappi við Austurríki og Tyrkland
um tvö sæti í ráðinu en framboð
Íslands nýtur opinbers stuðnings
hinna Norðurlandanna.
- aa
Þrír dagar uns kosið verður í tvö sæti í öryggisráði SÞ kjörtímabilið 2009-2010:
Ná sér fljótt á strik eftir áföll
ÓLAFUR RAGNAR GRÍMSSON Forseti
Íslands ávarpaði fundargesti gær.
VINNUMARKAÐUR Lífeyrissjóðirnir í
landinu hafa skipað starfshóp til
að koma með tillögur um viðbrögð
og aðgerðir lífeyrissjóðanna ef
vanskil lántakenda aukast veru-
lega á næstu mánuðum og misser-
um. Starfshópurinn hittist á fyrsta
vinnufundi í gær og unnið er hratt,
hann á að skila tillögum sínum á
næstu dögum.
Örn Arnþórsson, skrifstofu-
stjóri hjá Gildi lífeyrissjóði, segir
ýmsa möguleika koma til greina. Í
gegnum tíðina hafi oft verið boðið
upp á skuldbreytingar lána og þá
hefur verið bætt við höfuðstól lán-
anna en væntanlega þurfi að taka
fleiri möguleika inn. Hann segir
að Íbúðalánasjóður sé með sex
valkosti eins og sjá megi á vefsíðu
sjóðsins og þeir verði skoðaðir.
Reynt verði að samræma gerðir
lífeyrissjóðanna og Íbúðalána-
sjóðs. „Persónulega finnst mér
ekki óeðlilegt að við reynum að
líta til Íbúðalánasjóðs. Best væri
ef hægt væri að gera þetta á svip-
aðan máta. Íbúðalánasjóður hefur
verið með marga valkosti en við
eigum eftir að fara í gegnum þetta.
Þeir hafa verið með skuldbreyt-
ingu, lengingu og frystingu og svo
hafa þeir líka boðið upp á samn-
inga til ákveðins tíma þar sem fólk
getur gert vanskilin upp samhliða
því sem það borgar af lánunum.
Það gengur kannski ekki alveg
upp núna en við eigum eftir að
fara í gegnum þetta.“
Örn segir að ástandið nú sé
væntanlega öðruvísi en Íbúðalána-
sjóður hafi almennt verið að glíma
við. Búast megi við samdrætti í
tekjum fólks og atvinnuleysi. Líf-
eyrissjóðirnir geti ímyndað sér
hvert vandamálið verður „þannig
að við þurfum bara að reyna að
leysa úr því hvernig við gætum
bæði hagsmuna sjóðanna og ein-
staklinganna líka“.
Þorbjörn Guðmundsson, fram-
kvæmdastjóri Samiðnar, situr í
stjórn Landssamtaka lífeyris-
sjóða. Hann segir að lífeyrissjóð-
irnir muni fara yfir tillögur starfs-
hópsins. Misjafnt geti verið eftir
lífeyrissjóðum og hverju vanskila-
tilfelli fyrir sig hvaða tillögur
verði notaðar. Lítið hafi verið um
vanskil hjá lífeyrissjóðunum hing-
að til en það geti breyst á næstu
misserum. ghs@frettabladid.is
Lífeyrissjóðirnir bregðast
við yfirvofandi vanskilum
Lífeyrissjóðirnir búast við vanskilum með samdrætti í tekjum og auknu atvinnuleysi. Þeir móta sér sam-
ræmdar reglur um viðbrögð við yfirvofandi vanskilum. Fyrirmyndin meðal annars sótt til Íbúðalánasjóðs.
UNNIÐ AÐ AÐGERÐUM Lítið hefur verið um vanskil hjá lífeyrissjóðunum en lífeyr-
issjóðirnir eru að búa sig undir að það geti breyst á næstu misserum. Unnið er að
tillögum um aðgerðir til að vinna úr greiðsluerfiðleikum fólks.
LÖGREGLUMÁL Á annað hundrað
steratöflur, 23 grömm af kanna-
bisefnum, tíu grömm af amfetam-
íni og fimm grömm af kókaíni var
það sem lögreglan á Akureyri
fann við húsleit í fyrrakvöld.
Lögreglan fann fíkniefnin í
íbúð á Akureyri. Tveir menn á
þrítugsaldri voru handteknir í
tengslum við málið. Annar þeirra
viðurkenndi að eiga efnin og
einnig að hafa selt fíkniefni á
Akureyri fyrr í þessum mánuði.
Mönnunum var sleppt að loknum
yfirheyrslum og telst málið
upplýst. Lögreglan minnir á
fíkniefnasímann, 800-5005.
- jss
Lögreglan á Akureyri:
Á annað hundr-
að steratöflur
KAMBÓDÍA, AP Spenna vex enn á
landamærum Kambódíu og
Taílands, þar sem þjóðirnar deila
um hvoru megin landamæranna
þúsund ára gamalt musteri
stendur.
Taílendingar sendu fleiri
hermenn að landamærunum í
gær, og segjast reiðubúnir að
bregðast við ef Kambódíuher
gerir árás. Þetta var svar
Taílands við kröfu Kambódíu um
að taílenski herinn yrði kallaður
strax frá landamærunum.
Báðar þjóðirnar eru með
fjölmennt herlið á staðnum, og
hvorug þjóðin vill gefa eftir í
deilunni. - gb
Taíland og Kambódía:
Spenna vex enn
á landamærum
HERFORINGJAR Á FUNDI Yfirmenn
hersveita Taílands og Kambódíu ræddu
saman í gær. NORDICPHOTOS/AFP
VEISTU SVARIÐ?