Fréttablaðið - 15.10.2008, Blaðsíða 6
6 15. október 2008 MIÐVIKUDAGUR
SKÁK Heimsmeistaraeinvígið í skák
hófst í gær í Bonn í Þýskalandi.
Núverandi heimsmeistari,
Indverjinn
Viswanathan
Anand, og
fyrrverandi
heimsmeistari,
Rússinn
Vladimir
Kramnik, keppa
um titilinn.
Jafntefli varð
í fyrstu skákinni
eftir 32 leiki. Kramnik var með
hvítt og beitti uppskiptaafbrigðinu
í Slavneskri vörn en jafnteflislykt
þykir vera af því afbrigði. Anand
fórnaði peði en Kramnik tók enga
áhættu og stýrði skákinni í örugga
höfn.
Tefldar verða tólf skákir og hefst
hver skák klukkan 14 að íslenskum
tíma. Hægt er að fylgjast með
einvíginu beint víða á netinu. - pal
Jesús var veislumaður, en hvers konar mat borðaði hann? Hverjar
eru matarhefðir Biblíunnar?
Næstu fi mmtudagshádegi verður í Neskirkju eldaður biblíumatur
og matarmenningin kynnt.
Sr. Sigurður Árni Þórðarson og Ólafía Björnsdóttir og elda.
Fimmtudaginn 16. október, verður kjúklingaréttur Maríu í Nasaret.
Kynning hefst kl. 12.
Allir fá svo uppskriftina. Biblían þjónar lífi nu, hinu líkamlega líka.
Svo er auðvitað aukabónus að þessi heilsumatur er bragðgóður!
Allir velkomnir.
Neskirkja.is
Biblíumatur
í Neskirkju
EFNAHAGSMÁL Árni Páll Árnason,
þingmaður Samfylkingarinnar,
segir að forsvarsmenn Landsbank-
ans hljóti að þurfa að svara fyrir
það af hverju þeir stofnuðu til
frekari umsvifa bankans jafnvel
þó að Fjármálaeftirlitið hafði gert
athugasemdir við það að reikning-
ar Icesave væru orðnir of stórir.
Fjármálaeftirlitið kom fram
með athugasemdirnar í byrjun
þessa árs. Var bankinn þá hvattur
til að færa reikninga sína yfir í
dótturfyrirtæki sitt, Heritable-
bankann, svo ríkið væri ekki
ábyrgt fyrir innistæðunum. Síðan
þá útvíkkaði bankinn verulega
starfsemi sína, til dæmis á vor-
mánuðum þegar hann byrjaði að
bjóða upp á Icesave-reikninga í
Hollandi.
„Maður hlýtur að staðnæmast
við hina siðferðilegu ábyrgð,
rekstrarlegu ábyrgð og hina refsi-
réttarlegu ábyrgð forsvarsmanna
Landsbankans sem héldu áfram að
stofna til skuldbindinga eftir að
fyrir lágu athugasemdir Fjármála-
eftirlitsins um að ekki væri með
fullnægjandi hætti um hnútana
búið,“ sagði Árni í þingumræðum í
gær. „Þar liggur stór ábyrgð og
þeir sem hana kusu að axla verða
að svara fyrir þær ákvarðanir.“
Hann mælti til þess að umræða
um þetta færi fram á opnum fundi
viðskiptanefndar. „Núna er nýbúið
að samþykkja í forsætisnefnd
þingsins möguleikann fyrir opnum
þingnefndarfundum þar sem fjöl-
miðlar gætu skilað umræðunni til
almennings,“ segir Árni Páll í sam-
tali við Fréttablaðið. „Ég veit ekki
nokkurt form sem er betur til þess
fallið að leiða þetta í ljós og svara
almenningi hreint og klárt hvernig
að þessum hlutum var staðið.“
jse@frettabladid.is
Landsbankamenn
eiga að bera ábyrgð
Þingmaður Samfylkingarinnar knýr á um að forsvarsmenn Landsbankans svari
fyrir það af hverju þeir hunsuðu athugasemdir Fjármálaeftirlitsins og útvíkk-
uðu starfsemi sína. Fjármálaeftirlitið gerði athugasemdir í byrjun ársins.
ANAND
FYRRVERANDI BANKASTJÓRAR Árni Páll Árnason vill að þeir Sigurjón Árnason og Halldór J. Kristjánsson svari fyrir það af hverju
þeir hunsuðu athugasemdir Fjármálaeftirlitsins í byrjun ársins. FRÉTTABLAÐIÐ/TEITUR
HEILBRIGÐISMÁL Hafnar eru ráð-
stafanir til að draga úr þjónustu
SÁÁ og segja upp hluta starfs-
fólks, að sögn Þórarins Tyrfings-
sonar yfirlæknis á Vogi.
Hann segir að allt þetta ár hafi
vantað um hundrað milljónir
króna frá heilbrigðisráðuneytinu í
reksturinn. Samtökin hafi þurft að
fjármagna rekstur göngudeilda í
Reykjavík og á Akureyri á eigin
reikning. Nú þegar fjárlögin liggi
fyrir sé ljóst að grípa þurfi til ráð-
stafana.
„Þess utan geta menn ímyndað
hverju við erum að lenda í,“
útskýrir Þórarinn. „Kostnaður við
reksturinn er að hækka. Lánin
okkar, að hluta í erlendri mynt,
sem við eigum á byggingunum eru
að hækka. Öll aðföng og lyfja-
kostnaður eru að hækka um allan
helming. Auk þessa vorum við
með aðrar tekjur, sem nú rýrna
óðum, því ekki er nema von að fyr-
irtæki sem hafa lagt ríflega til
þessarar starfsemi geti það nú
lengur.“
Spurður um hvaða breytingar
þurfi að gera á þjónustu SÁÁ og
hve mörgum þurfi hugsanlega að
segja upp kveðst Þórarinn ekki
geta greint frá því að svo stöddu.
„En það er um að ræða gríðar-
lega breytingu á þjónustustigi og
eðli þjónustunnar einnig.“ - jss
ÞÓRARINN TYRFINGSSON Boðar gríðarlegar breytingar á þjónustustigi SÁÁ.
Efnahagsástandið kemur víða niður:
Samdráttur og uppsagnir hjá SÁÁ
ATVINNUMÁL Samstarf er hafið
milli aðila vinnumarkaðarins,
opinberra stofnana og Háskólans
í Reykjavík um viðbrögð við
atvinnuleysi. Halldór Grönvold,
aðstoðarframkvæmdastjóri ASÍ,
segir að nú megi eiginlega segja
að „við erum að mjólka okkar
þekkingu og setja hana fram með
skikkanlegum hætti“.
Teknar hafa verið saman upp-
lýsingar, til dæmis um Ábyrgðar-
sjóð launa, atvinnuleysistrygg-
ingar, hópuppsagnir og réttarstöðu
fólks, fyrir aðildarfélög ASÍ og til
birtingar á vefsíðu ASÍ. „Við
erum líka að fara dýpra og skoða
þætti eins og það hvaða áhrif
þessar efnahagsþrengingar hafa
á sparifé, lífeyris sparnað og við-
bótarlífeyrissparnað, fjárhags-
vanda og skuldir,“ segir Halldór.
„Við höfum verið að undirbúa
ráðgjöf til aðildarfélaganna og
vonumst til að geta boðið upp á
námskeið, til dæmis fyrir trúnað-
armenn. Við erum að skoða hvern-
ig við getum verið bakhjarlar í
því sem gerst hefur og því sem
við teljum að sé fram undan.“
Gunnar Páll Pálsson, formaður
VR, segir að VR hafi borist mikið
af símtölum og fyrirspurnum um
uppsagnir en ekki hafi borist
fréttir af stórfelldum uppsögnum
enn þá. VR sé að kortleggja hvaða
réttindi félags-
mennirnir hafi
og bjóða fram
aðstoð, til
dæmis í áfalla-
miðstöðvum.
Opni háskól-
inn hjá Háskól-
anum í Reykja-
vík hefur boðið
til samstarfs
um viðbrögð
við atvinnuleysi og náms á því
sviði.
Samkvæmt upplýsingum frá
Vinnumálastofnun eru nú um
3.200 manns án atvinnu.
- ghs
HALLDÓR
GRÖNVOLD
Viðamikið samstarf er hafið til að spyrna við atvinnuleysi á vinnumarkaði:
Ráðgjöf og upplýsingagjöf
BRETLAND, AP Á mánudagskvöld
hafnaði lávarðadeild breska
þjóðþingsins umdeildum áform-
um breskra stjórnvalda um að
lengja þann tíma sem breska
lögreglan getur haldið grunuðum
hryðjuverkamönnum í varðhaldi
úr 28 dögum í 42 daga.
Atkvæðin féllu 309 gegn 118 og
verður niðurstaðan að teljast
verulegt áfall fyrir ríkisstjórnina
og Gordon Brown forsætisráð-
herra. Jacqui Smith innanríkis-
ráðherra sagði síðar um kvöldið
að ákvæðið um 42 daga varðhald
yrði fellt úr frumvarpi stjórnar-
innar um varnir gegn hryðjuverk-
um. - gb
Áform um 42 daga varðhald:
Lávarðar felldu
umdeild áform
SMITH OG BROWN Niðurstaðan er áfall
fyrir bresku stjórnina. NORDICPHOTOS/AFP
VIÐSKIPTI „Við eigum að horfast
strax í augu við þá staðreynd að
töluverð hætta verður á að smám
saman fari pólitísk afskipti að
ráða för í útlánum ríkisbanka,“
segir Þór Sigfússon, formaður
Samtaka atvinnulífsins, í tilkynn-
ingu. Það yrði gífurlegt áfall yrði
atvinnulífi stefnt inn í „ástand
þar sem flokksskírteinin ráða
meiru en góð viðskiptahugmynd“.
Samtökin, Viðskiptaráð og
Kauphöllin hyggjast því móta
tillögur um stjórnarhætti nýrra
ríkisbanka. Finnur Oddsson,
framkvæmdastjóri Viðskiptaráðs,
ætlar að stýra vinnunni en ráðin
verða meðal annars sótt til
stjórnmálaflokka og Alþýðusam-
bandsins. - ikh
Tillögur um stjórnarhætti:
Óttast alræði
flokksskírteina LÖGREGLUMÁL Gæsluvarðhald yfir
þremur karlmönnum frá Póllandi
og Lettlandi var framlengt um
viku í gær. Þeir voru handteknir
vegna rannsóknar á fíkniefnamáli
sem kom upp nýverið þegar
tollyfirvöld fundu amfetamín og
kannabisefni í sendingu sem kom
til landsins frá Póllandi.
Við afhendingu sendingarinnar
handtók lögreglan á höfuðborgar-
svæðinu mennina. Þeir eru á
aldrinum 17 til 28 ára.
Einn mannanna kærði úrskurð
héraðsdóms um framlengingu
gæsluvarðhaldsins til Hæstarétt-
ar strax í gær, en annar tók sér
umþóttunartíma. - jss
Fíkniefnasending frá Póllandi:
Þrír áfram inni
DÓMSTÓLAR Karlmaður hefur
verið dæmdur í fimmtán mánaða
fangelsi fyrir að hafa umtalsvert
magn fíkniefna á heimili sínu við
Hringbraut í Reykjavík. Tólf
mánuðir af fangelsisvistinni eru
skilorðsbundnir.
Maðurinn sem um ræðir var
tekinn með 4,27 grömm af
amfetamíni, 9,52 grömm af kóka-
íni, 162,7 grömm af marijúana
og 279 skammta af LSD. Þá lagði
lögregla hald á 92 þúsund krónur
við rannsókn málsins.
Maðurinn játaði brot sitt fyrir
dómi. Hann á nokkurn sakaferil
að baki.
- jss
Smásali nappaður:
Í fangelsi fyrir
fíkniefnasölu
Heimsmeistaraeinvígi í skák:
Jafntefli varð í
fyrstu skákinni
„Á öðrum ársfjórðungi steig
bankinn stórt skref er hann hóf
innlánastarfsemi á meginlandi
Evrópu með því að bjóða Icesave
netreikninginn í Hollandi. Fjöldi
Icesave-reikninga í Bretlandi og
Hollandi er nú yfir 350.000 talsins
og yfir 50% af heildarfjárhæð
Icesave-innlánanna í Bretlandi eru
nú bundin. Bankinn mun halda
áfram að styrkja hlutfall innlána
í fjármögnun sinni en starfsemi
Icesave í Hollandi er bæði sveigj-
anleg og öflug sem auðveldar
Landsbankanum að sækja inn
á fleiri markaði Evrópu á næstu
mánuðum.”
- Sigurjón Þ. Árnason
bankastjóri Landsbankans
Hefur þú eða einhver sem þú
þekkir misst vinnuna vegna
kreppunnar?
Já 51,3%
Nei 48,7%
SPURNING DAGSINS Í DAG:
Telur þú líklegt að gjaldeyrisvið-
skipti komist í lag fljótlega?
Segðu þína skoðun á visir.is
Í TILKYNNING LANDS-
BANKANS FRÁ 29. JÚLÍ
KJÖRKASSINN