Lesbók Morgunblaðsins - 16.04.1988, Blaðsíða 20

stærðum voru haldnar þar á ár-
inu. Trond Amland í Bergen hefur
svipaða sögu að segja.
Ráðstefnumiðstöð í Osló
gistinóttum. Slíkt dæmi hefur
ekki verið reiknað út miðað við
íslenskar forsendur, eftir bestu
vitund þeirrar er ritar. Ef til vill
er það athugunarefni fyrir samtök
íslenskra gistihúsaeigenda og
ferðamálayfirvalda.
Alþjóðlegar ferðakaup-
stefnur í hverju landi
Norska ferðakaupstefnan
„Reiseliv 88“ í Sjölyst gekk vel
og sóttu hana um 31.000 manns.
Alþjóðleg ferðakaupstefna hefur
aðeins verið haldin hér einu sinni,
eða eigum við að segja tvisvar.
Það er nokkurt umhugsunarefni,
hvers vegna hér á landi hefur
ekki verið efnt oftar til alþjóð-
legra ferðakaupstefna — sem
þjóna ferðaþjónustu innanlands —
skapa umtal og áhuga á ferðamál-
um og myndu draga hingað nokk-
ur hundruð ferðaheildsala — til
dæmis í svipuðum stíl og hin vel
heppnaða sjávarútvegssýning á
síðastliðnu ári.
Það er varla álitamál að slíkar
sýningar væru gagnlegri fyrir
íslensk ferðamál, en þær ferða-
málaráðstefnur sem haldnar hafa
verið flest síðastliðin ár - með
harla litlum breytingum og mis-
munandi ferskleika. Þær hafa
fyrst og fremst lagt grundvöll að
innlendri umræðu um ferðamál,
en ekkert átt skylt við íslenska
ferðakaupstefnu. Ef til vill er slík
stefnumótun verðugt umfangs-
efni fyrir næsta ár? Ekki skal þó
dregið úr mikilvægi ferðamála-
ráðstefna okkar, sem oft hafa
verið hinn gagnlegasti umræðu-
grundvöllur. En ekkert væri á
móti því að standa fyrir hvoru-
tveggja.
Ráðstefnuöflun norskra
f er ðamálayfirvalda
í Reiselivet er líka gerð grein
fyrir nýrri þróun í ráðstefnuöflun
norskra ferðamálayfirvalda. Það
er samdóma álit þeirra og annarra
aðila í greininni að ráðstefnuþjón-
usta geti verið einn helsti vaxtar-
SAS-hótelið í Osló.
broddur norskra ferðamála á
næstu árum. Fjöldi ráðstefna hef-
ur aukist mjög. Noregur er ekki
þekkt ráðstefnuland og tiltölulega
skammt síðan að Norðmenn fóru
að starfa að öflun alþjóðlegra ráð-
stefna með skipulögðum hætti.
Möguleikamir eru ef til vill að
sama skapi enn meiri, en reynslan
af þessari skipulögðu markaðs-
setningu lofar góðu.
Viðskiptahópur Norðmanna í
ráðstefnum er um 25.000 samtök
víða um heim. Mest áhersla er
lögð á samtök í Bretlandi, Frakk-
landi, Hollandi og Sviss. Mikil-
vægast er að fylgjast með hvenær
þessir aðilar ákveða næstu ráð-
stefnur og koma þá norskum
hagsmunum á framfæri. Frum-
kvæði um ráðstefnuöflun hefur
fyrst og fremst komið frá for-
svarsmönnum ráðstefnumið-
stöðva borganna, til dæmis Stav-
anger, Osló og Bergen.
Ráðstefnumiðstöðin í Stavang-
er leggur áherslu á að Norðmenn
geti boðið upp á öryggi — að ráð-
stefnugestir geti í ró og næði far-
ið hvert sem er, hvenær sem er.
Viðmót heimamanna er hlýtt og
aðstaða góð, en það er viðurkennt
að Noregur sé dýrt ferðamanna-
land. 120.000 ráðstefnugestir
komu til Stavanger á síðasta ári
og aukningin er stöðug. 150-200
ráðstefnur og fundir af ýmsum
Brýn þörf er á að koma á fót
heildarmiðstöð í Osló — einskonar
„Norway Convention", miðstöð
sem sjái um ráðstefnuöflun, með
svipuðum hætti og til dæmis
Finnar og Danir hafa gert um
áraraðir. Svíar hafa sett á stofn
slíka miðstöð, eftir miklar skipu-
lagsbreytingar á yfírstjóm
sænskra ferðamála. Slík skrif-
stofa yrði eðlilega í tengslum við
NORTRA.
I Bergen er hafínn undirbún-
ingur ráðstefnuhalds fram til
1994. Hótelrými hefur vaxið þar
um 50% á síðustu árum og hefur
í flestum tilfellum tekið mið af
ráðstefnuhaldi. Grieg-höllin í
Bergen rúmar um 1.500 manns
og í Bergen hvílir ferðaþjónusta
á gömlum merg. Ríkur skilningur
er þar á mikilvægi ferðaþjónustu
og ráðstefnuöflun.
Að markaðssetja
vandamálin
Reiknað er með að meðaleyðsla
erlends ráðstefnugests sé um
20.000 norskar krónur eða yfir
120.000 íslenskar krónur. Það er
auðvelt reikningsdæmi hvað
100-200 manna ráðstefnur
myndu gefa af sér. í lokaspjalli
við Reiselivet segir Amland:
„Gleymum því ekki að meðan
vandamál eru fyrir hendi til að
kljást við, er þörf á ráðstefnu —
þeim hefur ekki fækkað og ráð-
stefnur fylgja í kjölfarið". Ef til
vill væri þessi „vandamála“-
markaðssetning til athugunar fyr-
ir ráðstefnufrömuði okkar, en
þessi áhersluþáttur hefur lítið
heyrst þrátt fyrir ærið tal um
vandamál heima og erlendis.
Áhersla á síðasta
áratug' aldarinnar
í samtali við ráðstefnustjóra
Oslóborgar, Inger Raagholt, kem-
ur fram að öllu ráðstefnurými í
Osló á þessu ári og næstu árum
er þegar ráðstafað. Norðmenn eru
að reyna að afla ráðstefna fyrir
síðasta áratug_ aldarinnar. Lögð
er áhersla á upplýsingastarfsemi
og skipulagsmál tengd ráðstefnu-
húsi, meðal annars umhverfís-
þáttinn sem Norðmenn hyggja
alltaf vel að.
Norðmenn leggja áherslu á að
fjölþjóðlegar ráðstefnur skili
óvenju mikilli dreifíngu á eyðslu
meðal ráðstefnugesta. Það eru
ekki aðeins hótel og veitingahús
sem njóta góðs af þeim, heldur
líka skemmtistaðir, leikhús, næt-
urklúbbar, rakara- og snyrtistof-
ur, bóka- og minjagripaverslanir
svo að fáein dæmi séu nefnd.
Þarna skiptir höfuðmáli að allir
„seljendur" hafí sem mest í boði
á sem skemmstum tíma.

Hótel Ork
er hótel fyrir þig
Velkominá
HÓTEL
ÖÐK
HVERAGERÐI
sími 99-4 700.
/
Bás sama á ferðakaupstefnunni í Sjölyst.
Inger Raagholt í Osló vinnur
stöðugt að því að fá ráðstefnur
til Noregs.
Trond Amland á ráðstefnu-
skrifstofunni í Bergen.
Per Olav Hanssen, fram-
kvæmdastjóri í Stavanger hef-
ur mikla trú á ráðstefnuhaldi
í Noregi.
Á meðan skrifstofur í ráð-
stefnuöflun í Bergen og Stav-
anger vinna jöfnum höndum að
alþjóðafundum — sem og norræn-
um og norskum — er meiri áhersla
lögð á það í Osló að koma á fjöl-
þjóðlegum fundum sem tengjast
höfuðborginni með ýmsum hætti.
Frændur okkar Norðmenn virðast
hafa komið bæði auga á — og
stuðlað að því í verki — að fjöl-
þjóðlegar ráðstefnur eru helsti
vaxtarbroddur í ferðaþjónustu í
dag og þær skila vel þeim stofn-
kostnaði sem lagður er fram.
Fjölþjóðlegar ráðstefnur
krefjast mikillar
sérþekkingar
Með fáum undantekningum
hefur lítið farið fyrir þessari þróun
eða skilningi hér á landi. Islenskir
ferðamálaaðilar hafa lítið gert til
að afla Qölþjóðafunda - þeir krefj-
ast líka mikillar sérþekkingar,
skipulags, vel gerðra kynningar-
gagna og ef til vill framar öllu
öflunar réttra sambanda. Hvenær
megum við til dæmis vænta þess
að Reykjavíkurborg hafi hér
ákveðið frumkvæði? Þar skortir á
— en til mikils er að vinna, sem
hefði mikla þýðingu fyrir atvinnu-
greinina í heild. Eru menn kannski
enn að bíða eftir ferðamálastefnu
stjómvalda? Reynslan frá Noregi
hlýtur að vera uppörvandi og þar
er þó ekki margra ára reynsla á
þessu sviði.
20