Morgunblaðið - 02.07.2000, Blaðsíða 2

2 B SUNNUDAGUR 2. JÚLÍ 2000
MORGUNBLAÐIÐ
Ljósmynd/Rafn Jónsson
TF LÍF kemur og sækir jöklafara. Til hægri sést í Kistufell, sem flugliðarnir þurftu að ganga yfír í myrkri fyrir hálfri öld, en gangan ofan af jöklinum tók 12 klukkustundir.
Það var áhrifamikil
stund að setjast í
þyrlu á Vatnajökul
ásamt flugliðum
Geysis, flugvélar
Loftleiða, sem fórst
á Bárðarbungu 14.
september 1950,
skrifar Rafn Jóns-
son. Um þessar
mundir vinnur Saga
Film að gerð heim-
ildarmyndar um
Geysisslysið.
| ANUDAGINN 26. júní
var farið með öllum
eftirlifandi áhafnar-
meðlimum Geysis á
slysstaðinn á Vatnajökli í þyrlu
Landhelgisgæslunnar, en það var
einmitt loftskeytamaður á varð-
skipinu Ægi, sem fyrstur nam
sendingar frá Geysi á sínum tíma.
Áhafnarmeðlimir Geysis sem
voru með í för voru: Magnús Guð-
mundsson flugstjóri, Dagfinnur
Stefánsson flugmaður, Einar Run-
ólfsson vélamaður og Ingigerður
Karlsdóttir flugfreyja. Þeir Guð-
mundur Sívertsen siglingafræðing-
ur og Bolli Gunnarsson loftskeyta-
maður eru látnir.
Víðtæk leit
Geysisslysið er mörgum enn í
fersku minni. Þegar flugvélarinnar
var saknað stóð öll þjóðin á önd-
inni; stærsta millilandaflugvél ís-
lendinga var horfin og með henni
sex manna áhöfn! I fjóra sólar-
hringa heyrðist ekkert frá vélinni
og vonir manna um að einhver
hefði komist lífs af dofnuðu stöð-
ugt. Hundruð manna tóku þátt í
leitinni að vélinni og allar tiltækar
flugvélar leituðu yfir landi og sjó.
Gleðin varð því mikil þegar merki
frá vélinni voru numin og hún
fannst skömmu síðar.
Aftur á Vatnajökli
Haft var á orði að einmana-
kenndin væri sterk þarna í óravíð-
Eftirlifandi flugliðar af Geysi, frá vinstri: Magnús Guðmundsson flugstjúri, Einar Runólfsson vélamaður, Ingigerður Karlsdóttir flugfreyja og Dagfinn-
ur Stefánsson flugmaður. Dagfinnur var í sömu úlpunni og hann fékk senda upp á jökulinn þegar áhöfnin fannst fyrir hálfri öld.
Við upphaf ferðar upp á Vatnajökul að vitja örlagastaðar áhafnar Geys-
is. Áhöfn Geysis ásamt kvikmyndagerðarmönnunum.
áttu jökulsins, þrátt fyrir að veðrið
væri ákjósanlegt, allur búnaður til
fyrirmyndar og þyrla af fullkomn-
ustu gerð biði jöklafara. Menn
gátu því vart ímyndað sér hvernig
tilfinning flugliðanna var þegar
þeir skullu á jöklinum á dimmu
septemberkvöldi í stormi og stór-
hríð án þess að vita einu sinni hvar
þeir voru.
í þessari ferð var staldrað við á
jöklinum í rtma klukkustund og
rætt um slysið og það sem á daga
áhafnarinnar dreif, þangað til
henni var bjargað af Akureyring-
um. Voru flugliðarnir á því að
þetta ferðalag upp á jökulinn núna
yrði þeim ógleymanlegt og enginn
þeirra hafði nokkru sinni búist við
að koma aftur á þennan örlaga-
Fremst situr Ingigerður Karlsdóttir flugfreyja og henni á hægri hönd
er Egill Eðvarðsson, stjórnandi sjónvarpsmyndarinnar.
stað. Nokkuð var rætt um að jök-
ullinn skilaði alltaf því sem eftir
væri skilið á honum og sagðist
Ingigerður vonast til að það væri
satt, því hún hefði skilið eftir dálít-
ið af sínu dóti í vélinni! Gert er ráð
fyrir að Geysir komi undan jökli
innan fárra ára og komi þá fram í
Dyngjujökli.
Vegna þáttagerðarinnar hefur
verið rætt við fjölda fólks sem með
einhverjum hætti tengdist þessum
atburðum, notaðar kvikmyndir og
ljósmyndir og unnið með ritaðar
heimildir frá þessum tíma. Gert er
ráð fyrir að myndin verði sýnd í
Sjónvarpinu í september. Stjórn
þáttagerðar er í höndum Egils Eð-
varðssonar og handrit skrifar Rafn
Jónsson.