Morgunblaðið - 13.11.1996, Blaðsíða 49

MORGUNBLAÐIÐ
MIÐVIKUDAGUR 13. NÓVEMBER 1996 49
BRÉF TIL BLAÐSINS
Siv og hraðaksturinn
Opið bréf til þingmanns
Frá Sigmari Þormar:
KÆRA Siv Friðleifsdóttir, þingmað-
ur Reyknesinga.
Mér datt í hug að skrifa þér fáein-
ar línur og segja þér af hverjum þú
fékkst atkvæði mitt í síðustu Alþing-
iskosningum. Ég hef oftast kosið
Alþýðuflokkinn, en var orðinn þreytt-
ur á Jóni Baldvini. Framsóknarflokk-
urinn bauð upp á röskan forystu-
mann, Halldór, sem hefur betri yfir-
sýn en margur yfír sjávarútvegmálin.
Þótt fiskurinn veitti okkur eitthvað
að bíta og brenna beinist athyglin
að ýmsu sem stendur jafnvel nær.
Umferðarslys eru allt of algeng á
íslandi, sérstaklega er okkur foreldr-
um ungra drengja umhugað um háa
dánartíðni 17 til 20 ára unglinga á
vegum landsins. Á ýmsu þarf að taka
í umferðarmálum. Bundið slitlag
vantar á fjölfarnar leiðir og umferð-
armenning er undarleg. Það er t.d.
alveg ótrúlegt að sjá bíla á öfugum
vegarhelmingi mæta manni á leiðinni
austur yfir fjall. Þama eru verið að
reyna að aka fram úr. Ég þarf að
hægja á og aka alveg út í kant ef
ökuþórinn á ekki að lenda framan á
bílnum, að vísu væntanlega ekki al-
veg á 110 km hraða. Þetta er ekki
bara hræðsla í mér því nýlega las
ég um slys sem átti sér stað með
þessum hætti í Hvalfirði.
Jæja Siv, þetta eru viðfangsefni í
íslenskum umferðarmálum, betri
vegir og betri umferðarmenning. Ég
var að kjósa þig til slíkra verka. Mér
var sagt að ungt fólk starfaði í Fram-
sóknarflokknum sem ajtlaði að vinna
að góðum málum, gamli tíminn að
baki, ný kynslóð og ný viðfangsefni
komin til sögunnar. Siv Friðleifsdótt-
ir átti að vera dæmi um þennan nýja
tlma.
Sjálfsagt má fínna einhver rök
fyrir því að auka hámarkshraða á
vegum. En ég er ákaflega ósáttur
við að þú skulir einbeita kröftum
þínum að hugmynd sem væntanlega
er runnin úr hugmyndabrunni þing-
manns Sjálfstæðisflokksins, doktors
Villa. Það er ekki nýtt að Vilhjálmur
Egilsson grípi sérkennileg mál á lofti.
Að þú skulir vilja vera með í þetta
sinn kom mér hinsvegar alveg í opna
skjöldu.
Forseti vor, dr. Ólafur Ragnar
Grímsson, kenndi mér að íslenska
þingmenn skorti mjög sérfræðiað-
stoð. Með betri aðgangi að sérmennt-
uðu starfsfólki gætu þingmenn öðl-
ast meira vald og haft betri festu til
áhrifa.
Jón Baldur Þorbjömsson, bíltækn-
iráðgjafí, hefur nú lagt fram ókeypis
greinargerð varðandi þetta vitlausa
hraðakstursfrumvarp (Morgunblað-
ið, 10. nóvember 1996, bréf til blaðs-
ins). Ég vil endilega að þú þiggir ráð
Jóns og dragir stuðning við þessa
lagasetningu til baka. Síðan skulum
við hefja vinnu að uppbyggilegum
málum fyrir Reyknesinga jafnt sem
aðra lancjsmenn.
SIGMAR ÞORMAR
rekur eigið fýrirtæki,
Skipulag og skjöl, í Kópavogi.
Stalín er ekki í Hafnarfirði
Frá Bergiindi Steinsdóttur:
ÞEGAR 20-30 spennandi leiksýning-
ar slást um athyglina á einu hausti,
og maður kemur því aðeins í verk
að sjá 5-8, er manni stundum nauð-
ugur einn kostur
að treysta dóm-
greind annarra.
Nærtækt er þá
að lesa gagnrýn-
ina/umfjöllunina
sem skrifuð er í
blöðin af til þess
ráðnum áhorf-
endum leiksýn-
inganna. Og af
því að smekkur
er huglægur
reiknar blaðalesandi varla með að
þurfa eingöngu að sætta sig við að
lesa um smekk viðkomandi áhorf-
anda.
Á föstudaginn gerðist það að ég
var ráðin í að sjá sýningu Leikfélags
Hafnarfjarðar á leikriti Vésteins
Lúðvíkssonar, Stah'n er ekki hér. Ég
sá forðum daga sjónvarpsupptöku
af uppfærslu Þjóðleikhússins á
stykkinu og fannst ráð að rifja upp
kynnin. Og til allrar hamingju lét ég
ekki smekk Heimis Viðarssonar
standa mér fyrir þrifum.
Heimir fellur nefnilega í þá gryfju
í leiklistardómi sínum í Morgunblað-
inu sl. föstudag að fjalla um leikritið
á forsendum smekks síns. Honum
leiðast stofuleikrit almennt og ég fæ
ekki betur séð en að honum sé þá
nokk sama hvort Vésteinn semur það
eða Ibsen. Svo spyr hann: „Var Stal-
ín er ekki hér ekki barn síns tíma?“
og leggur út af pólitíkinni sem kemur
fram í verkinu. Honum flnnast þá lík-
lega siðferðileg spursmál úrelt, eins
og hvort lygar séu réttlætanlegar,
hvort sumir megi eða skuli ráðskast
með aðra og hvaða tilfínningar fylgi
því að gefa bamið sitt. Hann vill þá
líklega merkja endalausa tilhneigingu
fólks til að fela tilfínningaþrotann
undir jólakökusneiðum og drekkja
sárindunum í kaffi árinu 1957. Síðan
hafí fólk varla talað í kringum hlut-
ina. Eða hvað? Spyr sú er ekki veit.
Ekki einasta er leikritið vel boð-
legt á því herrans ári 1996 heldur
skila flestir leikararnir sínu með
miklum sóma. Niðurstaða mín er því
sú að ég get ekki treyst Heimi Við-
arssyni til að veita mér leiðsögn í
vali mínu á leiksýningum.
BERGLIND STEINSDÓTTIR,
áhugamaður um leiklist,
Ingólfsstræti 4, Reykjavík.
Opið bréf til sóknamefndar
Lang’holtskirkju
Frá Haraldi Sigurðssyni og
Ólöfu Ólafsdóttur:
VIRÐULEGI sóknarnefndarfundur.
Á næstunni mun nýr prestur verða
valinn til kirkjunnar okkar í Lang-
holti. Sóknarnefnd Langholtskirkju
hefur setið stormasamt starfsár I
kirkjunni og blandast inn í deilumál
sem því miður eru enn í fersku
minni. Burtséð frá umdeildri fortíð
nefndarinnar er það ætlun hennar
og vilji, að vera í farabroddi á vegi
sáttar og friðar eftir slík áföll að
við lá klofningur Langholtssafnaðar.
Hyggst nú téð nefnd að kjósa,
hver verður næsti prestur safnaðar-
ins. Til þess að efla sóknamefndina
í því mikla starfi sem bíður hennar
og afla henni trausts er hér með
lagt til að prestskosning verði gerð
almenn og falin sóknarbörnum
Langholtssafnaðar. Með því að
söfnuðurinn taki á sig ábyrgðina
og velji sjálfur prest sinn firrir sókn-
amefndin sig allri hugsanlegri
gagnrýni og sýnir í verki vilja sinn
að sameiningu og uppbyggingu
safnaðarins. í rökstuðningi með til-
lögunni er bent á að samkvæmt
lögum um veitingu prestakalla séu
það sóknarbörnin sem hafa úrslita-
valdið um ráðningu prests. Vilji
safnaðarins sé grundvallaratriði og
ráðherra sem færi með veitingavald
yrði að byggja alfarið á þessum
vilja. Það er þessi vilji safnaðarins
sem við höfum óhjákvæmilega orðið
vör við og vildum taka tillit til.
Miðað við þessa skoðun og aðild
sóknarnefndar að deilunni ber kjör-
mönnun hennar að afhenda söfnuð-
inum þau réttindi og ábyrgð að
kjósa sóknarprest Langholtskirkju.
Okkur vitanlega hefur ekki komið
fram að landslög banni slíkt, þótt
til séu lög um prestskosningar sem
gefa leiðbeinandi reglur við venju-
legar aðstæður. Mætti vísa því til
biskups með ósk um að hann léti á
það reyna að þessu sinni hvort al-
mennar prestkosningar gætu farið
fram við fyrsta tækifæri.
Með fijálsri, réttlátri kosningu
mun söfnuðurinn vaxa og eflast í
kirkjustarfí á komandi árum. Því
til áréttingar var ákveðið að bréf
þetta yrði gert opinbert og því er
það sent fjölmiðlum í jákvæðum til-
gangi og í von um réttlæti.
Þessu fylgja bestu óskir um
blessunarríkt starf í kirkjunni með
einlægum huga og bænum.
HARALDUR SIGURÐSSON,
SR. ÓLÖF ÓLAFSDÓTTIR,
kjörmenn í sóknamefnd Langholtskirkju
Blombeng Excellent
fyrir þá sem vilja
aöeins það besta!
OFNAR:
T5 gerðir í hvítu, svörtu,
stáli eða spegilálferð, fjölkerfa
eða Al-kenfa með Pyroíyse
eða Katalyse hreinsikerfum.
HELLUBORÐ
TB gerðir, með háhitahellum
eða hinum byltingarkenndu,
nýju Spansuðuhellum, sem
nota segulorku til eldunar.
Ný írábær hönnun á ótrúlega góðu verði.
Blomberd
Hefur réttu lausnina fyrir þig!
Einar Farestveit & Co. hf.
Borgartúni 28 - Slmi 562 2901 og 562 2900
Toppúpinn
í eldunartækjum
Blombera