Morgunblaðið - 06.04.1993, Blaðsíða 22

22
MORGUNBLAÐIÐ ÞRIÐJUDAGUR 6. APRÍL 1993
Islendingar
jákvæðir í
garð Hafn-
firðinga
ÍSLENDINGAR virðast vera já-
kvæðir í garð Hafnfirðinga sam-
kvæmt könnun sem gerð hefur
verið á viðhorfi fólks til Hafnar-
fjarðar. Spurt var þriggja spurn-
inga, hvað dettur þér í hug þegar
Hafnarfjörður er nefndur? Hvað
finnst þér jákvæðast við bæinn
og hvað neikvæðast?
Könnunin var framkvæmd í síð-
ustu viku janúar. Hringt var í 1.000
manna slembiúrtak af landinu öllu.
Alls tóku 702 þátt í könnuninni eða
70,2% af úrtaki. Niðurstöður sýna
að átakið „Vinur Hafnarfjarðar"
hefur skilað sér til landsmanna og
þá einkum til landsbyggðarfólks. Þá
eru afar fáir sem nefna eitthvað sem
þeim finnst neikvætt um Hafn-
arfjörð.
Brandarar og gamanmál var
það sem flestum, eða 125 þátttak-
endum, datt í hug þegar þeir
heyrðu Hafnarfjörð nefndan.
Næstflestir nefndu bæjarstæðið
og í þriðja lagi nefndi fólk góðan
bæ, en svörum var skipt niður í
30 flokka.
Af þátttakendum treystu 152
sér ekki til að nefna neitt sérstak-
lega jákvætt við bæinn en tæplega
30% svara féllu undir flokkinn
„góður bær“. Tæplega 80% svar-
enda treystu sér ekki til að nefna
neitt neikvætt við Hafnarfjörð en
þau atriði sem flestir nefndu voru
samgöngur, umferð og skipulag.
---------» ♦ ■«---
Lokuðust af
vegna fióðs
BJÖRGUNARSVEITIN Albert
bjargaði konu og ungum dreng
úr Gróttu á sunnudag en þau
höfðu lokast af á miðju eiðinu
milli lands og Gróttu vegna síð-
degisflóðsins. Þau höfðu farið í
gönguferð út í Gróttu á fjörunni
en gættu ekki að sér á bakaleið-
inni.
Samkvæmt upplýsingum frá lög-
reglu voru þau föst á steini á miðju
eiðinu er menn frá Albert komu
þeim til aðstoðar á gúmmíbjörgun-
arbát. Höfðu þau dvalist um hálftíma
á steinum er þeim var bjargað. Að
sögn lögreglu er ástæða til að vara
fólk við gönguferðum út i sker í
nágrenni Reykjavíkur á háfjöru því
yfírleitt færast þau alveg í kaf á
flóðinu.
Nýr björgunarbátur Slysavarnafélagsins til Sandgerðis
Mikill heiður
HJÓNIN Hannes Þ. Hafstein og
Sigrún S. Hafstein um borð í
nýja bátnum ásamt öðrum Þjóð-
veijanna sem komu með bátnum
til Islands. Hannes segir að það
sé mikill heiður fyrir sig að
báturinn skuli heita í höfuð sér.
Morgunblaðið/Björn Blöndal
Tekið á móti björgunarbáti
FJÖLMENNI tók á móti björgunarbátnum Hannesi Þ. Hafstein þegar það kom til heimahafnar í
Sandgerði síðasatliðin laugardag.
Efst í huga þakklæti
á þessum tímamótum
- segir Hannes Þ. Hafstein, en bát-
urinn er nefndur í höfuð honum
Keflavík.
FJÖLMENNI var við höfnina í Sandgerði á laugardaginn til að
fagna þegar nýr björgunarbátur bættist í flota landsmanna. Hinn
nýi bátur ber nafn Hannesar Þ. Hafstein, sem um árabil hefur
verið framkvæmdastjóri Slysavarnafélags íslands, en hann lét af
störfum um síðustu mánaðamót. „Mér er efst í huga þakklæti á
þessum tímamótum til þeirra fjölmörgu manna og kvenna sem
ég hef starfað með og leitað til utan og innan Slysavarnafélagsins
á því tímabili sem ég starfaði í þágu félagsins," segir Hannes Þ.
Hafstein.
Forseti íslands, frú Vigdís Finn-
bogadóttir, gaf bátnum nafn, en
hann verður staðsettur í Sand-
gerði. Um borð er minnijijörgunar-
bátur og hlaut hann nafnið Siggi
Guðjóns. Sr. Hjörtur Magni Jó-
hannsson sóknarprestur blessaði
bátana og fyrir og eftir lék Lúðra-
sveit TónlistarskólanS' í Keflavík
undir stjórn Karenar Sturlaugsson.
Hannes Þ. Hafstein er 84 tonna
bátur, smíðaður í Þýskalandi 1965
og var notaður sem björgunarbátur
í Cuxhaven í 20 ár. Hann var
keyptur til landsins_ fyrir tilstuðlan
Slysavarnafélags íslands, kaup-
verðið var aðeins ein milljón króna
og sagði Gunnar Tómasson, 1.
varaforseti SVFÍ, við þetta tæki-
færi að félagið þakkaði þýska
slysavarnafélaginu þetta vinar-
bragð.
Mikill heiður
Hannes Þ. Hafstein segir að það
að nefna bátinn í höfuð sér sé mik-
ill heiður fyrir sig. „Með þessu er
mér sýndur gífurlegur hlýhugur og
virðing og ég vil nota tækifærið
hér til að þakka öllu því fólki sem
ég hef starfað með fyrir samstarfíð
þau 30 ár sem ég vann fyrir Slysa-
varnafélagið," segir Hannes.
Siglingin til íslands gekk vel,
lagt var af stað frá Bremerhaven
27. mars og voru í áhöfn sjö íslend-
ingar og tveir Þjóðveijar. Hálfdán
Henrýsson var skipstjóri og sagði
hann að Hannes Þ. Hafstein væri
bæði mikið og gott skip sem hefði
reynst ákaflega vel á heimsigling-
unni. Komið var við í Orkneyjum
og í Vogi í Færeyjum sem er vina-
bær Sandgerðis og þar var öllum
boðið til veislu.
Eftir hina hátíðlegu athöfn í
Sandgerðishöfn var gestum boðið
til hófs í tilefni af komu bátsins.
Þar fluttu ávörp meðal annars
Halldór Blöndal samgönguráðherra
og þingmenn kjördæmisins. Ýmsir
aðilar gáfu bátnum gjafir og má
þar m.a. nefna að Eimskipafélagið
gaf nýjan radar til notkunar í minni
bátnum og Sparisjóður vélstjóra
gaf fé til kaupa á öryggisbúnaði.
Minni bátur um borð
Hálfdán Henrýsson sagði að í
Hannesi Þ. Hafstein væru þijár
vélar sem saman framleiddu 2.500
hestöfl og væri ganghraðinn um
18 sjómílur. Þá væru þijú stýri og
þijár skrúfur í bátnum auk marg-
víslegs annars útbúnaðar til björg-
unarstarfa. Minni bátur er um borð
í Hannesi og hláut hann nafnið
Siggi Guðjóns eftir fyrrverandi for-
manni slysavamadeildarinnar Sig-
urvonar í Sandgerði. Hálfdán Henr-
ýsson sagði að nýleg könnun hefði
leitt í ljós að langflest sjóslys væru
á þessu svæði og því hefði verið
ákveðið að Hannes Þ. Hafstein yrði
í Sandgerði og yrði hann mannaður
björgunarsveitarmönnum þar í bæ.
Að athöfn lokinni var öllum boðið
að skoða nýja bátinn og björgunar-
stöð Sigurvonar.
- BB
Skoðanakönnun Gallups á Islandi
Nýrri mennta-
stefmi vel tekið
SAMKVÆMT niðurstöðum skoðanakönnunar Gallup á tillögum
nefndar menntamálaráðuneytisins um mótun nýrrar mennta-
stefnu ríkir mikill einhugur um að aukin áhersla verði lögð á
starfsnám í framhaldsskólum, en hins vegar taldi tæplega helm-
ingur aðspurðra í könnuninni að fj’ölga ætti kennsludögum í
grunnskólum frá því sem nú er. Þetta kemur fram í Þjóðarpúlsi
Gallup sem nýlega var gefinn út.
EPtu fylgjandi Á að fjöiga Á að auka á-
eöa andvígur kennsludögum herslu á starfs-
því að gruim- í grunnskólum? nám í fram-
skólanum fjúki haldsskólum?
með samræmd-
Nefnd á vegum menntamála-
ráðuneytisins um mótun nýrrar
menntastefnu setti nýlega fram
tillögur í áfangaskýrslu sem fela
í sér verulegar breytingar frá nú-
verandi menntastefnu. í tillögun-
um felst meðal annars að kennslu-
dögum í grunnskólum verði fjölgað
um 10-20 daga á ári, að leggja
beri aukna áherslu á starfsnám í
framhaldsskólum og að fjölga
samræmdum prófum í grunnskól-
um landsins. Gallup kannaði skoð-
anir fólks á þessum tillögum
nefndarinnar.
Niðurstöður könnunarinnar
benda til þess að mikill einhugur
ríki um að leggja beri aukna
áherslu á starfsnám í framhalds-
skólum, en tæplega 94% voru því
sammáía. Einungis 3% voru því
andvígir, og 3% aðspurðra tóku
ekki afstöðu.
Ekki reyndust aðspurðir jafn
einhuga um hvort fjölga ætti
kennsludögum í grunnskólum.
Þannig reyndust tæplega 47% vera
fylgjandi fjölguninni, en tæplega
40% voru því andvígir, og um 13%
voru hlutlausir í afstöðu til máls-
ins. Þeir sem vildu að kennsludög-
um yrði fjölgað voru spurðir um
það hvort það ætti að gerast með
því að lengja skólaárið eða fækka
frídögum og starfsdögum, og taldi
helmingur svarenda að lengja ætti
skólaárið, en helmingur taldi að
fækka ætti frí- og starfsdögum.
Mikill meirihluti áðspurðra í
könnun Gallups reyndist vera
fylgjandi því að grunnskólanum
eigi að ljúka með samræmdum
prófum, eða 80,3%. Tæplega 10%
voru hins vegar andvígir sam-
ræmdum prófum í grunnskólum
og 10% tóku ekki afstöðu.
Hringrás
semur við
varnarliðið
HRINGRÁS hf. hefur gert samn-
ing við varnarliðið um að fjar-
lægja um 500 tonn af járnúrgangi
af Keflavíkurflugvelli. Þrír aðilar
buðu í þetta verk og var Hringrás
með lægsta tilboðið. Verkinu á
að vera lokið fyrir miðjan maí nk.
Hringrás hefur áður unnið við
hreinsun á vallarsvæðinu. „Þetta er
mjög góður samningur miðað við það
sem hefur verið í boði hingað til og
veitir í sjálfu sér ekkert af kostnað-
arlega séð,“ sagði Sveinn Ásgeirs-
son, framkvæmdastjóri Hringrásar.
Bæði er um að ræða þykkt og
þunnt efni, vélar og tæki. Hringrás
tekur brotajárnið til endurvinnslu og
eyðingar í Sundahöfn. Sveinn sagði
að Hringrás hefði kaupendur að
brotajárninu og auðvelt væri að selja
það. Hins vegar hefðu verðsveiflur
verið á þessari vöru. Jámið er rifíð
niður og flokkað hjá Hringrás og
pressað. Hollenskt fyrirtæki kaupir
þann farm sem unnin verður úr
brotajáminu af Keflavíkurflugvelli.