Morgunblaðið - 06.04.1993, Blaðsíða 11

MORGUNBLAÐIÐ ÞRIÐJUDAGUR 6. APRÍL 1993
11
Sálumessa Verdis
________Tónlist_____________
Jón Ásgeirsson
Sinfóníuhljómsveit íslands, Kór
íslensku óperunnar, einsöngvar-
arnir Ólöf Kolbrún Harðardóttir,
Elsa Waage, Ólafur Árni Bjarna-
son og Guðjón Grétar Óskarsson
fluttu Sálumessuna eftir Verdi sl.
fimmtudag í Háskólabíói, undir
stjórn Yoavs Talmis.
Sálumessan eftir Verdi er há-
dramatískt verk og þvl kallaði
Hans Guido von Bulow það „nýj-
ustu trúaróperuna eftir Verdi“.
Nú þykja þessi ummæli hafa verið
ómakleg og jafnvel ódrengileg, því
trúin eigi sér ekki einhvern af-
markaðan bás og aðferðin við að
tjá hana skipti engu, en öllu sem
að baki býr. Verkið er í sjö þáttum
og er annar þátturinn, Dies irae,
lengstur og skipt í níu atriði. Það
sem einkennir formskipan þessa
listaverks, er að fyrir utan einn
þátt, Ingemisco, sem er fyrir tenór
einsöng, skiptist það í samsöngs-
þætti einsöngvara og kórs.
Kór íslensku óperunnar undir
kórstjórn Peters Lockes söng mjög
vel og af miklu öryggi, t.d. hinn
glæsilega Dies iræ-þátt. Te decet
Giuseppe Verdi
hymnus í Requiem og reyndar allur
þátturinn var mjög fallega sunginn
af kórnum svo og kórsöngurinn í
Lacrymosa og Agnus Dei. Fúgurn-
ar, sú tvöfalda í Sanctus og Libera
mea fúgan, voru full hraðar, svo
að skarað raddferlið varð á köflum
ógreinilegt.
Hraði er afstæður og rétt er að
taka tillit til þess hvort rithátturinn
er einfaldur eða flókinn, sem vel
hefði máttí þessu tilfelli, þvi
kontrapunkturinn býr yfir sér-
stakri spennu, sem því miður var
yfirkeyrð. Hljómsveitarstjórinn
hefur líklega verið að draga fram
andstæður verksins og það gerði
hann mjög vel á köflum, einkum
í þeim veiku, en á móti var hann
í nokkrum tilfellum einum of bók-
stafsbundinn. í Tuba mirum og
Rex tremendæ var hljómsveitin oft
nokkuð sterk.
Einsöngvarar voru góðir, þó
greina mætti á stundum að um
væri að ræða frumraun í flutning
þessa verks. Ólöf Kolbrún Harðar-
dóttir opnaði Kyrie þáttinn glæsi-
lega og lokaþátturinn Libera me
var stórkostlegur í útfærslu hennar
svo og samspil hennar við kórinn
í Requiem-bæninni. í öðrum þátt-
um er sópraninn mikið notaður í
samsöng t.d. í hinu fallega Agnus
Dei og í Recordare en þar fóru á
kostum Ólöf og Elsa Waage, Elsa
var mjög góð i öllum samsöngsatr-
iðunum en átti og frábærlega vel
sungna sólóþætti, t.d. Liber script-
us, hið fallega upphaf á Lacrymosa
og leiðandi rödd í Lux æterna.
Ólafur Árni er vaxandi söngvari
og gerði margt fallega en var full
leitandi, t.d. í Ingemisco-aríunni
en glæsileg rödd hans ætti að duga
honum langleiðina upp ilifærar
Yoav Talmi Ólöf Kolbrún
Harðardóttir
Guðjón Grétar Peter Locke
Óskarsson
tröppurnar að Parnassum. Guðjón
Óskarsson vakti mikla athygli var
hann sérstaklega góður í fyrri
hluta verksins og söng af öryggi.
Þarna er sannarlega -á ferðinni
efnilegur söngvari og var söngur
í Tuba mirum, Confutatis mjög
góður. Offertorium-þátturinn er
fyrir einsöngvarakvartett og var
þar margt fallegt að heyra.
Hljómsveitin var í heild mjög
góð en var á köflum nokkuð sterk,
jafnvel í Dies iræ en svo á móti
Elsa Waage Ölafur Á.
Bjarnason
einstaklega veik, eins og t.d. í
upphafi verksins, sem var mjög
fallega mótað af hálfu stjórnand-
ans. Hljómsveitarstjórinn Yoav
Talmi lagði mikla áherslu á sterkar
andstæður, frá minnsta styrk til
hins mesta og einnig mikinn mun
á hraða. Þar í millum vantaði eitt-
hvað, t.d. að leggja meiri áherslu
á að raddfleygunin í fúgunum
tveimur heyrðist, í stað þess að
leggja allt í æðisgenginn hraðann.
Requiem eftir Verdi er stórkost-
legt listaverk, sérstætt fyrir leik-
ræn tilþrif og mótað af sterkum
andstæðum, þar sem bænin um
frið, dagur reiðinnar og frelsunar-
bænin eru þrungin af persónuleg-
um tilfinningum en ekki sett fram
á ópersónulegan og virðulegan
máta. Flutningur þessa listaverk
eru tíðindi og það eru einnig tíð-
indi þegar vel tekst til eins og átti
sér stað í glæsilegri uppfærslu Sin-
fóníuhljómsveitar íslands, undir
stjórn Yoavs Talmis.
ERUM FLUTTIR
Höfum flutt söludeild okkar frá Höfðabakka 9
að SÆVARHÖFÐA 2 ■ SÍMI91-674000
Höfum til sölu öll leiðandi merki á sviði landbúnaðar- og þungavinnuvéla
GREENLAND
HANKMO
CN FURUKRUUR
GREENLAND
ImmjIkiIIi!
•X -3$C- '/
Kverneland
M ASSEY- FERGUSOIVI
pSEKI Kidd ^JRIMA
■Qi/awrap <j/7agrip
□RESSER
EUROPE S.A.

MUELLER
UROFA B. -V.|
Bf
•| REIME&CO
ufms
Perkins
TRIOLIET
ksmpEr rZTDsvin VERIÐ VELKOMIN - LÍTIÐ INN - HRINGIÐ EÐA SKRIFIÐ
VARAHLUTAVERSLUNIN VERÐUR
ENN UM SINN ÁFRAM AÐ
HÖFÐABAKKA 9 - SÍMI 634000
Ingvar
Helgason hf. vélasala
Sævarhöfða 2
sími 674000