Morgunblaðið - 15.12.1977, Blaðsíða 19
MORGUNBLAÐIÐ, FIMMTUDAGUR 15. DESEMBER 1977
19
Sigríður Jónsdottir
Siglufirði — Áttræð
Þegar þetta er ritað, hvarflar
hugur minn norður yfir heiðar og
fjöll, norður til Siglufjarðar, til
fjölskyldunnar að Hvanneyrar-
braut 23. Þar sem vinafólk mitt,
Sigríður og Hallur Garibaldarson
búa og hafa búið i rúm 50 ár
ásamt fjölskyldu sinni.
Frú Sigríður er áttræð 15. des-
ember og slíka sögu á hún að baki
og þakkir skilið frá vinum sinum,
að ég leyfi mér að minnast hennar
hér i dag. Við, sem átt höfum
hana sem góðan, tryggan og ráð-
hollan vin, þökkum henni í dag
samfylgdina og óskum henni alls
hins bezta á komandi dögum og
þá fyrst og fremst góðrar heilsu.
Attatíu ára saga Sigríðar Jóns-
dóttur er og þess virði að kunnug-
ur segi þar nokkuð frá, frá við-
horfum hennar og viðbrögðum í
lífsglímunni. Hún fæddist 15. des-
ember 1897 eins og áður segir, að
Sléttu í Fljótum, Skagafjarðar-
sýslu. Foreldrar hennar voru
hjónin, sem þar bjuggu, Jón Þor-
steinsson og kona hans, Guðný
Jóhannsdóttir. Án efa fögnuðu
foreldrarnir komu þessa „jóla-
barns“ fjölskyldunnar í svartasta
skammdegi vetrarins. Á Sléttu
voru engar allsnægtir um þessi
jöl og lágt var til lofts í Sléttu-
bænum, en engu að síður rikti þar
fögnuður og þakklæti.
Sigríður Jónsdóttir naut um-
önnunar foreldra sinna skamma
hríð, því faðir hennar fórst 6.
janúar 1899 þegar Sigríður var
rúmlega 2ja ára gömul. Allan des-
ember 1898 ætluðu bændur úr
Fljótum að freista þess að komast
til Siglufjarðar eða Hofsóss og
sækja bjargræði fyrir heimili sín,
en þann mánuðinn viðraði svo, að
ófært var til Siglufjarðar yfir
snarbratta klakabundna fjallvegi
og langt var til Hofsóss í stormum
og fárvirði. Um áramótin
1898—99 slotaði veðri svo, að í
byrjun janúar ræddu nokkrir
bændur úr Fljótum hugsanlega
kaupstaðarferð og niðurstaðan
varð sú, að farið var á opnum
fiskibáti frá Haganesvík til Hofs-
óss og ferðadagur var ákveðinn 6.
janúar. Átta bændur ákváðu að
fara þessa ferð. Þegar hér er kom-
ið sögu voru Guðný og Jón Þor-
steinsson flutt í Efra Haganes og
var hann skipstjóri á bátnum.
Vindáttin við upphaf ferðarinnar
var hin ákjósanlegasta og lagt var
af stað í góðri trú, að áttin héldist.
Bændur höfðu ekki róið lengi,
þegar aftaka veður brast á. Þetta
veður stóð linnulaust i þrjá sólar-
hringa. Báturinn fórst með rá og
reiða. Þetta var reiðarslag fyrir
hina fámennu og fátæku Fljóta-
byggð og bar hún ei sitt barr eftir
í mörg — löng ár.
Ekkjan i Efra Haganesi stóð nú
uppi með dætur tvær, Sigriði og
Soffiu 8 ára og hjá henni bjó
öldruð móðir hennar og ætíð sið-
an meðan hún lifði.
Á Dölum þ.e. vestan Siglufjarð-
ar var um siðustu aldamót búið á
þremur bæjum, Engidal, Dalabæ
og Máná. Tilheyrðu þeir, er þar
bjuggu, Hvanneyrarhreppi.
Eftir lát manns síns, eða árið
1901, flyst Guðný með móður sína
og dætur að Máná, mun sennilega
hafa átt hlut i þeirri jörð, en þar
bjuggu þau hjón ásamt Þorsteini
föður Jóns, áður en þau fluttust
að Sléttu.
A þessum bæ elst Sigríður, sem
við minnumst sérstaklega í dag,
upp við umhyggju ömmu sinnar
og einstaka móðurást, snyrti-
mennsku og vinnusemi. Guðný
Jóhannsdóttir var velgefin kona
og las mikið eftir þvi sem tök voru
á.
Á uppvaxtarárum Sigríðar
bjuggu á einum Dalabæjanna —
Engidal — Garibaldi Einarsson
og kona hans Margrét Pétursdótt-
ir. Áttu þau 3 dætur og 6 syni, öll
voru börnin hin myndarlegustu. I
þessum hópi var Hallur, nokkru
eldri en Sigriður á Máná. Þau litu
hvort annað hýru auga og hinn 12.
maí 1918 gengu þau í heilagt
hjónaband — lögðu á brattann —
klifu vesturfjöll Siglufjarðar og
stofnuðu þar sitt heimili og hafa
búið þar síðan i tæp 60 ár. Með
þeim til Siglufjarðar fór einnig 10
ára gamall bróðir Halls, Öskar, og
ólu þau hann upp sem sinn son til
fullorðins ára og þau gerðu meira,
einnig tóku þau á heimili sitt ung-
an dreng, Jóhannes Jósepsson og
gengu honum í foreldrastað. Þá
kom síðar á heimilið til þeirra
faðir Jóhannesar aldraður maður
og var heimilisfastur hjá Sigríði
og Halli í 26 ár, lengst af blindur
þann tíma og rúmfastur mörg ár.
Annaðist Sigríður hann alla tíð af
sérstakri kostgæfni svo orð var á
gert i ungdæmi mínu í Siglufirði.
Áður en skilið er við þennan
lifssöguþátt Sigríðar má geta
þess, að einnig ólu þau upp
Magdalenu dóttur Jóhannesar frá
10 ára aldri, er hún nú búsett í
Reykjavik. Óskar og Jóhannes,
sem hér hafa verið nefndir, eru
báðir búsettir í Siglufirði og hafa
vel launað fósturgjöldin, sem og
i Magdalena Jóhannesdóttir.
Sigriður og Hallur eiga að vori
Framhald á bls. 21.
Bang&Olufeen
a HLJOMTÆKI
»
1
wmmmmmmmmmmmmmmmmmmmm
BUÐIN
Á HORNt SKIPHOLTS
OG NÓATÚNS
SÍMI 29800 ( 5 LÍNUR)
26 ÁR í FARARBRODDI