Lesbók Morgunblaðsins - 09.01.1982, Blaðsíða 11
Harðar skeljar myndast í heitum
höfum og þær berast til kaldari sæva.
Niður árinnar er of mikill stundum. En
upp við fossinn er fallhljóð árinnar
gott eftir að búið er að ganga upp
með ánni allri. Lóan segir dí dí, dí dí,
eitt stutt og eitt langt dí en ekki tvö
stutt dí dí. Vængjahljóö hrossagauks-
ins heyrist ei. Einmana árrennslið er
mátulegt núna. Þaö vex eitthvað
kringum kæra hluti, þeir verða meiri
og blómstrandi. Er hægt að komast
hinum megin við hrafntinnuklettana,
upp mosaöa mela, upp með hríslum
sem hafa fengið aö lifa vegna þess að
ekkert kvikt hefur náð til þeirra nema
fuglinn, upp fyrir hamrabelti, björg og
klungur, upp, upp áfram heiðina fyrir
ofan og síðan niður, þar sem stígar
eru auöveldir, niður grösug og gróin
tún og engi og niður í byggö, aö skipi
sem flytur til landa með heita sól,
slétta, stóra akra meö sítrónum og
suðrænum sóleyjum. Þar vil ég kynn-
ast þjóðinni og segja af henni fagra,
glaöa, nærfærna, leitandi fregn, þar
sem fólk býr í fornum vígjum, þar sem
miðaldaveggir verja kastala sína, þar
sem fagrar hallir, útskornar áföstum
mannlíkneskjum úr marmara, geyma
postulín miðalda, þar sem þjóö býr
meö mörg hundruð ára menningu
sem birtist í brosi hennar, síkátu og
tregasömu, þar sem hljómar detta
með fótafalli, þar sem handleggir bif-
ast í leik og söng, þar sem fegurð og
nautn, vín og ást og samúð og natni
og samræming er takmark þess að
vera til.
Valgeröur Þóra
ÞRJÁR
Fuglinn flýgur einmanalega og
þunglamalega móti golunni, móti
gráum skýjum á íslandshimni. Skyldi
fuglinn fljúga jafn einmanalega og
þunglamalega á móti skýjunum í him
SMÁMYNDIR
ingolunni á Spáni? Fljúgðu, fljúgðu
fugl og seg þú mér ef þér finnst ekki
léttara að fljúga á móti himinskýjunum
yfir Spánarlandi, yfir sjónum og vötn-
unum þar ef vængjablak þitt léttist
ekki viö að fljúga móti skýjunum þar.
Hvort sólin og suðrænan léttir ekki
flugtak þitt: Hvort þú kemst alla leið til
suðlægra landa, hvort þú getur og
færð aö fljúga þar yfir? Hvernig þú
lyndir við aðra þjóð? Hvort þú getur
skilið að fljúga bæði yfir íslandi og
Spáni? Kæri fugl, flýttu þér að fljúga
þangaö til aö geta sagt mér hvort þú
getur þaö.
Einmana hendur okkar og hugur
mætist. Viö gerum engar kröfur held-
ur mætumst einungis með augum,
höndum og huga. Gætum okkar aö
segja ekki of mörg orö. Gefum engar
vonjr, nefnum engin loforð, tölum ekki
um framtíðina, vitum að ekkert er til
nema núna, stundin þegar við hugsum
hvort um annað, brosum með augun-
um og tökumst í hendur. Virðum hug
og hjarta hvors annars. Við bíðum
átekta, sjáum sólina rísa og setjast,
bíðum og gáum hvort fuglarnir taki til
að garga eða fljúga hratt, hvort veður-
breytingar séu í nánd. Hvort við þreyj-
um daginn með hinum verunum,
mönnum og dýrum. Hvort stundin líði
í hugarró, gleði og samræmi, hvort viö
getum lifaö daginn til sólarlags án
þess að tala, gráta eða hlæja of mikið.
Hvort viö megum lifa þennan dag,
hamingjusöm og friðsöm saman?
11