Morgunblaðið - 05.11.2000, Blaðsíða 28

28 B SUNNUDAGUR 5. NÓVEMBER 2000
MORGUNBLAÐIÐ
Ein athafnamesta útgáfa landsins erThule-
útgáfan sem fáir kannast þó viö. Árni
- > Matthíasson ræddi viö annan forsvars-
mann útgáfunnar sem sagöi honum aö
Thule heföi gefiö út á þriöja tug hljómplatna
á síðustu tveimur árum.
Hljómsveitin Múm.
Morgunblaðið/Jim Smart
Snorri Sturluson og Þórhallur Skúlason, aðstandendur Thule-útgáfunar.
THULE-ÚTGÁFAN hefur
verið hálfgert leyndarmál,
því þó margir hafi vitað af
henni sem aðstandanda
útgáfu á diskum með
Ruxpin, Early Groovers, Múm og
Kanada, hefur starfsemi útgáfunn-
ar að stórum hluta verið erlendis
og þannig hefur hún náð veruleg-
um árangri á sínu sérsviði í Þýska-
landi og víðar. Hluti skýringarinn-
ar er að snar þáttur í útgáfu Thule
er vínyltólftommur sem sniðnar
eru fyrir plötusnúðamarkað og það
þröngan hluta þess markaðar. A
síðasta ári kom fyrirtækið upp á
yfirborðið hér á landi með þremur
geisladiskum til heimahlustunar, ef
svo má segja, með Ruxpin, Early
Groovers og Múm, og svo kom
diskur með Kanada fyrir
skemmstu. Á sama tíma hefur það
gefið út nokkra tugi platna sem lít-
ið eða ekkert hafa sést hér á landi
-*’■ og gefur reyndar út tvær til þrjár
plötur á mánuði.
Snorri Sturluson, sem sér um
daglegan rekstur Thule með Þór-
halli Skúlasyni, segir að markaður
fyrir jaðartónlistina sem Thule
gefur út skipti nokkrum tugum
eintaka af hverjum titli hér á landi
og því taki því varla að dreifa plöt-
unum í verslanir hér, áhugasamir
leiti hvort eð er beint til fyrirtæk-
isins. „Plöturnar sem við gáfum út
á síðasta ári, með Ruxpin, Múm og
Early Groovers, og svo Kanada í
sumar, voru ætlaðar almennum
markaði og við erum með í bígerð
fleiri slíkar plötur, plötur með
Magnúsi Jónssyni sem kallar sig
Blake og Traktor.“
Björgunarsveitin Thule
Snorri segir að starfsemi útgáf-
unnar ytra hafi meðal annars skil-
að sér í því að þekktir danstónlist-
armenn séu teknir að leita til
hennar um samstarf. Þannig hafi
drum ’n bass tónlistarmaðurinn
Pascal leitað til Thule um útgáfu á
tólftommu og danstónlistardeild
EMI í Danmörku hafi óskað eftir
samstarfi, en það hefur meðal ann-
ars leigt útgáfurétt laga frá Thule.
„Þeir voru í vandræðum með plötu
sem var tilbúin til útgáfu en fannst
ekki hljóma nógu vel. Þeir ákváðu
því að fresta öllu saman og höfðu
samband við okkur um að endur-
^vinna hana sem einskonar björgun-
arsveit. Það er ágæt sönnun þess
að okkur hefur tekist að ná eyrum
manna í Evrópu þó enn eigi eftir
að koma í ljós hvaða árangur verð-
ur af öllu saman.“
Það hafa fleiri en Danir og Þjóð-
verjar tekið eftir Thule-útgáfunni,
því fyrirtækinu berast reglulega
prufuupptökur víða að með beiðni
um útgáfu. Þannig bárust upptök-
ur frá slóvenskum listamanni, Tor-
ul, sem þeim Thule-mönnum þótti
hljóma svo vel að þeir ákváðu að
igefa hann út án þess að hafa nokk-
*urn tímann talað við hann. í kjöl-
farið segir Snorri að þeir hafi gefið
út nokkrar tólftommur með honum
og í kjölfarið hefur rignt yfir þá
prufuupptökum frá Slóveníu sem
hann segir að sé yfirleitt afbragðs-
tónlist.
Eins og getið er að ofan gefur
Thule út tvær til þrjár plötur á
Morgunblaðið/Golli
Aðalsteinn Guðmundsson, sem
sumir þeklqa sem Plastik og
aðrir sem The Cosmonut.
mánuði og hefur gert undanfarin
ár, en Snorri segir þó að
endurskipulagning á starfsemi fé-
lagsins fyrr á árinu hafi gert að
verkum að útgáfan dróst saman
um hríð. „Fyrirtækið stækkaði svo
hratt að segja má að menn hafi
farið aðeins fram úr sér,“ segir
hann. Nú sé allt aftur á móti komið
á góða siglingu og jafnvel verði
útgáfuhraðinn aukinn. Meðal ann-
ars sé fyrirtækið búið að stofna
sérstaka house-útgáfu, 66 Degrees
Records, til að gera þess konar
tónlist sem er mun söluvænlegri
en hart techno. „Sú útgáfa hefur
gengið vel hjá okkur og lögin sem
EMI leigði útgáfuréttinn að voru
einmitt á 66 Degrees Records-
merkinu."
Meðal listamanna á 66 Degrees
Records eru Orlando Careca og
The Cosmonut, sem einnig starfa
undir nöfnunum Ruxpin og Plastik,
en heita Jónas Þór Guðmundsson
og Aðalsteinn Guðmundsson.
Snorri segir að það sé einmitt eitt
af einkennum danstónlistarinnar
að menn koma fram undir ótelj-
andi ólíkum nöfnum. „Menn skapa
sér nafn fyrir sérstaka gerð tón-
listar, en þegar þeir vilja gera eitt-
Morgunblaðið/Þorkell
Jdnas Þór Guðmundsson sem
kallar sig ýmist Ruxpin eða Orl-
ando Careca.
hvaðíannað borgar sig fyrir þá að
taka sér nýtt nafn, enda eru
áhugamenn um danstónlist ekki
eins opnir fyrir ólíkum straumum
og tíðkast í öðrum gerðum tón-
listar. Þannig er til að mynda með
Jónas, sem hefur náð góðum ára-
ngri með rafeindadanstónlist, en
langaði til að gefa út plötur með
deep-house. Ef hann hefði gefið
það út undir nafni Ruxpin hefðu
aðdáendur orðið fyrir vonbrigð-
um.“
Gróskan sífellt að aukast
Flestir tónlistarmennirnir sem
Thule gefur út eru íslenskir, en
einnig eru tveir erlendir listamenn
á mála hjá því. Snorri segir að það
sé ákveðinn kjarni tónlistarmanna
starfandi hjá fyrirtækinu, en tals-
verð hreyfing á mönnum þar fyrir
utan. „Kjarnann skipa Þórhallur
sjálfur, Ruxpin, Plastik, Biogen og
Early Groovers, en síðan eru fjöl-
margir sem eru misvirkir í tónlist-
inni. Það bíður líka talsvert af tón-
list útgáfu hjá okkur sem ég
reikna með að eigi eftir að vekja
athygli, sérstaklega plötur með
tónlistarmanni sem kallar sig Uo,“
segir Snorri og bætir við að sér
Morgunblaðið/Kristinn
Ornólfur Thorlacius er
Early Groovers.
sýnist sem gróskan sé sífellt að
aukast og menn séu að gera æ fjöl-
breyttari tónlist.
„Við fáum inn mikið af prufu-
upptökum og erum þakklátir fyrir
það enda hlustum við á allt sem við
fáum og höfum fundið margt mjög
gott þar sem síðan hefur ratað á
plötu frá okkur. Við ræðum yfir-
leitt við þá sem eru að senda okkur
upptökur, reynum að hjálpa þeim
og gefa þeim góð ráð til þess að
þeir nái að þróa tónlistina áfram.
Það kemur oft fyrir að listamenn
hafa komið til okkar með tónlist
þar sem okkur hefur þótt eitthvað
vanta upp á og í framhaldi af því
hafa þeir fengið leiðsögn hjá okkur
og aðstoð í hljóðveri,“ segir Snorri.
Hann segir að allur gangur sé á
því hvernig menn bindist fyrirtæk-
inu, sumir geri samning við það til
lengri tíma, en aðrir semji bara um
eina tólftommu í einu. „Þegar tólf-
tommurnar eru svo orðnar þrjár
eða fjórar þá er komið nóg af tón-
list á geisladisk og þannig erum
við með í smíðum núna geisladisk
með tónlist eftir Torul hinn slóv-
enska sem gefið hefur út þrjár
tólftommur hjá okkur.“ Snorri seg-
ir að margir vilji aðeins gefa út
tólftommur, enda séu menn oft að
vinna sér orðstír og vilja frelsi til
að gefa jafnvel út hjá mörgum fyr-
irtækjum.
Erum bara að gefa
út góða tónlist
Múm er dæmi um hljómsveit
sem vakið hefur athygli víðar en
meðal danstónlistarvina og meðal
annars hefur hróður hljómsveitar-
innar borist til útlanda þar sem
henni hefur verið vel tekið. Snorri
segir að sem stendur séu þeir
Thule-menn að safna saman endur-
unnum Múm-lögum þar sem ýmsir
erlendir og innlendir tónlistar-
menn hafi um vélað. „Þannig hafa
Mike Paradinas og Mark Bell end-
urunnið lög, en það hefur gengið
hægar en við áttum von á að safna
lögunum saman þannig að hún
kemur væntanlega ekki út fyrir
jól. Við erum annars ekki í
jólaútgáfustreðinu, við erum bara
að gefa út góða tónlist hvenær sem
er ársins."
Snorri segir að eftir því sem
Thule-útgáfan hefur unnið sér orð
ytra hafi fjölmargir íslenskir lista-
menn sem erlendir leitað til henn-
ar og þá ekki endilega með
danstónlist. „Við höfum aftur á
móti ekki viljað gefa út slíka
skemmtitónlist þótt þar sé margt
vel heppnað. Það hefur einfaldlega
ekki fallið að því sem við erum að
gera og það má segja að við séum í
svipuðum pælingum og listamenn-
irnir sem ég nefndi áðan, við erum
að vinna okkur nafn á alþjóðavísu
fyrir ákveðna gerð af gæðatónlist
og þótt það kæmi upp í hendurnar
á okkur strumpaplata sem væri ef-
laust hægt að selja í stóru upplagi
myndum við ekki vilja gefa hana
út. Okkar von er að eftir einhver
ár séum við komnir með heillegan
rökréttan útgáfulista af tónlist og
þó fjölbreytni sé af hinu góða og
passa ekki inn á þann lista
strumpaplötur eða karlakórar.“
Helstu verðmætin’
í listamönnunum
Eins og fram hefur komið hefur
Thule náð góðum árangri á Þýska-
landsmarkaði. Snorri segir að sá
markaður hafi komið fótunum und-
ir fyrirtækið og sé því enn mikil-
vægur, en einnig sé það að sækja í
sig veðrið í Bretlandi. „Okkur hef-
ur gengið mjög vel að kynna Múm
og Kanada í Bretlandi og einnig
hafa menn tekið Ruxpin vel. Við
gerðum fyrir skemmstu dreifingar-
samning þar í landi og það verður
meðal helstu verkefna okkar á
næstu mánuðum að koma okkur
vel fyrir í Bretlandi."
Þó markaður fyrir tónlist frá
Thule sé nánast eingöngu erlendis
hefur fyrirtækið alla tíð starfað
hér og að sögn Snorra stendur
ekki til að flytja starfsemina úr
landi. „Við getum ekki yfirgefið
listamennina," segir hann og bætir
því við að þó vissulega yrði mun
hagkvæmara að reka fyrirtækið til
að mynda í Bretlandi, þá þyrfti það
að flytja alla listamennina með sér
ef vel ætti að vera. „Okkar helstu
verðmæti eru í listamönnunum og
skiptir öllu fyrir okkur að vera í
nánu sambandi við þá.“