Morgunblaðið - 11.08.1989, Blaðsíða 17
17
MORGUNBLAÐIÐ FÖSTUDAGUR 11. ÁGÚST 1989
Reuter
Toshiki Kaifu (t.h) sver embættiseið forsætisráðherra Japans í Keisarahöllinni í gær frammi fyrir Aki-
hito Japanskeisara. Á miðri myndinni er Sosuke Uno, fyrrum forsætisráðherra, sem neyddist til að segja
af sér eftír mikið fylgistap Fijálslynda lýðræðisflokksins í kosningnm í síðasta mánuði sem m.a. var
rakið til munúðarfiillrar dægradvalar forsætisráðherrans.
Japan:
Tvær konur í ríkis-
stjórn Toshiki Kaifu
Athöfnin fór fram í Keisarahöllinni
Tókíó. Reuter.
TOSHIKI Kaifu, leiðtogi Fijáls-
lynda lýðræðisflokksins, sór í gær
embættiseið forsætisráðherra
Japans. Jaftifi"amt tók ríkisstjórn
hans við völdum en í henni eiga
sæti tvær konur sem heyrir til
undantekninga í japönskum
stjórnmálum.
og sór nýi forsætisráðherrann eiðinn
frammi fyrir Akihito Japanskeisara.
Þrír af hveijum fjórum ráðherrum
í hinni nýju ríkisstjórn Toshiki Kaifu
hafa ekki áður gegnt svo valdamikl-
um embættum. Tvær konur eiga
sæti í ríkisstjórninni en það hefur
aðeins gerst fimm sinnum áður i
stjórnmálasögu Japans að konur
gegni ráðherraembættum og aldrei
áður hafa tvær konur setið samtímis
í ríkisstjórn. Sumiko Takahara hefur
verið skipuð framkvæmdastjóri efna-
hagsstofnunar Japans en Mayumi
Moriyama tekur við stjórn umhverf-
ismálastofnunarinnar.
Fréttaskýrendur segja að forsæt-
isráðherrann hafi viljað bæta ímynd
flokksins með því að hefja konurnar
tvær til valda. Fijálslyndi lýðræðis-
flokkurinn tapaði miklu fylgi yfir til
Sósíalista í kosningum til efri deildar
japanska þingsins í síðasta mánuði
og missti raunar meirihluta í þing-
deildinni. Talið er að úrslit þessi
megi ekki síst rekja til þess að konur
hafi snúið baki við flokknum. Flokk-
urinn lét koma á þriggja prósenta
söluskatti, sem hleypti illu blóði í
japanskar húsmæður auk þess sem
í ljós kom að Sosuke Uno, fyrrum
forsætisráðherra, hafði verið eigin-
konu sinni ótrúr. Þá er það haft til
marks um aukin áhrif kvenna í jap-
önskum stjórnmálum að leiðtogi Só-
síalistaflokksins, Takako Doi, er
kona og munu persónuvinsældir
hennar fara sífellt vaxandi.
Tímarit eitt í Japan birti í gær
frétt þess efnis að Toshiki Kaifu
hefði eignast dóttur utan hjóna-
bands. Talsmaður forsætisráðherr-
ans vildi ekki tjá sig um málið en
talið er að mál þetta geti haft alvar-
legar afleiðingar bæði fyrir Kaifu og
flokk hans reynist fréttin á rökum
reist.
Reuter
Rómverskt hofundir ís
Leysingar hafa orðið til þess að rómverskt hof hefur fundist á fjallstindi
í miðhluta Tyrklands. Fjallgöngumenn fundu hofið sem er efst á hinu
3.900 metra háa Erciyes-fjalli í héraðinu Kayseri. ís hylur enn hluta hofs-
ins sem talið er að hafi verið reist fyrir um 2.000 árum, að sögn kunn-
áttumanna. og er mynd þess á gamalli, rómverskri mynt sem fundist hefur
í héraðinu. Á myndinni sjást tveir fjallgöngumenn kanna anddyri hofsins.
Norski Framfaraflokkurinn:
Uppgjör við landbún-
aðinn eitt af helstu
kosningamáhmum?
„ÞAÐ er fáránlegt að taka 12 milljarða kr. (rúmlega 100 millj-
arða ísl. kr.) frá skattgreiðendum á ári hverju til að gefa Iand-
búnaðinum á sama tíma og verið er að selja norska matvöru á
niðursettu verði í útlöndum. Norskir sljórnmálamenn komast
ekki lengur hjá því að efiia til uppgjörs við landbúnaðinn." Það
var Pál Atle Skjervengen, varaformaður norska Framfaraflokks-
ins, sem lét þessi orð falla á dögunum í viðtali við dagblaðið Aften-
posten, en í Noregi og víðar á Norðurlöndum eru landbúnaðarmál-
in nú mjög í brennidepli. Sagði Skjervengen einnig, að hann
ætlaði að leggja áherslu á, að uppgjörið við landbúnaðarstefriuna
yrði eitt af helstu málum flokksins í komandi kosningum.
„Þetta úppgjör kemur raunar
yfir okkur hvort sem okkur líkar
betur eða verr. Við erum að reyna
að laga okkur að innri markaði
Evrópubandalagsins og það mun
aftur rieyða okkur til að hætta
fáránlegum niðurgreiðslum og
styrkjum til landbúnaðarins.
Ástandið er nú þannig, að bændur
ráða næstum öllum norsku stjórn-
málaflokkunum og þingið hefur
haft meiri áhuga á að standa vörð
um styrkjakerfið en að skipa
málum þannig í landbúnaðinum,
að þjóðinni sé fyrir bestu,“ sagði
Skjervengen, sem var einnig innt-
ur álits á þeim ummælum flokks-
bróður síns, Sturlu Slapgárd, að
norskum bændum ætti að fækka
úr 100.000 í 60.000.
„Að sjálfsögðu verður að fara
hægt í sakirnar í þeim efnum en
að ausa árlega 12 milljörðum
nkr. í atvinnuveg, sem verður
kannski aldrei samkeppnisfær,
getur ekki gengið. Ef við viljum
halda við byggð í fámennum hér-
uðum væri þessari upphæð, eða
kannski helmingi hennar, betur
varið í stuðning við aðrar atvinnu-
greinar," sagði Skjervengen og
bætti við, að það væri út í hött
að minnast aðeins á bændur þeg-
ar rætt væri um að treysta búsetu
í sumum landshlutum. Vegna
tækniþróunar síðustu ára væri
miklu auðveldara að efla atvinn-
ulífið í þorpum og bæjum á iands-
byggðinni.
Skjervengen var að síðustu
spurður hvort vöruverðið ryki ekki
upp úr öllu valdi ef niðurgreiðslum
yrði hætt og þá svaraði hann því
til, að þrátt fyrir niðurgreiðslurnar
væri norsk landbúnaðarvara sú
dýrasta í heimi. Ef styrkjaaustrin-
um yrði hætt myndi samkeppnin
verða til að lækka verðið og þá
ekki síður aukinn innflutningur á
búvöru.
Grænland:
Herstöð verðpr áfram
í Syðra-Straumsfirði
Kaupmaniialröfn. Frá N.J.Bruun, fréttaritara Morgnnblaðsins.
BANDARISK stjórnvöld ætla ekki að Ieggja niður herstöðina í
Syðra-Straumsfirði í Grænlandi eða ratsjárstöðina í Kulusuk. Kom
þetta íram í þriggja daga viðræðum dansk-grænlenskrar sendinefhd-
ar við ráðamenn í Washington.
Fyrir mánuði sagði John L. Piotr-
owski hershöfðingi og yfirmaður
bandarísku eldflaugavarnanna, að
Bandaríkjastjórn hefði enga þörf
fyrir herstöðina í Syðra-Straums-
firði eftir 1992 og yrði það því
undir Atlantshafsbandalaginu og
Dönum komið hvort flugvöliurinn
þar yrði rekinn áfram. í viðtali við
grænlenska útvarpið sagði Flemm-
ing Hedegaard, embættismaður í
danska utanríkisráðuneytinu, að nú
væri þó annað komið á daginn og
ætluðu aðstoðarvarnarmálaráð-
herra og aðstoðarutanríkisráðherra
Bandaríkjanna að biðja þingið um
aukið fé til reksturs stöðvanna.
í viðræðunum í, Washington kom
einnig fram, að Bandaríkjastjórn
er hlynnt því að verkfræðingasveit-
ir frá hernum hafi aðsetur í Græn-
iandi og annist þar vega- og hafnar-
gerð og aðrar framkvæmdir. Er það
nú grænlenskra stjórnvalda að
benda á fyrstu verkefnin.
Það hefur legið ljóst fyrir af hálfu
Dana og Grænlendinga, að Banda-
ríkjamenn yrðu að leggja niður her-
stöðina í Thule, ef þeir lokuðu stöð-
inni í Syðri-Straumfirði. „Við viljum
að heildarlausn fáist í þessu máli
fyrir allt landið," sagði Jonathan
Motzfeldt í viðtali við Grænlenska
útvarpið. „Það er ekki á valdi
Bandaríkjamanna að velja og
hafna.“