Morgunblaðið - 02.06.1983, Blaðsíða 31
MORGUNBLAÐIÐ, FIMMTUDAGUR 2. JÚNÍ 1983
31
Heimsmynd okkar
tíma eftir Gunnar Dal
VÍKURÚTGÁFAN hefur gefið út
bókina Heimsmynd okkar tíma eftir
Gunnar Dal í tilefni sextugsafraælis
höfundar 4. júní.
Heimsmynd okkar tíma er 33ja
bók Gunnars Dal. Á bókarkápu seg-
ir m.a.
„Skipta má öllum mönnum í tvo
hópa. Þá sem vita hvað gerst hef-
ur í vísindum, stjörnufræði, eðlis-
fræði og líffræði eftir 1965, og
hina sem vita það ekki. Þessir
tveir hópar lifa í ólíkum heimum.
Hvers vegna? Vegna þess að síð-
ustu tvo áratugi hefur þekkingin,
að dómi sumra vísindamanna,
hundraðfaldast. Heimspekingar,
trúmenn og vísindamenn hafa á
öllum öldum sett fram ákveðna
heimsmynd. Það sem gerir okkar
heimsmynd frábrugðna fyrri
heimsmyndum er, að hún byggist í
fyrsta sinn á mælanlegum stað-
reyndum. Nútímamaðurinn getur
notað nýja tækni og á aðgang að
upplýsingum sem engin kynslóð á
undan honum gat þekkt.
Bókin er í samræðuformi svo
hægt sé að koma að ólíkum sjón-
arhornum. Sviðsetningin er íbúð
við Vesturbergið í Breiðholti III.
Þar er heimsmynd okkar tíma
rædd næturlangt af nemendum,
fræðurum í raunvísindagreinum,
trúmönnum og öðrum hugsuðum.
Gunnar Dal.
Bókin er tileinkuð nemendum og
starfsfólki Fjölbrautaskólans í
Breiðholti."
Heimsmynd okkar tíma er 195
blaðsíður og skiptist í tólf kafla;
Inngang, Hvert er upphaf heims-
ins?, Hvað gerist í stórusprengju?,
Framtíð alheimsins, Hvernig
myndast vetrarbrautir?, Vetr-
arbrautin, Sólkerfið, Hvað er
svarthol?, Hvað er ljós?, Hvað er
efni?, Hvað er líf? og Hvernig
verður líf til?.
Vorfagnaður Nemenda-
sambands MA
VORFAGNAÐUR Nemendasambands
Menntaskólans á Akureyri verður
haldinn á Hótel Sögu, fóstudagskvöld-
ið 3. júní, kl. 19.30.
Nemendasambandið, sem er núna
9 ára, var stofnað í því skyni að stúd-
entar og gagnfræðingar að norðan
hefðu tækifæri til þess að viðhalda
og endurnýja gömul kynni.
Formaður Nemendasambandsins,
Sjöfn Sigurbjörnsdóttir, setur hátíð-
ina. Veislustjóri verður Hörður Ein-
arsson, tannlæknir. Ræðumaður
kvöldsins verður nýkjörinn alþingis-
maður, Kristín Halldórsdóttir. Söng
og fjöri stjórnar Reynir Jónasson,
tónlistarmaður.
Sem vænta má verða gömlu lögin
sungin fullum hálsi. Norðanmenn
eru hvattir til að fjölmenna til fagn-
aðarins og láta Rammaslaginn
hljóma hátt og snjallt. (frétutilk{)
Kristín Halldórsdóttir
Ljósm. JS
Talsverð aukning hefur orðið undanfarið á reiðhjólaslysum og að sögn lögreglunnar stafar það af því að nú með
vorinu hafa hjólreiðar stóraukist. Ekki hafa alvarleg slys orðið, en lögreglan vill beina þeim tilmælum til
ökumanna að þeir sýni ýtrustu varkárni í umferðinni, einkum þar sem vænU má hjólandi fólks og barna.
Meðfylgjandi mynd var tekin, þegar lögreglan vann að rannsókn á einu reiðhjólaslysinu, en ekki urðu þar
nein meiðsli.
Steinþór Einarsson lands-
forseti JC-hreyfingarinnar
TUTTUGUSTA og öðru landsþingi
JC á íslandi er nýlega lokið, var
það haldið á Höfn í Hornafirði,
dagana 19. til 22. maí sl.
Um 290 manns mættu á þetta
landsþing og fluttu Flugleiðir hf.
meginhluta þeirra gesta sem
sóttu þingið.
Landsþing JC hreyfingarinnar
byggist mest upp á námskeiðum
á meðan þingið stendur yfir.
Einnig er veittur fjöldi viður-
kenninga til hinna ýmsu félaga
sem þakklætisvottur fyrir vel
unnin störf. Að þessu sinni hlaut
JC Grindavík viðurkenningu sem
besta JC-félag á Islandi starfsár-
ið 1982 til 1983. Á þetta lands-
þing komu margir erlendir gest-
ir, þ.á m. komu landsforseti Sví-
þjóðar, lf. Noregs, lf. Danmerkur
Steinþór Einarsson
og alþjóðlegur varaforseti, sem
kom alla leið frá Ástralíu til að
taka þátt í þessu þingi á Höfn í
Hornafirði.
Skipulag þingsins var til fyrir-
myndar hjá Hornfirðingum, seg-
ir í frétt frá JC hreyfingunni.
Heildarfjöldi félaga í JC á ís-
landi er 1.260.
Kosin var ný landsstjórn fyrir
starfsárið 1983 til 1984, en hana
skipa: Steinþór Einarsson, lands-
forseti, JC Hafnarfjarðar, Ari
Þór Árnason, fráfarandi lf., JC
Reykjavíkur, Albert Már
Steingrímsson, með svið stjórn-
un, JC Hafnarfjarðar, Björn
Antonsson, með svið einstakl-
ings, JC Garður, Björn Gíslason,
með svið málefni byggðarlagsins,
JC Selfoss, Marta Sigurðardóttir,
landsritari, JC Reykjavíkur,
Magnús Ólafsson, gjaldkeri, JC
Grindavíkur.