Morgunblaðið - 02.06.1983, Blaðsíða 18

18
MORGUNBLAÐIÐ, FIMMTUDAGUR 2. JÚNÍ 1983
Egilsstaðir:
Skattskráin
1982 lögð fram
Kgilsstoðum, 27. maí.
SKATTSKRÁ Austurlandskjördæmis fyrir árið 1982 vegna gjalda ársins
1981 var nýlega lögð fram hjá skattstjóraembættinu hér.
Að sögn skattstjóra, Bjarna
Björgvinssonar, námu heildar-
gjöld í umdæminu samtals kr.
214.475.051,-. Gjöld einstaklinga
námu alls kr. 171.262.552,- og eru
barnabætur þá ekki dregnar frá;
gjöld lögaðila ífélaga) alls kr.
42.429.705,-. Gjöld einstaklinga
hafa hækkað um 72,1% milli ára,
lögaðila um 61,8% og barna 75,3%
milli ára. Meðaltalsálagning á
gjaldanda er hæst í eftirtöldum
sveitarfélögum: Eskifirði kr.
26.272,-; Neskaupstað kr. 25.512,-;
Búðahreppi kr. 24.820,-; Hafnar-
hreppi kr. 24.453,-; Stöðvarhreppi
kr. 24.287,- og Seyðisfirði kr.
23.472,-.
Eftirtaldir einstaklingar eru
hæstu gjaldendur skv. skattskrá
1982: Þorsteinn Kristjánsson,
skipstj., Eskifirði, kr. 392.167,-,
Sigurjón Valdimarsson, skipstj.,
Neskaupstað, kr. 366.440,- Eggert
Brekkan, yfirlæknir, Neskaupstað,
kr. 353,142,-. Eftirtaldir lögaðilar
eru hæstu gjaldendur: Kaupfélag
Austur-Skaftfellinga, Höfn, kr.
4.235.877,-, Síldarvinnslan, Nes-
kaupstað, kr. 3.630.200,-, Hrað-
frystihús Eskifjarðar, kr.
2.740.627,-.
Að sögn skattstjóra, Bjarna G.
Björgvinssonar, verður skattskrá
yfirstandandi árs að líkindum
lögð fram innan skamms um mitt
sumar vegna skattalagabreytinga
er samþykktar voru á síðasta
löggjafarþingi.
— Ólafur.
Nýja flugstöðin á Hornafjarðarflugvelli.
Ný flugstöð á Hornafirði vígð
i
FLUGLE/DIR
m
„ÞESSI nýja flugstöð er gjör-
bylting fyrir farþega sem um
völlinn fara og starfsmenn, því
hún tekur við af eldgömlum
timburskúr, sem alls ekki hélt
hita,“ sagði Ingólfur Arnarson
umdæmisstjóri Flugmálastjórn-
ar á Austurlandi um nýja flug-
stöð, sem vígð var á Hornafjarð-
arflugvelli á fimmtudag.
Séra Önundur Björnsson
prestur í Bjarnanesi vígði nýju
flugstöðina, en ávörp við
vígsluathöfn fluttu alþingis-
mennirnir Egill Jónsson og
Helgi Seljan, Pétur Einarsson
flugmálastjóri, Friðjón Guð-
röðarson sýslumaður og fleiri.
Nýja flugstöðin er 420 fer-
metrar, og er þar farþegaaf-
greiðsla, aðstaða fyrir farþega,
snyrting, flugturn, aðsetur
fyrir starfsmenn og tækja-
geymsla. Smíði hófst í sept-
ember 1980 og er heildarkostn-
aður stöðvarinnar um átta
milljónir á núgildandi verð-
lagi, en í þeirri upphæð er hlað
fyrir flugvélar og bíla. Hönn-
uður stöðvarinnar er Hilmar
Þór Björnsson og Finnur
Björgvinsson innréttinga.
„Það verður ekki meira gert
á Hornafjarðarflugvelli á
þessu ári, fjármagn er af
skornum skammti. Þessi fram-
kvæmd er í raun og veru fyrstu
úrbæturnar sem gerðar eru á
Hornafirði síðan 1965, er þessi
flugvöllur var tekinn í notk-
un,“ sagði Ingólfur.
vid hofum fönri
SEM FARA ÞER VEL
Ljósir sumarjakkar úr léttum bómullarefnum.
Snið: eínhnepptir og tvíhnepptir
Einnig mikið úrval af léttum sumarbuxum.
Komdu og sjáðu „solid" föt sem fara þér vel.
Stykkishólmur:
Minkur og vargur
gera usla í eyjum
Stykkishólmi, 27. maí.
SEINUSTU daga hefir verið góð tíð
hér í Hólminum. Margir hafa notað
þá til að sinna um eyjarnar, en þær
eru nú fáar í byggð en flestar nytjað-
ar af fólki úr landi.
Varp byrjaði seinna en oft áður
og áttu kuldar og erfið tíð sinn
þátt í því.
Þá hefir minkur og vargur gert
mikinn usla í varpinu og þær eru
margar eyjarnar sem dúnn hefir
minnkað mikið í og þá sérstaklega
eftir að byggð lagðist þar niður.
Jafnvel í eyjum þar sem dúnn var
áður um 25 kg hefir hann hrapað
niður í 5 kg. Gestur Sólbjartsson,
áður bóndi í Hrappsey, sagði mér
að nú í vor hefðu þar verið unnir
24 minkar og bjóst hann við að
nærliggjandi eyjar færu ekki var-
hluta af þessari plágu.
FrétUriUri
Flautuleikur
Tónlist
Jón Ásgeirsson -•
Gunnar Guðmundsson, flautu-
lcikari, og Guðrún Guðmundsdótt-
ir, píanóieikari, héldu tónleika í
Hafnarfjarðarkirkju síðasta dag
maímánaðar og léku verk eftir
Bach, Schubert, Poulenc, Berkeley
og Goddard. Gunnar er slingur
flautuleikari með fallegan og tal-
andi tón.
Fimmta sónata i e-moll eftir
Bach, er yndislegt verk með
þeim undarlegustu tónvafning-
um sem Bach lék sér að glingra
með. Bæði í Bach og Inngangi og
tilbrigðum eftir Schubert, vant-
aði töluvert í samspilið því sam-
leikarinn á píanóið var allt of
hlédrægur. Vera má að sá litli
stofuflygill, sem leikið var á,
hafi verið svona tóndaufur. Það
er ekki beint vel til fallið að nota
svo lítið hljóðfæri, sem hér var
gert, því þessi stærð af flygli er
sú minnsta sem heppileg er til
notkunar í heimahúsum, hvað þá
í tónleikasal. Það er ekki viðeig-
andi þegar halda skal upp á 75
ára afmæli að skera svo við nögl
að til leiðinda horfi. Seinni hluti
tónleikanna var léttari og t.d.
margt fallega gert í Sónötunni
eftir Poulenc. Gunnar er góður
flautuleikari og hefur lagt mikla
vinnu í þessa erfiðu efnisskrá og
því svolítið meinlegt hversu
hljómleikagestir ætluðu honum
lítinn frið. Þarna voru einhverjir
músíksnauðir Ijósmyndarar að
skjóta með „flasssmellum"
Gunnar Gunnarsson
framan í flytjendur og ruddust
meira að segja upp f predikunar-
stólinn til að taka myndir af
áheyrendum meðan leikið var.
Auk þess sem fólk stundaði ráp
og hurðaskelli eins og á „fimm-
bíó“, þurftu ljósin að slokkna og
var í rauninni merkilegt hversu
einleikarinn hélt ró sinni. Tón-
leikar eru stund hlustunar, tón-
rænnar íhugunar og því eru öll
umferð og óviðkomandi hljóð
truflandi, bæði fyrir flytjendur
og hlustendur og vægast sagt til-
litsleysi, svo nærri stappar
dónaskap, að nokkrum hljóm-
leikagesti skuli detta í hug að
haga sér eins og einn í heimin-
um. Undirritaður vill stinga því
að Gunnari, að leika þessa efnis-
skrá og stilla svo til að á tónleik-
ana komi fólk, sem getur og vill
hlusta á góða tónlist.