Fréttablaðið - 08.11.2002, Blaðsíða 2

2 8. nóvember 2002 FÖSTUDAGUR
Bandaríkin:
Demókratar sleikja sárin
WASHINGTON, AP Dick Gephardt
sagði af sér í gær sem leiðtogi
demókrata í fulltrúadeild
Bandaríkjaþings. Demókratar
virðast ætla að leggja áherslu á
sérstöðu sína gagnvart
repúblikönum í þeirri von að
auka fylgi sitt á ný.
„Það er greinilegt að til þess
að demókratar nái meirihluta
þarf að einbeita sér að því að
gagnrýna repúblikana í þeim
hlutum Bandaríkjanna sem eru
ekki alltaf auðveldir demókröt-
um,“ sagði Martin Frost, sem
hefur hug á því að taka sæti
Gephardts sem leiðtogi flokks-
ins í fulltrúadeildinni.
Demókratar misstu nauman
meirihluta sinn í öldungadeild í
kosningunum auk þess sem þeir
töpuðu nokkrum þingsætum í
fulltrúadeildinni.
George W. Bush forseta ætti
að veitast auðvelt að fá stefnu-
málum sínum framgengt, nú
þegar flokksmenn hans eru í
meirihluta í báðum deildum
þingsins.
Hann leggur áherslu á að ná í
gegnum þingið frumvarpi um
nýja heimavarnaráðuneytið,
sem demókratar hafa tafið af-
greiðslu á í öldungadeildinni. Þá
ætlar hann að koma í gegn frum-
varpi um efnahagsmál.
„Bandaríkjunum gæti tekist
að útrýma al Kaída. Þeim gæti
meira að segja tekist að steypa
Saddam Hussein af stóli,“ sagði
Charles Kupchan, bandarískur
sérfræðingur í evrópskum
stjórnmálum. „En þau gætu líka
vaknað við það daginn eftir að
einmanalegt væri um að litast í
heiminum, að fyrrverandi
bandamenn þeirra væru orðnir
andstæðingar.“

ÚRSLIT BANDARÍSKU
KOSNINGANNA
Fulltrúadeild 2002 2000
Repúblikanar 227 223
Demókratar 206 208
Utan flokka 1
Úrslit óútkljáð 1
Öldungadeild 2002 2000
Repúblikanar 51 50
Demókratar 47 49
Utan flokka 1 1
Úrslit óútkljáð 1
Ríkisstjórar 2002 2000
Repúblikanar 24 27
Demókratar 22 21
Utan flokka 2
Úrslit óútkljáð 4
GÓÐAR FRÉTTIR
Rekstrarniðurstaða The Big Food Group
var betri en breski markaðurinn vænti.
Gengishagnaður Baugs frá kaupum
er vel á annan milljarð.
Eign Baugs í Big Food:
Hækkunin
á annan
milljarð
VIÐSKIPTI Baugur heldur áfram að
hasla sér völl í verslunarfyrir-
tækjum í Bretlandi. Félagið bætti
í gær við sig hlut í The Big Food
Group. Baugur á nú 15,16% í fyr-
irtækinu, en átti 14,99%. Þá hefur
Baugur einnig keypt 4,54% í bres-
ka verslunarfyrirtækinu House of
Fraser. Verðmæti þess hlutar er
um 950 milljónir íslenskra króna.
Sex mánaða uppgjör The Big
Food Group kom markaðsaðilum í
Bretlandi þægilega á óvart. Gengi
bréfanna hækkaði um 17,5% í
gær. Lokaverð bréfanna var 58
pens fyrir hlutinn. Baugur keypti
hlut sinn á um 2,5 milljarða, en
eftir hækkanir gærdagsins er
verðmætið um fjórir milljarðar.
Gengishagnaður Baugs er því um
einn og hálfur milljarður frá
kaupum.
Kaupin á House of Fraser eru
liður í yfirlýstri stefnu fyrirtæk-
isins að fjárfesta í arðbærum
verslunarfyrirtækjum utan Ís-
lands. House of Fraser rekur 50
stórverslanir í helstu borgum
Bretlands.

KRISTINN H. GUNNARSSON
Það hlýtur að þrengja að starfsumhverfi
vísindamanna ef hagsmunaaðilar hafa of
mikil áhrif.
Formaður
sjávarútvegsnefndar:
Umhverfis-
ráðherra
ákveði kvóta
STJÓRNMÁL „Mér er engin launung
á því að mér finnst LÍÚ ráða allt
of miklu innan Hafró,“ segir
Kristinn H. Gunnarsson, varafor-
maður sjávarútvegsnefndar Al-
þingis. Hann vill færa hafrann-
sóknir og ákvarðanatöku um
heildarkvóta í sjávarútvegi frá
sjávarútvegsráðuneyti til um-
hverfisráðuneytis.
„Ég vil færa vísinda- og rann-
sóknaþáttinn alveg undan hags-
munaaðilum og yfir til umhverfis-
ráðuneytis,“ segir Kristinn. Hann
segir rökin tvenns konar, annars
vegar að erfitt sé að hafa hags-
munaaðila í sjávarútvegi á kafi í
hafrannsóknum og ráðgjöf, en
hins vegar að um sé að ræða um-
hverfismál. Ákvörðun um heildar-
kvóta eigi að taka á grundvelli
umhverfisþátta og heyri því betur
undir umhverfisráðuneytið. Það
sé svo sjávarútvegsráðuneytisins
að skipta kvótanum milli útgerða.
Siv Friðleifsdóttir umhverfis-
ráðherra vill ekki tjá sig um af-
stöðu sína. Hún telur vel koma til
greina að endurskoða stjórnsýsl-
una almennt, það gerist þó vart
fyrir kosningar.

Kannabisræktun:
Lagt hald á
200 plöntur
FÍKNIEFNI Tveir menn voru hand-
teknir þegar tvö hundruð kannabis-
plöntur voru gerðar upptækar í
gömlu kartöflugeymslunum í Ár-
túnsholti. Þeim var sleppt eftir yfir-
heyrslu. Mennirnir hafa báðir kom-
ið við sögu lögreglu áður í tengslum
við fíkniefni.
Þetta er seinni handtaka vikunn-
ar vegna kannabisræktunar. Á
mánudag voru tveir menn hand-
teknir eftir að fimmtíu kannabis-
plöntur fundust við húsleit. Síðar
fannst meira magn fíkniefna auk
750.000 króna reiðufé.
Það sem af er árinu hefur verið
lagt hald á 800 kannabisplöntur.

Fjórmenningar í risahassmáli dæmdir í héraði í gær:
Fjórir í fangelsi fyrir hasssmygl
DÓMSMÁL Fjórir menn voru í gær
dæmdir í fangelsi fyrir innflutning
á tæpum 30 kílóum af hassi í mars
á þessu ári.
47 ára karlmaður var dæmdur í
þriggja ára fangelsi. Fyrir átta
árum fékk hann tíu mánaða fang-
elsisdóm fyrir fjársvik og ávís-
anafals.
23 ára karlmaður hlaut tveggja
ára fangelsi. Hann hefur tvívegis
áður verið dæmdur til fangelsis-
vistar, meðal annars fyrir frelsis-
sviptingu og fíkniefnabrot.
36 ára karlmaður, sem var burð-
ardýrið í málinu, var dæmdur í 20
mánaða fangelsi.
Þá var 26 ára karlmaður, sem
lagði til eina og hálfa milljón króna
til fíkniefnakaupanna, dæmdur í
eins árs fangelsi. Hann var dæmd-
ur í þriggja ára fangelsi fyrir stór-
fellt fíkniefnabrot fyrir fimm
árum.
Áður en málið kom upp hafði
lögregla um nokkurt skeið grunað
annan höfuðpaurinn um að vera
viðriðinn innflutning á fíkniefnum.
Símar hans voru hleraðir og beind-
ist þá einnig grunur að hinum höf-
uðpaurnum.
Hassið kom í vörugámi með
skipi frá Gautaborg. Sú sending
var á vegum fyrirtækis burðar-
dýrsins. Lögregla tók hassið úr
sendingunni og kom gerviefni fyr-
ir í staðinn. Eigandi fyrirtækisins
náði í þau efni og var handtekinn
með þau næsta dag.

EINKAVÆÐING Björgólfur Guð-
mundsson, einn eigenda Samson-
ar hf., sem kaupir 45% hlut í
Landsbankanum, segir að engin
umræða hafi farið fram um lista-
verkin þegar samið var um kaup á
bankanum. „Þessi umræða er ný-
komin upp á yfirborðið og við höf-
um ekkert hugsað um þetta. Það
eru um fjórtán þúsund hluthafar í
Landbankanum sem eiga sinn hlut
í þessum verkum.“ Björgólfur
segir að verkin hafi verið hluti af
efnahagsreikningi bankans. „Við
munum auðvitað skoða þetta mál í
ljósi þess að þetta er viðkvæmt og
þarna eru mikil menningarverð-
mæti.“
Landsbankinn á um 300 verk
og verk í eigu Búnaðarbankans
eru 884. Söfn bankanna hafa að
geyma verk eftir alla helstu lista-
menn þjóðarinnar á síðustu öld.
Innan um eru verk sem teljast til
ómetanlegra menningarverð-
mæta. Mörg þessara verka hanga
uppi í útibúum bankanna, en önn-
ur eru í listaverkageymslum.
Listaverkaeign Landsbanka og
Búnaðarbanka kom til umræðu á
Alþingi í gær. Ögmundur Jónas-
son hóf umræðuna og spurði
hvort um glópsku eða gleymsku
hafi verið að ræða þegar lista-
verkin voru ekki aðskilin frá öðr-
um eigum þegar ríkisstofnunum
var breytt í hlutafélög. „Var
þetta gert að yfirveguðu ráði eða
hugsanlega í samvinnu og í sam-
ráði við ráðherra og ríkisstjórn?“
Valgerður Sverrisdóttir sagði
verkin eins og hverjar aðrar
eignir sem seldar voru með bönk-
unum. Hún vísaði á bug hug-
myndum um að verkin hefðu ver-
ið notuð sem beita við sölu bank-
anna. Hún sagðist sannfærð um
að nýir eigendur létu sér ekki
detta það í hug að selja verkin úr
bönkunum.
Stjórnarandstæðingar skor-
uðu á eigendur bankanna að færa
þjóðinni verkin að gjöf. Ólafur
Örn Haraldsson, Framsóknar-
flokki, tók undir slík sjónarmið.
Hann sagði að gerð hefðu verið
mistök við hlutafélagavæðingu
bankanna þegar þjóðargersemar
hefðu ekki verið skildar frá öðr-
um eigum bankanna.
haflidi@frettabladid.is
HÉRAÐSDÓMUR REYKJAVÍKUR
Fjórir menn voru dæmdir í eins til þriggja
ára fangelsi fyrir stórfellt hasssmygl. Dóm-
urinn sagðist líta til þess að ekki væri um
bráðhættulegt efni að ræða.
Vilja fá verkin
aftur að gjöf
Listaverkaeign ríkisbankanna var aldrei rædd sérstaklega. Hvorki við
sölu þeirra né hlutafélagvæðingu. Stjórnarandstaðan og Ólafur Örn
Haraldsson vilja að bankarnir færi þjóðinni verkin að gjöf. Stjórnarsinn-
ar telja verkin eign hluthafa í réttu hlutfalli við eign þeirra í bönkunum.
MENNINGARVERÐMÆTI
Bankaútibú ríkisbankanna eru prýdd listaverkum eftir helstu listamenn þjóðarinnar. Í sum-
um tilvikum er um ómetanleg menningarverðmæti að ræða. Málverkið hér að ofan er
eftir meistara Kjarval og prýðir vegg Búnaðarbankans við Hlemm.
FR
ÉT
TA
B
LA
Ð
IÐ
/B
IL
LI
EIGN BAUGS Í BIG FOOD
dags. gengi verðmæti
24. október 40 pens 2,7 millj.
07. nóvember 58 pens 4 millj.
Ögmundur Jónasson, þingmaður Vinstri grænna,
tók þátt í umræðum á Alþingi um nauðsyn eða
þörf á íslenskri leyniþjónustu.
Hún fylgist með grunuðum fíkniefnasölum
og hlerar síma þeirra en alltaf samkvæmt
dómsúrskurði. Ég hef ekki trú á því að hún
fylgist með mönnum með umdeildar skoð-
anir en það virðist þó færast í vöxt víða um
heim að svo sé gert. Það er því þörf á því
að við búum svo um hnútana að hér verði
ekki sett á laggirnar leyniþjónusta eða
skoðanalögregla.
SPURNING DAGSINS
Er líklegt að lögreglan
njósni um þegnana?