Dagblaðið Vísir - DV - 29.01.2001, Blaðsíða 28

44
MANUDAGUR 29. JANÚAR 2001
Tilvera
DV
lífift
W-
Söngvar frá
sjónarhóli
barna í Salnum
Margrét Bóasdóttir sópran og
Ungverjinn Miklos Dalmay pí-
anóleikari halda ljóðatónleika í
kvöld klukkan 20 í TÍBRÁ, tón-
leikaröð Salarins í Kópavogi.
Efnisskrá þeirra ber heitið
Söngvar frá sjónarhóli barna og
byggist á íslenskum og erlendum
ijóðasöngvum sem allir fjalla um
börn eða eru lagðir börnum í
munn. í söngvunum er lögð
áhersla á hið ríkulega ímyndun-
arafl sem börn hafa og einlægni
þeirra og heiðarleika. Margrét
og Miklós hafa starfað að tón-
listarmálum á fjölbreyttum vett-
vangi, bæði hér og erlendis, en
þessir tónleikar eru þeir fyrstu
sem þau vinna saman.
Kabarett
■ PICASSO ASTKVENNANNA
SALGREINDUR
Listaklúbbur Leikhúskjallarans
stendur fyrir þemakvöldi þar sem
listamaðurinn Pablo Picasso er sál-
geindur og krufinn til mergjar. Auður
Olafsdóttir listfræðingur fjailar um
list Picasso. Sæunn Kjartansdóttir
sálgreinir flytur erindi um listamann-
inn sem talinn er hafa þjáðst af
narsissisma. Leikkonurnar í sýning-
unni Ástkonur Picassos, þær Mar-
grét Guðmundsdóttir, Helga E.
Jónsdóttir, Lilja Guörún Þorvalds-
dóttir, Ragnheiður Steindórsdóttir,
Guðrún S. Gísladóttir og Anna Krist-
ín Arngrímsdóttir segja, ásamt leik-
stjóranum, Hlín Agnarsdóttur, frá
leikhúsvinnunni og leika brot úr verk-
inu. Umræður verða í lok dagskrár-
innar sem hefst klukkan 20.30 en
húsiö verður opnar klukkan 19.30.
Aðgangseyrir er 1000 kall en 500
krónur fyrir skólafólk og klúbbfélaga.
Fundir
■ UPPLYSINGATÆKNI I
HJUKRUNARMEÐFERÐ
I dag kl. 12.15 verður haldin
málstofa í hjúkrunarfræði í stofu 6
á 1. hæð í Eirbergi, Eiríksgötu 34.
Gyða Björnsdóttir
hjúkrunarfræðingur og doktorsnemi
við University of Wisconsin-Madison
flytur fyrirlesturinn Notkun
upplýsingatækni í
hjúkrunarmeðferð: Tækifæri og
takmarkanir.. Fjallað verður um
innreið upplýsingatækni í heilbrigðis-
þjónustu og að hverju þarf aö hyggja
þegar hjúkrunarfræðingar nota
þessa nýju tækni í þágu skjólstæð-
inga hjúkrunar. Fyrirlesturinn byggir á
rannsókn um fræðslu og stuöning
um Internetið til fólks sem gengist
hefur undir kransæðaaðgerð.
Málstofan er á vegum Rannsóknar-
stofnunar í hljúkrunarfræði og er
öllum opin.
Námskeið
■ RODDIN SEM SPEGILL SALAR-
INNAR er námskeið sem boöiö er
upp á í Leikskólanum Höfn, Marar-
götu 6 í Reykjavík, í kvöld og annað
kvöld, mijli kl. 19.30 og 22 bæöi
kvöldin. Á námskeiðinu er unnið
með útvíkkun raddarinnar: að vera
sér meðvitandi um hvaðan röddin
kemur og líkamann sem hljómbotn
hennar. Þetta er ekki söngnámskeiö
heldur á það að auka skilning fólks
á eigin raddbeitingu og annarra.
Leiöbeinandi er Slgrún Harðardóttir
ráðgjafi. Þátttaka tilkynnist í síma
5523222. Námskeiðið kostar 4000
kr.
Hákon Már Örvarsson hreppti 3. sæti í virtustu matreiðslukeppni heims:
Sigraði stórar matreiðsluþjóðir
Matreiðslumeistarinn Hákon Már
Örvarsson náði á dögunum frábærum
árangri í matreiðslukeppni í Frakk-
landi. Keppnin er haldin að frum-
kvæði eins virtasta matreiðslumanns
Frakka, Paul Bocuse, kennd við hann
og oft er hún nefnd heimsmeistara-
keppni matreiðslumanna, að sögn Há-
konar Más.
Keppnin er með fóstu sniði. Hún er
haldin annað hvert ár 22 þjóðir taka
þátt hverju sinni, einn keppandi frá
hverju landi. Valið er sérstaklega úr
umsóknum þátttökulanda í hverja
keppni og sækja helmingi fleiri þjóðir
um en komast að. Keppnin hefur ver-
ið haldin annað hvert ár síðan 1987 en
ísland tók þátt í fyrsta sinn árið 1999
og keppti Sturla Birgisson þá fyrir ís-
lands hönd og hreppti 5. sæti. Hver
þjóð sendir einn dómara í keppnina
og var Sturla fulltrúi íslands í dóm-
nefndinni og segir Hákon Már hann
hafa verið ómetanlegan í undirbún-
ingi keppninnar.
Framtíðin á huldu
Það gefur augaleið að árangur sem
þessi er afar mikilvægur ungum mat-
reiðslumanni eins og Hákoni sem
verður 28 ára á næstu dögum. Hákon
segir of snemmt að segja til um það
hvaða þýðingu þetta hefur fyrir hann.
„Með hverju árinu er lagt meira und-
ir til að ná góðum árangri í þessari
keppni þannig að það er alveg meiri-
háttar fyrir mig að komast þarna á
pall. Þama erum við að keppa við
stórar matreiðsluþjóðir eins og Belg-
íu, Spán og Ítalíu og erum fyrir ofan
þær allar svo við getum ekki annað en
verið griðarlega stolt af þessum ár-
angri. Þetta vekur mikla athygli og Is-
land fær mikla athygli út á þetta,“ seg-
ir Hákon Már.
Nafn Hákonar stendur um ókomna tíð
Hákon Már Örvarsson, Friögeir Ingi Eiríksson aöstoöarmaður hans og Gunnar Davíö Chan varaaöstoöarmaöur fyrir
framan hinn virta veitingastaö Pauls Bocuse þar sem skiltiö meö nafni Hákonar mun standa um ókomna framtíö.
Hákon Már var matreiðslumeistari
á Hótel Holti en hætti þar til að und-
irbúa keppnina í Frakklandi. Hann
var því spurður að því hvað væri á
döfinni hjá honum í allra næstu fram-
tíð. „Það skýrist bara á næstunni,"
segir Hákon Már en meðal næstu
verke fna heima fyrir segir hann vera
að fmna nafn á litlu dóttur sína sem
fæddist 28. desember.
Aðstoðarmaður einnig verð-
launaður
Lambið telst líklega nokkuð heppi-
legt hráefni fyrir íslending að elda úr
en barrann þurfti Hákon að flytja inn
frá Frakklandi vegna þess að þótt ný-
verið sé fariðað rækta hann hér fæst
hann ekki í þeirri stærð sem miðað
var við í keppninni. „Ég lenti í 3. sæti
með fiskinn en i 2.-3. með kjötrétt-
inn,“ segir Hákon sem þó var jafn að
Dóttirin í fangi meistarans
Hér má sjá þátttakendur í keppninni. 1 fangi Paui
Bocuse er dóttir Hákonar en fyrir aftan hann til vinstri
er sigurvegari keppninnar, Frakkinn Francois Adanski.
Girnilegir réttir
Hér má sjá hiö girnilega lambakjöt sem Hákon Már
matreiddi í keppninni.
stigum við Svíann sem hreppti 2. sæt-
ið.
Milli 70 og 80 íslendingar fóru utan
og fylgdust með Hákoni í keppninni.
„Það er mikill áhugi í kringum þetta
innan matreiðslugeirans. Allar þjóð-
imar sem taka þátt mæta með sitt
klapplið og það myndast mjög
skemmtileg stemning í kringum
þetta.“
Aðstoðarmaður Hákonar var Frið-
geir Ingi Eiríksson og hlaut hann 2
verðlaun aðstoðarmanna. „Hann var
vel að því kominn. Við vorum búnir
að vinna mjög náið saman og ég
treysti honum fyrir verðugum verk-
efnum."
Matreiðslukeppnin er líður i gríð-
arlega Qölsóttri matvælasýningu en
hátt á annað hundrað mannns heim-
sækja hana og fylgjast má með keppn-
inni á sjónvarpsskjáum um allt sýn-
ingarsvæðið. „Það komast miklu
færri að en vilja á áhorfendapöllunum
og verður að loka dag hvern þegar allt
er orðið fullt.“

Sambíóin - Blair Witch 2:
Pjóðsaga verður að kjaftasögu
Sjá nánar: Lífiö eftir vinnu á Vísi.is
Gæði The Blair Witch Project
fólust ekki í þvi að kvikmyndin
væri innihaldsrík og meistarlega
vel gerð. Hún var hvorugt. Gæði
hennar lágu í hinu óvænta. Hún
kom eins og þruma úr heiðskíru
lofti inn í klisjukennda verksmiðju-
framleiðslu. Þarna var komin kvik-
mynd með frumlegum efnistökum
sem nánast var í útliti eins og
heimagerð vídeómynd, byggð upp
eins og heimildamynd og var trú-
verðug sem slík. Margir hverjir
neituðu að trúa þvi að ekki væri um
heilagan sannleika að ræða. The
Blair Witch Project var samt sem
áður bara einnota kvikmynd. Þegar
horft er á myndina aftur þá er neist-
inn horflnn og lítiö sem heillar
áhorfandann þó maður hljóti að við-
urkenna að hugmyndin á bak við
gerð hennar er snilld. Vinsældir
Blair Witch voru gífurlegar og lofið
mikið. Það er samt greinilegt að að-
standendur hennar hafa ofmetnast.
Þeir hefðu átt að gera sér grein fyr-
ir að sæmilega skyni skroppnir bíó-
gestir láta ekki plata sig tvisvar
með sömu formúlunni. Því er Book
of Shadow: Blair Witch 2 stór mis-
tök.
Enn eru það myndbandsupptöku-
tæki og sem eru notuö til að gera at-
burðarásina sem eðlilegasta og trú-
verðugleikinn er sóttur í fyrri
myndina. Til bæjarins Burkittsville
Hvaö geröist í nótt?
Fjórmenningarnir vaknaöir og muna ekki hvaö geröist um nóttina.
koma fjögur ungmenni sem öll hafa
orðið fyrir miklum áhrifum af Blair
Witch Project. Þau fá einn bæjar-
búa, Jeff Donovan til að eyða nótt
með sér í rústunum þar sem hinir
örlagaríku atburðir áttu að gerast.
Þetta er fyrst og fremst tilbreyting í
tilveruna hjá krökkunum, þau vita
að Blair Witch Project var skáld-
skapur. Ætlunin er að vaka um
nóttina. Um morguninn kemur í
ljós að þau hafa öll sofnað (eða svo
halda þau) og búið er að eyðileggja
mest allan farangur þeirra. Þessi
fyrsti hluti myndarinnar er ágæt-
lega gerður og atburðarásin spenn-
Hilmar
Karlsson
skrifar gagnrýni
um kvikmyndir.
andi. Það sem kemur á eftir er ótrú-
lega klént og klisjulegt. Ungmennin
safnast saman heima hjá Donovan
og fara að sjá ofsjónir um leið og sár
á líkama þeirra stækka. Þetta endar
að sjálfsögðu með ósköpum þegar
þau fara að vantreysta hvoru öðru.
Það sem háir Blair Witch 2 er að
ekkert í myndinni er hægt að kalla
góðan hrylling. Það er lagt af stað
með dálitið vænan pakka af hug-
myndum sem sjálfsagt væri hægt að
moða sæmilega úr ef allir væru
ekki svo uppteknir af því hvað Bla-
ir Witch Project var mikil snilld.
Það á að endurtaka leikinn, leik
sem ekki er hægt að endurtaka. Bla-
ir Witch 2 er það sem hún lítur út
fyrir að vera, illa leikin b-hryllings-
mynd með sögu sem ekki gengur
upp. Eftir fyrri myndina var þjóð-
sagan sveipuð dulúð, sem hægt var
að nýta í vefmiðlum sem urðu mjög
vinsælir, en eftir þessi ósköp er
dulúðin horfin og eftir stendur
ósköp venjuleg kjaftasaga.
Leikstjóri: Joe Berlinger. Handrit: Joe
Berlinger, Dick Beebe. Kvikmyndtaka:
Nancy Schreiber. Tónlist: Carter Byrwell.
Aöalleikarar: Tristan Skylar, Stephen
Barker Turner, Jeffrey Donovan, Kim
Director og Erica Leerhsen.