Eimreiðin - 01.01.1901, Page 30

30
þú verðir samferða í félagsskapnum og aðstoðir okkur eftir megni,
bæði með því, að mæla fram með félaginu við kunningja þína og
og lána fundarstað og svo að verða skoðunarmaður, ef það kemst
nokkurntíma svo langt.*
sPað er nógur tími að tala um það, þegar þar að kemur,
karl minn; en eins og ég sagði þér áðan, þá skal ég ekki verða
meinsmaður félagsins að svo komnu, og fyrsta fundinn megið þið
hafa hérna fyrir ekki neitt, það er nógur tíminn að fara að selja
það, þegar félagið er komið á laggirnar. Pað getur svo vel verið,
að ég verði með seinna, enda þótt mér finnist, að þið þurfið ekki
að sælast eftir mér; það er þó ætíð »falls von af fornu tré.«
»Hafa skal meðan halda má, Sigurður minn,« sagði Pórður og
hló við, stóð upp og bjó sig til ferðar.
»Nei, þér liggur ekkert á, fórður, ég ætla að vita, hvort við
fáum ekki bráðum í bollann aftur,« sagði Sigurður og gekk fram
úr stofunni.
Stundu síðar kom hann aftur og sagði að kaffið kæmi »rétt
strax«, og settust þeir þá aftur við borðið og töluðu um landsins
gagn og nauðsynjar, verzlanina, unglambahöldin, hvernig gagn
ærnar gerðu og þesskonar, þar til loks að Sigurður segir:
»Pið höfðuð verið að tala um þarna á hreppskilaþinginu í
vor, að aftaka alveg flakkið, sem þið svo kallið, eða var það
ekki ?«
»Jú, til tals kom það, að setja þessar kerlingar heldur niður,
en að láta þær flakka, eins og hingað til hefir verið, sér til skammar
og öðrum til skapraunar.«
»0, segðu ekki þetta Pórður, hvaða skömm er það fyrir
greyin, þó þær hafi ofan af fyrir sér með þessu móti, ekki verða
þær léttari á hreppnum, þó þær verði teknar og settar á með-
gjöf; það munar ekkert um að hýsa þær nótt og nótt, en enginn
tekur þær alt árið, nema fyrir meðgjöf, og það getur orðið dálag-
leg upphæð með þeim öllum 3 eða hvað þær nú eru.«
»Já, þær munu vera 3, og ekki kalla ég það að hafa ofan af
fyrir sér, að ganga ljúgandi á millum manna og breiða óhróðurs-
sögur út um hina og aðra; og það er ég viss um, að það ósam-
lyndi, sem hefir vaknað hérna í sveitinni núna seinustu árin, fyrir
söguburð þessara kerlinga, og sem að líkindum verður til þess að
gjöra allan félagsskap ómögulegan, það kostar óbeinlínis meira,