Morgunblaðið - 09.12.1995, Qupperneq 13

MORGUNBLAÐIÐ
LAUGARDAGUR 9. DESEMBER 1995 13
FRETTIR
Flateyri og Súðavík
Styrkur
tíl kennslu
SAMTÖK norrænna kennarafélaga
hafa veitt íslenskum kennurum 1,7
millj. kr. styrk til að greiða ferðakostn-
að kennara, sem fara til Flateyrar og
Súðavíkur. Styrknum er ætlað að
styðja skólastarf á öllum skólastigum.
Féð rennur til Félags íslenskra leik-
skólakennara, KÍ og HÍK. Félögin,
sem öll eru aðilar að Samtökum nor-
rænna kennarafélaga, vinna að því
að mynda stuðningshóp kennara til
að fara til Súðavíkur og Flateyrar.
Á fundi norrænu kennarafélaganna
í Osló nýlega var Eiríkur Jónsson,
formaður KI, kosinn formaður sam-
takanna.
Nýr doktor
í erfða-
fræði
•VILMUNDUR Guðnason lækn-
ir varði nýlega doktorsritgerð
(Ph.D.) sína í erfðafræði við Lund-
únaháskóla. Ritgerðin fjallar um
áhrif á blóðfitu-
styrk einstakl-
inga af stökk-
breytingum í
geni sem skráir
fyrir prótín sem
hreinsar kólest-
eról úr blóði.
Ritgerðin er
byggð á hluta af rannsóknum
Vilmundar sem hafa fjallað um
samband erfða og áhættuþátta
kransæðasjúkdóma. Niðurstöður
rannsóknanna hafa verið birtar í
mörgum tugum ritgerða í alþjóð-
legum vísindatímaritum og að
auki verið kynntar á fjölmörgum
alþjóðlegum ráðstefnum. Vil-
mundur hefur einnig skrifað yfir-
litsgreinar um rannsóknir af
þessu tagi, hvort tveggja í vís-
indatímarit sem og í bækur um
erfðafræði æðakölkunar og í bæk-
ur um aðferðafræði í erfðafræði-
rannsóknum.
Vilmundur hefur átt sæti í
fjöldamörgum alþjóðlegum vinnu-
hópum um rannsóknir á erfða-
fræði kransæðasjúkdóma og er
meðlimur í Evrópska æðakölkun-
arrannsóknafélaginu og Norræna
æðakölkunarrannsóknarfélaginu,
en hann situr einnig í vísindaráði
þess. Vilmundur situr einnig fyrir
hönd Bretlands og íslands í al-
þjóðlegum vinnuhóp um rann-
sóknir á arfbundinni kólesteról-
hækkun, svokölluðum MEDPED
hóp. En sá hópur hefur að markm-
iði að greina slíka einstaklinga
nógu snemma svo unnt sé að
fyrirbyggja ótímabær dauðsföll
vegna kransæðastíflu.
Vilmundur er fæddur í Reykja-
vík 15.1.1954 og er sonur hjón-
anna Nínu Oddsdóttur (1926-) og
Guðna Vilmundarsonar (1923-
1995). Hann lauk embættisprófi í
læknisfræði frá Háskóla Islands
1985 og einnig BS prófi í lækna-
vísindum það sama ár og var fyrst-
ur íslenskra læknanema til að
ljúka slíku prófi.
Jafnhliða náminu í læknadeild
stundaði Vilmundur rannsóknir á
krabbameini við Frumulíffræði-
deild Rannsóknastofu Háskóla Is-
lands og að loknu embættisprófi
stundaði hann almennar lækning-
ar ásamt rannsóknarstörfum á
íslandi og hlaut almennt lækn-
ingaleyfi 1988. Síðan 1989 hefur
hann starfað við erfðafræðirann-
sóknir í Lundúnum.
Vilmundur er kvæntur Guðrúnu
Nielsen og eiga þau þijá drengi;
átta, þrettán og íjórtán ár.á-
Ólögleg afritun á Svanfríði
ÁHUGI á íslenskri rokktónlist frá
áttunda áratugnum er mikill meðal
safnara víða erlendis og gamlar
plötur hafa selst á háu verði. Pétur
Kristjánsson, tónlistar- og verslun-
armaður, var á ferð í Bretlandi
fyrir skömmu að búa gamlar upp-
tökur undir útgáfu og komst þá
að því að verið var að afrita plötu,
sem hann á útgáfurétt á, meðal
annarra, fyrir breskt fyrirtæki.
Pétur segir að hann hafi verið
staddur ytra við lokavinnslu á
fyrstu plötu Pelican, Uppteknir,
sem kom út snemma á áttunda
áratugnum og hann hyggst gefa
út á diski eftir áramót. „Þá var
ég að spjalla við
tæknimanninn og
sagði honum að ég
myndi koma með tvö
verkefni til hans eftir
áramót, Svanfríði og
Paradís. Hann kann-
aðist þá við nafnið
Svanfríður og heiti
plötunnar, sem var
What’s Hidden There,
og sagðist einmitt
hafa verið að vinna
upptökur með hljóm-
sveit sem héti Svan-
fríður.
Mér fannst það
Pétur
Kristjánsson
ólíklegt, en hann fletti
því upp og þá sá ég
að hann hafði verið
að taka stafrænt afrit
af vínylplötu, líkt og
ég var að gera með
Pelican, og hreinsa
það upp fyrir útgáfu
á vegum fyrirtækis
sem gefið hefur út
nokkra tugi platna,"
segir Pétur. Hann
segist hafa fengið gef-
ið upp nafn forstjóra
fyrirtækisins, sem
kom með plötuna í
afritun, og nú bíði
hann bara eftir því að platan verði
gefin út á diski, til að geta gripið
fyrirtækið glóðvolgt.
„Ég ætlaði að gefa plötuna út
sjálfur á næsta ári, og segja má
að þessi náungi sé óafvitandi að
spara mér nokkurn kostnað við
að búa hana í útgáfuhæft form,“
segir Pétur, en hann seldi sænsk-
um safnara síðasta vínyleintak sitt
af Svanfríðarplötunni fyrir 25.000
kr. fyrir skemmstu.
13,4 milljónir í
beinni útsendingu
— klukkan 20.35 —
Það er sannarlega ástœða til að fylgjast vel með Lottó-útdrœttinum í kvöld.
Þá fá Katrín Ósk Þráinsdóttir og Þórir Erlingsson afhentan Lottó-vinning
að upphæð 13.396.220 krónur, í beinni útsendingu.
Nýjustu Lottó-milljónamæringarnir Katrín Ósk og Þórir
fyrir framan veitingahúslð Lefolii á Eyrarbakka.
Vet&amin í k&p £tiUd~miMjénamœxingu!
-vertu viðbúinav vinningi
Fáðu þér miða fyrir kl. 20.2° í kvöld.