Morgunblaðið - 07.12.1985, Blaðsíða 12

12
MORGUNBLAÐIÐ, LAUGARDAGUR 7. DESEMBER1985
Hrekkir skólabarna alvarlegt vandamál
Tókýó, 4. desember. AP.
BEKKJARFÉLAGAR Eriko
Muraguchi stálu hvað eftir annaö af
henni pennaveskinu og kröfsuðu
skammaryrði á borð við „vanviti"
og „megirðu detta niður dauð" í
stílabækurnar hennar. Kvöld eitt
hafði hún endanlega fengið sig
fullsadda á hrekkjunum. Þessi
þrettán ára stúlka klifraði upp í
símastaur fyrir utan húsið heima
hjá sér og hengdi sig.
Eriko skildi eftir sig seðil, sem
á var ritað „hættið að hrekkja
mig, gerið þið það.“
„Ijime" eða hrekkir skólabarna
eru alvarlegt mál í Japan og
komið hefur fyrir að hrekkir
hafi leitt til morða og sjálfsvíga.
Helstu hrekkirnir eru líkams-
meiðingar og svívirðingar, börn,
sem minna mega sín, eru útilok-
uð frá hinum og þjófnaður og
fjárkúgun eru daglegt brauð í
japönskum grunnskólum.
í endaðan nóvember höfðu níu
börn í grunnskólum framið
sjálfsmorð vegna hrekkja, saih-
kvæmt skýrslum lögreglunnar í
Japan, síðast í nóvember, er
þrettán ára gömul stúlka, Chi-
haru Kamada, kastaði sér fram
af svölum heimilis síns á elleftu
hæð.
„Hinar stelpurnar í bekknum
stríddu mér og hrekktu. Þegar
þær ætluðu að þvinga mig til að
hrekkja annan skólakrakka
hætti mér að standa á sama,“
skrifaði Chiharu m.a. í fimm
síðna kveðjubréf sitt.
Á fyrstu sex mánuðum þessa
árs hafa 274 „hrekkjamál" komið
til kasta lögreglunnar og 926
ungmenni hafa verið hneppt í
gæsluvarðhald fyrir að níðast á
skólasystkinum sínum. Árið 1984
frömdu sjö nemendur í grunn-
skóla sjálfsvíg og fjögur morð
voru framin á skólakrökkum.
Lögrelgan er treg til að veita
upplýsingar um þessi mál og
lausnir eru fáar. Ymist eru for-
eldrar beðnir að beita börn sín
strangari aga, eða börnin eru
send á betrunarhæli.
„Hrekkjusvín hafa alltaf verið
til og sama er að segja um
hrekki," segir Masumi Zeniya,
starfsmaður menntamálaráðs-
ins. „En nú hafa tveir þættir
bæst við: Áður var aðeins einn,
sem veittist að öllum. Nú ráðast
allir á einn. Og því miður er það
svo að skólakrakkarnir gera
ekkert til að stöðva þetta, þótt
þeir viti fullvel hvað er að
gerazt," segir Masumi Zeniya.
Síðasta ár neyddu þrjú
hrekkjusvín í menntaskóla í
Osaka tvo bekkjarbræður sína
til að stela og reykja og drekka
þangað til þeim varð bumbult.
Þeir þvinguðu nemendurna til
að svívirða fólk á almannafæri
og hegða sér ósæmilega í tímum.
Hrekkjusvinin fór sínu fram í tvo
mánuði, þar til piltarnir tveir
gripu hamar, börðu einn kúgara
sinna til ólífs og vörpuðu í nær-
liggjandi á. I skýrslu skólans
sagði að bekkurinn hefði vitað
hvað var á seyði, en þagað, og
kennarar bekkjarins kváðust
ekki hafa gert sér grein fyrir
hversu alvarlegt ástandið hafi
verið.
Zeniya kennir breyttum þjóð-
félagsaðstæðum eftir heims-
styrjöldina síðari um hvernig
komið er.
Fjölskyldan hefur tekið breyt-
ingum. Börn umgangast ekki
lengur elstu fjölskyldumeðlim-
ina, sem samkvæmt gömlum
hefðum voru valdamestir innan
fjölskyldunnar, höfuð ættarinn-
ar. Einnig hafa börn minni
samskipti við kornabörn og börn
á sínu reki, en áður var. Þetta
hefur leitt til agaleysis og börnin
eiga við tjáskiptaörðugleika að
stríða, að því er Zeniya hyggur.
Hann telur einnig að hin harða
samkeppni í japönskum skólum
strekki taugar nemenda og kenn-
ararnir séu hneigðir til að dæma
nemendur út frá námshæfni og
akademískum kröfum einvörð-
ungu.
Lögreglan í Tókýó segir í
skýrslu um vandann að hrekkju-
svínin séu oft tilfinningalaus í
garð annarra, þau hafi lítið
sjálfsálit og kikni undir álagi.
Fórnarlömbin eigi á hinn bóginn
erfitt með að festa sig í sessi og
séu því auðveld bráð átroðslu-
samra skólafélaga.
Niótið gleðinnar sem
fylgir undirbúningi jólanna
Norömanns-
þunur
Norömannsþynur (Norömanns-
nrenif er fallegasta og
barrheldnasta jólatréð, - og nytu
vaxandi vinsælda.
Veqna hagkvæmra innkaupa er
No?ðmannsþynur a mjog goð
verði hjá okkur þessi jol.
Komið í jólaskoginn, veljið ykkar
eigiðtré.
Kertamarkaöur
jólakerti í tugþúsundatali. Allir
regnbogans litir og gerðir. Litil,
Bgunviual Heímaeyiarkertin
vinsælu.
Mastjarrm
20% afslattur
Seljum jólastjörnu með miklum
afslætti þessa dagana.
Áður 398.- NÚ318.-
Áður380.- Nu 304.-
Áður 320.- Nú 256.-
Áður260.- Nu208.-
BúÖ i búöinni
Höfumsettuppsérstakabuð
með skreytingarefnL Allt I
Ksss-Sbs
SufsuÆisthérlendis