Morgunblaðið - 07.12.1985, Qupperneq 4

4
MORGUNBLAÐIÐ, LAUGARDAGUR 7. DESEMBER1985
íþróttafélög fá styrk
í GÆR var úthlutaA úr Styrktarsjóði
íþróttaráðs Reykjavíkur. Styrkhafar
voru þrír að þessu sinni. Knattspyrnu-
félagið Valur og Knattspyrnufélagið
Fram fengu hvort um sig 200 þúsund
krónur og Golfklúbbur Reykjavíkur
fékk 50 þúsund.
Knattspyrnufélögin fengu styrk
vegna meistaratitla sinna í sumar
og góds árangurs í Evrópukeppninni.
Golfklúbbur Reykjavíkur fékk styrk-
inn vegna Islandsmeistaratitils Sig-
urðar Péturssonar og vegna árangurs
hans og annarra félagsmanna GR á
erlendri grund.
Á meðfylgjandi mynd eru frá
vinstri: Júlíus Hafstein, formaður
íþróttaráðs Reykjavíkur, Pétur
Sveinbjarnarson, formaður Vals,
Hilmar Guðlaugsson, formaður
Fram, Davíð Oddsson, borgarstjóri,
og Ólafur Jónsson, stjórnarmaður í
GR.
Morgunblaðið/Júlíus
*
Utvarpsráð:
Forstjóri Arnarflugs
verði beðinn afsökunar
— Fréttastjóri sjónvarps
ÍJTVARPSRÁÐ hefur samþykkt álykt-
un vegna sjónvarpsfrétta 22. nóvem-
ber þar sem fjallað var um málefni
Arnarflugs og Flugleiða. Er þess
meðal annars farið á leit að Agnar
Friðriksson forstjóri Arnarflugs verði
beðinn velvirðingar á yfirlýsingu
fréttastofunnar í fréttatímanum. Ingvi
Hrafn Jónsson fréttastjóri sjónvarps-
ins segist standa við fréttina, ekki
hafi verið um mistök að raeða og hann
hafnaði því ósk útvarpsráös um að
biðja Agnar velvirðingar.
Sá hluti ályktunarinnar sem fjall-
ar um þetta atriði er svohljóðandi:
„Útvarpsráð lýsir undrun sinni
vegna þeirrar yfirlýsingar frétta-
stofu sjónvarps, er fylgdi í kjölfar
viðtals við forstjóra Arnarflugs í
sjónvarpsfréttum föstudaginn 22.
nóvember sl. Þær staðhæfingar sem
þar komu fram var þegar búið að
fjalla um í viðtalinu. Telur ráðið
umræddan eftirmála ekki samræm-
ast þeirri skyldu fréttastofu sjón-
varps að vera óhlutdrægur frétta-
miðill. Er þess farið á leit að Agnar
Friðriksson forstjóri Arnarflugs
verði beðinn velvirðingar á þessum
mistökum."
Ráðið fordæmdi einnig „mismun-
un sem fram kom í þessum sama
fréttatíma". Þar var tap Arnarflugs
fyrstu 6 mánuði ársins gert að
meginefni í viðtali við forstjóra þess
fyrirtækis og reyndar staðhæft eftir
viðtalið að forstjórinn færi með
rangar tölur í því efni. Hins vegar
hafi í viðtali við forstjóra Flugleiða
síðar í sama fréttatíma verið fellt
niður svar forstjórans við svipaðri
spurningu um tap Flugleiða fyrstu
6 mánuði ársins. „Þarna var um
dæmafá vinnubrögð fréttastofu
sjónvarps að ræða, sem hvorugur
viðmælenda eða fyrirtæki þeirra
eiga skilið af hálfu Ríkisútvarpsins
og einungis eru til þess fallin að rýra
traust á þessum mikilvæga frétta-
miðli," segir í ályktuninni.
Ályktun þessi var samþykkt með
fjórum samhljóða atkvseðum, en
þrír útvarpsráðsmenn sátu hjá,
meðal annars formaður ráðsins. Það
voru þeir Markús Á. Einarsson,
Magnús Erlendsson, Árni Björnsson
og Eiður Guðnason sem samþykktu
ályktunina, en Ingibjörg Hafstað,
Inga Jóna Þórðardóttir og Jón Þór-
arinsson sátu hjá.
Ingvi Hrafn Jónsson fréttastjóri
sjónvarpsins sagði varðandi fyrri
athugasemdina að útvarpsráðsmenn
gætu sín vegna haft þessa skoðun á
hlutunum. Hins vegar hefði þarna
ekki verið um nein mistök að ræða
hjá fréttastofunni og hafnaði hann
því beiðni útvarpsráðs um að biðja
Agnar Friðriksson velvirðingar.
Agnar hefði tekið þann kostinn að
fara með ósannindi í viðtalinu, þó
hafnar málaleitaninni
með óbeinum hætti hafi verið, og
hefði verið sýnt fram á það í lok
fréttarinnar. Ingvi Hrafn tók fram
að hann hefði átt fund með Agnari
út af þessu máli þar sem báðir hefðu
skýrt sín sjónarmið og væri enginn
kali á milli þeirra.
Síðari aðfinnslu útvarpsráðs vís-
aði Ingvi einnig algerlega á bug og
sagðist standa við fréttina í heild.
Viðtalið við forstjóra Flugleiða hefði
verið unnið á allt öðrum forsendum,
auk þess sem fréttamenn sjónvarps-
ins þyrftu daglega að stytta viðtöl,
meðal annars við ráðherra, og þyrfti
engum að koma á óvart þó viðtal við
forstjóra Flugleiða væri stytt. „Við
vitum að við erum ekki fullkomin
og okkur getur skjátlast. f þessu
tilviki skjátlaðist okkur hins vegar
ekki eins og síðar hefur komið á
daginn," sagði Ingvi Hrafn einnig.
Glenn C. cella
Hádegisfundur
SVS og Varð-
bergs í dag
GLENN R. Cella, yfirmaður rann-
sóknardeildar vestur-evrópskrar mál-
efna í bandaríska utanríkisráðuneyt-
inu, flytur í dag fyrirlestur á vegum
Samtaka um vestræna samvinnu og
Varðbergs.
Umræðuefni Cella verður ísland,
NATO og öryggismál á Norður-
Atlantshafi. Fundurinn verður í sal
á annarri hæð á Hótel Sögu, hliðar-
sal, sem gengið er til úr aðalanddyri
hótelsins. Verður salurinn opnaður
fyrir fundargesti kl. 12 á hádegi.
Fundurinn er opinn félögum í SVS
og Varðbergi og gestum þeirra.
I illaga Svía og Mexíkómanna um frystingu kjarnorkuvopna veldur titringi á Alþingi:
M)RSTEINN PALSSON:
Vildi taka af
öll tvímæli
„ÁSTÆÐAN fyrir því, að ég sneri
mér til Nteingríms Hermannssonar
formanns Framsóknarflokksins,
var sú, að í umræðum á Alþingi
hafði komið fram, að Páll Péturs-
son, formaður þingflokks Fram-
sóknarflokksins, sagði að hann
kynni að styðja tillögu Alþýðu-
bandalagsins um breytta afstöðu
íslendinga á þingi Sameinuðu þjóð-
anna. Ef slík tillaga stjórnarand-
stöðunnar hlyti samþykki væri það
vantraust á forsætisráðherra og
utanríkisráöherra." sagði Þorsteinn
Pálsson, fjármálaráðherra og for-
maður Sjálfstæðisflokksins í sam-
tali við Morgunblaðið í gær, inntur
skýringar á þeirri ákvörðun þing-
flokks Sjálfstæðisflokksins að ráö-
herrar Sjálfstæöisflokksins myndu
segja af sér ráðherradómi ef tillaga
um breytta afstöðu íslendinga til
tillögu Svía og Mexíkómanna yrði
lögð fram og samþykkt á Alþingi,
hugsanlega með einhverjum at-
kvæðum framsóknarmanna.
„f ljósi þess, að það var formað-
ur þingflokks annars stjómar-
flokkanna, sem þannig talaði, vildi
ég taka af öll tvímæli strax um
það, að samþykkt tillögu stjórnar-
andstæðinga í þessu efni stofnaði
stjórnarsamstarfinu í hættu.
Ég tel ekki líklegt, að meirihluti
þingmanna Framsóknarflokksins
snúist gegn utanríkisráðherra og
forsætisráðherra í þessu máli. A
hinn bóginn hefur það truflandi
áhrif á stjórnarsamstarfið, að
formaður þingflokks framsóknar
skuli standa með stjórnarandstöð-
unni í ýmsum efnum. Hér er
auðvitað um innanflokksvanda
framsóknarmanna að ræða, sem
Ihlýtur þó að hafa áhrif á þá, sem
eiga samstarf við Framsóknar-
flokkinn," sagði Þorsteinn.
Er það krafa sjálfstæðismanna,
að allir þingmenn framsóknar
styðji stefnu ríkisstjórnarinnar í
þessu efni?
„Það, sem skiptir ríkisstjórnina
máli er að hafa þingmeirihluta
fyrir stefnu sinni. Ég sé engin
teikn um annað í þessu máli, þrátt
fyrir innbyrðis örðugleika hjá
framsóknarmönnum."
STEINGRÍMUR
HERMANNSSON:
Eigum ekkert
að gera sem
gæti valdið
spennu milli
stórveldanna
„MÉR sýnist þetta vera algjört
frumhlaup að hóta stjórnarslitum á
þessu stigi. Okkur er vitanlega fylli-
lega Ijóst að verði samþykkt á al-
þingi tillaga sem gengur þvert á
ákvarðanir utanríkisráðherra, hlýt-
ur hann að Ifta það mjög alvarleg-
um augum. Við munum að sjálf-
sögðu fjalla um slíka tillögu ef fram
kemur í því ljósi,“ sagði Steingrím-
ur Hermannsson, forsætisráðherra,
um þá tilkynningu Þorsteins Páls-
sonar, fjármálaráðherra og for-
manns Sjálfstæðisfiokksins, að ef
þingsáiyktunartillaga um breytta
afstöðu íslendinga til tillögu Svía
og Mexíkó um frystingu kjarnorku-
vopna kæmi fram og yrði samþykkt
á Alþingi, myndu allir ráðherrar
Sjáifstæðisflokksins segja af sér
ráðherradómi. ísland sat sem kunn-
ugt er hjá þegar atkvæði voru
greidd um málið, en öll hin Norð-
urlöndin samþykktu tillögu Svía og
Mexíkó.
„Við eigum helst ekki að vera á
allsherjarþingi Sameinuðu þjóð-
anna, sem gæti valdið nýrri
spennu á milli stórveldanna og ég
spyr sjálfan mig hvort samþykkt
tillögu Svía og Mexíkóbúa um
frystingu kjarnorkuvopna gæti
ekki valdiðeinhverri nýrri spennu.
Ég er þeirrar skoðunar að langlík-
legasta leiðin til þess að ná
árangri sé sú að við notum aðstöðu
okkar til þess að þrýsta á forseta
Bandaríkjanna eftir leiðum innan
NATO,“ sagði Steingrímur.
SKÝRINGAR
NORÐMANNAÁ
BREYTTRI AFSTÖÐU:
Tillagan brýt-
ur ekki í bága
við varnar-
málastefnu
NATO
ÞEGAR norski fulltrúinn hjá Sam
einuðu þjóðunum skýrði þá afstöðu
ríkisstjórnar sinnar, að hún ætlaði
að styðja tillögu Mexíkó og Svíþjóð-
ar um frystingu kjarnorkuvopna
sagði hann I upphafi, að það hafi
verið og sé stefna norskra stjórn-
valda, að frysting kjarnorkuvopna
undir eftirliti og með samkomulagi
viðkomandi aðila sé mikilvæg í
baráttunni fyrir niðurskurði kjam-
orkuvopna.
Norski fulltrúinn sagði jafn-
framt, að sendinefnd hans hefði
reynt að fá tillögu Mexíkó og fleiri
ríkja breytt og það með nokkrum
árangri en að mörgu leyti stangað-
ist hún þó enn á við sjónarmið
norsku ríkisstjórnarinnar.
Þá sagði fulltrúi Norðmanna,
að tillaga Mexíkó væri stuðningur
við þær viðræður um takmörkun
vígbúnaðar, sem nú fara fram i
Genf milli Bandaríkjamanna og
Sovétmanna. Síðan segir orðrétt:
„Noregur styður varnarstefnu
Atlantshafsbandalagsins og getur
ekki fallist á þá skoðun að það „að
treysta á fælingarkenninguna hafi
aukið hættuna á því að kjarnorku-
stríð hefjist og leitt til aukins
öryggisleysis og óstöðugleika í
alþjóðasamskiptum".
Noregur hefur ekki hvikað frá
stuðningi sínum við tvíþætta
ákvörðun Atlantshafsbandalags-
ins um Evrópueldflaugarnar, sem
miðar einnig að því að samið verði
um leiðir til að minnka hættuna
á kjarnorkustríði í Evrópu. At-
kvæði Noregs til stuðnings þessari
tillögu má því ekki túlka sem
gagnrýni á þær þjóðir, sem eru
að framkvæma þessa ákvörðun
eða á aðrar ákvarðanir sem teknar
hafa verið af Atlantshafsbanda-
laginu."
PALL PETURSSON:
Tek ekki við
fyrirmælum um
það hvernig ég
greiði atkvæði
„ÉG TEL ástæðulaust að gefa
yfirlýsingu um það fyrirfram
hvernig ég greiði atkvæði, en ég
mun ekki taka við fyrirmælum um
það frá öðnim. Þar hef ég stjórn-
arskrána í huga, scm segir að
menn skuli greiða atkvæði eftir
bestu samvisku," sagði Páll Pét-
ursson, formaður þingflokks
Framsóknarflokksins, spurður
þess hvort hann myndi greiða
atkvæði með hugsanlegri tillogu
stjórnarandstöðunnar um breytta
afstöðu íslendinga til frystingartil-
lögu Svíþjóðar og Mexíkó á þingi
Sameinuðu þjóðanna. Páll hefur
gagnrýnt þá stefnu utanríkisráð-
herra í þessu máli, að íslandi sitji
hjá.
Páll sagði að sér þætti þing-
flokkur Sjálfstæðisflokksins
haga sér óskynsamlega í þessu
máli, að hafa í hótunum um
stjórnarslit. En er hann tilbúinn
til að ganga gegn ríkisstjórninni
og hugsanlega fella ríkisstjórn-
ina? „Ég er ekki að fella ríkis-
stjórnina. Það eru sjálfstæðis-
menn sem hóta því að fara,“
sagði Páll.
I Morgunblaðinu í gær var
sagt að tveir aðrir þingmenn
Framsóknarflokksins væru þess
hugsanlega fýsandi að þess að
greiða atkvæði með tillögu
stjórnarandstöðunnar í þessu
máli, þeir Haraldur Ólafsson og
Ingvar Gíslason. í samtali við
Morgunblaðið í gær kváðust báð-
ir hissa á því að Morgunblaðið
væri að gera þeim upp skoðanir,
og sögðu að þeir hefðu ekkert um
málið og sína afstöðu að segja
fyrr en einhver tillaga lægi fyrir.
HJÖRLEIFUR
GUTTORMSSQN:
Tillaga um
breytta afstöðu
íslendinga í
undirbúningi
„ÉG HEF rætt drög að þingsálykt-
unartillögu um breytta afstöðu
íslendinga til tillögu Svía og
Mexfkómanna við fulltrúa þing-
flokka í dag og væntanlega verður
gengið frá fuilmótaðri tillögu um
helgina. Hér er um fulla alvöru að
ræða og ég reikna með því að við
munum leggja fram tillöguna á
mánudaginn,“ sagði Hjörleifur
Guttormsson, þingmaður Alþýðu-
bandalagsins og fulltrúi flokksins
í utanríkismálaefnd, í samtali við
Morgunblaðið í gær. Hann sagði
að enn væri óráðið hver flytti til-
löguna og hverjir yrðu meðflutn-
ingsmenn, en hann hefði haft for-
göngu um málið.
Síðastliðinn mánudag var
fundur í utanríkismálanefnd, þar
sem utanríkisráðherra kynnti
hjásetu íslands, þegar tillaga
Svía og Mexíkana kom til af-
greisðlu í nefnd Sameinuðu þjóð-
anna. Samkvæmt heimildum
Morgunblaðsins hreyfðu engir
nefndarmenn mótmælum, en
ísland hefur áður setið hjá við
samskonar atkvæðagreiðslu.
Hjörleifur Guttormsson sat
þennan fund utanríkismála-
nefndar og sagði um hann í gær:
„Það er rétt, ég sat fundinn, og
utanríkisráðherra skýrði þar frá
því að afstaðan til þessa máls
væri óbreytt frá fyrra ári. Hins
vegar kom þar ekkert fram um
stefnubreytingu Norðmanna. Ég
óskaði eftir útskrift á atkvæða-
greiðslunni hjá SÞ og fékk hana
á miðvikudag. Þar sá ég svart á
hvítu að Norðmenn höfðu breytt
afstöðu sinni, og sú er skýringin
á því að ekki var brugðist fyrr
við.“
En skiptir þá afstaða Norð-
manna öllu máli um það hvaða
afstöðu íslendingar taka í af-
vopnunarmálum? „Alls ekki, en
hins vegar verður afstaða Islend-
inga þeim mun hróplegri þegar
ljóst er að þeir eru þeir einu af
Norðurlandaþjóðunum sem ekki
greiða tillögunni atkvæði. Danir
breyttu afstöðu sinni fyrir tveim-
ur árum og nú Norðmenn. Mér
er kunnugt um það nú, að þetta
mál var tekið til atkvæðagreiðslu
á norska þinginu í nóvember og
þá gengu tveir af þingmönnum
Miðflokksins til liðs við stjórnar-
andstöðuna í þessu máli. Káre
Willoch, forsætisráðherra, mun
ekki hafa talið málið það mikil-
vægt að hann hafi viljað hætta
á stjórnarslit," sagði Hjörleifur
Guttormsson.