Morgunblaðið - 20.05.1982, Blaðsíða 12
60
MORGUNBLAÐIÐ, FIMMTUDAGUR 20. MAÍ 1982
BÆJAR- OG
SVEITARSTJÓRNARKOSNINGAR
Séð yfir Tangann. Sjúkrahúsió í forgrunni myndarinnar.
LjÓNm: þórleifur Ólafsson.
Á ísafirði búa nú 3400 manns og er bærinn höfuðstaður Vestfjarða og
verður vafalaust um ókomna framtíð. Bæjarstjórn er skipuð niu mönnum.
Fjórum fulltrúum Sjálfstæðisflokks, tveimur fulltrúum Alþýðuflokks, einum
fulltrúa Framsóknarflokks, 1 fulltrúa Alþýðubandalags og einum fulltrúa
óháðra. I>að eru fulltrúar Sjálfstæðisflokksins sem hafa myndað meirihluta
bæjarstjórnar ásamt fulltrúa óháðra.
Fyrir kosningarnar nú gáfu sjálfstæðismenn út stefnuskrá flokksins i
bæjarmálum og þar segir meðal annars:
Atvinnumál: Sjálfstæðismcnn benda á að þáttur ísafjarðar og Vestfirðinga
í fiskveiðum eigi að aukast með tilliti til þess, að á Vestfjörðum er engin
stóriðja, og engin áform uppi í þá átt í náinni framtíð. Fiskveiðar og físk-
vinnsla er stóriðja Vestfjarða. Félagslegt samstarf sveitarfélaga: Á undan-
förnum árum hefur verið mjög vaxandi félagslegt samstarf sveitarfélaga á
Vestfjörðum, bæði um velferðarmál ákveðinna svæða og fjórðungsins i heild.
Sjálfstæðismenn fagna þeirri samvinnu, sem tekist hefur milli Isafjaröar og
Bolungarvikur i veigamiklum málum og hvetja til áframhaldandi sameigin-
legrar baráttu í þýðingarmiklum málum, er snerta kaupstaðina sérstaklega
og aðrar nágrannabyggðir.
Skipulags- og lóðamál: Lóðamál næstu framtiöar verður að leysa innan
ramma aðalskipulagsins og munu bæjarfulltrúar flokksins leggja áherslu á
að framboð á lóðum verði á ný nægilegt til að mæta árlegri eftirspurn.
Hafnarraál: Sjálfstæðismenn telja eðlilegt að stéttarfélögum sjómanna
verði sköpuð skilyrði til félagslegrar starfsemi í húsrými nýja hafnarhússins.
Ileilbrigðismál: Sjálfstæðismenn leggja höfuðáherslu á, að framkvæmdum
við sjúkrahús og heilsugæzlustöð verði haldið áfram með fullum fram-
kvæmdahraða og lokið á kjörtimabilinu.
Daghcimili — leikvellir: Byggingu dagheimilis og leikskóla v/Eyrargötu
verði að fullu lokið 1983 og rekstur heimilisins tryggður strax og fram-
kvæmdum lýkur.
Skólamál: Sjálfstæðismenn munu beita sér fyrir bættu skipulagi skóla-
mála i kaupstaðnum og heita á skólamenn, skólastjóra, kennara og aðra sem
um þessi mál fjalla að koma til samstarfs um bætt skipulag skólamála.
Húsnæðismál: Sjálfstæðismenn leggja áherslu á, að húsbyggjendur hafi á
hverjum tíma valfrclsi um hvar þeir vilja byggja, meó því að opnuð séu fleiri
ný byggingarsvæði innan hins nýja skipulags.
„Kosið um uppbyggingarstefnu
Sjálfstæðisflokksins eða
stöðnunarstefnu vinstri flokka“
- segir Guðmundur Ingólfsson oddviti sjálfstæðismanna á Isafirði
„í kosningunum hér er fyrst og
fremst kosið um, hvort uppbygg-
ingarstarf Sjálfstæðisflokksins
eigi að halda áfram, eða hvort ein-
hver samsuða vinstri flokkanna
eigi að taka við,“ sagði Guðmundur
Ingólfsson oddviti sjálfstæð-
ismanna á ísafirði þegar rætt var
við hann. Sjálfstæðisflokkurinn
hefur verið í meirihlutastjórn á
ísafirði frá því árið 1971 og mynd-
ar flokkurinn meirihluta með
óháðum. Á árunum 1954 til 1971
voru það vinstri flokkarnir, sem
mynduðu meirihluta bæjarstjórn-
ar og það tímabil ríkti mikil stöðn-
un í atvinnumálum ísafjarðar.
„Samstaða innan bæjarstjórnar
er yfirleitt mjög góð og ég myndi
segja að 99% mála væru samþykkt
samhljóða innan bæjarstjórnar,"
segir Guðmundur. „Skýringin er
sú, að aðrir flokkar en Sjálfstæðis-
flokkurinn hafa ekjci markað sér
neina ákveðna bæjarmálastefnu.
Við berjumst nú fyrir því, að okkar
stefna haldi áfram, því ef það
verður ekki, þá á eftir að ríkja hér
sama stöðnunarstefnan og á árun-
um 1954 til 1971.“
í stefnuskrá sem Sjálfstæðis-
flokkurinn á ísafirði hefur gefið út
fyrir kosningarnar segir meðal
annars í lokaorðum: „Frambjóð-
endur Sjálfstæðisflokksins telja að
örugg og ábyrg fjármálastjórn
undir forystu bæjarfulltrúa
flokksins hafi skilað bæjarfélaginu
undraverðum árangri í stór-
framkvæmdum á sl. kjörtímabili
þrátt fyrir óhagstæða þróun pen-
ingamála.
Frambjóðendur vilja benda ís-
firðingum á, að undir forystu bæj-
arfulltrúa flokksins á síðustu
tveimur kjörtímabilum hefur verið
gert slíkt stórátak í húsnæðismál-
um bæjarbúa, að ekki verður jafn-
að til annarra tímabila í sögu
kaupstaðarins.
Frambjóðendur Sjálfstæðis-
flokksins benda á, að undir forystu
núverandi bæjarfulltrúa flokksins
hefur verið unnið ötullega að upp-
byggingu dvalarheimilis aldraðra
og þjónusta við aldraða stórbætt.
Einnig hefur verið unnið að bygg-
ingu nýja sjúkrahússins og heilsu-
gæslustöðvarinnar undir forystu
Isafjarðar og hillir nú undir að hið
mikla mannvirki verði tekið í
notkun.
Stórátak við gatnagerð, bygging
félagslegra íbúða, hafnargerð og
margar aðrar nauðsynlegar fram-
kvæmdir sýna, að undir forystu
sjálfstæðismanna verður ísafjörð-
ur fagur og blómlegur bær þar sem
íbúarnir geta unað hag sínum vel
og heildarsvipmót bæjarins orðið
öðrum sveitarfélögum til fyrir-
myndar."
„Við frambjóðendur Sjálfstæðis-
flokksins viljum benda á, að allir
þeir sem báru hita og þunga bæj-
armálastarfsins fyrir Sjálfstæðis-
flokkinn á síðasta kjörtímabili
skipa sér nú á framboðslista
flokksins," segir Guðmundir.
— Hvaða mál setjið þið á oddinn
fyrir næsta kjörtímabil?
„Við setjum atvinnumálin á
oddinn, þvi þau eru undirstaða
annarra gerða. Þá leggjum við
mikla áherslu á umhverfismálin,
ennfremur stefnum við að því að
skipuleggja félagslega þjónustu
bæði fyrir æskulýð og aldraða og
þá þannig að þátttaka hins al-
menna borgara verði góð í þessari
starfsemi. Við erum nú að hrinda
þessum málum í framkvæmd. Við
ætlum að leggja áherslu á að ljúka
þessari áætlun okkar og um leið
ætlum við að hrinda í framkvæmd
stórsókn í umbótum á umhverfi og
Guðmundur Ingólfsson
fegrun bæjarins og það áður en
aðrar framkvæmdir verða teknar
fyrir. Nýtt sipulag fyrir bæinn var
samþykkt í síðustu viku og á það
að gilda næstu 20 árin. Er skipu-
lagið nú til umfjöllunar hjá skipu-
lagsstjóra ríkisins. Eldra skipulag-
ið var frá 1927. Þá hefur verið unn-
ið mikið að deiliskipulagi og erum
við vel staddir þar.
Eitt stærsta málið, sem sjálf-
stæðismenn hafa beitt sér fyrir er
að keyptar hafá' vériðTóði'r á skipu-
lagslega mikilvægum stöðum. Ný-
lega var Eyrarjörðin keypt af
Kaupfélagi ísfirðinga. Okkar bæj-
armálastefna er mótuð langt fram
í tímann og það, sem gert er á einu
kjörtímabili, er ekki mælikvarði á
verkin. En við stefnum að því, að
ísafjörður beri með reisn að vera
höfuðstaður Vestfjarða og endur-
spegli um leið afl fólksins, sem
byggir og hefur byggt þennan bæ.“
Áður en Isafjörður og Eyrar-
hreppur voru sameinaðir í eitt
sveitarfélag var Guðmundur
hreppsnefndarfulltrúi í Hnífsdal
og hefur hann setið samfleytt í
hreppsnefnd og bæjarstjórn síðan
1962. Ég spurði hann hvernig sam-
eining sveitarfélaganna hefði tek-
ist. „Sameiningin varð til þess, að
hægt var að hefja þær fram-
kvæmdir, sem felast í bæjarmála-
sefnu Sjálfstæðisflokksins.
Okkar vandi er sá, að byggðin
hér er þrískipt. Það eru hugmyndir
um að reyna að tengja þessa
byggðarkjarna betur saman, en
það er flókið mál og erfitt. Hins
vegar er það staðreynd, að ef
sveitarfélögin hefðu ekki verið
sameinuð á sinum tíma, þá værum
við að tala um allt annan ísafjörð.
Markmið okkar sjálfstæð-
ismanna er að bæjarbúar viður-
kenni í kosningum uppbygg-
ingarstefnu okkar sjálfstæð-
ismanna og að í kosningunum hafi
þeir víðtæk áhrif á framvinduna.
Það skiptir hins vegar ekki megin-
máli hvort Sjálfstæðisflokkurinn
er með fjóra eða fimm fulltrúa í
bæjarstjórn. Samstaðan um stefnu
flokksins er það víðtæk þar. Það
eru allir sammála um að stórvirki
hafi verið unnið hér á síðasta
kjörtímabili, en hins vegar erum
við hvergi nærri komnir í höfn,“
sagði Guðmundur Ingólfsson að
lokum.
„Aðalframkvæmdirnar eru gatnagerðin“
- segir Haraldur Líndal Haraldsson bæjarstjóri
„Aðalframkvæmdirnar á vegum
bæjarfélagsins síðastliðin tvö ár
hafa verið gatnagerðarfram-
kvæmdir og nú er búið að leggja
bundið slitlag á samtals 11 kiló-
metra,“ sagði Haraldur Líndal
Haraldsson, bæjarstjóri á ísafirði.
„Það var byrjað á hinu svokall-
aða Holtahverfi árið 1974, en það
stendur fyrir botni fjarðarins. Þar
búa nú um 500 manns og er þegar
búið að malbika allar götur þar.
Af öðru má nefna hafnarfram-
kvæmdir, en byrjað er á svokall-
aðri Sundahöfn, en vonast er til að
innan tveggja ára verði hægt að
flytja afgreiðslu flutningaskipa
þangað. Þá er hugmyndin að tog-
ararnir fái þarna löndunaraðstöðu
í framtíðinni.
Þá hefur farið töluvert fé til
byggingar dvalarheimilis aldraðra
og við hlið sjúkrahússins er verið
að byggja 10 hjónaíbúðir og 20
einstaklingsíbúðir, þannig að þar
verður vistun fyrir 40 manns.
Um íþróttamálin er það að
segja, að í fyrra var nýr grasvöllur
tekinn í notkun og nú er verið að
byggja vallarhús. Ennfremur er
uppbyggingunni á Seljalandsdal
haldið áfram."
Það kom fram hjá Haraldi, að
landrými er af skornum skammti
á Isafirði og því hefur þurft að
gera átak í landfyllingu. Undan-
farin ár hefur mikið verið fyllt
upp og fyrirhuguð er töluverð
landfylling á þessu ári.
Nýr leikskóli var fyrir skömmu
tekinn í notkun í Hnífsdal og hef-
ur kvenfélagið Hvöt tekið við
rekstri hans. Þá er áætlað að hefja
byggingu leikskóla og dagvistun-
arheimilis við Eyrargötu á næsta
ári, en þar eiga að rýmast samtals
80 börn.
„Það lítur út fyrir að ekki verði
mikið um lóðaúthlutanir hjá
okkur í sumar, en 10 lóðum verður
úthlutað í vor. Nokkur eftirspurn
er eftir lóðum undir atvinnuhús-
næði og bráðlega verða 6 lóðir
undir atvinnuhúsnæði tilbúnar til
úthlutunar," sagði Haraldur.
Ilaraldur Líndal Haraldsson