Morgunblaðið - 20.05.1982, Blaðsíða 8
56
MORGUNBLAÐIÐ, FIMMTUDAGUR 20. MAÍ1982
BÆJAR- OG
SVEITARSTJÓRNARKOSNINGAR
Selfoss
Frambjóðendur Sjálfstærtisflokksins í bæjarstjórnarkosningunum á laugardaginn.
Kabbað saman á mannlífsnótunum í miðbæ
Selfoss.
„Að búa öflugri
atvinnuþróun
eðlileg skilyrði"
Rætt viö forystumenn sjálfstæöismanna
í bæjarmálum á Selfossi
Guðfinna Ólafsdóttir skipar baráttusætið á lista sjálfstaeöismanna.
„Á því kjörtímabili sem nú er að
ljúka gerist það að hér dregur
verulega úr fólksfjölgun. Um ára-
bil hefur fóiksfjölgun á Selfossi
verið tvisvar til þrisvar sinnum
meiri en landsmeðaltal, en ástæð-
an fyrir þessum afturkipp er fyrst
og fremst sú að það vantar at-
vinnu og til viðbótar hefur það svo
komið til að vinstri meirihlutinn
sem setið hefur sl. fjögur ár er
ákaflega sljór í því að búa at-
vinnulífinu nokkurt tækifæri og
til marks má nefna að atvinnu-
málanefnd bæjarins hefur ekki
haldið fundi sl. 2'k ár. Þá hafa
menn þurft að bíða mánuðum
saman eftir byggingarlóðum, en
eini möguleikinn til þess að snúa
þessu við er að auka fylgi sjálf-
stæðismanna og baráttan stendur
um 4. sætið á lista sjálfstæð-
ismanna, og einhverja aðra konu á
hinum listunum," sagði Óli Þ.
Guðbjartsson, efsti maður á lista
Sjálfstæðisflokksins á Selfossi, í
samtali við Morgunblaðið um
komandi kosningar, en listi
sjálfstæðismanna var skipaður að
afloknu fjölmennu prófkjöri á
Selfossi.
„Meginverkefnið á komandi
kjörtímabili," sagði Óli, „er að búa
öflugri atvinnuþróun eðlileg skil-
yrði og á lista sjálfstæðismanna
er fólk úr atvinnulífinu, þjónustu
og fleiri daglegum þáttum í lífi
manna, þannig að það er breið
samstaða í röðum sjálfstæð-
ismanna og því vissulega ástæða
til þess að vera bjartsýnn.
Langtíma skuldaauking bæjar-
ins á kjörtímabilinu er 140—150%
og er það feikileg aukning og sam-
kvæmt upplýsingum Erlends
Hálfdánarsonar bæjarstjóra eru
skuldir hitaveitunnar að nálgast
algjört hættumark.
Eina svarið við þessu er að
treysta undirstöður sveitarfélags-
ins með auknum atvinnutækifær-
um, enda bíður hér fjöldi ungra
manna og kvenna eftir atvinnu-
möguleikum og við bendum á að
það nærtækasta í þeim efnum er
að ljúka við byggingu félagsheim-
ilisins sem mun bjóða upp á marg-
háttaða starfsemi og ferðaþjón-
ustuuppbyggingu og það er ein-
mitt margt fólk hér sem vantar
vinnu á sumrin. Það kom fram á
ferðamálaráðstefnu Suðulands
hér á Selfossi fyrir skömmu að
erlendir ferðamenn skildu eftir 39
millj. kr. á sl. ári, en til saman-
burðar má geta þess að Sláturfé-
lag Suðurlands greiddi í vinnulaun
á öllu Suðurlandi sl. ár um 15
millj. kr. Þá leggjum við mikla
áherzlu á það að búa í haginn fyrir
iðnaðaruppbyggingu á þeim afurð-
um sem héraðið gefur af sér.
Þegar allt er skoðað liggur það á
borðinu að eina leiðin til þess að
vinna Selfoss upp aftur er að efla
atvinnulífið og fá til þess þann
slagkraft sem fylgir ákveðnu
starfi sjálfstæðismanna í upp
byggingu bæjarins."
Rólegt á yfírborðinu en
ákveðin undiralda
Ólafur Helgi Kjartansson var í
önnum á kosningaskrifstofu
sjálfstæðismanna þegar okkur bar
að garði en þar er opið daglega frá
2—7 og 8—10 á kvöldin. Hann
sagði að mikil vinna væri fólgin í
utankjörstaðakosningu og undir-
búningi fyrir kjördag, upplýsingar
til fólks um kjörskrá, undirbún-
ingur fyrir fundi, happadrætti og
sitthvað fleira.
„Það færist mjög í vöxt," sagði
Ólafur Helgi, „að fólk hafi sam-
band við skrifstofuna, leiti upplýs-
inga og gefi upplýsingar. Þá er
mikið um að fólk líti hér inn í
spjall, kaffi eða gos, og spjallið er
nú það skemmtilegasta í þessu.
Við teljum að straumurinn liggi
til okkar, að um augljósan byr sé
að ræða og vonum bara að hann sé
sem mestur. Það er ekk.i mikil
spenna á yfirborðinu, en ákveðin
undiralda sem er svolítið sérstakt.
Við höfum orðið varir við það að
fólk er ánægt með blaðaútgáfuna
og í kosningastarfinu finnum við
ákveðinn stíganda og treystum á
að fólk verði nú samtaka á enda-
sprettinum."
Brcnnur heitast á
í atvinnumálum
„Það brennur heitast á í at-
vinnumálum bæjarins að fá ný at-
vinnutækifæri í framleiðslunni
hér á Selfossi. Það sem er fyrir
virðist að mestu fullnýtt og það
þarf að koma eitthvað nýtt til svo
að úr rætist," sagði Guðmundur
Sigurðsson í samtali við Mbl. „Nú-
verandi meirihluti hefur ekkert
frumkvæði sýnt í þessa átt. Við
vorum með tillögur í bæjarstjórn
um úttekt á atvinnumálunum og
bæði skammtíma og langtíma
áætlun um atvinnuuppbyggingu.
Tillagan var samþykkt en ekki
framkvæmd, en við teljum það
mjög aðkallandi að hafa það á
hreinu hvað við ætlum að gera hér
á Suðurlandi í þessum efnum. Þá
viljum við líta á Sláturfélag Suð-
urlands og mjólkurbúið með þeim
augum að þau vinni meira af vör-
um hér heima."
Ástæðulaust að mata
Reykjavíkursvæðið á
atvinnutækifærum
„Það sem ég hef aðallega verið
að huga að er í sambandi við at-
vinnumálin og þá sérstaklega full-
vinnsla á afurðum fyrir austan
fjall, en þar eru mjög miklir
möguleikar og á meðan atvinnu
vantar á Suðurlandi er engin
ástæða til þess að vera að mata
Reykjavík og nágrenni á atvinnu-
tækifærum frá Suðurlandi," sagði
Guðfinna Ólafsdóttir, sem skipar
fjórða sætið á lista Sjálfstæðis-
flokksins á Selfossi.
„Þá er sitthvað sem liggur fyrir
að gera varðandi málefni aldr-
aðra,“ sagði Guðfinna, „en það eru
uppi deildar meiningar um að
endurbyggja gamla sjúkrahúsið
og gera það að sjúkraheimili eða
elliheimili. Reyndar er farið að
gefa fé í þá framkvæmd og þótt
það sé ekki framtíðarlausn í þess-
um efnum að mínu mati, þá er það
ágæt skammtímalausn sem væri
hægt að framkvæma á stuttum
tíma með hóflegum kostnaði.
Þá stendur til að byggja hér
fjölbrautaskóla og í sambandi við
það eru heilmiklir möguleikar og
þá tel ég mjög eðlilegt að deildir í
skólanum tengist sérstaklega at-
vinnulífinu hér á staðnum og
skólakerfið verði byggt upp þann-
ig að hægt sé að gera ráð fyrir því
að menntafólk úr skólanum hald-
ist hér á staðnum, að það geti
gengið í sín störf hér en þurfi ekki
að fara til annarra landshluta.
Ég vil einnig vekja athygli á því
að það eru konur í öllum baráttu-
sætum hér, en röðun á lista okkar
sjálfstæðismanna var í samræmi
við niðurstöður um 500 manna
prófkjörs. Þátttakan í prófkjöri
Sjálfstæðisflokksins var mun
meiri en hjá öðrum flokkum sem
viðhöfðu prófkjör og svona skip-
uðu íbúarnir sem sagt sjálfir á
listann.
í sambandi við unga fólkið
finn8t mér skorta á að félags-
miðstöð sé til staðar fyrir það, en
ýmsir möguleikar munu opnast
með Félagsheimilinu og það er
mjög brýnt mál. Þá hef ég einnig
áhuga á þvi að Selfoss komi sér
upp framtíðar skíðalandi, en sl.
vetur stunduðu á 3. hundrað ungl-
inga skíði og þurftu að sækja æði
langt. Hugsanlega gætum við at-
hugað með slíkt í Hamragili og ef
til vill nær. Hveradalir eru góðir,
en á sjálfri heiðinni er aðallega
um gönguleiðir að ræða.“
„Hvernig leggjast kosningarnar
í þig?“
„Þær leggjast ágætlega í mig,
það þýðir ekkert annað en að vera
bjartsýnn, tónninn í fólki byggist
á vilja til bjartsýni og það er hag-
stætt fyrir sjálfstæðismenn, enda
viljum við gera hlutina yfirvegað
en ákveðið og ég vil einnig nefna
skoðun okkar varðandi fegrun
bæjarins og snyrtingu, því þar má
bæta verulega úr og í sambandi
við atvinnu fyrir eldri borgara þá
hygg ég að eldri menn sem eru ef
til vill komnir út af vinnumarkaði
vildu gjarnan grípa til vinnu eins
og snyrtingar á götum bæjarins
fyrir utan það að vera þeirra á
vettvangi hins daglega lífs myndi
setja hlýlegri svip á bæinn okkar."
„Því sterkari stjórn
á bæjarmálum“
Guðjón Pétursson bifreiða-
stjóri, sem á sæti í kosninga-
stjórn, hittum við í önn dagsins
þar sem hann var á bíl sínum.
„Tónninn í fólki er tvímælalaust
Sjálfstæðisflokknum í vil,“ sagði
Guðjón, „og það sem mér finnst
vera kosið um nú í fulltrúafjölda
raunverulega er 4. maður Sjálf-
stæðisflokksins eða vinstri mann-
eskja.
Það er engin tilviljun að lífs-
viðhorf flestra eiga samleið með
Sjálfstæðisflokknum, því íslend-
ingar kunna að meta frelsi ein-
staklingsins til athafna og tján-
ingar og Sjálfstæðisflokkurinn er
um leið áræðnasta og víðsýnasta
aflið í íslenzku þjóðfélagi, kjöl-
festan og þeim mun meira umboð
sem sjálfstæðismönnum er veitt,
því sterkari stjórn á bæjarmálum.
Annars er þetta andskoti mikil
deyfð núna miðað við áður fyrr og
fólk er óráðið jafnvel viku fyrir
kosningar þótt við finnum að byr-
inn sé með sjálfstæðismönnum.
Ég vona að fólk almennt flykki sér
um sjálfstæðismenn, því þeim er
bezt treystandi til þess að vinna
að áframhaldandi uppbyggingu til
framfara."
„Þarfír og vilji dug-
mikils ungs fólks“
Björn Gíslason kvað það öruggt
að ungt fólk vildi lifa lífi sínu á
Selfossi og setjast að á staðnum
en það vantaði á að sköpuð væru
skilyrði fyrir ungt fólk í leik og
starfi. „Bæði er erfitt að fá lóðir,"
sagði Björn, „og skortur er á íbúð-
um og hjá ungu fólki vill verða
erfitt að fá atvinnu. Þess vegna
verður að vinna kröftuglega að því
að bæta úr þessu og unga fólkið á
að geta fundið sig á okkar lista,
því þar er margt ungt fólk sem
veit og skilur hvar skórinn kreppir
að, skilur þarfir og vilja ungs
dugmikiis fólks."