Morgunblaðið - 24.12.1981, Blaðsíða 4
36
MORGUNBLAÐIÐ, FIMMTUDAGUR 24. DESEMBER 1981
Hér eru grallararnir, sem komast munu á allra varir um hátíðirnar, ién Oddur og Jón Bjarni, í skemmtilegum
selskap afa, sem leikinn er af Gísla Halldórssyni. Jólamynd Háskólabíós.
Jón Oddur og Jón Bjarni
Hjá „afmælisbarninu" Háskólabíó, verður mikið um dýrðir því hér verður frumsýnd íslenska myndin
Jón Oddur, Jón Bjarni og þó við séum aðeins farin að venjast slíkum merkisviðburðum, skulum við samt
vona að þeim fylgi jafnan mikil eftirvænting.
Myndin er byggð á hinum landsþekktu, bráðskemmtilegu persónum Guðrúnar Helgadóttir, tvíburunum
sem myndin dregur nafn sitt af og því umhverfi sem rithöfundurinn hefur opinberað svo fjölmörgum
íslendingum á öllum aldri í bókum sínum um þessa aðlaðandi prakkara.
Unga fólkið í myndinni er leikið af áður óþekktum leikkröftum, en í hópi þeirra kunnari má nefna Egil
„þurs“ Ólafsson og Gísla Halldórsson. Leikstjóri er Þráinn Bertilsson.
Háskólabíó mun frumsýna á
nýársdag vinsæla, breska
mynd, SILVER DREAM RAC-
ER, með David Essex og Beau
Bridges. Verður hún sýnd á
sýningum kl. 21.00. Þetta er
hörkumynd um bifhjólakapp-
akstur og er í Dolby stereo,
sem nú er verið að stórbæta í,
Háskólabíó.
JÓLA-
MYNDIR
\«i»'
Enn er komið að jólum og hinni árlegu
andlitslyftingu kvikmyndahúsanna. Þessi
gamla, góða hefð er enn við líði, hér sem
annars staðar um hinn vestræna heim —
hvað svo sem sjónvarpi, myndböndum eða
annarri óáran líður.
Myndavalið í ár verður að teljast mjög
gott. í fyrsta lagi eru tvær jólamyndanna
alíslensk framleiðsla, hefðu það einhvern
tímann þótt tíðindi til næsta bæjar. Þá eru
aðrar myndir allar vel kunnar og nokkrar
glænýjar.
Góða skemmtun.
Gleðileg jól.
REGNBOGINN: • ■<
SALUR A:
Örtröð á hringveginum
(„Honky Tonk Freeway“)
Jólaglaðningurinn í A-sal verður glæný mynd eftir John Schlesinger, (Midnight
Cowboy). Þetta er sagður bráðskemmtilegur farsi þar sem ægir saman hinum
ólíkustu ferðamönnum sem eru allir á leiðinni til smáborgar á Florida. Á hann
einmitt afkomu sína undir túrismanum, en svo óheppilega vildi til, að þegar lögð
var ný hraðbraut fram hjá bænum, gleymdist afleggjarinn. Kunna íbúar því
bölvanlega og grípa til örþrifaráða...
Margir, kunnir leikarar fara með hlutverk i myndinni: William Devine, Beau
Bridges, Beverly D’Angelo, Geraldine Page, Jessica Tandy, Hume Cronyn o.fl.
SALUR B:
Dante og skartgripaþjófarnir
í B-salnum verður frumsýnd á jólum ný, sænsk unglingamynd frá Europa Film
um vinina Dante og Foxy, sem líkt og allir ungir drengir, hafa ákaflega gaman af
að lenda í ævintýrum. En þá fyrst fer að hitna í kolunum er piltarnir komast á
snoðir um skartgriparán og á eigin spýtur reyna þeir að ljóstra upp um ræningj-
ana.
Svíar eru kunnir fyrir vel gerðar unglingamyndir af þessari gerð, en Dante og
skartgripaþjófunum leikstýrir Gunnar Höglund. í hlutverkaskránni má sjá nokk-
ur gamalkunnug nöfn: Börje Ahlstedt, Christin Schollin.
SALUR C OG D:
f C- og D-sal verða sýndar myndirnar Úlfaldasveitin, („Hawmds“) og Blóðhefnd
(„Blood Feud“) Linu Wertmuller.
Hér gefur að líta aðalhetjur annarrar
jólamyndanna í Regnboganum,
DANTE OG SKARTGRIPAÞJÓF-
ARNIR, þá Dante og Foxy, mikla
spæjara...
Það ber ýmislegt spaugilegt fyrir
sjónir í hinni glænýju jólamynd í A-
sal Regnbogans, ÖRTRÖÐ Á
HRINGVEGINUM.
TONABIO:
Hvell-Geiri
? („Flash Gordon“)
Jólamyndin í Tónabíó er ein af mörgum stórmyndum sem gerðar hafa
verið að undanförnu um frægar teiknimyndahetjur dagblaðanna (Popeye,
5 Conan, o.fl. birtast á tjaldinu innan tíðar).
Hér segir frá ferð Hvell-Geira og Zarkovs vinar hans til Mongo, þar sem
Ming hinn illi ræður ríkjum og hyggst tortíma blessaðri jarðkringlunni
okkar. En Hvell-Geiri er ekki aldeilis á þeim buxunum.
Myndin er gerð af stórmyndasmiðnum Dino DeLaurentiis, leikstýrt af
Mike Hodges og grínið jafnan látið sitja í fyrirrúmi. Með aðalhlutverkin
fara Sam J. Jones, Melody Anderson, Ornella Muti, Chaim Topol, Timothy
Dalton og Max Von Sydow, sem skemmtir sér vel í hlutverki Mings hins illa.