Fréttablaðið - 10.12.2005, Qupperneq 86

10. desember 2005 LAUGARDAGUR62
OPIÐ ALLA LAUGARDAGA 10-14
STÓR HUMAR
RISARÆKJUR
HÖRPUSKEL
TUNFISKUR
SALTSÍLD
KRYDDSÍLD
1 dálkur 9.9.2005 15:21 Page 8
Kynlíf manna með álfum er
umfjöllunarefni bókarinnar
Please yoursELF sem nokkrir
nemendur úr Listaháskóla Íslands
gefa út um helgina. „Við erum að
vinna að samstarfsverkefni með
Háskólanum í Reykjavík undir
yfirskriftinni „Ný sýn í ferðamál-
um“ og okkur langaði ógurlega
mikið að vinna með eitthvað sem
tengdist álfum. Hugmyndin varð
til yfir bjór á Sirkus og okkur datt
í hug að markaðssetja kynlíf með
íslenskum álfum. Okkur þótti það
til dæmis mun jákvæðara en að
markaðssetja íslenskar konur,“
segir Hallgerður Hallgrímsdóttir.
Í bókinni er að finna margar
litlar sögur af kynlífi manna með
álfum, viðtöl við fólk sem hefur
stundað kynlíf með álfum auk
þess sem bent er á nokkur atriði
sem hafa ber í huga þegar slíkt
kynlíf er stundað. „Við erum í
rauninni að hvetja fólk til að fara
út í íslenska náttúru, ekki í hópum
heldur frekar eitt eða tvö saman
og í raun njóta náttúrunnar eins
og hún er. Liggja í mosanum og
það helst allsber, finna kraft-
inn og leyfa álfunum að koma.
Sögurnar í bókinni eru misgróf-
ar, sumar hreint ekkert grófar
heldur alls kostar rómantískar.
Álfarnir sjálfir eru misjafnir og
þeir vita alveg hvað maður vill og
finna hverju maður hefur áhuga
á. Þeir gera ekkert sem fólk vill
ekki að þeir geri,“ segir Hallgerð-
ur ákveðin og bætir við að í bók-
inni megi einnig finna myndir af
íslenskri náttúru og af fólki sem
er í þann veginn að fara að stunda
kynlíf með álfum. „Einnig teljum
við upp álfategundir og erum með
kort af stöðum þar sem maður
getur hitt álfa.“
Að sögn Hallgerðar verða
prentuð þúsund eintök af bókinni
og verður hægt að kaupa hana í
Hafnarhúsinu um helgina þar sem
sýning á verkefnunum fer fram.
„Eftir það mun hún fást í Dogma
og Nakta apanum og vonandi á
fleiri stöðum. Bókin er á ensku
því hún er bæði fyrir Íslendinga
og erlenda túrista. Auk þess er
hægt að lesa fleiri sögur á blogg-
síðunni www.elftruths.blogspot.
com og þar verður einnig hægt að
panta bókina.“
hilda@frettabladid.is
NEMENDUR Í LHÍ: BÓK SEM FJALLAR UM KYNLÍF MANNA MEÐ ÁLFUM
Liggja allsber í mosanum
HALLGERÐUR HALLGRÍMSDÓTTIR Ein þeirra sem gefa út bókina Please yoursELF sem fjallar
um kynlíf manna með álfum. Bókina verður meðal annars hægt að nálgast á sýningu á
samstarfsverkefnum nemenda Listaháskóla Íslands og Háskólans í Reykjavík í Hafnarhús-
inu um helgina.
FRÉTTIR AF FÓLKI
NÚNA BÚIÐ
Ísbirnir Þeir sýna
enga vægð. Og
þeir eru að deyja
í hrönnum úti á
ísnum út af matar-
skorti. Ó nei !
Fléttur Ekki bara fyrir
8 ára stelpur. Passaðu
bara að hafa þær ekki
of stífar og snyrtilegar.
Treflar Það veitir ekki af menn-
ingarpostulum þessa dagana
þegar hnakkinn tröllríður öllu.
Mörgæsir Myndin sýndi fram
á það að þetta eru vitlaus og
tilgangslaus dýr. Nei takk.
Sléttujárn
Hver vill vera með straujað hár? Leyfum
lokkunum að flæða villt og galið.
Hnakkar Þeir eru komnir í
bækur, sjónvarp og tónlist.
Hnakkavæðingin er algerlega
að drekkja öllu. Nóg.
LÁRÉTT 2 erindi úr sálmi 6 klafi 8 lítill
stallur 9 meðvitundarleysi 11 gelt 12
flugfar 14 fet 16 ambátt 17 gljúfur 18
örn 20 drykkur 21 skemmast af frosti.
LÓÐRÉTT 1 grasþökur 3 skammstöfun
4 gunga 5 hallandi 7 efnasamband 10
hald 13 sarg 15 bæli 16 ris 19 á fæti.
LAUSN
1
6 7 8
10
13
119
12
15
16
18
21
20
17
14
19
2 3 4 5
LÁRÉTT: 2 vers, 6 ok, 8 hak, 9 rot, 11
gá, 12 flaug, 14 skref, 16 þý, 17 gil, 18
ari, 20 te, 21 kala.
LÓÐRÉTT: 1 torf, 3 eh, 4 raggeit, 5 ská,
7 kolsýra, 10 tak, 13 urg, 15 flet, 16 þak,
19
HRÓSIÐ
...fær Sigríður Arnardóttir fyrir
að hafa stýrt þættinum Fólk með
glæsibrag undanfarin fimm ár
og öðlast á þeim tíma ótalmarga
dygga áhorfendur.
Unnur Birna Vil-hjálmsdóttir þykir
mjög sigurstrangleg
í keppninni Ungfrú
Heimur sem fram fer
í kvöld í Kína. Mestar
líkur eru taldar á því að
Ungfrú Filippseyjar
verði krýnd en fast á
hæla hennar kemur
Ungfrú Kanada.
Unni Birnu er síðan spáð þriðja sætinu
og það er því nokkuð ljóst að spenn-
an verður rafmögnuð þegar úrslitin
verða kynnt. Reyndar hafa veðbankar
alltaf verið Íslendingum hliðhollir í alls
kyns keppnum og nægir þar að nefna
Eurovision-keppnina en hana erum við
yfirleitt búin að vinna áður en haldið
er af stað. Unnur hefur nú verið tæpan
mánuð í Alþýðulýðveldinu og ber sig
víst nokkuð vel. Henni hefur tekist að
heilla innfædda upp úr skónum en það
er orðið ansi langt síðan við Íslendingar
áttum Miss World. Síðast gerðist það
1988 þegar Linda Pétursdóttir kom með
kórónuna heim og fetaði þar með í
fótspor Hólmfríðar Karlsdóttur sem vann
titilinn 1985.
Eiríkur Jónsson er kominn aftur á skjáinn og nú með fóstbróður sínum
Reyni Traustasyni í morgunþættinum
Helgin sem er á dagskrá NFS alla laug-
ardagsmorgna klukkan ellefu. Eiríkur
vakti óskipta athygli þegar hann var með
þátt nefndan í höfuðið á sjálfum sér á
Stöð 2 þar sem menn og málefni fengu
oftar en ekki að finna til tevatnsins.
Áhorfendum nýja þáttarins fannst þó
umhverfið heldur leiðinlegt. Þeir félagar
hafa því brugðið á það ráð að líkja eftir
sviðsmynd Cosby-þáttanna sem sýndir
voru á RÚV við miklar vinsældir fyrir
margt löngu. Eiríkur og Reynir dvelja nú
að mestu leyti í eldhúsi og öðru hvoru
er brugðið upp mynd af húsnæðinu
þar sem atburðirnir eiga sér stað. Það
hefur þó ekki fengið staðfest hvort
Eiríkur verði læknirinn Cliff Huxtable og
Reynir lögfræðingurinn ráðagóði Clair.
Til þess að bæta enn fjölskylduímynd
þáttarins hafa einnig heyrst raddir um
að blaðamannabörn
þáttastjórnandanna,
þau Jón Trausti hjá
Mannlífi og Hanna
Eiríks hjá Hér & nú,
komi til með að bregða
sér í hlutverk Theo og
Denise en ekkert hefur
verið ákveðið í þeim
efnum.
Í dag stendur Íslandsdeild
Amnesty fyrir bréfamaraþoni
í þágu mannréttinda. Er þetta í
fyrsta skipti sem deildin stendur
fyrir slíkri dagskrá en svipaðir
viðburðir verða í þrjátíu öðrum
löndum. Dagsetningin er engin
tilviljun því í dag er alþjóðlegi
mannréttindadagurinn. „Þetta
hefur verið gert í nokkur ár hjá
ýmsum mannréttindadeildum
um allan heim en á rætur sínar
að rekja til pólsku deildarinn-
ar,“ útskýrir Torfi Geir Jónsson,
verkefnastjóri Amnesty deildar-
innar.
Gestum og gangandi verður
gefinn kostur á því að skrifa bréf
til þolenda mannréttindabrota,
ríkisstjórna sem brjóta mann-
réttindi og mannréttindafröm-
uða víða um heim. Að sögn Torfa
er ekki gerð nein krafa um sér-
staka tungumálakunnáttu heldur
eingöngu að hugur fylgi máli.
„Fólk er að skrifa jólakveðjur til
vina og vandamanna um þessar
mundir og þetta fellur ágætlega
inn í þá stemningu,“ bætir hann
við. Honum finnst einnig tilvalið
að fólk taki sér smá tíma á aðvent-
unni og leiði hugann að þeim sem
minna mega sín í þessum heimi.
„Stutt kveðja frá Íslandi skipt-
ir máli,“ segir hann en góður
árangur hefur náðst með þessu
átaki um allan heim.
Bréfaskriftirnar hefjast
klukkan ellefu um morguninn í
húsnæði Amnesty við Hafnar-
stræti 15 og standa til klukkan
fimm en boðið verður upp á léttar
veitingar. Klukkan átta um kvöld-
ið verður síðan efnt til tónleika í
Neskirkju en meðal þeirra lista-
manna sem koma fram eru Tríó
Björns Thoroddsen, Sellóhópur-
inn og tónlistahópurinn Rinac-
ente. Miðaverð er 1.500 krónur
en allur ágóði rennur óskiptur til
styrktar Amnesty International.
„Á meðan mannréttindabrotum
linnir ekki er þörf á þessu,“ segir
Torfi. - fgg
Maraþon hjá Íslandsdeild Amnesty
TORFI GEIR JÓNSSON Íslandsdeild Amnesty
stendur fyrir bréfaskriftum í samvinnu við
aðrar Amnesty-deildir á alþjóðlega mann-
réttindadeginum. FRÉTTABLAÐIÐ/VILHELM