Lesbók Morgunblaðsins - 30.06.1990, Blaðsíða 14
SOLBOÐISOLARFRII
Sólbaðsreglur ferðamannsins tryggja fallega sólbrúnku
Notið algjöra sólvörn „sun-
block“ á viðkvæmustu líkams-
hlutana. Skærlituð slík krem
eru skemmtileg.
Sólböð eru heilsusamleg. Gefa
hraustlegra útlit. Veita vel-
liðan. En fáir vilja snúa heim
úr sólarfríi rauðir og brenndir.
Brennd húð lítur illa út, veldur
vanlíðan og getur beinlínis ver-
ið heilsuspillandi. Stefnið ekki
í sólbruna í sumar — fylgið sól-
baðsreglum ferðamannsins —
til að verða fallega brún.
Falleg sólbrúnka er eftirsókn-
arverð, en hvers vegna verðum
við sólbrún? Sólarlitur er húðvörn
gegn hættulegum sólargeislum. í
innri húðlögum er litarefnið mel-
anín, sem kviknar við sólböð til
að veija húðina og gefur okkur
þennan fallega brúna lit. Húð sem
nær ekki að framleiða litarefnið
nógu fljótt, verður rauð og sól-
brennd, ef sólböðin standa of
lengi. Blóðið þýtur fram til að
kæla húðina og hún verður rauð,
þrútin og brennd. Flestir geta
komist hjá sólbruna, ef þeir fara
varlega og nota réttan sólaráburð.
Hillur í verslunum og apótekum
eru fullar af sólvarnarkremum,
en hvernig eigum við að velja rétta
vörn? Ef þið kunnið að lesa úr
leiðbeiningunum, þá á rétta valið
að vera auðvelt.
Lærið ABC
sólvarnarkremsins!
Útfjólubláir sólargeislar skipt-
ast í UVA, UVB og UVC. Ósón-
lagið jafnar út UVC-geislana og
gerir þá skaðlausa. UVB-geislarn-
ir brenna húðina.
* Fyrir skömmu var álitið að
UVA-geislar, sem þrengja sér
djúpt inn í húðina væru skaðlaus-
ir. En nú hafa vísindamenn fund-
ið út, að þeir eru orsök hrukkna
og húðkrabbameins.
* Því er mikilvægt að sólkrem
innihaldi vörn fyrir bæði UVA-
og UVB- geislum. Athugið að þau
gera það ekki öll!
* Leitið á bakhlið flöskunnar að
orðunum „PAVA“ og „beneoxop-
henone", sem veija gegn UVA-
og UVB-geislum. Ef þið finnið
þau ekki í smáa letrinu, leitið þá
í listanum undir „active ingredi-
ents“.
* Mörg sólkrem eru nú með vörn
gegn bæði UVA- og UVB-geisl-
um. Góð merki eru t.d. Piz Buin
og Uvistat.
Heillatölur
Flestir vita ekki hversu mikla
sólvörn 'þeir þurfa eða hvað háa
tölu á sólkreminu þeir eiga að
velja.
Til að finna rétta vörn verðið
þið að vita, hvað þið þolið sólina
lengi. Ef ykkur fer að svíða í
húðina eftir 10 mínútna sólbað -án
sólkrems getið þið verið 12 sinn-
um lengur með sólkrem númer
12 (10 x 12=120 mínútur) eða í
2 tíma. Veljið alltaf hærri tölu,
ef þið eruð óviss.
* Þið þolið lengri sólböð eftir því
sem vörn líkamans byggist upp
og samhliða því lægri tölu í sól-
kremi. En gætið þess að fara
Gleymið ekki „eftir sól“ til að kæla húðina niður.
Bournemouth...
labbitúra eða til að viðra hundana
sína, og goifvöllur. Einhversstað-
ar þætti fjarstæða að taka svo
verðmætt byggingarland rétt við
miðbæinn undir útivist og golf-
völl, en þetta er víða gert í Bret-
landi og er ekki einu sinni um-
deilt. Frá Meyrick Park og öðrum
golfvöllum við Bournemouth er
sagt í sérstakri grein, sem birtist
14. júlí.
Að sumarlagi er það kannski
umfram allt ágæt baðströnd, sem
dregur fólk til Bournemouth. Hún
nær til austurs og vesturs svo
langt sem augað eygir; ljós sand-
ur og fíngerður. Þarna hefur ver-
ið erfitt um vik að lenda skipum
og því hefur verið byggð löng
bryggja, eða „pier“ eins og slíkt
er nefnt á ensku og nær nógu
langt út til þess að ferjur geti
athafnað sig. A bryggjunni standa
gríðarstórir skemmtiskálar með
kvikmyndasölum og allskonar
leiktækjum. Bæði þar og á bað-
ströndinni er krökkt af fólki á
sumrin.
EINSTÖK VORFEGURÐ
Um páskana, þegar ég var þar
síðast, reyndi enginn að leggjast
á baðströndina, en þeim mun fleiri
voru á ferli í görðunum. Þar var
vorfegairðin í hámarki; tré sem
bera hvít blóm og bleik eru tákn
vorsins þar á sama hátt og lóan
hér og nú stóð það allt í blóma.
Hitinn þessa daga var eins og á
góðum, íslenzkum júlídegi, en er
oft á sumrin á bilinu 20-25 stig
og stundum meira.
í skrá yfir hótel í Bournemouth
og næsta nágrenni eru talin upp
267 og segir sig sjálft, að munur-
inn á milli þeirra beztu og dýr-
ustu til hinna frumstæðustu er
mikill. í verðskránni sést, að gist-
ing með morgunverði getur farið
niður í 8 pund og verulegur fjöldi
býður þessa þjónustu fyrir 10-15
pund. Þá er oftar en ekki um að
ræða afskaplega lítil herbergi og
allar líkur á því, að búið sé að
skrúfa fyrir upphitun í apríl og
þá þykir íslendingum kalt þar,
ekki sízt vegna þess að æði mörg
hús á þessum slóðum eru enn með
einfalt gler í gluggum. En það er
að sjálfsögðu allur gangur á þessu
og vissara að spyija um það, ef
verið er á ferðinni á öðrum árstím-
um en yfir sumarið.
Venjuleg þokkaleg hótel eru
miklu ódýrari í Bournemouth en
í London til dæmis. Samkvæmt
verðskránni kostar gisting og
morgunverður á mörgum miðl-
ungs þriggja stjörnu hótelum frá
20-40 pund. Á Hótel Piccadilly
við Bath Road, þar sem undirrit-
aður gisti á páskunum, var verðið
27 pund fyrir eins manns her-
bergi og morgunverð. Það var
reyndar örlítið herbergi, en með
góðu rúmi, sjónvarpstæki og
ágætri miðstöðvarhitun. Morgun-
verðurinn hjá Bretanum hefur
lagast og er ekki bara beikon og
egg, kaffi eða te með þessu hefð-
bundna ristaða brauði. Allt er það
að vísu á boðstólum, en að auki
er nú boðið uppá ávexti og ávaxta-
safa, kornflögur og fleira. En
fremur er það þó fábreytt á móti
því sem gerist og gengur á þokka-
legum hótelum í Þýzkalandi.
Til eru þeir, sem vilja búa eins
og greifar á ferðalögum og borga
fyrir það morð fjár. Nokkrir brúk-
legir valkostir eru til handa þeim
í Bournemouth. Þar má nefna
Royai Bath Hotel, sem hefur með-
al annarra gæða spilavíti. Þar
kostar gisting með morgunverði
150 pund á dag, eða álíka og á
allgóðu hóteli í London. Það telst
þó ódýrt á móti Carlton Hotel á
East Cliff, sem tekur 420 pund,
eða um 42 þúsund krónur fyrir
herbergi með morgunverði. Það
skal tekið fram að lokum varð-
andi hótelin, að bezt er snúa sér
til ferðamálaskrifstofunnar, Tour-
ist Office, í miðbænum. Sú skrif-
stofa er í tölvusambandi við öll
hótel bæjarins; það þarf ekkert
að standa í neinum hringingum,
þvi þar sést hvað er i boði og fram-
boðið er svo víðtækt, að jafnvel á
háannatíma á alltaf að vera hægt
að finna herbergi.
Meðal þess sem setur svip sinn
á miðbæin.n er ný ráðstefnuhöll:
International Centre. Þar er raun-
ar margt fleira innan dyra en
aðstaða fyrir ráðstefnur, svo sem
Úr gamla bænum I Bournemouth.
hljómleikasalur, þar sem sinfóníu-
hljómsveit Bournemouth leikur.
Þar að auki er þar sundlaug,
heilsuræktarstöð og barir. Hinn
almenni sumarleyfísgestur í Bour-
nemouth mun þó ekki síður hafa
áhuga á veitingahúsunum, sem
eru mýmörg í og í nánd við mið-
bæinn, en sum austur í nágranna-
bænum Christchurch. í Bour-
nemouth er auðveldlega hægt að
fínna ítalska, mexíkanska,
kínverska eða gríska matsölu-
staði; ekki þó neinn með skyr og
hangiket á íslenzkan máta.
Ef landinn hefur ekki breyzt
skyndilega, hefur hann líklega
mestan áhuga á búðunum og þá
skal upplýst, að í og við miðbæinn
eru stórverzlanir eins og Dagen-
hams og C&A. Miklu fínni sér-
verzlanir eru til dæmis við West-
over Road, en verðið hefur hækk-
að svo gífurlega á síðustu tveimur
árum, að enginn ávinningur getur
verið fyrir okkur að verzla þar.
Nú þegar Bretar eru í EB hefur
margt breyzt. Ennþá klæðskera-
sauma skraddarar föt á íhalds-
sama viðskiptavini í London, en
fatakaupmaður einn í Bourne-
mouth sagði mér, að hvert snifsi
í búðinni hjá honum og öðrum í
bænum, væri innflutt frá Frakk-
landi, Þýzkalandi og Belgíu. Það
væri jafnt á komið með brezka
fataiðnaðinum og bílaiðnaðinum;
hvorugt gæti haldið í við útlenda
samkeppni.
ÍNÁNDVIÐ
BOURNEMOUTH
Austan við Bornemouth er Nýi-
skógur, New Forest, mikið flæmi,
sem eitt sinn var veiðiland Vil-
hjálms sigurvegara, sem einum
manna hefur tekizt að gera innrás
á England og sigra. Það gerði
hann í orrustunni við Hastings, >
austar með Ermarsundinu, árið
1066, svo sem frægt hefur orðið.
Þegar ekið er meðfram New
Forest blasir við einkennilegur
berangur á stóru svæði, þar sem
eldur eyddi skóginum nýlega. En
víðsvegar um skóginn eru smábæ-
ir og þegar dvalið er í Bournemo-
uth er tilvalið að taka einn dag í
að aka um New Forest. Þetta
svæði heyrir til héraðinu Dorset
og um 60 km. norður frá Bour-
nemouth er Stonehenge, þessi
merkilega uppröðun á risastórum
björgum frá forsögulegum tíma;
að öllum líkindum trúarlegt
mannvirki. 30-40 km austan við
Bournemouth er merkilegt bíla-
safn: Beaulieu Motor Museum,
einnig áhugavert skoðunarefni.
Miklu nær, í nágrannabænum
Pool er lystigarðurinn Compton
Acres, sem á að vera einn sá feg-
ursti í Evrópu og það er líka
skemmtilegt að koma niður að
bátahöfninni í Pool og ekki sízt
út á Purbeck Island, sem er að-
eins snertuspöl þaðan. Sé verið á
bílaleigubíl, er góð hugmynd að
aka vestur með ströndinni til Tor-
quay, þó ekki væri til annars en
að sjá Manor House Hotel, sem
Magnús Steinþórsson rekur þar
við góðan orðstír. En þar að auki
er Torquay fallegur staður og vin-
sæll ferðamannabær. í þetta sinn
gafst ekki tækifæri til að koma
þangað, en verður vonandi gert
þótt síðar verði.
Að lokum: Ef leita þarf aðstoðar
þegar komið er á staðinn, eða
panta hótel héðan að heiman, er
gott að leita til Upplýsingamið-
stöðvarinnar, Tourist Information
Centre á Westover Road. Síminn
þar er (0202) 291715 og fyrir
hótelpantanir (0202) 290883.
Gísli Sigurðsson
14