Morgunblaðið - 11.05.1974, Blaðsíða 19
MORGUNBLAÐIÐ, LAUGARDAGUR 11. MAl 1974
19
Atta félög af 18 inn-
an BSRB hafa gengið
frá sérsamningum
ÁTTA aðildarfélög af 18 innan
BSRB hafa gengið frá sérsamn-
ingum sínum við rfkið.
Samningar annarra félaga eru
vfðast hvar langt komnir, og verð-
ur Ifklega lokið fyrir 15. maf n.k.
en þá rennur út frestur, sem
veittur var til samninganna sam-
kvæmt lögum. Ef samningar
takast ekki hjá einhverjum
aðildarfélögum BSRB fyrir þann
tfma, fara þeir fyrir Kjaradóm.
Sérsamningar félaga bæjar-
starfsmanna víðs vegar um land
eru allir ófrágengnir, en frestur
til að ljúka þeim er til 1. júnf n.k.
Guðjón B. Baldvinsson hjá
BSRB sagði í samtali við Mbl. í
gær, að sérkröfur félaganna
hefðu legið fyrir 31. janúar sl.
Öeðlilegur dráttur hefði orðið á
því, að ríkið hæfi viðræður við
félögin um kröfurnar, og væri
mikil óánægja ríkjandi innan
BSRB vegna þess. Upphaflega
átti samningum að verða lokið
fyrir 1. maí, en veittur var 15
daga viðbótarfrestur.
Samkvæmt upplýsingum
Guðjóns hafa eftirtalin félög
gengið frá samningum um sér-
kröfur. Samband íslenzkra barna-
kennara, Landssamband
framhaldsskólakennara, Póst-
mannafélag íslands, Tollvarða-
félag Islands, Hjúkrunarfélag
tslands, Landssamband lögreglu-
manna, Félag flugumferðarstarfs-
manna og Starfsmannafélag
Sjúkrasamlags Reykjavíkur. Af
þeim félögum, sem ekki hafa enn
gengið frá samningum eru stærst
Starfsmannafélag ríkisstofnana,
Félag íslenzkra símamanna og
starfsmannafélög útvarps og sjón-
varps. Bjóst Guðjón við þvi, að
samningar tækjust hjá flestum ef
ekki öllum þessara félaga fyrir
15. maí.
Samningarnir um sérkröfurnar
hafa verið mjög mismunandi hjá
einstökum félögum, en víðast
hefur þó verið samið um hækkun
starfsmanna um tvo launaflokka.
Þrjár stéttir hafa verið með að-
gerðir til að leggja áherzlu á kröf-
ur sfnar. Hjúkrunarfólk sendi
spítulunum uppsagnarbréf i stór-
um stil, og sömuleiðis sjúkraliðar.
Samningum er lokið við
hjúkrunarfólk, og dregur það
væntanlega uppsagnirnar til
baka, en ennþá er ósamið við
sjúkraliða. Þá gripu símamenn til
þess ráðs, að mæta ekki til vinnu í
þrjá daga. Er ennþá ósamið við
þá.
Oli J. Olason látinn
Óli J. Ólason, stórkaupmaður i
Reykjavik, er látinn og hefur
jarðarförin farið fram. Óli var
einn af athafnamönnum borgar-
innar, formaður Skókaupmanna-
félagsins í mörg ár og fulltrúi i
Verzlunarráði Islands. Hann
stofnaði Skóbúð Reykjavíkur
ásamt bræðrum sínum og rak
hana fram til 1954, seinni árin
einn. Hann rak líka umboðs-
verzlun aðallega með skófatnað.
Síðan 1940 rak hann fyrirtækið
Th. Benjamínsson & Co. Óli var
einn af stofnendum Loftleiða og f
stjórn þess fyrstu 10 árin. Einnig
var hann einn af stofnendum
Tryggingar og var þar formaður.
Óli J. Ólason var Snæfellingur
fæddur á Stakkhamri i Mikla-
holtshreppi 16. sept. 1901 og vann
ávallt mörg störf í þágu Snæfell-
inga. Einnig að laxveiðimálum og
í þágu Rauða kross íslands, þar
sem hann var lengi í stjórn og
formaður Reykjavfkurdeildar-
innar var hann um árabil.
Merkjasala SVFI á lokadag
Idag er lokadagurinn. Frá öndverðu starfi Slysavarnafélags tslands
hefur lokadagurinn verið merkjasöludagur félagsins og í dag mun
tslendingum gefast kostur á að styrkja það nauðsynjastarf, sem SVFt
hefur unnið með þeim ágætum er alþjóð eru kunnug. 1 dag ðskar SVFt
eftir stuðningi almennings og enginn veit, hvort hann þarf ekki aðstoð
félagsins á morgun. SVFt hvetur foreldra til þess að leyfa börnum
sínum að selja merki félagsins. Meðfylgjandi mynd er tekin af
félögum f einni björgunarsveita SVFt.
Einar Jónsson. — Mynd eftir málverki eftir Johannes Nielstn.
Aldarafmœli
Einars Jónssonar
Aldarafmæli Einars Jónsson-
ar myndhöggvara er f dag.
Hann var fæddur 11. maf 1874,
en lézt árið 1954.
I tilefni afmælisins hefur sr.
Jón Auðuns, sem er forstöðu-
maður Listasafns Einars
Jónssonar, skrifað grein, sem
birtast mun í Lesbók Morgun-
blaðsins innan tfðar. Fylgja
henni margar myndir af lista-
verkum Einars.
Listasafn Einars Jónssonar
verður opið í dag og á sunnudag
kl. 1,30 — 6 e.h. en annars er
safnið daglega opið frá kl. 1,30
— 4 e.h.
Verðbólgan búin að eyðileggja náms-
lánin segir Stúdentaráð Háskólans
Stúdentaráð Háskóla tslands hef-
ur sent frá sér fréttatilkynningu,
þar sem vakin er athygli á þeirri
kjararýrnun, sem verðbólgan hef-
ur leitt yfir stúdenta á þessum
vetri. Námslán 1973—4miðist við
vísitöluútreikninga og spár frá
þvf í júní 1973, en síðan hefi
verðhækkanir farið langt fram úr
þeim áætlunum.
Síðan segir, að þegar 4% sölu-
skattshækkun hafi bætzt við, hafi
orðið ljóst, að sá grundvöllur, sem
námslán og þar með afkoma stúd-
enta sé miðuð við, sé fjarri raun-
veruleikanum. Hins vegar komi
lækkun tekjuskatts engan veginn
stúdentum til góða, þar sem þeir
greiði yfirleitt ekki tekjuskatt.
Síðast í yfirlýsingu stúdenta-
ráðs segir, að það krefjist þess, að
námsmönnum verði þegar í stað
bætt sú kjararýrnun, sem þeir
hafi orðið fyrir.
Listamanna-
þing 1974
LISTAMANNAÞING 1974 var
háð í Reykjavík 27. apríl sJ. Um-
ræðuefni þingsins var: „Frelsi
listamannsins gagnvart þjóð-
félagsvaldinu". Frummælendur
voru: Matthfas Johannessen,
skáld, Hjörleifur Sigurðsson, list-
málari, Ólafur Haukur Símonar-
son, rithöfundur, Thor Vilhjálms-
son, rithöfundur og Hannes Kr.
Davíðsson, arkitekt. — Þing-
haldari var kjörinn Svavar
Guðnason, iistmálari.
Á þinginu var samþykkt álykt-
un, þar sem harðlega var mót-
mælt skoóanakúgun sovézkra
stjórnvalda gagnvart þarlendum
listamönnum, sem kæmi m.a.
fram i þvi að flytja Soltsjenitsyn
nauðúgan úr landi og meina hon-
um að birta verk sín fyrir þjóð
sinni.
Þá var þeirri áskorun beint til
ríkisstjórnar Islands,að hún hlut-
aðist til um að endurskoðaðar
yrðu reglur og lög um lista- og
menningarstofnanir á Lslandi
með það fyrir augum, að útilokuð
yrðu flokkspólitfsk áhrif á starf
semi þeirra. — Loks var sam-
þykkt ályktun þar sem því var
lýst yfir, að óþolandi væri, að er-
lendurher væri áíslenzkri grund.
Talar í Garðakirkju
NÆSTKOMANDI sunnudag, 12.
maf, fer fram guðsþjónusta í
Garðakirkju kl. 2 e.h. Við þá at-
höfn mun Hulda Jensdóttir, for-
stöðukona Fæðingarheimilis
Reykjavíkur, flytja ræðu og
nokkrir nemendur úr Tónlistar-
skóla Garðahrepps leika á hljóð-
færi.
Sama dag efnir Kvenfélag
Garðahrepps til kaffisölu í Sam-
komuhúsinu á Gai'ðaholti til
ágóða fyrir kirkju og söfnuð.
Pétur Þorsteinsson
sýslumaður í Dalasýslu
FORSETI íslands skipaði þann 7.
maf, að tillögu dómsmálaráð-
herra, Pétur Þorsteinsson, full-
trúa sýslumanns og bæjarfógeta í
Hafnarfirði, til að vera sýslumað-
ur í Dalasýslu frá 15. maf aðtelja.
Aðrir umsækjendur um emb-
ættið voru: Eggert Óskarsson,
héraðsdómslögmaður, Guðlaugur
Einarsson, hæstaréttarlögmaður,
Þorfinnur Egilsson, héraðsdóms-
lögmaður, og Þorkell Gfslason,
héraðsdómslögmaður.
Reykj anesk jördæ mi
KJÖRDÆMISRAÐ Sjálfstæðis-
flokksins í Reykjaneskjördæmi
er boðað til fundar n.k. mánu-
dagskvöld kl. 20.30 í Félagsheim-
ili Seltirninga. A fundinum verð-
ur kosin kjörnefnd og umræður
fara fram um undirbúning kosn-
inga og stjórnmálaviðhorfið.
Mæðradagur í Kópavogi
SJÖUNDI aðalfundur Kvenfé-
lagasambands Kópavogs var hald-
inn 4. maf sJ. I sambandinu eru
þrjú kvenfélög, Freyja, félag
framsóknarkvenna, Kvenfélag
Kópavogs og Sjálfstæðiskvenna-
félagið Edda. Á vegum sambands-
ins starfa þrjár nefndir, Orlofs-
nefnd, Mæðrastyrksnefnd og
nefnd er rekur fótsnyrtistofu fyr-
ir aldraða í Kópavogi.
Aðalfundurinn samþykkti að
senda öllum frambjóðendum til
bæjarstjórnarkosninga í Kópa-
vogi bréf um byggingamál aldr-
aðra.
Ennfremur ályktaði fundurinn
að efla bæri samstarf foreldra og
kennara við skóla staðarins, að
efla bæri fræðslu í sömu skólum
um skaðsemi áfengis, tóbaks og
annarra vimugjafa, efla bæri um
ferðarfræðslu og skorað var á
bæjaryfirvöld að athuga vel með
göngubrautir að skólum bæjarins,
með öryggi skólabarna í huga.
Aðalfundurinn lagði ennfremur
til við bæjaryfirvöld í Kópavogi,
að lögð yrði aukin áherzla á
verndun og merkingu sögustaða í
bæjarlandinu svo og náttúru-
vernd.
Aðalfundur Kvenfélagasam-
bands Kópavogs fagnaði þeim
áfanga, sem nú mun nást á hausti
komandi, er skólaeldhús verður
tekið í notkun við skyldustigið í
skólum bæjarins.
Að loknum aðalfundi var kvöld-
vaka með fræðandi og skemmt-
andi efni, svo sem erindi, er frú
Hulda Stefánsdóttir fyrrv. skóla-
stjóri hélt um íslenzkan heimilis-
iðnað, ennfremur sýndi hún
marga fallega hluti, sem unnir
hafa verið úr íslenzku efni. Álfa-
sögur voru lesnar og ung stúlka,
Margrét Pálmadóttir, söng ein-
söng með undirleik Guðmundar
Jónssonar píanóleikara. Sýndur
var skautbúningur Sigurlaugar
Gunnarsdóttur frá Ási í Hegra-
nesi, en hún stofnaði fyrsta kven-
félagið á íslandi. Að sfðustu skoð-
uðu gestir sýningu er bar yfir-
skriftina „Amma mín átti það,
amma min sagði það, amma min
gerði það.“ En þar höfðu konur
safnað saman ýmsum gömlum
ættargripum, bushlutum, margs
konar heimilisiðnaði og gömlum
bókum.
Kaffiveitingar voru framborn-
ar, og fólk skémmti sér við fjölda-
söng.
í stjórn Kvenfélagasambands
Kópavogs eru, Stefanía M. Péturs-
dóttir formaður, Vilhelmina Þor-
valdsdóttir varaformaður, Jónina
Júliusdóttir ritari og Sólveig Run-
ólfsdöttir gjaldkeri. Meðstjórn-
endur eru Jóhanna Guðmunds-
dóttir og Jóhanna Valdemarsdótt-
ir.
N.k. sunnudag halda Kópavogs-
konur mæðradaginn hátíðlegan.
Fjölskyldumessa verður í Kópa-
vogskirkju og munu konur taka
þátt í messugjörðinni. Hátíðakaffi
verður selt í íélagsheimilinu og
þar sýnir hin ágæta listakona Sól-
veig Eggerz Pétursdóttir vatns-
litamjTidir og önnur iistaverk.