Lesbók Morgunblaðsins - 07.11.1998, Blaðsíða 8
YFIRLITSSÝNING Á EVRÓPSKRI OG BANDARÍSKRI SAMTÍMALIST í LISTASAFNIÍSLANDS
FJÖLBREYTILEIKI SAMTÍMALISTAR-
INNAR í ALÞJÓÐLEGU SAMHENGI
I Listasafni íslands var í gærkvöldi opnuð sýningin
80/90 Speglar samtímans, sem er stærsta yfirlitssýning
evrópskrar og bandarískrar samtímalistar sem nokkru
sinni hefur verið sett upp hér ó lanc Ji. MARGRÉT
SVEINBJÖRNSDÓTTIR slóst í hópinn þegar aðstand-
endur sýningarinnar gengu um sali Listasafnsins og
kynntu verk :in fjölmiðlafólki.
ASÝNINGUNNI gefur að
líta úrval verka úr sam-
tímalistasafninu í Ósló,
Museet for Samtidskunst,
sem var stofnað árið 1986
og opnað almenningi 1990,
og nær úrvalið til verka úr
eigu safnsins frá síðustu
tveimur áratugum. Verkin á sýninguna, sem
eru alls rúmlega 60 talsins eftir 38 listamenn,
voru valin í samráði Listasafns Islands og
Museet for samtidskunst með það fyrir aug-
um að gefa sem breiðasta yfirlitsmynd af
straumum og stefnum í myndlist samtímans.
Um val verkanna sáu safnverðirnir Audun
Eckhoff frá Museet for samtidskunst og
Ólafur Gíslason á Listasafni íslands.
Aðspurður um hvemig verkin hafi verið
valin saman segir Audun Eckhoff að eðlilega
hafí valið takmarkast af listaverkaeign hins
unga safns. Annars hafi fjölbreytnin og
breiddin verið í fyrirrúmi og þó að norskir
listamenn eigi þar hlutfailslega flest verk, þá
eigi það sér eðlilega skýringu vegna uppruna
safnsins og feli ekki í sér neina tilraun til að
túika einhverja norska afstöðu. I grein sem
hann ritar í sýningarskrá segir hann enn-
fremur að við valið hafí verið lögð áhersla á
þau umskipti sem urðu í myndlistinni á ní-
unda áratugnum fram til dagsins í dag en að
því frátöldu byggist valið ekki á neinni sér-
stakri afmörkun viðfangsefnis varðandi form
eða landfræðilegan uppruna. Verkin hafi
verið valin með það fyrir augum að gefa sem
víðtækasta mynd af þeim fjölbreytiieika sem
einkennir samtímalistina í alþjóðlegu sam-
hengi út frá þeim tiltölulega takmörkuðu
listaverkakaupum sem safnið hefur haft efni
á, einkum á erlendri list, á þeim stutta tíma
sem liðinn er frá stofnun þess.
Rýmisverk, innsetningar, l|ós-
myndir, myndbönd eg málverk
A sýningunni eru verk eftir fjölda heims-
þekktra listamanna og veitir hún jafnframt
gott yfírlit yfir þann mikla fjölbreytileika
sem einkennt hefur skapandi list síðustu ára-
tuga beggja vegna Atlantshafsins. Rýmis-
verk og innsetningar eru áberandi á sýning-
unni, sem og ljósmyndir og myndbönd, en
einnig er þar að fínna málverk, sem sverja
sig í ætt við handverkshefðina, en bregða
jafnframt nýrri sýn á málverkið sem listmið-
il, að því er fram kemur í kynningu frá Lista-
safni Islands.
Meðal kunnra listamanna sem eiga verk á
sýningunni eru nokkrir forvígismenn arte
povera hreyfingarinnar á Ítalíu, þeir Jannis
Kounnelis, Michelangelo Pistoletto og Pier-
Paolo Calzolari, sem allir sýna rýmisverk.
Einnig má nefna franska listarnanninn
Christian Boltanski, Pólverjann Miroslaw
Balka, rússnesku listakonuna Mariu Serebri-
akowu og Norðmanninn Ulf Rollof, sem
einnig sýna innsetningar eða rýmisverk með
tilvistarlegu inntaki. Ljósmyndir skipa stór-
an sess en meðal.ljósmyndaranna sem eiga
verk á sýningunni eru Bandaríkjamennimir
Anders Serrano, Nan Goldin og Cindy
Sherman, þýsku hjónin Bernhard og Anna
UNKNOWN German II, 1996-1998, eftir Anne Karin Furunes frá Noregi. „Furunes nýtir Ijós-
myndatæknina um leið og hún birtir okkur myndefnið með því að gata léreftið. Myndefnið
týnir formi sínu og útlínum þegar komið er nær myndinni en verður um leið eins og viðleitni
til að varðveita minningu, sem hætta er á að glatist. í rýminu milli lérefts og bakveggjar, sem
sést í gegnum götin, myndast sjónrænn kraftur sem magnar örlitlar hreyfingar okkar sjálfra
þegar við gaumgæfum myndirnar. Með sáraeinfaldri tækni skapar Furunes hverfult mynd-
form sem snýst jafnframt um það saknaðarfulla eða hverfula í myndefninu," segir Audun
Eckhoff um verk hennar.
J
8 LESBÓK MORGUNBLAÐSINS ~ MENNING/LISTIR 7. NÓVEMBER 1998