Lesbók Morgunblaðsins - 22.02.1992, Blaðsíða 7
Ragna Róbertsdóttir við uppsetningu verka sinna í Bern.
Kristinn G. Harðarson.
bertsdóttir, sem var til húsa í Kunstmuseum
Bern. — Gizkar undirritaður á, að ekki þurfi
hann að fjölyrða um sjálf listaverkin, svo vei
hljóta þau að vera landanum kunn frá sýning-
um í Reykjavík á síðustu misserum.
Hámarki náðu sýningarveizluhöld þessi
með sýningu Rögnu Róbertsdóttur í Kunst-
museum í Bern. Bern, sem vel gæti heitið
Beruborg á íslenzku vegna þess að orðsifja-
lega er nafnið komið af björnum, er reyndar
höfuðborg Sviss. Listasafn borgarinnar,
Kunstmuseum Bern, er viðfrægt, og þá eink-
um fyrir að hýsa eitt umfangsmesta safn
verka eftir Paul Klee. í vörzlu safnsins er og
lífsverk Adolfs Wölfli, sem er frægasta dæmi
heims um listsköpun innan veggja geðveikra-
hælis. Elztu verk safnsins eru ítölsk málverk
frá ijórtándu öld. Frá 15. til 19. aldar er
samsafn svonefndra Bernarmálverka. Þá eru
dæmi frá þýzkri og franskri nítjándu aldar
myndlist: Spitzweg, Böcklin — Delacroix,
Courbet, Cézanne, van Gogh, Renoir, Toulo-
use-Lautrec, o.s.frv. Tuttugustu öldinni eru
gerð skil með sýnishornum frá kúbisma, súr-
realisma og konstrúktífri myndlist. Sam-
tíminn er byggður upp á nöfnum eins og
Tinguely, Luginbuhl, Eggenschwiler, Roth,
Raetz, Vautier, Gertsch, Judd, Serra. Sérstak-
lega er Dieter Roth gert hátt undir höfði í
safninu; hann gegnir hálfgerðu Kjarvalshlut-
verki þarna í Sviss.
Verk Rögnu, fjórir skúlptúrar, voru í þrem-
ur samliggjandi sölum, efniviðurinn torf og
grjót frá Islandi. Bera Nordal, forstöðukona
Listasafns íslands, sem var á vinnuferðalagi
um Evrópu í desember síðastliðnum, hélt
röggsama tölu við opnunina og útskýrði fyrir
svissneskum meinta sérstöðu íslendinga í
heiminum. Fleiri íslenzkir aðilar fyrir utan
Listasafnið, studdu við bakið á listafólkinu
með fyrirgreiðslum, Menntamálaráðuneytið,
Eimskip og Flugleiðaskrifstofan í Zurich; var
hér um að ræða góða auglýsingu fyrir til-
nefnda aðila. — Samdægurs opnuninni í Bern
birtust greinar um viðkomandi sýningar, þar
sem skilmerkilega var greint frá fyrirtækinu
í heild sinni, jafnframt því sem framlögum
einstakra þátttakenda var sérstaklega lýst.
Byggðust þessar umsagnir að verulegu leyti
á upplýsingum úr viðkomandi sýningarskrám.
Greinarhöfundar forðuðust allir hástemmda
lofið, því það er ekki í tízku lengur að rita
hástemmt lof í sambandi við myndlist — það
gera aðeins leikmenn, sem eru að reyna að
koma ættingjum á framfæri. Leiðarljós þess-
ara greina var að beina athygli fólks að sýn-
ingunum sjálfum, og voru þær blessunarlega
lausar við þá fábjánalegu tóna sem oft vilja
einkenna greinar um íslenzk málefni í erlend-
um blöðum, s.s. röfl um eldfjallavirkni, hvera-
gos, víkinga, brennivín og þorsk. Bar umfjöll-
unin yfírleitt þess merki, að íslenzka myndlist-
in, sem þarna var á ferð um Sviss, var for-
gjafarlaust tekin alvarlega.
Sýningarskrárnar voru gefnar saman út í
öskju. Hver um sig, listamaður eða listakona,
fékk eigin sýningarskrá, þar sem fagmaður
frá viðkomandi safni skrifaði um þau kynn-
ingu. Saman mynda þessar skrár e.k. kata-
Ióg. Og fyrir þá, sem áhuga hafa á, að sjá
hvernig listafólkinu voru gerð skil í svissnesk-
um sýningarskrám, má benda á bókasafnið
í listasafninu við Tjörnina, sem örugglega
hlýtur að búa yfir sýnishornum til skoðunar
og fróðleiks.
Þarna er það sem sagt, þess virði að slá
upp frétt um íslenzkar sýningar í útlöndum.
Höfundur býr í Þýzkalandi.
ANNA S. BJÖRNSDÓTTIR
Tilhneiging
Þú í þínum öngstrætum
ég á mínum krossgötum.
Loks hittumst við
og fórum yfir
á rauðu ljósi
hjá hvoi-t öðru.
Enn er hætta á
að við hittumst aftur
því vegir Guðs
eru órannsakanlegir
og hjörtu okkar gjörn á
að finna
hvort annað.
Mynd
Strýk feimnislega
marblettinn á öxlinni.
I speglinum er hann
fahegur
eins og bláberi
hafi verið roðið
á öxl mína.
Finnst ég vera með
orðu á öxlinni
líkt og ég hafi
drýgt einhverja dáð.
Strýk blátt blómið
einu sinni enn
og horfi í
skær augu sjálfrar mín
í speglinum.
Höfundur er kennari og hefur gefið út tvær
Ijóðabækur.
JÓN BERGMANN
KJARTANSSON
Vináttan
á einu dreymandi augnabliki
varð vináttan tvöföld
mannlegar snertingar
og armbandsúrin féllu á gólfið
tónlistin synti á milli eyrnanna
og tingumir stjómuðu Iweyfíngunum
á ógleymanlegri stundu
tók ímyndunaraflið við ferðinni
sem setti óendanleikann í eldspítu-
stokk
og kveikti í
vináttan starði í hjarta logans
og sá
konu við mann
mann við konu
barn við barn
Höfundur er í myndlistarnámi i Hollandi.
Ljóðin eru úr nýrri Ijóðabók hans, sem
heitir Neistar frá Niðurlöndum.
ÞÓRDÍS GUÐJÓNSDÓTTIR
Tilbrigði
um líf
Þú varst
blærinn
skógurinn
vorið.
Á ísblárri auðn
stígur Næðingur dans
við Nepju
hlustar nakið tré
á vængþýðan hljóm
vornæturregns
milli skjálfandi greina
skyggnist gömul nútíð
í storkandi þögn
og Nístingur hlær.
Höfundur starfar við Orðabók Háskólans.
LESBÓK MORGUNBLAÐSINS 22. FEBRÚAR 1992 7