Lesbók Morgunblaðsins - 31.08.1991, Blaðsíða 11
LESBÓK MORGUNBLAÐSIN.S 31.ÁGÚST1991
1 ' . ■
TERRANO OG
PATHFINDER
- FÓLKSBÍLL OG JEPPI
v/...........:■ •■' .■■■■''■
- a : •s-r-
Ýw fw&fti * -V* ’>
■
Jeppamir frá Nissan, Patrol og
síðan Terrano eða Pathfinder
eins og hann er líka nefndur
hafa sótt í sig veðrið á íslensk-
um bílamarkaði og eru þeir
nú fáanlegir í talsvert mörg-
um útfærslum nema hvað
Patrol er ennþá aðeins fáan-
legur með dísilvél. Ingvar Helgason hf. er
innflytjandi Nissan bíla og í dag verður
Terrano jeppinn skoðaður. Skýringin á
tveimur nöfnum er sú að í Bandaríkjunum
er hann kallaður Pathfinder en í Evrópu og
á öðrum mörkuðum er Terrano nafnið not-
að. Nokkur munur er á þessum gerðum,
ekki mikill að vísu, og hafa þær báðar ver-
ið fáanlegar hérlendis. Þessir jeppar kosta
á bilinu 2,2 til 2,6 milljónir króna.
Nissan Terrano er lögulegur jeppi og ekk-
ert nýtískulegt eða frumlegt við hann. Útlín-
urnar eru svona mitt á milli þess að vera
ávalar og kantaðar og einhvern veginn
finnst manni að hann sé mjög eðlilegur út-
lits og hann eigi ekkert að vera öðruvísi.
Framstuðarinn er nokkuð voldugur en lukt-
ir fínlegar bæði að framan og aftan. Hann
verður ennþá verklegri þegar grind er kom-
in framan við vatnskassahlífina en hins
vegar eru sílsarörin sem fáanleg eru ekki
til prýði.
Nú fjögurra hurða
Að innan er búnaður og öll aðstaða með
þægilegra móti. Á það við um sætin sem
og útsýni og aðbúnað farþega og öku-
manns. Sætin eru stíf og góð og framsætin
stillanleg á alla kanta. Rýmið er gott til
fóta og höfuðrými einnig nægilegt í aftur-
sætum.
Það sem eykur vinsældir Terrano eða
Pathfinder frá og með síðustu árgerð að
nú er hann fáanlegur fjögurra hurða sem
ekki var áður. Um leið eru aftari hliðar-
gluggarnir orðnir eðlilegir, þ.e. einn í hurð-
inni og annar við farangursrýmið en ekki
lítill fremri hliðargluggi og stór sá aftari.
Svipur bílsins breytist að mínu mati til batn-
aðar við þetta en hér er vissulega um
smekksatriði að ræða.
Afturhurðin er heill hleri sem opnast upp
en hægt er einnig að opna aðeins gluggann
upp á við og er það til mikilla þæginda.
Mikill búnaður
Terrano er fáanlegur með tvenns konar
bensínvél: þriggja lítra, sex strokka og 153
hestafla véi eða 2,4 lítra, fjögurra strokka
vél sem skilar 114 hestöflum og eru þær
með beinni innsprautun, sú stærri með
tölvustýringu. Dísilvélin er 2,7 lítrar, fjög-
urra strokka og 94 hestafla túrbóvél.
Sex strokka Terrano er með sjálfskipt-
ingu og yfirgír eða með 5 gíra handskipt-
ingu. Af öðrum búnaði má nefna aflstýri,
samlæsingu á hurðum, rafdrifnar rúðuvind-
ur, sóllúgu og dýrari gerðirnar eru einnig
búnar hraðastillingu og ameríkugerðin einn-
ig loftkælingu.
Sama vél er í Pathfinder og Terrano en
eigi að síður kemur fram munur á vinnslu.
Hefur Terrano þar heldur betur en ameríku-
gerðin og mun mengunarbúnaður þar ráða
nokkru. Þessi munur er hins vegar ekki
umtalsverður og hreint ekki ástæða til að
láta hann ráða vali. Handskiptur Terrano
er þó greinilega snarpari og liprari bíll en
sjálfskiptur Pathfinder. Annar munur sem
fram kemur á þessum gerðum er að evrópu-
útgáfan leggur mun betur á en ameríkuút-
gáfan.
Fjöðrunin eru gormar að aftan en sneril-
fjöðrun að framan og er hægt að ráða því
hvort hún er stíf eða mjúk. Almennt má
segja um fjöðrunina að hún hæfir bílnum
vel og þótt ekki væri ekið með mikla hleðslu
fannst að bíllinn er rásfastur og liggur vel
á malarvegi.
Þarf að venjast
Við fyrstu kynni er ljóst að það tekur
nokkra stund að venjast bílnum. Fyrst var
sjálfskipta Pathfinder-gerðin prófuð. Eftir
nokkrar ferðir í bæjarsnatti var komin nokk-
uð góð tilfinning fyrir bílnum og víst er
hann þægilegur í borgarskakinu. Ekki er
hægt að hrósa útsýni um afturglugga en
góðir útispeglar bjarga því sem á vantar
en þetta er eitt atriði sem venjast verður
til dæmis þegar menn eru að leggja og
hagræða bílnum við þröngar aðstæður.
Vinnslan er ágæt í sjálfskipta bílnum og
enn betri er hún í þeim handskipta. Og
skiptingin er þar sériega skemmtileg.
Gírstöngin er há og góð og liggur í mjög
þægilegri seilingaríjarlægð frá ökumann-
sæti. Auðratað er milli gíra og þar er ekk-
ert svigrúm og enginn losarabragur. Stöng-
in rennur í sinn gír og situr þar óhögguð
þar til hreyfa þarf við henni næst. Stýrið
er einnig nákvæmt en það mætti næstum
vera örlítið léttara.
Tölur um eyðslu liggja ekki fyrir frá fram-
leiðanda en Terrano eigendur hér segja
hana í blönduðum akstri vera liðlega 14 lítra
á hundraðið.
Pathfinder er ákjósanlegur ferðabíll.
Morgunblaðið/JúKus
Nissan Pathfinder á stórum hjólbörðum og með spili og grind að framan - tilbúinn
í næstum hvaða ferðalag sem er.
Verðið
Nissan Pathfinder/Terrano er að öllu
samanlögðu áhugaverður bíll. Þegar öku-
maður hefur tekið sér dálítinn tíma til að
venjast honum er hann lipur og röskur. Fjöl-
breyttur búnaður hans ætti að svara kröfum
flestra sem vilja ferðast áhyggjulaust um
allt vegakerfi landsins og eru reiðubúnir að
mæta bensíneyðslu yfir meðallagi í borga-
rumferð. Dýrasta gerðin af Pathfinder kost-
ar kr. 2.622.000 staðgreidd en beinskiptan
Terrano með minni vélinni má fá á um tvær
milljónir. Með stærri vélinni kostar hann
rúmar 2,4 milljónir króna.
jt
Sætin fá góða einkunn og höfuðrými ágætt sem og fótapláss.
Hægt er að leggja fram hluta aftursætis til að drýgja farangurs-
rýmið.
Afturrúðuna má opna eina og sér upp á gátt en hler-
inn opnast annars allur upp á við.
Nokkuð hátt er undir Pathfinder og tiltölulega slétt.
Lægst er undir hann við aftari drifkúluna.