Lesbók Morgunblaðsins - 03.10.1965, Blaðsíða 7

----------- SÍMAVIÐTALID ______
Einn Laugarnesskóli árlega
— 20628.
— Góðan dag, þetta er hjá
Lesbók Morgunblaðsins. Tala
ég við Birgi ísl. Gunnarsson?
— Já.
— Nú líður senn að lokum
þessa kjörtímabils ykkar borg-
arfulltrúanna, aðeins átta mán-
uðir til borgarstjórnakosninga.
Er sú staðreynd ekki farin að
setja svipmót á borgarstjórn-
arfundi?
— Því verður ekki neitað, að
þetta er farið að hafa áhrif á
málflutning andstæðinga borg-
arstjórnarmeirihlutans. Þeir
eru farnir að taka fram „stóru
orðin“, eins og sagt er, og flytja
tillögur í kosningastíl, sem blöð
in taka síðan upp í feitletraðar
írásagnir. Kosningaskjálfti er
sem sagt að byrja að gera vart
við sig, og búast má við auk-
inni hörku í málflutningi. Ann-
ars má segja, að allt kjörtíma-
bilið verði ávallt annað veifið
harðar umræður í borgarstjórn,
þannig að fólk gæti haldið, að
samstarf hinna ýmsu flokka í
borgarstjórn væri heldur bág-
borið. í rauninni er þó samstarf
ið ágætt, til dæmis í borgarráði,
þar sem flest mál eru flutt
ágreiningslaust. Það er ekki
fyrr en þið blaðamennirnir
komið á vettvang á borgar-
st jórnarfundum, að fulltrúar
setja sig í stellingar og halda
þrumuræður fyrir ykkur!
— Hver eru helztu málin,
sem unnið hefur verið að á
þessu kjörtímabili?
— Fyrir síðustu borgarstjórn
arkosningar (1982) bar þrjú
mál hæst: gatnagerð, hitaveitu-
framkvæmdir og aðalskipulag
borgarinnar. Aætlanir um
meiri átök en áður höfðu
þekkzt í þessum efnum voru
gerðar í öllum þremur mála-
flokkunum. Þannig var gerð
áætlun um að ljúka malbikun
og gangstéttagerð á öllum göt-
um gatnakerfisins á næstu tíu
árum (1963 til 1972). Ennfrem-
ur var ákveðið að leggja hita-
veitu í öll skipulögð hverfi
borgarinnar á fjórum árum og
að ljúka við aðalskipulag
Reykjavíkur.
— Hvernig hafa svo þessar
áætlanir staðizt?
— Við þær hefur staðið
í öllum aðalatriðum. Gatnagerð
hefur miðað áfram hraðari
skrefum en nokkurn tíma áð-
ur í sögu borgarinnar. Þá hefur
hitaveituframkvæmdum miðað
mjög vel áfram. Síðasta hverfið,
sem hitaveituáætlunin gerði ráð
fyrir að fengi heitt vatn, er Smá
íbúðahverfið. Verið er nú að
vinna að hitalögn þar og undir-
búningi. Aðalskipulag borgar-
innar var samþykkt nú í sumar
eftir mjög umfangsmikla undir
búningsvinnu sérfræðinga, inn-
lendra sem erlendra, og borgar-
fulltrúa. Niðurstöður þessarar
undirbúningsvinnu munu koma
út í sérstakri bók, sem verið
er að prenta, og kemur væntan-
lega út í lok þessa árs.
— Hvað um aðrar fram-
kvæmdir borgarinnar?
— Þær eru svo mikiar og
margvíslegar, að of langt mál
yrði að telja þær allar upp hér.
Nefna má þrjár stórbyggingar,
sem nú eru á lokastigi, þ.e.
íþrótta- og sýningahúsið í Laug
ardal, sem stórbæta mun alla
aðstöðu til innanhússíþrótta í
borginni, sundlaugina í Laugar-
dal og Borgarsjúkrahúsið. Þá
eru skólabyggingar alltaf stór
liður í framkvæmdum borgar-
innar á hverju ári, en á und-
anförnum fimm árum hefur
verið byggt skólahúsnæði í
Reykjavík, sem svarar til þess,
að á hverju ári hafi verið reist-
ur skóli á stærð við Laugarnes-
skóla, en þar eru um tuttugu
kennslustofur.
— Hvað viljið þér segja um
framkvæmdir í byggingum
barnaheimila?
— Barnaheimili á vegum
borgarinnar eru þrenns konar:
Dagheimili, þar sem börnin
dveljast daglangt, leikskólar,
þar sem þau dveljast hálfan
daginn, og vistheimili, þar sem
börnin búa að staðaldri. Borgin
hefur nána samvinnu við
Barnavinafélagið Sumargjöf
um rekstur dagheimila og leik-
skóla. Borgin byggir heimilin,
en Sumargjöf tekur að sér
reksturinn, og borgarsjóður
veitir styrki, sem greiða rekstr-
arhallann á ári hverju. Nýjustu
heimilin eru dagheimilið
Hamraborg við Grænuhlíð og
vistheimilið Skáli við Kapla-
skjólsveg. í byggingu eru dag-
heimili við Dalbraut og vist-
heimili við Dalbraut. Nú er ver
ið að bjóða út byggingu
tveggja leikskóla. Á síðastliðnu
vori fór fram samkeppni meðal
arkitekta um nýjar gerðir dag-
heimila og leikskóla. Er nú
verið að ákveða, hvar reisa
skuli fyrstu húsin, sem byggð
verða eftir verðlaunateikning
unum.

NÝJAR hljómplötur komu
fyrir nokkru í Fálkann, og
þangað koma reyndar nýjar
plötur í viku hverri. Þarna
var tveggja laga plata sung-
in af amerísku þjóðlagasöng
konunni Joan Baez, lögin
„It’s all over now, baby
blue“ og „Daddy you been
on my mind“. Bæði eru lög-
in eftir Bob Dylan- og bæði
góð. Joan gerir þeim frábær
skil. Fjögurra laga plata
sungin af Joan Baez kom
einnig í Fálkann. Þar eru
lögin „Silver Dagger“, „East
Virginia“, „Plaisir d’amiour“
og „House of the rising
Sun“. Þetta er sérstaklega
góð plata, enda er Joan Baez
afburða söngkona. Þá komu
nokkrar plötur með enskum
hljómsveitum og söngvurum.
Ber þar fyrst að nefna Brian
Poole & the Tremolas, sem
hér voru fyrir nokkru. Þeir
eru með lögin „Love me,
baby“ og „I want candy“.
Þetta er ágæt plata og leik-
ur hljómsveitarinnar til fyr-
irmyndar. Síðan koma „The
Zombies“, sem eru ekki al-
veg eins góðir með lögin
„I love you“ og „Whenever
you’re ready“ og þá reka
„The Walker Brothers“ lest-
ina með metsölulagi sínu
,,Make it easy on yourself“
og „But I do“. Það var sagt,
að Walker Brothers stældu
hina bandarísku „Righteous
Brothers“ og það er svo sem
ekki leiðum að líkjast, en
Walker Brothers eru reynd-
ar einum fleiri, þeir eru þrír,
og syngja ekki af alveg eins
mikilli „innlifun“. Þetta er
samt ágæt plata og fyrra lag
ið með því sbásta, sem
heyrzt hefur af þessu tagi í
langan tíma.
Auðvitað kom mikið
meira af litlum plötum í
Fálkann um leið og framan-
taldar, en þeim verða ekki
gerð skil hér að þessu sinni.
Á það má samt minnast, að
úrval LP platna hefur mjög
aukizt í Fálkanum, þar er að
finna nýjar, frábærar jazz-
plötur, sem eru nýkomnar á
markaðinn í Ameríku.
essg.
Svcrv flf Gests sk :rifar ssm: hhh *•
M Ý J A D P L ö T l I &
ÍW m ■ i w H. r m flj1%
HAGALAGÐAR
Auragirnd og lygi
Fyrir utan Vog lét Magnús sýslu-
maður Ketilsson Fellsstrendinga gera
brúarspotta yfir svokallaða Sporholls
mýri. Hlýddu bændur því nauðugir,
en mögluðu mjög, og orti sr. Jón
Þorláksson um brúargerð þessa:
Upp á þessa byggðu brú
bið ég enginn stigi,
utan „barasta" „en og nú“,
auragirnd og lygi.
„Barasta“ var orðtak Magnúsar
sýslumanns, og mörgum þótti hann
fégjarn. Þorsteinn Guðmundsson í
Arnarbæli þótti ýkinn mjög og hafði
„en og nú“ að orðtaki. Sagt var, að
hann hefði hvatt sýslumann til að
fyrirskipa brúargerðina. Þótti sr.
Jón sveigja að þeim sýslumanni í
vísunni. — Enn sér votta fyrir mann-
virki þessu í mýrarsundinu, en sokk-
ið er það, þar sem sundið er blautast.
(Árbók Ferðafél. 1947)
Afná.m helgidaga
Með tilskipun 26. okt. 1770 voru
afteknir þessir helgidagar í konungs-
ins rikjum og löndum: Hinn 3. í jól-
um, páskum og hvítasunnu, þrettándi
jóla, kyndilmessa og Jóns messa skir-
ara, vitjunardagur Maríu, Mikjáls-
messa og allraheilagra messa. Allra
heilagra messutextann skyldi þó
þýða og bænina fyrir siðaskiptin lesa
sunnudaginn eftir 1. nóv. Boðunardag
ur Maríu var fluttur á 5. sunnudag í
föstu.
(Isl. kirkjuréttur).
Var frúin ireð í rá'ðum?
Áður var steinbogi yfir ána en
hann var brotinn 1602. Þá var hall-
æri mikið og hungursneyð og föru-
mannastraumur mikill að Skálholti.
Þá var þar biskup Oddur Einarsson.
Er talið, að staðarbrytinn hafi staðið
fyrir þessu verki með vitund, ef ei
með ráði biskupsfrúarinnar, Helgu
Jónsdóttur. Átti með þessum hætti
að minnka förumannastrauminn að
Skálholti. Líkaði Oddi biskupi stór-
illa er hann frétti þetta tiltæki, og
ávítaði brytann mjög og kvað að
hvorki sér né honum mundi happ af
standa. . . . Skömmu síðar drukknaði
þessi bryti í Brúará, en bending nokk
ur þótti á yngri börnum bisltups:
Eiríkur hafði mikinn vitsmunabrest,
Margrét var kvenna fríðust öðrum
megin í andliti. Var önnur kinn henn-
ar fagurrjóð og blóimleg, en hin hvít
og visin.
(Árbók Ferðafélagsins 1961)
31. tbl. 1965
LESBÓK MORGUNBLAÐSINS 7