Eimreiðin - 01.01.1900, Side 64

64
Skamt til austurs frá Skólavörðunni er lítill kofi, sem Danir bygðu
þar einhverju sinni fyrir skömmu, til að mæla út hnattstöðu Reykja-
víkur; því engum hér hafði dottið það í hug, svo menn vissu
eiginlega aldrei nákvæmlega hvar þeir voru á hnettinum; annað
mælingarhús bygðu Frakkar þar rétt hjá, og rifu aftur. — Lengra
út í holtinu er ramgert grjóthús, lágt og lítið; þar er sagt að sé
geymt sprengiefni og púður — eða kannske dýnamít — hefur lík-
lega átt að vera til að sprengja grjót, en eigi vitum vér til að
það sé notað, því nú er altítt að kljúfa grjót með meitlum og
sleggjum, en sprengja ekki með púðri. fetta lærðist mönnum
hér þegar alþingishúsið var bygt (1881).
Ollumegin við Skólavörðuna eru eintóm holt og urðir, sem
þó nú er verið að yrkja og rækta. í suður sést »Félagsgarður-
inn«, sem svo er kallaður, af því eitthvert »félag« græddi þar út
allmikið tún fyrir nokkrum árum; þar býr Oddur, sem frægur er
fyrir nautadráp, og þaðan var stolið miklu hangikjöti í fyrravetur,
en ekkert komst upp um það þrekvirki, enda er þess konar ekki nefnt
í blöðum vorum, svo þjófarnir þurfa ekki að óttast blaðamennina,
en geta skoðað þá sem vini sína, ef þeim sýnist svo. I'ar nálægt
er Grænaborg; þar átti ég einu sinni að mæla fyrir bæjarstjórn-
ina, en þegar sást til mín frá »borginni«, þá kom einhver kerling
staulandi og með áköfum óhljóðum — hefur víst hugsað að nú
væri bæjarstjórnin að láta gera einhvern galdurinn —; en ég var
búinn að öllu þeim megin áður en hún kom, og svo flaug ég yfir
á annað horn garðsins, svo hún náði mér ekki.
AUSTURBÆRINN. Ef vér nú snúum oss meira til austurs,
þá er steinhús á Öskjuhlíðarveginum, sem Magnús Benjamínsson1
úrsmiður lét byggja og gerði stóra og væna garða í kringum stórt
1 l’að er óumflýjanlega nauðsynlegt að nefna húseigendurna, eða þá sem í htís-
unum búa, því annars er ekkert að miða við og ekkert varið í lýsinguna. Far að
auki eru húsin hér ætíð eða oftast kend við eigandann. Eftirkomendurnir geta þá
séð, hverjir hafi verið hér og bygt Reykjavík, því það eru einmitt þessir menn, sem
byggja og fegra bæinn, og er þeim enginn vanheiður, þótt þeir séu nefndir. í*etta
hefur og verið gert á öllum þeim uppdráttum, sem gerðir haía verið af Reykjavík,
þegar hún hefur verið mæld. Ef segja má, að »hjúin geri garðinn frægamc, þá má
eins segja, að huseigendurnir geri bæinn frægan, eða réttara sagt: þeir byggja bæinn.
Um þetta stendur aldrei neitt í blöðunum hér, og ekki um neinar húsabyggingar né
húsasölu, eins og stendur í blöðum erlendis. tví hefur verið barið við, að sveita-
menn vilji ekki hafa það, en vér getum ekki farið eftir því.