Morgunblaðið - 18.10.1986, Blaðsíða 15

i
MORGUNBLAÐIÐ, LAUGARDAGUR 18. OKTÓBER 1986
15
K-lykillinn:
f Til hjálpar geð-
sjúkum unglingum
Avarp Ragnhildar
Helgadóttur, heil-
brigðisráðherra
HER fer á eftir ávarp Ragn-
hildar Helgadóttur heilbrigðis-
ráðherra í tilefni K-dagsins,
fjáröflunardags Kiwanismanna
en þeir ganga í hús um land allt
í dag til þess að afla fjár til hjálp-
ar geðsjúkum ungrlingum;
Hinn 18. október er K-dagurinn
svonefndi, fjáröflunardagur Kiwan-
ismanna. Þá sýna þeir enn á ný f
verki stórhug sinn og velvilja í fjár-
öflun undir kjörorðinu: Gleymum
ekki geðsjúkum.
Að þessu sinni rennur söfnunar-
féð allt til unglingageðdeildar.
Um síðustu áramót var notuð
heimild í fjárlögum til kaupa á hús-
næði fyrir slfka deild og makaskipta
á eignum í því sambandi.
Reykjavíkurborg mun rýma hús-
næðið á næstunni, og gert er ráð
fyrir, að starfsemin hefjist á þessu
ári, a.m.k. verði göngudeild opnuð,
en jegudeild á árinu 1987.
Á unglingageðdeild er fyrirhuguð
sú sérhæfða þjónusta, er geðsjúkir
unglingar þurfa á að halda. Þennan
hlekk hefur til þessa vantað í geð-
heilbrigðisþjónustu landsins. Þarf
þó ekki að skýra f löngu máli, að
slík þjónusta á unglingsaldri getur
forðað mörgum frá enn alvarlegri
geðtruflunum sfðar. Menn tala að
vonum mjög um hættuna af vfmu-
efnum. Stundum eru það geðkvillar,
sem leiða unglinga út f slfka neyzlu,
en oft leiðir neyzlan til varanlegrar
geðtruflunar. Er því ljóst að með
bættri geðheilbrigðisþjónustu við
unglinga er ráðist að rótum vímu-
efnavandamála margra.
Ráðgjöf fyrir foreldra um geð-
heilsu unglinga skiptir miklu í þessu
sambandi, og er æskilegt, að
göngudeild unglingageðdeildar sjái
fyrir slíkri ráðgjöf.
Fyrr á þessu ári öfluðu Kiwanis-
menn flár til að kaupa eldvamabún-
að fyrir Kópavogshæli. Þegar
gengið var um hælið eftir að þeir
afhentu gjöfína og af samtölum við
Ragnhildur Helgadóttir
marga vistmenn og starfsmenn
skildist mér enn betur en áður, hve
mikils virði það er fyrir vistmenn á
slfkum stofnunum að fínna hlýhug
utan úr þjóðfélaginu eins og í þetta
sinn frá Kiwanis-hreyfíngunni.
Kiwanismönnum eru færðar
dýpstu þakkir fyrir að efna nú enn
á ný til fjársöfnunar vegna geð-
sjúkra. Og þeir skulu vita að það
er ekki einungis fjármagnið sem
máli skiptir í þessu sambandi. Eðli
þessa félagsskapar hefur í för með
sér að tekist hefur með starfí hans
að auka skilning og bæta viðhorf í
garð hinna geðsjúku. Þegar menn
sem gegna margvíslegum störfum
í þjóðfélaginu, makar þeirra og §öl-
skyldur, leggjast á eitt til að styðja
við bak geðsjúkra, dregur stórlega
úr fordómum, sem voru löngum hið
mesta böl, en heyra vonandi bráðum
sögunni til. Fyrir þetta sé ég sér-
staka ástæðu til að þakka um leið
og ég hlýt að hvetja landsmenn til
öflugrar þátttöku í fjársöfnuninni
með því að kaupa K-lyklana af Kiw-
anismönnum á laugardag.
SJÁLFSTÆÐISMENN
Kosningaskrifstofan er opin á jarðhæð
Húss verslunarinnar, gengið inn Miklu-
brautarmegin. Lítið inn. Skrifstofan er
opin frá kl. 9—22 og símar eru 681841
og 681845. Bílasímar á prófkjörsdaginn
681841 og 681845.
Veljum
Guðmund H.
Garðarsson
í þriðja sæti
Hann
er
maðurinn
með
reynsluna
og þekkinguna
úr
atvinnulífinu
Stuðningsmenn