Morgunblaðið - 16.05.1976, Blaðsíða 2

2
MORGUNBLAÐIÐ, SUNNUDAGUR 16. MAÍ 1976
Á efri myndinni sést nýi Herjólfur renna af stokk-
unum seint að kvöldi 11. maí s.l. í Noregi, en á neðri
myndinni eru: Ivar Kamsvág stjórnarformaður skipa-
smíðastöðvarinnar Sterkoder, Guðlaugur Gíslason al-
þingismaður, Sigurlaug Jónsdóttir, Sigurgeir Krist-
jánsson bæjarfulltrúi í Eyjum og Arnfinn Kamsvág.
Fjölskyldudagur
á Granda í dag
FJÖLSKYLDUDAGUR
kvennadeildar SVFÍ og björg-
unarsveitarinnar Ingólfs er 1
dag á Grandagarði f Revkjavfk.
Hefst hann með kaffisölu f húsi
Slysavarnafélagsins og björg-
unartækjasýningu í Gróubúð
klukkan 14 og klukkan 15,30
hefst fjölbreytt sýning við
Gróubúð og úti á Eiðsvíkinni
útaf búðinni.
Eins og fram kom í blaðinu í
gær, verður þar m.a. sýning á
björgun manna úr sjávarháska,
froskmenn sýna meðferð
gúmmíbjörgunarbáta, sportbát-
ar sigla um víkina, marglitum
blysum verður skotið á loft,
nýja þyrlan TF-GRÓ verður
sýnd almenningi í fyrsta skipti
og börn verða dregin í björgun-
arstól. Aðgangur er ókeypis, en
félaga úr SVFÍ munu selja
miða i landshappdrætti sínu.
Þar eru vinningar 12, þar af ein
bifreið og 4 utanlandsferðir.
Myndin er af félögum i Ing-
ólfi i bátnum, sem deildin á.
Nýi Herjólfur
af stokkunum
Afhentur til Eyja 24. júní
Sunna stofnar leik-
skóla og daggæzlu
á Spánarströndum
NÝJA farþega og flutningaskipiö fyrir Eyjamenn,
Hcrjólfur, hljóp af stokkunum í Kristjánssundi 11. maí
s.l., en skipið verdur afhent Vestmannaeyingum 24. júnf
n.k. Skipið hlaut nafnið HERJÓLFUR, en það er 1000
tonn að stærð, 60 metra langt og hefur 2400 hestafla vél.
Er reiknaö með að siglingatími þess í daglegum ferðum
milli Þorlákshafnar og Eyja verði um 2'A tími.
Sigurlaug Jónsdóttir, eiginkona Guólaugs Gíslasonar
alþingismanns, gaf skipinu nafn eftir að hafa óskað því
heilla og hamingju.
Framkvæmdir við Hitaveitu
Suðurnesja í fullum gangi
Frá færeyska Sjó-
mannaheimilinu
FORSTOÐUMAÐUR Færevska
sjómannaheimilisins við Skúla-
götu sagði hlaðinu f ga‘r, að í dag,
sunnudag kl. 5 síðd., vrði sfðasta
kristilega samkoman að þessu
sinni — og mvndi Frank M.
Halldórsson prestur f Nessókn
tala.
Jóhann Olsen forstöðumaður
kvað starf sitt hér í vetur hafa að
Eigandi pening-
anna ófundinn
EKKI hefur tekizt að hafa upp á
eiganda peningaseðlanna, sem
fundust á salerni Hótel Borgar
kvöld eitt í fyrri viku, en það voru
90 þúsund krónur í 100 krónu
seðlum. Grunur leikur á því, að
maður einn, sem fór til útlanda
daginn eftir, eigi aurana, en það
mun ekki sannast fyrr en hann
kemur hei/n í næstu viku.
Listmuna-
uppboðí dag
í DAG kl. 3 heldur Guðmundu'
Axelsson í Klausturhólum 18
listmunauppboð sitt að Hótel
Sögu. 87. málverk verða boðin
upp og eru mörg þeirra eftir
kunnustu málara þjóðarinnar.
Siglfirðingar
taka hitaveitulán
Siglufirói 10. maí.
I DAG gekk bæjarstjórn Siglu-
fjarðar frá 20 milljón króna láni
frá Lánasjóði íslenzkra sveitar-
félaga. Lán þetta verður notað til
framkvæmda við hitaveitu Siglu-
fjarðar. — mj.
SUNNA mun í sumar taka
upp þá nýjung í þjónustu
við farþega sína á Costa del
Sol og Cosía Brava, þar
sem margt fjölskyldufólk
dvelur í skemmtiferðum,
að reka leikskóla og barna-
gæzlu fyrir íslenzk börn og
hefur ráöiö reynda fóstru
og stjórnanda dagheimilis,
Valborgu Böðvarsdóttur,
til að stjórna þessari starf-
semi, að því er segir í
fréttatilkynningu frá
ferðaskrifstofunni.
Á Gosta del Sol verður leikskól-
inn og barnagæzlan við Las
Estrellas íbúðarhverfið, þar sem
Sunna hefur 50 íbúðir fyrir gesti
sína. Öll börn á aldrinum 2—12
ára eigá þess kost að taka þátt í
daglegum leikskóla og barna-
gæzlu frá kl. 3—8 sd. Á Costa
Brava verður þessi þjónusta sams
konar við Trimaran íbúðarhúsin í
Lloret de Mar, þar sem Sunna
hefur yfir 30 íbúðum að ráða.
Tilsögn verður veitt í sundi við
barnalaugar, kenndir leikir, farið
í gönguferðir og sitthvað fleira.
Þessi þjónusta og þátttaka
barnanna í daggæzlu og leikskól-
anum er ókeypis fyrir alla far-
þega Sunnu á stöðunum, en far-
þegar sem ferðast þangað með
miklu leyti snúizt í kringum bygg-
ingu hins nýja sjómannaheimilis
við Skipholt, slíkt væri óhjá-
kvæmilegt. Dýrtíðin er mikil og
mikla vinnu verður að leggja í að
afla fjár. Niðri við Lækjartorg
hefur happdrættisbíll sjómanna-
heimilisins staðið og sala miða
gengið allvel. Sjálfur hef ég verið
á ferðinni í miðasöluleiðangri hér
í borginni og víðar. Við vonumst
tíl að á þessu sumri verði lokið við
að steypa plötuna undir húsið,
sagði Jóhann.
5 á slysadeild
MJÖG harður árekstur varð milli
tveggja fólksbíla á Ártúnshöfða
siðdegis i gær. Fimm voru fluttir
á slysadeild, en ekki var talið að
meiðsli væru mjög alvarlegs eðlis.
Öldrunarfélagið á
móti fyrirhugaðri starf-
semi í Hafnarbúðum
AÐALFUNDl'R Öldrunarfræða-
félags Islands var haldinn 20.
aprfl sl.
Stjórn félagsins var endurkos-
ín, en hana skipa: Formaður Gísli
Sigurbjörnsson forstjóri, varafor-
maður Þór Halldórsson yfirlækn-
ir, ritari Geirþrúður H. Bernhöft
ellimálafulltrúi, gjaldkeri Tann-
veig Þórólfsdóttir hjúkrunarfor-
stjóri og meðstjörnandi Alfreð
Gísla son læknir.
Eftirfarandi samþykkt var
gerð:
Aðalfundur Öldrunarfræða-
félags Islands, haldinn þriðju-
daginn 20. april, gerir eftir-
farandi ályktun:
Fundurinn átelur harðlega þá
ráðstöfun borgarstjórnar Reykja-
víkur, að hjúkrunarheimili fyrir
langlegusjúklinga skuli verða í
húsinu Hafnarbúðir við Reykja-
víkurhöfn, en nú standa yfir
breytingar á því húsnæði.
öðrum ferðaskrifstofum eiga þess
kost að kaupa aðgangskort fyrir
börn sin og kostar það 6 þúsund
kr. fyrir vikuna.
Átta síðna
Hagkaupsblað
MED Morgunblaðinu f dag
fvlgir 8 síðna blaðauki, auglýs-
ingablað frá Hagkaup. Blaðið
er litprentað og unnið hjá
Morgunblaðinu.
„ÞÁÐ ER allt f fullum gangi hjá
okkur og mörg járn f eldinum,"
sagði Jóhann Einvarðsson bæjar-
stjóri 1 Keflavfk og stjórnarfor-
maður Hitaveitu Suðurnesja,
þegar Mbl. sló á þráðinn til hans
og spurðist fyrir um gang fram-
kvæmda við hitaveituna.
Að sögn Jóhanns var fyrir
nokkrum dögum boðinn út 1.
áfangi hitaveitulagna í Njarðvík.
Verið er að leggja aðveituæð frá
Svartsengi til Grindavíkur, en þar
er sem kunnugt unnið að krafti
við 1. áfanga hitaveitulagna, og er
vonazt til að því verki ljúki fyrir
næsta haust. Þá er verið að jafna
slóð frá Svartsengi til Keflavíkur,
þar sem aðveituæðin á að liggja.
Næstu útboð verður 1. áfangi
hitaveitulagna í Keflavík og 2.
áfangi hitaveitulagna í Njarðvik-
um og Grindavík. Verða þau út-
boð tilbúin á næstu mánuðum.
Á Svartsengi er nú unnið að
borun eftir köldu vatni, en þar
þurfa að fara fram hitaskipti á
vatni eins og margsinnis hefur
komið fram. Verður kalda vatnið
Þrír list-
viðburðir
á Húsavík
Húsavík 15. maf.
LISTVIÐBURÐIR vikunnar voru
þrfr á Húsavík. Um sfðustu helgi
var mvndlistarsýning í barna-
skólahúsinu og sýndi Alfreð
Flóki þar fjórtán mvndir við góða
aðsókn. Barnakórar Húsavfkur og
Raufarhafnar héldu söngskemmt-
un 1 samkomuhúsinu við góða
aðsókn. Stjórnendur kóranna eru
Hólmfrfður Benediktsdóttir og
Margrét Bóasdóttir.
En hápunkturinn var samsöng-
ur tónkórsins á Fljótsdalshéraði,
sem söng í Vikurnausti í gær-
kvöldi við mikla hrifningu áheyr-
enda, sem þvi miður voru of fáir.
Stjórnandi kórsins er Magnús
Magnússon, einsöngvari Sigrún
Valgerður Gestsdóttir og undir-
leikari Pavel Smid. — Frétlaritari.
Leiðrétting
á frétt um
afkomu
Hólaness h.f.
í MORGUNBLAÐINU 2. þ.m. er
birt fréttabréf frá fréttaritara
Mbl. á staðnum um atvinnulíf á
Skagaströnd. Þar er haft eftir
undirrituðum framkvæmdastjóra
Hólaness h.f., að hallarekstri sé
lokið og betri timar séu framund-
an. í þessu sambandi vill undir-
ritaður taka skýrt fram að hann
átti ekki viðtal við fréttaritarann
um þessi mál og auk þess sem
ógerlegt er að svo stöddu að
dæma um rekstrarafkomu fyrir-
tækisins. Er fullyrðing þessi því á
misskilningi byggð og í algjöru
heimildarleysi.
Virðingarfyllst,
Steindór Gíslason fram-
kvæmdastjóri Hólaness h.f.
Fyrirlestur
um yoga
FYRIRLESTUR verður haldinn
um yoga að Fríkirkjuvegi 11 hinn
17. mai kl. 8.
„Keflavíkur-
ganga” farin
í gær
HERNAMSANDSTÆÐINGAR
efndu til svonefndrar Keflavikur-
göngu í gær til að mótmæla dvöl
Varnarliðs á íslandi og þátttöku
íslands i Nató. Samkvæmt upplýs-
ingum lögreglunnar er talið að
tæplega 800 manns hafi verið á
fundi við aðalhlið Keflavíkurflug-
vallar i upphafi göngunnar í gær,
en að honum loknum héldu
nokkur hundruð göngumenn af
stað til Reykjavíkur í fylgd rútu-
bíla. Áætlað var að halda stuttan
fund í Hafnarfirði undir kvöld og
útifund i miðbæ Reykjavíkur í
gærkvöldi.
hitað upp með heita vatninu og
það síðan leitt inn á kerfið. Er að
sögn Jóhanns einnig verið að
hanna hitaskiptastöð, en hún
verður sú fyrsta sinnar tegundar í
landinu.
Ekki kvaðst Jóhann vita með
vissu hve margir störfuðu nú við
framkvæmdir á vegum Hitaveitu
Suðurnesja, því verktakar sjá um
framkvæmdir og hafa þeir ýmsa
undirverktaka. En Jóhann kvaðst
geta fullvissað blaðamann um
það, að hitaveitan veitti mjög
mikla atvinnu í sumar.